ساغيرك رغما عنك لكاتبة مى محمد

الفصل العشرون

الفصل العشرون
عادت مايا اللي المنزل وهي تعيد التفكير فيما سوف تفعله لنادر وذهابها اللي تلك الفيلا مره اخري ثم قررت ان تستشير والدتها و ...
مايا : ماما انا عاوزة اقعد معاكي شويه
سميره : خير يا ميمو في حاجه والا ايه
مايا : بصي هو قرار عاوزة اخده بس انتي عارفه انا مش باخد اي قرار الا اما افكر فيه كويس اوي وكمان اخد رأي الناس اللي بتحبني وهتنصحني صح مش اي نصيحه كده تقضيه واجب وخلاص
سميره : عين العقل يا بنتي ايه بقا الحكايه
مايا : بصي يا ماما انا هحكيلك كل حاجه بس توعديني متجبيش سيره لحد
سميره : اوعدك يا بنتي يلا بقا وقفتي قلبي
مايا : بصي يا ماما انا كنت بشتغل عادي جدا ف المستشفي وجالي ف يوم دكتور علاء وقالي انو مشغول اليومين دول وعندو حالات وعمليات كتيره اوي وطلب مني امسك حاله كده بداله وانا يعني مكانش عندي شغل كتير اليومين دول ف قلت اشرف علي المريض بداله ووافقت ف بعدين قالي انو في حاجه ممكن تخليني اغير رأيي ف الموضوع ف قلتله اييه
فلاش بااااااااك
علاء : بس يا دكتورة في مشكله كده ممكن تخليكي تغيري رأيك ف الموضوع
مايا : خير يا دكتور
علاء : بصي يا مايا الموضوع ان فوزي الدمنهوري المريض اللي انتي هتشرفي عليه عنده ابن بصراحه موارهوش حاجه غير انو يسهر ويسكر وحاجه زفت يعني وانا بصراحه خايف عليكي ..احم اقصد يعني خايف احسن يتعرضلك او تعملي معاه مشاكل وفوزي الدمنهوري بنفوذه ممكن يمشيكي من المستشفي
مايا : امممم هو ده الموضوع يا دكتور
علاء : اه يا دكتور هو ده بصراحه دي الحاجه الوحيده اللي انا متضايق انك هتشرفي عليه بدالي فيها
مايا : بص يا دكتور انا هكون ف حالي ولو اتكلم معايا وحاول انو يستظرف فأنا هعرف اوقفه عند حدو كويس اوي ودي حاجه بتاعتي انا يا دكتور متقلقش وكمان هو هيكون ف ايه والا ف ايه ده باباه تعبان وف العنايه المركزه
علاء : عندك حق يا مايا انتي فعلا ميتخافش عليكي
مايا بأبتسامه : متشكره اوي يا دكتور انك حذرتني
علاء : لا شكر علي واجب يا مايا ده انتي زي اختي
مايا : شكرا يا دكتور عن اذنك
علاء : اتفضلي
باااااااااااك
سميره :  والله ابن حلال انو قالك كملي ايه اللي حصل بعدها
مايا : بس يا ماما وبقيت مش متأكده بقا هل اروح واشرف علي المريض والا لا وابعد عن الشر وغنيله زي ما المثل بيقول بس ف الاخر قلت انا ايه اللي هيخليني ما اروحش مانا هتعامل معاه بحدود وخلاص ده ان اتعاملت معاه اصلا وتاني يوم رحت المستشفي عادي جدا وبدأت اشرف عليه لقيت حد دخل اوضه العنايه انا افتكرتها ممرضه والا حاجه طلع واحد انا مكنتش عارفه هو يبقي مين بعديها اكتشفت انو يبقي ابن فوزي الدمنهوري اسمه نادر وبعدين عملنا مشاده بالكلام علشان  مكانش راضي يطلع برا ودي عنايه مركزة طبعا مش مسموح لاي حد والسلام يدخل فيها بس تاني يوم بقا لقيته جاي يعمل معايا مشكله وجايب صور ليا لما كنت مع ادهم وبدأ يوزعها علي الناس اللي موجوده انا طبعا كنت ف حاله صدمه من اللي بيحصل مكنتش عارفه ازاي واحد يعمل كده اصلا من غير ما يتأكد مين اللي معايا اصلا
سميره : يا نهااااار اسود يا مايا طيب وعملتي ايه ف المصيبه دي
مايا : عيب عليكي هي بنتك يتخاف عليها برضو عرفتو مقامو كويس ووضحت لكل اللي واقفين ان اللي معايا ف الصورة ده يبقي اخويا واني مش بعمل حاجه غلط ومحدش ليه حاجه عندي عشان ابرر لحد ورحت لطشاه بالقلم ومشيت عادي جدا بعدين رحت قعدت ف قسم الاطفال شويه وبعدها رحت اكمل شغلي عشان معرفتش اشرف علي فوزي الدمنهوري كويس لقيت ان الممرضه اللي معايا تعبت فجأه وهي يعني ست كبيره ومكانتش هتقدر تقعد ف ورديتها  ف قلت اروح استأذن المدير انها يعني تمشي وحد غيرها يستلم الورديه بداله بس هو راجل استغفر الله العظيم صعب اووي ومرضيش
سميره : ياادي النيله طيب واتصرفتي ازاي
مايا : انا مرضتش اخليها تكم وقلتلها تمشي وقررت اني هقعد مكانها بس شرط انها  متجبش سيره لاي حد عشان منتئذيش وهي وافقت وبعدها روحت علي بيتها وانا فضلت قاعده
سميره :يعني ده اليوم اللي قلتي فيه انتي وادهم انكو هتسهرو برا
مايا : اها هو يا ماما
سميره : طيب يا مايا ينفع برضو تعملي حاجه زي كده وتفضلي برا البيت
مايا : يا امي انا دكتورة وكان ممكن يكون عندي نبطشيه واقعد او عمليه عادي يعني
سميره : مااشي يا مايا هعديهالك كملي
مايا : بس ف لما كنت قاعده هناك ف العنايه طبعا كنت متطمنه عشان كان في برا امن ومره واحده لقيت النور قطع وسمعت صوت رجل ماشيه برا ف الطرقه
سميره : يلهوووي ده انتي اكيد اتفزعتي
مايا : اتفزعت بس ده انا كنت حاسه اني روحي طلعت مني .. ما علينا ف بعدين قلت ممكن يكون ده دكتور او ممرضه ولو عرفو اني موجوده هيقولو للمدير وممكن يكون فيها قطع عيش ف قلت استخبي وكان في كرسي عريض كده حاطينه عشان الممرضات اللي بتقعد بليل وكان محطوط جنب الحيطه ف قلت استخبي وراه وشويه ولقيت الباب بيتفتح وحد دخل ف معرفتش افسر ملامحه عشان النور كان قاطع بس جه تاني بسرعه وكانت بقا اكبر مصيبه لما شفت وش اللي دخل كان نادر ابن فوزي الدمنهوري
سميره : ياادي النيله طب وبعدين
مايا : بس فضلت مستخبيه وسمعت اللي هو قاله لابوه كان بيتكلم عن ان حد كسره وفي بنت كان بيحبها وسابها وانو مكانش وحش كده زي ما الجرايد والمجلات بتكتب عليه وانو نفسو يرجع تاني بس مش لاقي حد يوجهه للطريق الصح
سميره : ايوا يا بنتي اوعي يكون عرف انك هناك
مايا : لا انا فضلت مستخبيه وبعدها هو مشي وانا كنت ف حاله صدمه من اللي سمعته يعني اتضايقت لما حكمت عليه غلط بصراحه بس هو ف نفس الوقت تصرفاته تضايق
سميره : ايوا فهماكي كملي
مايا : بس انا كنت ساعتها تعبانه جدا عشان مش كلت والا نمت بقالي يومين ف قلت اغفل شويه وبعدها صحيت علي صوت رعبني وبيقولي يا دكتوووور ف اتنطرت من مكاني ولما بدأت افوق اكتشفت ان ده مديري وراح مهزئني شويه وبعدها طردني انا محستش بنفسي ورحت وقعت واغمي عليا ولما فوقت لقيت مييين ف وشي
سميره : اكييد نادر
مايا : اللهم صلي ع النبي بدأتي تفهمي اهو صحيت لقيتلك ده قدامي وبيقولي انو نقلني علي الاستقبال بسرعه وقالي انو ادهم اتصل وهو قاله اني تعبت وادهم جاي ياخدني وبعدها انا قعدت اعيط عشان اتطردت من الشغل اللي بقالي قد كده برتبله ونفسي فيه بس هو راح قالي انو هيرجعني الشغل تاني انا بصراحه مكنتش مصدقاه وبعدها جه ادهم وروحنا علي هنا وفضلت اليومين دول لا باكل والا بشرب كنت شبه ميته يعني وكنت عماله احلم الحلم اللي قلتلك عليه واصحي علي الفجر بس بعدها لقيته بيكلمني وبيقولي علي الشغل ف الفيلا زي ما ادهم قالكو بقا  ف رحت هناك اشرفت علي والده عادي جدا وبعدها وقفت ف الجنينه شويه لحد ما ادهم يجي لقيت ده جاي يجر ف شكلي ويقولي انتي جبانه وكان بيستهبل فأنا افتكرت اللي علاء قالهولي وقلت اما اوقفه عند حدو بدل ما يستهبل معايا كتير ورحت احم يعني وقعته ف البسين
سميره : عملتييي ايييييه وقعتي نادر الدمنهوري ف البسيين يخربيت عقلك طب وبعدين
مايا : ما طظ يا ماما ايه يعني نادر الدمنهوري بس ابن الناس الطيبه ده عمل نفسه بيغرق وانا طبعا هسيبه يغرق بسببي رحت مديت ايدي عشان اطلعه لقيته راح ساحبني جوا الميا وانا وقعت زي الهبله وهو فضل يضحك عليا وبعدها طلعت من البسين وكنت طبعا مبلوله جد وروحت
سميره : ده اليوم اللي كانت الدنيا فيه بتمطر وجيتي مبلوله صح
مايا : الله ينور عليكي اليوم اللي بعده بقا اول ما دخلت الفيلا عمل معايا مشكله تاني وكان ماسك ايدي جامد ومش عاوز يسيبها
سميره : ده اكيد اتجنن بقا
مايا : مهو ده اللي انا قلته وربنا بس رحت ماسكه ايدو عضتها لحد ما راح سايب ايدي وبعدها قعد يزعق جامد فأنا مش متعوده حد يرفع صوته عليا كده معرفش ليه لقيت عيوني بتدمع لوحدها ومشيت رحت اكشف علي فوزي الدمنهوري لقيته بيقولي متدايقيش من اللي نادر عمله معاكي ف المستشفي وكمان قالي انتي مش خايفه اعمل فيكي حاجه بنفوذي ومعارفي ممكن انك متشتغليش تاني ف انا قلتله انا يا فندم مفيش حد يقدر انو يعملي حاجه ربنا مش عاوزها وانا برضي بقضاء ربنا مهما كان وبعدها قالي برافو عليكي يا مايا ده اللي كنت مستنيه منك فأنا مفهمتش
سميره : ايوا يا مايا انا لحد كده فهمت كل حاجه ايه بقا قرارك اللي عاوزاني انصحك فيه
مايا : مش عاوزة اروح هناك تاني
سميره : ايييه ليه بتقولي كده يا بنتي
مايا : يا امي انا مش هقدر اشوف الانسان ده تاني انا تعبت من اني علي طول بتخانق كده وكمان انا مش متعوده اني حد يتعامل معايا بالشكل ده
سميره :  شوفي يا بنتي انا هقولك كلمتين لو اللي حصل ده كان شر ليكي مكانش ربنا عمله والا كان خلاكي شوفتي اللي اسمه نادر ده اصلا ف اكيد في حاجه او حكمه بتاعته انك تشوفيه وتتعاملي معاه وانتي بتوقفيه كويس لما بيتكلم معاكي وبرضو انتي لازم تصلي صلاه استخاره النهارده وشوفي ايه اللي هيحصل لو طلع خير يا مايا يبقي تروحي فورا ومتتردديش لانك كده لازم تعرفي ايه السر ورا انك اتعاملتي مع الناس دي ولو كان شر يبقي ربنا ارادلك انك متروحيش وف الحالتين انتي الكسبانه فاهمه قصدي
مايا : اها يا ماما فهماكي خلاص انا هعمل صلاه استخاره النهارده قبل ما انام وهشوف ايه اللي ربنا كاتبهولي
سميره : ربنا يهديكي يا بنتي ويختارلك طريق الخير ويوقفلك ولاد الحلال
مايا : ايوا يا امي والنبي ادعيلي احسن انا خلاص مش قادره من المصايب
سميره : لا لا مصايب ايه يا بنتي لعله خير يلا انا هقوم انام واسيبك تصلي وتنامي وبكرا انشاء الله ابقي قوليلي حصل ايه
مايا : اوك يا ماما تصبحي علي خير
سميره : وانتي من اهلو يا قلبي
خرجت سميره من غرفه مايا لكي تخلد للنوم  ثم قامت مايا لاداء صلاه الاستخاره ثم خلدت اللي النوم هي الاخري
عند نادر
كان نادر يشعر بالاستياء والحزن الشديد لانه ظن بأن مايا كسائر الفتيات
نادر : وبعدييين بقا انا ايه اللي منرفزني كده ما عادي هي زيهم كلهم زي بعض اصلا كلهم وحشين .... بس يعني هي معملتش حاجه هي هتجيب هديه وخلاص انا بضحك علي نفسي وخلاص عشان ابررلها لا هي زيهم يووووه بقا انا ليه بقيت بفكر فيها كتير كده ما تطلع زيهم او مختلفه عنهم انا ايه اللي شاغلني بيها انا زهقت من التفكير فيها علي طول كده انا احسن حاجه اعملها اروح انام
صباح بصوت منخفض : هو حضرتك بتكلم حد يا نادر بيه
نادر : ها .لا يا صباح مفيش حاجه
صباح : اااه طيب خلاص يا بيه حضرتك مش هتنام
نادر : لا انا هتمشي شويه ف الجنينه وبعدها اجي
صباح : انا اسفه يا نادر بيه بس لما لقيت حضرتك واقف بقالك كتير قدام البسين قلت ممكن يكون في حاجه
نادر : لا يا صباح متقلقيش مفيش حاجه
صباح : ماشي يا نادر بيه عن اذن حضرتك
نادر : اتفضلي يا صباح
عند مايا
استيقظت مايا من نومها في وقت الفجر و ...
مايا : اييييه ده بقاااا ده نفس الحلم اللي بحلمه طيب ده يبقي معناه ان ربنا مقدرلي اني اروح هناك لا ده مش بس كده كماان ده انا انا اللي هسااااااااااااعده
وحصصصصصل
ـــــــــــــــــــــــــــــــــــــــــــــــــــــــــــــــــــــــــــــــــــــ
يتبع
تفاعل