ساغيرك رغما عنك لكاتبة مى محمد

الفصل الرابع والاربعون

الفصل الرابع والاربعون
قام نادر بتوصيل مايا تحت المبني  التي تقطن بها وهناك ...
نادر بنبره حزينه : وصلنا

مايا : ومالك زعلان كده ليه
نادر : ما انتي هتسبيني خلاص
مايا : بس انا مش هسيبك انا واثقه ف وعدك ليا يا نادر
نادر : طب ممكن توعديني انتي وعد
مايا : اكييد
نادر : ممكن مسبينيش انتي تاني ابداا مهما كانت الظروف
مايا : انت ليه محسسني .. احم اننا مخطوبين
نادر : بصراحه شكلو هيحصل قريب
مايا بتحدي : يا راااجل
نادر : تحبي تشوفي
مايا بعناد : ومالو
نادر : بس متنكريش انك بت .. بتح .. بتتحديني
مايا : ايوااا طبعا  واتحدي 10 زيك
نادر : امممم طب ايه رأيك بقا اني هخطبك يا مايا وده مش هيكون غير برضاكي ومش هخطب غيرك والا هتجوز الا انتي لو حتي قعدت طول عمري اقنعك ب ده 
مايا : يبقي هتعجز جمبي لاني مش هتخطب لواحد رخم زيك
نادر بأبتسامه : مجنونه بس اعمل ايه ماشي يلا اطلعي دلوقتي واول ما توصلي فوق بصيلي عشان اتطمن عليكي
مايا وهي تخرج له لسانها : لا يا رخم مش هبص لحد انا انت نسيت انك ف فتره عقاب والا ايه
نادر : ااه صح لسه مفكرتيش ليا ف عقاب
مايا : تؤتؤ
نادر : طب لما تعرفي ابقي قوليلي والا اقولك انا اتصل بيكي كل ساعه اتطمن عليكي آآ اقصد ع العقاب لازم الواحد يتعاقب برضو
مايا : هههههههه مش هرد وده مبدأيا كده العقاب الاول
نادر : ايه ده هو في كام عقاب
مايا : متعدش يا عم
نادر : اممممم طب يلا اطلعي بقا وبجد هتصل بيكي وتردي اتفقنا عشان مقلقش والا هتلاقيني عندكو ف نص الرسبشن جاي اتطمن عليكي ومش هيهمني حد 
مايا : علي فكره يعني انا مش بخبي عنهم حاجه وهقول علي كل اللي حصل معايا بس لما نرجع
نادر : كل حاجه كل حاجه
مايا : ايوا كل حاجه كل حاجه امال انت فاكر ايه يعني انا مش من البنات الفرافير
نادر : لا طبعا استغفر الله فرافير ايه انتي ابو المجدعه
مايا : امممم ايوا كده اتعدل طيب انا طالعه بقا باي باي
نادر : سلام يا فارفوري
صعدت مايا الي منزلها بينما ظل نادر اسفل العقار منتظرا اياها حتي تقوم بالاتصال به واخباره بأنها وصلت ولكن لم تتصل مايا مما زاد من قلق نادر وكان علي وشك الصعود ليري ما يحدث معها حتي رأاها اتيه بأتجاه سيارته مره اخري و ...
نادر : ايه ده لحقت اوحشك بسرعه كده
مايا : يا ابني بطل خفه شويه انا خايفه عليهم اوي
نادر : ليه هو حصل لحد فيهم حاجه
مايا : مش عارفه عماله ارن علي موب بابا وماما مغلق وادهم مش بيرد عليا خالص مش عارفه هعمل ايه
نادر : طب رني علي ادهم تاني كده
مايا : اهووو .
وبعد بضعه دقائق
مايا وهي تزفر : اوووف بقا كده كتير
نادر : مش بيرد
مايا بضيق : لا انا متعصبه مني لنفسي كده
نادر : طب استني انا ابويا بقا صاحب باباكي من فتره يمكن يكون عارف هم فين استني اما اكلمو
قام نادر بالاتصال بوالده ليسئله اذا كان يعرف مكان عائله عادل مصطفي وكانت المفاجأه لنادر انه علم بأن عادل وزوجته متواجدين بالفيلا عندهم لم يصدق نادر في بدايه الامر ولكن بعد ان قام والده بتأكيد ذلك له فهم نادر ما حدث وما ان اغلق الخط مع والده حتي ارتسمت علي شفتيه ابتسامه عريضه و ..
مايا بلهفه : هاااا طلع عارف مكانهم يا نادر 
نادر بأبتسامه : شكل كده القدر مش عاوزنا نبعد عن بعض
مايا : يا نادر انا ف ايه والا ف ايه انا عاوزة اعرف فين عيلتي وانت فايق للهزار
نادر : موجودين ف اأمن مكان ف العالم واحلي مكان ف الدنيا كلها
مايا بنفاذ صبر : نااادر هم فين بقا اتكلم والنبي
نادر : ف الفيلا عندنا
مايا بصدمه : بتقوووول اييييييه
..........................................................................................
في مقر المخابرات المصريه كان ادهم يجلس في المكتب الخاص بأحد اصدقائه ممسكا بملف طاهر المغربي ثم بدأ في فتح الملف واخذ يتطلع عليه بتفحص شديد ولكنه لم يجد اي شئ غريب فيه سوي بضع قضايا النصب التي رفعت عليه مما اثار غضب ادهم و ...
اسلام ( ظابط بالمخابرات المصريه وهو صديق ادهم ) : يا ادهم باشا قلتلك مش هتلاقي اي حاجه ف الملف ده مش عارف انت ليه مصمم تقراه ما كلنا عارفين ان الراجل ده ماشي مشي بطال
ادهم بضيق : الغريبه ان كل اجهزة الامن عارفين ان الراجل ده ليه بلاوي كتيره اوي ده تاجر سلاح كبييير جدا وبيدخل ف صفقات ملهاش نهايه
اسلام : لا ومش يسكت بقا ويتهد كمان فاتح شركات سياحه قد كده المشكله انو مقتنع ان محدش بجد عارف بلاويه
ادهم : يا باشا كلو عارف بس ساكت اللي منهم الراجل ده بيوجب معاه ويسكتو واللي منهم بيتحمق ويعمل نفسه زعيم وعاوز يخلص عليه ويكشفو  وتاني يوم يبقي فص ملح وداب واللي منهم  واللي مهم
اسلام : بس انت مهتم بيه اوي كده ليه يا ادهم  هو موضوع المهمات ده مش تخصصك اصلا انت ظابط شرطه
ادهم : عادي يا اسلام بيه للعلم بالشئ
اسلام : برضو يادومه عليا انا للعلم بالشئ تخليني ادورلك ف الملفات المحظورة لما طلع عيني عقبال ما جبتلك الملف وتقولي للعلم بالشئ ياراجل قول كلام غير ده
ادهم : هقولك يا اسلام بس الكلام ده ميطلعش منك انا عارفك ميتبلش ف بوقك فوله
اسلام : عيييب يا برنس انا كاتم اسرارك
ادهم : ربنا يستتر بص يا سيدي كل الحكايه اني ...........
وقص ادهم لزميله ما حدث معه وما رأاه وتصرفات والده الغريبه بالاضافه الي قرار ان يجعل زفافه ب ايطاليا
اسلام : امممممم تفتكر ممكن يكون ابوك شريكه
ادهم : لا طبعا هو مش عشان ابويا بس بجد هو ف حاله وعمره ما مشي بطال
اسلام : ياعم ما كلو بيقول الكلمتين دول وف الاخر بيطلعو ...
ادهم مقاطعا بحده : اسلاااام لو سمحت انت بتتكلم عن والدي انا بس عاوز اعرف ايه اللي يخلي ابويا انا اللي طول عمره ف حاله وشغال ف شئون العاملين موظف بسيط يتورط مع راجل بالخطورة دي وكمان الراجل ده يبعت كارت مكتوب عليه استعدو الدور قرب عليكو يا نهار اسود يعني كده احنا ف خطر
اسلام : البببس
ادهم بعصبيه : ده وقتو يا عم اسلام انت كمان
اسلام : طب بص انا هنصحك نصيحه لوجه الله انت تفضل عامل نفسك لامؤخذه يعني عبيط وتراقب ابوك مش انت بتقول انو راح عند فوزي الدمنهوري
ادهم : ايوا كلمني من شويه وقالي انو هناك وانو اتطرد بس الاسطوانه الحمضانه دي مش داخله دماغي بصراحه هو ايه ده اللي اتطردنا يا ادهم والحقني هو ابويا شايفني برياله لا واتطردو وسبحان الله راحو لفوزي كده
اسلام : ههههههه شكلو مستقل بيك كده يا معالي الباشا
ادهم : طب ياباشا انا خجلان منك والله بس عاوز اطلب من معاليك طلب
اسلام : طبعا يا ادهم بيه اتفضل
ادهم : انا عاوزك تجمعلي كل الورق اللي بيتعلق ببلاوي اللي اسمه طاهر ده دي مش هتكون حاجه صعبه عليك انت حبايبك كتير اوي واكيد حد من اللي انت تعرفهم خدم طاهر ده زمان
اسلام : امممم هي حاجه سهله عليا بس انت عارف يا باشا كل الورق بتاع الصفقات ده بيتحرق دايما بعد اي صفقه طاهر ده مش سهل برضو واهو ده بقا اللي بيعمل الجريمه الكامله ده عامل زي التعبان بالظبط يستني يستني ويضرب ضربه واحده توقع اللي قدامه و يفضل يعصره لحد ما ياخد اللي هو عاوزة
ادهم : معلش يا باشا انت برضو مش شويه ده انت الخير والبركه عاوزك تقولي اي معلومه بس ضد اللي اسمه طاهر ده
اسلام : هحاول يا باشا بس مبدئيا كده في بت مذيعه اسمها اروي البت دي مش سيباه ف حاله من النوع اللي مبيسكتش عماله تنخرب وراه وهو كل مره يحاول يتخلص منها وتطلع تفضحه تاني لحد ما وقفوها عن العمل وبقالها سنتين محدش سامعلها حس ولا خبر بس اللي انا متأكد منو انها عارفه عنو بلاوي واكيد البت دي ممكن تساعدك وانا كمان معاك يا باشا
ادهم : احبك بقا وانت فايق معايا يا باشا طب متعرفش عنوان البت دي
اسلام اديني يوم واعرفهولك
ادهم : لا ده كده تجيب دماغك الفل دي ابوسها ايه الالماظ ده ياااض من امتي يعني
اسلام : طول عمري بس محدش مقدرني
ادهم : انت هتقولي يا اخويا طيب انا  مضطر اقوم ارجع الخدمه تاني احسن انا مستئذن ساعتين كده ف ستر الليل وشكل المأمور بيشيط مني دلوقتي يلا سلام عليكو ومتنساش اللي قلتلك عليه يا اسلام والنبي الموضوع ده مهم عندي اوي
اسلام : عيب عليك يا كبير يلا روح انت شغلك واتكل علي الله وسيب الموضوع ده عليا وبكرا المغرب بالكتير هجبلك عنوان البت دي
ادهم : حبيبي يا باشا تسلم
اسلام : تلامذتك يا كبييير مع الف سلامه
ادهم : سلام
اسرع ادهم نحو مقر خدمته بعد ان انتهي وقت الاستئذان الخاص به وكان يفكر في طريقه الي هناك في انه سوف يجعل تلك المذيعه تشترك معه وتعطيه معلومات عن طاهر ويعملون علي الايقاع به معا ف حسب حديث اسلام عنها اتضح لادهم بأنها مستعده لفعل اي شئ للايقاع بطاهر وخاصا بعد ان تسبب طاهر بفصلها من عملها كان ادهم ينتظر حلول الصباح بفارغ الصبر ليتمكن من ان يذهب الي فيلا الدمنهوري ويقوم بالتجسس علي والده او كما  اطلق عليه ادهم معرفه الحقيقه وراء العلاقه بين طاهر ووالده
.....................................................................................................
عند مايا ونادر
نادر : ايه هو انا بقلك هم ف بيت الرعب
مايا : لا ابويا وامي بيعملو ايه عندكو
نادر : هفهمك ف الطريق تعالي بس نروح هناك
مايا طب افتح شنتطه العربيه عشان احط شنتطي
نادر وهو يمسك بحقيبه مايا : ياااادي الشنطه اللي مزهقاني بيها دي تلاقي اصلا مفهاش هدوم
مايا : ليييه عامله زي ناس انا والا ايه لسه بالهدوم بتاعتها والا تحب اجبلك بطه انطي عواطف تفكرك
نادر : لا لا عواطف مين ده كانت عاوزاني اشرب طرشي يا مايا انا هشرب طرشي ييييع
مايا : اممممم يعني مش بتحبه
نادر : انا مش مستريحلك
مايا بأبتسامه شيطانيه : انا لييه بس ده انا ملاك رحمه
نادر : هو من نحيه ملاك ف انتي اكتر من ملاك انتي ملاكي يا مايا
مايا : طب يلا يا سواق سوق بينا علي الفيلا واستعد للي هيحصلك
نادر : استررررهاااا ياااارب والنبي تخففي العقاب يا مايا
مايا : متقلقش يا نادر مش انا برضو اللي اعمل عقاب شديد
نادر : انتي هتقوليلي يا اختي خليني سايق بقا وانا ساكت
مايا : اوك سوق سوق
اتجه كلا من نادر ومايا نحو الفيلا ولكن عندما دلفا الي الداخل كانت الاضواء غير مشتعله ولم يكن هناك احدا مستيقظا بالفيلا و ...
مايا بقلق : نااادر هو المكان مضلم كده ليه
نادر : مش عارف شكل كده الانجليز هجمو ع الفيلا وخدوهم اسري حرب
مايا : طب فين النور اللي ف بيتكو هنا ما تفتحه يا ابني والا هنفضل ف العما ده كتير
نادر : ...........
مايا بقلق :  ن .. نادر انت مبتردش ليه
نادر : .........
مايا : لا يا نادر والنبي متستهبلش فيها ورد انا خايفه
نادر : .............
مايا : طب يارب لو مرددش امو....
لم تكمل مايا حديثها واذ بنادر يأتي من خلفها ويحيطها بيده ويضعها برفق علي فمها و ...
نادر : مش انا قلت ما تقوليش الكلمه دي تاني يا مايا المرة الجايه هتكون بزعله وشفتي بقا ازاي وانتي بعيده عني بتخافي عشان تعندي بعد كده تنكري انك متطمنه دلوقتي
ازدات دقات قلب مايا حتي اصبحت يمكنها سماعها اجل بالفعل هي تشعر بالامان والسعاده عندما يكون نادر بالقرب منها ولكن هي كأي فتاه شرقيه لا يمكنها البوح بذلك لان هذه هي اخلاق المرأه العربيه لا يمكنها ان تتفوه بذلك الا في الحلال لذا ففضلت مايا ان تصمت الي ان يتقدم نادر لخطبتها كما قال ولكنها لا تنكر بأنها غارقه في حب نادر فهي اصبحت تريد قربه منها دائما اصبحت تتمني لو انه لا يتركها ولو للحظه واحده ..... شعرت عندما كان سيتزوج مايا بأن شئ ما بداخلها تحطم ولكنها كانت تنكر ذلك لانه كان يعاملها بقسوه
مايا : انت .. انت ازاي تعمل كده
نادر : انا معملتش حاجه انا سكتتك بس عشان تعرفي الحقيقه قدام نفسك
مايا : حقيقه ايه
نادر : يعني انتي مش عارفه
مايا : لا مش عارفه
نادر : اني بح
لم يكمل نادر حديثه واذ بصباح تضيئ مصابيح المكان الذي يقف به الجميع و ...
صباح : ايه ده نادر بيه وايه ده كمان دتورة مايا
مايا وقد ابتعدت عن نادر مسرعه نحو صباح : صبااااح وحشتيني جدا علي فكره
صباح وهي تحتضن مايا : وانتي كمان والله يا دكتورة وحشتيني جدا يا خطوه عزيزة يا خطوة عزيزة والله الفيلا نورت
مايا بأبتسامه : منوره بأهلها وكللل اللي فيها
صباح : طيب اسيبكو انا بقا انا بس سمعت صوت جاي من برا خفت ليكون حرامي بس كده خلاص انا اتطمنت انتي عارفه فين اوضه الضيوف يا مايا هانم
مايا :يا صبووحه انا اسمي مايا مش مايا هانم والله ازعل منك لو قلتي كده تاني واوضه الضيوف ايوا انا فكراها مش هي التالته ع اليمين
صباح : ع الشمال يا بنتي
مايا : اها افتكرت خلاص انا هطلع انام فيها انشاء الله
صباح : انا مجهزهالك من الصبح
مايا : ربنا يخليكي يا صباح تعبتك معايا
صباح : ولا تعب ولا حاجه يا بنتي طيب عن اذنكو
مايا : اتفضلي
نادر في نفسه : ده وقت تيجي فيه انتي كمان يا صباح ده ايه القرف ده ياربي كنت خلاص هنطق انا مش عارف جبت الشجاعه دي منين اصلا عشان اقلها كده وصباح تجيلي يا وليخه روحي شوفي ابو العيال عاوزو منك ايه
مايا وهي تلوح بيدها امام وجه نادر : يا نااااادر
نادر وقد افاق من شروده : ها .. في ايه
مايا : انت كنت سرحان ف ايه كده
نادر : هيكون ف مين يعني غير اللي ف بالي دايما
مايا : لبني صح
نادر : اعوذ باللخ ناقص تقوليلي صباح لا لا استغفر الله يا شيخه لبني مين
مايا : هههههههه طيب انا طالعه انام بقا
نادر: هتنامي فين
مايا : اوضه الضيوف
نادر بخبث : اوعي تغلطي وتدخلي اوضتي بالغلط يا فارفوووري
مايا : لا متخافش انا خلاص حفظت مكانها يلا سلام
نادر : طب مش عاوزاني اشيلك الشنطه لحد فوق
مايا : لا
نادر : اوننسك يعني لحد ما تطلعي
مايا : برضو لا
نادر : طيييب تصبحي علي خير
مايا : وانت من اهله
صعدت مايا الي غرفه الضيوف ثم قامت   بتبديل ملابسها وارتمت علي الفراش الضخم الموضوع بالغرفه واغمضت عينيها لكي تتمكن من النوم ولكنها لم تستطيع فبالرغم من شعورها بالتعب الشديد والارهاق الا انها لم تستطيع ان تنام لانها لم  تتعود ان تنام في فراش غير فراشها او غرفه غير غرفتها ظلت تنظر الي الغرفه حولها في خوف شديد  ولكن سرعان ما تغلبت علي هذا الخوف وقررت ان تنام ولكن مره اخري منعها شئ ما من النوم وهو انها كمانت تتضور جوعا فهي لم تأكل شئ منذ الصباح اخذت تتقلب في فراشها وتشغل بالها بأكثر من شئ  وكلن بدون جدوي
مايا في نفسها : الله بقا هو انا هفضل كده للصبح لا انا لازم اكل بس اكل ازاي يارب وانا مش ف بيتي يووه انا جعانه اوي
لم تكمل مايا جملتها حتي رن هاتفها برقم نادر شعرت مايا بسعاده شديده عند اتصال نادر بها وقالت بأنه يشعر بأنها ليست علي ما يرام ثم قررت ان تقوم بالرد عليه و ...
نادر : احم الو يا فارفورة هانم
مايا : الو يا نادر
نادر : احب تكون الخدمه عندنا عاجبه سيادتك يا فندم
مايا : بصراح يا نادر انا  يعني ... مكسوفه اقولك ...
نادر : في ايه يا مايا اتكلمي ومتخافيش
مايا : بصراحه بقا انا جعانه
نادر : ااااه ... انتي صحيح مكلتيش حاجه من الصبح طب علي فكره انا كمان جعان و جدا
مايا : طب هنعمل ايه بيتكو فيه ايه يتتاكل
نادر : مش عارف الصراحه
مايا : امممم طب ده اول عقاب ليك
نادر : استتتتر
مايا : بص انت تجهز نفسك وتلبس المريله وانا هحصلك ع المطبخ وتعملي اي حاجه اكلها
نادر : لا طبعا انا مستحيل اعمل كده  انسسسي
وبعد قليل في مطبخ الفيلا
مايا : هههههههه شكلك مسخره ف المريله يلا يا ست هانم اعمليلنا طبخه علي ذوقك من ايدك اما اشوف نفسك ف الاكل
نادر : عاجبك شكلي وانا زي الاهبل كده ولابس مريله وطربوش الشيف ده
مايا : ده انت شكلك كيوت استني اما ناخد سيلفي للذكره
نادر : ههههه ومالو اول مره اطبخ فيها
مايا : طب طلع موبايلك ويلا نتصور
نادر وقد اخرج هاتفه : اهو تعملي بوز بطه والا لسان
مايا : لا اضحك ف الصورة  بلاش التسول ده
نادر : طي قولي كننا مخطوفييين
مايا : كننا مخطوفييييين
نادر : ههههه الله شكلها حلو اوي
مايا : لا  انا طالعه فيها مش حلوة
نادر : خلاص بقا بقت معايا ف الامانات المهم تحبي تاكلي ايه عظمتك
مايا : امممم انت بتعرف تعمل ايه
نادر : انا بعمل شاي وقهوه
مايا : لا يا شيييخ لا هتبقي ست بيت شاطره 
نادر : اسكتي بقا انا مستحملك بالعافيه بسبب طقيه الارجوز اللي ملبسهالي دي
نايا : دي طرطور الشيف ... طب بص انا راحه اتفرج ع التلفزيون لحد ما تعملي حاجه اكلها مفهوووم
نادر : حاضر يا فندم خدي  بالك  بقا شويه وهتلاقي الفيلا مولعه وانا هبقي الضحيه وكل ده بسببك
مايا : طب وفيها ايه خساره فيا
نادر : لا خساره ليا
مايا : بلاش عطله ويلا ع المطبخ
نادر : اهو اهو بسرعه
ذهبت مايا لتشاهد التفاز وهي تنتظر ما سوف يفعله من اجلها نادر وبعد قليل اتي ناددر وبيده صحن كبير من الفشار ووضعه امام مايا ولكنها لم تهتم لذلك
نادر : اهو يا ستي الاكل
مايا : .....
نادر : ايه ده شكلك مندمجه كده ايه ده انتي بتعيطي في ايه يا بنتي ده فيلم up
مايا : شايف الولاء ايلي ماتت وهو عاوز يحققلها حلمها وبيوفي بوعده مش زي ناس
نادر : امممم يعني انتي بتحبي الفيلم ده
مايا :اها اوووي
نادر : اممم طيب
وبعد سهره طويله بين نادر ومايا قام كلا منهما لاداء صلاه الفجر ثم خلد كلا منهما الي النوم بغرفته اتجه نادر نحو غرفته بينمكا مايا نحو غرفه الضيوف وغاصت في نوم عممييق وهي تشعر بسعاده تملئ قلبها وكان الحال بالمثل عند نادر فقد كان يشعر وكأن قلبه يريد الخروج من بين ضلوعه ويرقص علي الحان مايا كان ينتظر نادر زفاف ادهم بفارغ الصبر لينفذ ما بباله لانه يخطط ل .......!
في الصباح استيقظ الجميع ثم تجمعو حول السفره ليتناولو فطورهم واستئذن فوزي ليذهب الي العمل ولكن نادر قرر ان يجلس بالمنزل مدعيا المرض و ...
فوزي : يعني مش هتيجي معايا الشركه النهارده  يا ابني
نادر بنبره يظهر بها التعب : لا يا بابا انا تعبان مش قادر
فوزي : علي بابا ياض
نادر مدعيا المرض : اااه يا نااس تعبان ومحدش حاسس بيا
فوزي : خلاص خلاص انت بمنظرك ده هاخدك واشحت بيك ف السيده انا نازل حد عاوز مني حاجه
الكل : شكرا اتفضل
وبعد ذهاب فوزي ............
امنيه : امال فين مايا
نادر : هي جات معايا امبارح وبعدها طلعت نامت فوق
سميره بأستغراب : جات معاك !!
نادر : دي حكايه طوييييله تبقي تحكيهالكو مايا لما تصحي بقا
سميره : والله وحشتني اوي بقالي اسبوع مشفتهاش
نادر في نفسه : اذا كانت هي كننا انا وهي سوا وكانت وحشاني امال انتي تعملي ايه يلا اديني هصلح كل حاجه تاني بس ياتري ايه هو عقابها ليا
سميره بخجل : انا اسفه والله يا امنيه هانم عارفه اننا تقلنا عليكو بس غصب عننا والله
امنيه : لا طبعا يا سميره متقوليش كده الفيلا فيلتكو وعاوزاكي تاخدي راحتك فيها خالص والله لو سمعت الكلام ده منك تاني انا هاخد علي خاطري منك
سميره : متزعليش مني والله ده بس من كسوفي
امنيه : ولا كسوف ولا حاجه ده انتو منوريننا والا ايه يا نادر
نادر : بصراحه عمر ما حسيت ان فيلتنا حلوة كده الا بعد ما انتو جيتو هنا
سميره : ميرسي يا حبيبي علي ذوقك
نادر : انا مش بجامل والله وبعدين ياريت تفضلو معانا هنا علي طول وبصراحه بقا انا عاوز اعمل كده فعلا وكنت عاوز افاتح عمي عادل ف الموضوع ده بس مجاتش فرصه فقلت امهد لحضرتك الموضوع الاول
سميره بترقب : موضوع ايه يا ابني !!
نادر : بصراحه انا عاوز اتقدم لمايا
سميره بفرحه : انت بتتكلم بجد يا ابني
نادر : ايوا طبعا انا مش كام شهر كلمت بابا ف الموضوع ده وكان رأيي اننا نستني لحد ما نعرف في قبول والا لا بس انا دلوقتي واثق ان في قبول ولو انتو وافقتو انا هفاجئ مايا بطريقتي ما تقولي حاجه يا ماما
امنيه بأبتسامه عريضه : اقول ايه يا ابني هو احنا نلاقي احسن من مايا وانا موافقه طبعا بس فاضل قبول حماتك وحماك
نادر : وانا مستني القبول ده حتي لو بعد 100 سنه بس متتأخروش ها
سميره بأبتسامه : طبعا يا ابني اديني بس فرصه افاتح عادل بالموضوع وابلغك
نادر : وهو كذلك وانا مستني الرد بفااارغ الصبر بس ياريت لو عمي عادل وافق محدش يقول لمايا انا هفاجئها بنفسي وهتفق معاكو علي كده اتفقنا
سميره \ امنيه : اتفقنا
في نفس التوقيت كان ادهم قد وصل بسيارته امام باب الفيلا ثم دلف الي الداخل بعد ان سمح له الحراس بذلك بناءا علي تعليمات فوزي الدمنهوري وما ان دلف الي المكان الذي يجلس به الجميع حتي
ادهم : احم .. السلام عليكم
الكل : وعليكم السلام
نادر وقد اقترب منه وقام بمصافحته : اهلا ادهم باشا منور الفيلا والله
ادهم بأبتسامه : منوره باللي فيها
نادر وهو يضع يده علي كتف ادهم : طب يلا اعرفك بالعيله الكريمه احم ايه ده مفيش الا واحده ما علينا دي تبقي والدتي يا سيدي امنيه هانم
ادهم وهو يشير برأسه معلنا التحيه : اهلا وسهلا يا هانم اتشرفنا
نادر : وطبعا انت عارفني اتقابلنا قبل كده ف المستشفي
ادهم : ودي حاجه تتنسي انا طبعا متشكر جدا
قطع حديثهم صوت مايا من اعلي الدرج .........
مايا بفرحه مختلطه بالدموع : ادهممممم
ثم قامت مايا بالاسراع في النزول من اعلي الدرج متجهه نحو ادهم ثم قامت بأحتضانه والدموع تسيل علي وجهها .....
مايا بصوت متقطع بسبب شده البكاء : و .. وحشتني يا ادهم
ادهم وهو يحتضن شقيقته : وانتي كمان يا اوزعه بس بقا بطلي عياط
مايا وهي تشهق بشده : بس ... بس انا كان نفسي تكون جمبي وانا ....
ادهم بأستغراب : وانتي ايه يا مايا
مايا بأرتباك : ها والا حاجه اقصد وانا مسافره
ادهم وقد ابتعد عن مايا ثم نظر الي وجهها وكأنه يعرف انها ليست علي ما يرام : مايا في ايه حد عملك حاجه
مايا : لا انتو بس وحشتوني
سميره وهي توجه لادهم خبطه رقيقه علي كتفه : بس بقا يا واد هو تحقيق
مايا بسعاده : مامااا
سميره وهي تفتح لها ذراعيها : وحشتيني يا حبيبتي
مايا وهي تحتضن والدتها : وانتي كمان يا روحي كان نفسي اجي من هناك مخصوص عشانك
سميره : بس يا مايا بطلي عياط يا حبيبتي كلنا بقينا جمبك اهو
مايا وهي تحاول تهدأت روعها  : مش عاوزة ابعد عنكو تاني
سميره : والا احنا يا حبيبتي بس بقا قطعتي قلبي
امنيه من بعيد : طب وانا يا ميمو موحشتكيش
مايا بأبتسامه : موننني طبعا وحشتيني جدا
امنيه : طب فين الحضن بتاعي بقا
مايا وهي تحتضن امنيه : احلي حضن لاحلي موني ف الدنيا
امنيه : والله وحشتيني يا بنتي
مايا : وانتي كمان وحشتيني جدا
امنيه : خلاص بقا ايه الجو ده فرفشي كده عاوزة ضحكتك تنور وشك ويلا افطري وحصلينا ع الجنينه وانت يا ادهم غير هدومك واوضه نادر فوق مخصوص عشانك
ادهم : طب ونادر هينام فين
نادر وهو ينظر الي مايا : لا انا عادي ممكن انام علي اي كرسي اتمرمتط بقالي اسبوع وضهري اتكسر اتعودت علي نومه الارض
مايا وهي تصفر وتنظر الي السقف : فووو فووو
ادهم : لا برضه مينفعش
نادر : يا معلم مفيش حاجه اسمها مينفعش انت دلوقتي تطلع تانم وبعدها نحلها سوا
ادهم : بس انا مش هنام ومش هنقعد
نادر بأستغراب : مش فاهم
ادهم : انا جاي اخد امي واختي وابويا عشان نمشي من هنا
نادر بصدمه : ايييييه
وحصصصصصصل .....