الفصل الحادي والاربعون
اعترف نادر لمايا عن حقيقه مشاعره تجاه لبني وانه قرر ان يعود كما كان في السابق ثم قررت لبني ان تعلن لمايا عن خبر زواج كلا منهما و ...
لبني : اظن ان الكلام بقا واضح لا لا استني اسمعي كمان بقا المفاجأه اللي اتفقنا عليها قولها يا ندورتي
مايا : ما تقول يا ندورتها
نادر : بصراحه انا .. انا بحب لبني وهتجوزها اخر الاسبوع ده ......
مايا بصدمه : اييييييييه
نادر : زي ما سمعتي تمام يا مايا
مايا : انت ازاي طلعت بالحقاره دي طبعا مهو ديل الكلب بقا
نادر بعصبيه : احترمي نفسك يا بت بدل ما ...
لبني متدخله : باابي ريلاكس وسيبهالي ... سوري يا مايا انا مش معوده خطيبي يكلم حد غريب بس ايه رأيك ف المفاجأه تجنن صح عشان تبقي تدخلي معايا ف منافسه تاني ايه رأيك بقا مين اللي ضحك ف الاخر
مايا : منافسه ايه .. انا مش فاهمه اي حاجه
لبني : لا يا شييخه اعملي نفسك عبيطه اوي يا ميا من تحت تبن انتي حربايه وفاهمه كل حاجه انا بقولها كويس اوي اعمليهم علي حد تاني يا بت الا عليا انتي اصلا حدايه وكل شويه تلفي علي واحد لفيتي علي فوزي الدمنهوري عشان خاطر يدخلك المستشفي اللي مكنتيش تحلمي تمسحي فيها السلالم وبعدين سبتيه وقلتي تلفي علي ابنه ده احنا حتي يا شيخه واحنا ف الكمين كنتي هتلفي ع الظابط انا احب السرعه ف الاداء دي وكمان لفيتي علي جوزي
مايا : جوزك مين انتي بتتكلمي ف ايه .. وبعدين انتي ازاي تسمحي لنفسك انك تتكلمي معايا بالشكل ده و ايه الفيلم الهندي البايظ اللي انتي لسه قايلاه من شويه ده ااه ما اكيد ده سيناريو من قصه حياتك الزباله اللي لسه قيلاها من شويه ما انتي اكيد واخده علي انك تلفي ع الرجاله وتضحكي عليهم وتقتليهم مش كل الناس زباله زيك فوووقي انتي انسانه معقده اقسم بالله ما طبيعيه مش ممكن تكوني عاديه ابدا وتيجي تتكلمي معايا وتتهميني الاتهمات القذره دي وكمان بعد ما اعترفتي انك كنتي هتقتليني جايه بجحي وليكي عين اصلا تحطي عينك ف عيني ده ايه ياربي البجاحه دي اوعي تحطي ف بالك يا ماما اني هخاف منك انتي انسانه معقده وانا مش عارفه بصراحه ايه اللي دخلك كليه طب انتي مش ممكن تكوني دكتورة ابدا انتي مش فاكره القسم اللي اقسمناه يا هانم انتي اتعقدتي من بعد اللي حصل معاكي ولازم تاخدي العقاب بتاعك ودي عندي انا بقا متخافيش وكمان عاوزة تجري ف سكتك ناس تاني بس اللي عاوز يبقي زباله هيبقي زباله بأرادته ومحدش بيغصبه ربنا يهديكو ...
القت مايا كلماتها الاخيره ثم انصرفت علي الفور فهي لم تعد تستوعب ما يحدث مع نادر ثم اتجهت نحو خيمه ما كانت منصوبه لتوضع بها الادويه
عند لبني ونادر
لبني بعصبيه : اه يا بنت ال ******* هي ازاي تسمح لنفسها تتكلم معايا كده وتقولي اني مش طبيعيه
نادر برفق : شششش بس يا لبني انتي لما افتكرتي اللي حصل معاكي تعبتي انا حاسس بيكي روحي دلوقتي نامي واهدي وجهزي نفسك عشان الفرح يا عروسه وانا هروح اوري البت دي شغلها كويس
لبني : ربنا يخليك ليا يا نادر انا حاسه انك انت اللي هتعوضني
نادر وهو يقبل يدها : ويخليكي ليا يا مراتي
لبني : طيب وباباك ومامتك اكيد هيرضو لاني يعني كنت متجوزة قبل كده
نادر : ف الاول اكيد هيتصدمو بس بعدها هحطهم قدام الامر الواقع ويبقي خلاص كده لازم يتقبلوكي بس انا عاوز اعترفلك يا لبني انا فعلا كنت بحب مايا بس حسيت انك شبهي واني مش لايق عليا دور الطيب ده عشان كده لما شفتك حسيت اني لازم اساعدك بس اللي انتي هتعمليه ده حاجه كبيره احنا ممكن نوقع اللي اسمه مدحت ده ونخلصك منو ايه رأيك
لبني : مدحت !! بس بس ده ممكن يئذيني
نادر : انتي كنتي الاول لوحدك دلوقتي انا معاكي تمام انا بس عاوزك تقوليلي دلوقتي مفيش معاكي اي دليل ضد اللي اسمه مدحت ده عشان نخرجك من الموضوع
لبني : آآ .ز ايوا في دليل
نادر : اللي هو ايه يا لبني متخافيش انتي بتعملي الصح كده
لبني : بص اي عمليه كننا بنعملها كنت بسجلها فيديو وكمان في تسجيلات ليه وهو بيعذب الناس اللي بيجبهالي عشان العمليات وتسجيلات ليه وهو بيهددني
نادر : عظيم اوي بس انتي كده ممكن تتئذي احنا لازم نفكر ف فكره تطلعك من كل ده
لبني : طيب ازاي يا نادر
نادر : بصي انتي تديني كل الفيديوهات والتسجيلات اللي ضد مدحت وامسحي بتوعك انتي ساعه العمليات تمام ونعمل من فيديوهات مدحت نسخ والعمليه الجايه دي انتي ترفضيها ولو هددك يبقي احنا معانا كارت لسه ما اتحرقش وتبقي الفيديوهات معانا ساعتها نهدده ولو مرضيش يبعد عنك نبقي ساعتها نسلم الفيديوهات دي ونعملو محضر ايه رأيك
لبني : اها فكره حلوة انا ازاي مفكرتش ف كده بس انا ممكن اتئذي برضو لاني كده هبقي باثبت اني كنت شريكه له
نادر : ساعتها هنقول انك كنتي بتعملي كده دفاع عن نفسك عشان خاطر واحد زي ده مش سهل وشغال ف اعضاء وبلا ازرق اكيد كان هيعمل فيكي حاجه يقتلك بقا يفضل يضرب فيكي زي ما عمل لما سئلته عن سبب ضرب الناس دول او منين بيجبهم
لبني : طيب ولو اعترف عليا اني قتلت جوزي
نادر : دليله ايه !!
لبني : ها .. م ..مفيش بس ازاي هيبقي جوزي ومراتو ماتو سوا ده هيكون دليل علي اني سمتهم مع بعض
نادر : ساعتها ممكن نقول انهم ماتو ف حدثه عربيه مثلا وهيكون الدليل ان شهاده الوفاه بتاعتهم ف نفس اليوم وممكن مرشي البواب انو يقول اللي احنا عاوزينو
لبني : طب ومايا هي ممكن تعترف وتقول علينا حاجه دي كانت بتهددني
نادر : متقدرش تعمل حاجه لانها معندهاش دليل وانا هروح اظبتهالك
لبني : انت بتتكلم بجد
نادر : امال شيفاني بهزر قدامك يا لبني
لبني : آآآ .. اوك
انهي نادر حديثه مع لبني ثم اتجه مسرعا خلف مايا ويظهر علي وجهه علامات الغضب الشديد وما ان وجدها حتي ....
نادر بعصبيه : ممكن افهم ايه اللي انتي هببتيه معاها ده
مايا : ...........
نادر : ما تردي عليا ايه اللي انتي عملتيه ده ازاي تكلميها بالاسلوب ده لبني هتبقي مرات نادر الدمنهوري انتي فاااهمه
كان نادر علي وشك الخروج من الخيمه ولكحن استوقفه صوت مايا و ..
مايا : شفت بقا انك بتخلف ف وعودك
نادر وقد التفت لها : بمعني
مايا : انت قلت انك عمرك ما هترجع وحش تاني بس رجعت ورجعت بالاوحش انت بقيت انسان قزر وكل ما تقابل واحده قزرة هتكون اقزر منها لييييه عشان انت انسان ضعيف وهش وعمرك ما كنت قد كلمتك ومش راجل ابدا يتحمل المسؤليه واقلك علي حاجه كمان يا نادر انا بكرهك
نادر بعصبيه : اسكتتتي
مايا ببكاء : لا مش هسكت عشان انت انسان تافه فاكر اللي عملته فيك هايدي فاكر سابتك ازاي زي الكلب وراها وهربت وعارف بقا الانئح والانئح انا كنت بشفق عليك ف الاول وبعدها ايوا ما انكرش اني حبيتك بس بعدها دلوقتي كرهتك كرهت شكلك وصوتك كرهت اسمع اسمك ومش طايقه اشوفك قصادي ف اي حته انت انسان معقد وزباله وانا استحملت عصبيتك كتير فاكر اليوم اللي قابلتك فيه ف المستشفي واللي عملته فيا اهو ده وشك الحقيقي اللي انت اتنكرت وراه وعملت نفسك طيب بس للاسف الطبع يغلب التطبع
نادر بصوت جهوري : قلت اسكتتتتتتتي
مايا : ودلوقتي هتبقي قتال قتله كمان لا مشاء الله عليك روح قابل ربنا وانت دم الاطفال ده هيكون ف ايدك و هتساعد واحده قزرة وكل ما تجيلك واحده زباله هتصدقها وتحبها ولبني هتبقي زي هايدي زيهم زي علياء وبكرا تجيلك واحده تاني تبيعك اللي وراك واللي قدامك وهتفضل طول عمرك ضعيف وهتتجوز كمان واحده بالاخلاق الزباله دي زي لبني لا برافو
نادر وقد وجه لها صفعه قويه : قللللللت اتكلممممي عنهااااا كوييييس يا مايا
وقعت مايا علي الارض اثر تلك الصفعه القويه التي وجهها لها نادر ولم تتفوه بحرف واحد
نادر : مايا انا .. انا
مايا بعصبيه : انا اسمي دكتورررره مااايا امشي اطلع برا براااااااا
نادر : انا مكنتش اقصد نوصل ل كده يا مايا
مايا بنظره تحدي : انت مين اصلا عشان تمد ايدك عليا والا هي الرجوله انك تتشطر علي البنات مهو ده اخرك وقلت اسمي دكتوره مايا واطلع برا دلوقتي امشي برااا انا مش طايقه اشوف وشك قصادي
نادر بنرفزة : ماشي يا دكتورة مايا اولععععي
ما ان خرج نادر من الغرفه حتي انهمرت دموع مايا سريعا و ..
مايا ببكاء : انا ايه اللي عملته ده مكانش لازم احبه انا اللي رخصت نفسي انا اللي وافقت اساعده كان لازم اعرف ان مفيش فايده من اللي انا عملته انا اللي ساذجه وهبله وعبيطه كمان منك لله يا نادر انا كرهتتتك كرهتتتك انا لازم اعمل حاجه مستحيل اسيبهم يئذو الاطفال البريئه اللي ملهمش اي ذنب ف اللي هيحصل ده دول هيموتوهم لا انا لازم ابلغ عنهم بس برضو لازم اخد بالي لبني ممكن تحاول تموتني تاني وخصوصا انها مبقتش لوحدها
استندت مايا علي مقعد ما ثم قامت لتقف علي قدمها وبدأت تتجه نحو دوار العمده لتعود الي نومها ثم تبدأ في تنفيذ خطتها في الصباح الباكر .....
في منزل عادل مصطفي
قام عادل بالاتصال بأبنه ادهم ليتمكن من اخباره بشئ ما لينفذ الاتفاق الذي توصل اليه مع فوزي الدمنهوري و ...
ادهم : ايوا يا ححج واحشني والله
عادل : يلا يا بكاش انت فين يلا
ادهم : خارج انا والبت الغلبانه دي شويه مش بتشوفني من الشغل خالص
عادل : ايوا يعني انتو فين بالظبط
ادهم : ف نادي الشرطه يا حج خير انت هتشتغل ف المخابرات والا ايه
عادل : طيب انا عندي ليك خبر حلو ليك
ادهم : اللهم صلي ع الحبيب اشجيني بالخبر يا حج
عادل : مش القاعه بتاعت الخطوبه مكانتش عجباك لا انت ولا ندي
ادهم : بصراحه يا بابا اه بس مفيش الا القاعه دي اللي علي قد الحال انت عارف ميزانيتي بايظه
عادل : طيب ابسط يا عم انا اتصرفت ف فلوس وهخليك تعمل خطوبتك ف مكان احسن من ده بمراحل
ادهم : انت بتتكلم بجد طيب فين يا بابا
عادل : ايطاليا
ادهم بصدمه : فييييين ايطاليا
عادل : ايه مالك تنحت ليه
ادهم : مين معايا !!
عادل : انا ابوك يا ابني
ادهم مازحا : بطلو قله ادب بقا واستهبال علي خلق الله دي زي رساله مبروك دخلت سحب علي 3000 جنيه وهتكسب معانا طشت بلاستيك هديه و ف الاخر بأبيع هدومي ف كروت الشحن ومكسبش حاجه
عادل : هقفل السكه ف وشك يا ابني انا مش فايق لهزارك
ادهم : ما انت اللي بتهزر يا بابا ايطاليا ايه اللي انا هعمل فيها خطوبتي انت مدرك اللي بتقولو يا بابا
عادل : انت وش فقر كده يعني متتمناش تعمل فيها فرحك
ادهم : يا بابا مين ما يتمناش بس العين بصيره والايد قصيره ما انت عارف اللي فيها
عادل : فلوس سفرك عليا
ادهم : وجبتهم منين يا بابا اوعي تكون ...
عادل بعصبيه : ولللد احترم نفسك هتعرف كل حاجه ف الوقت المناسب دلوقتي اعمل حسابك ان خطوبتك هتكون ف ايطاليا
ادهم : طب والمعازيم دول هيجو ازاي بس مين اهبل هيجيلي ايطاليا انا والا هروح اعمل الفرح لوحدي كده
عادل : لاحق انت بس ع الناس اللي نفسها تيجي
ادهم : لا لا يا بابا الكلام ده مش منطقي في حاجه غلط ف الموضوع ده
عادل : بقولك ايه انت شكلك وش فقر كده انا غلطان اقفل اقفل هعملهولك ف بالطيم
ادهم : اما افكر يا بابا ف الموضوع ده كويس وبعدها هبقي ارد عليك اصل مين هيحجز تذكره ف ايطاليا عشان يجي يحضر خطوبه ساعتين ويرجع مصر تاني كمان مفيش اي وقت لترتيبات السفر دي انت فاجئتني بصراحه
عادل : هنعزمهم من قبلها
ادهم : وقبلها ده هيكون امتي انشاء الله اما خلاص فاضل اققل من اسبوعين
عادل : ممكن نأجل شويه بعدين انا قلت افرحك انا عمال اجهزلك ف اليوم ده ولما لقيتك متدايق من ان الخطوبه ف نادي مش عاجبك قلت افرحك بس باين انك نحس خلاص انا غلطان ولعلمك كنت هحجز لكل المعازيم ف فندق كمان بس انت نحس انا غلطان اقفل بقا عفرتتني يا ابن الكلب
ادهم : لا لا استني بس خد هنا خلاص انا غلطان
عادل : لا برضو قفلتني سلام
ادهم : يووووه سلام يا بابا
ندي : في ايه يا ادهم
ادهم : عندي ليكي مفاجأه بس انا نكفتها بفقري
ندي : مفاجأه الله الله قووول
ادهم وهو يضع يده خلف رأسه : احم انتي مش ملاحظه كلمه اني نكفتها
ندي : لا لا انكل عادل كيوت وهيعملها تاني قول بس
ادهم : خطوبتنا يا ستي كانت هتتعمل ف ايطاليا
ندي بفرحه : وااااو ايطالي اوووف ده انا امووت فيها يا نااس
ادهم : وحدي الله بس يا مجنونه انتي بدل ما تفرحي اوي كده وايطالي وتقلبي زي رجاء الجداوي لووتفييييي اسمعي بس رأيي
ندي : ههههههه قول يا لوتفييي
ادهم : اولا ابويا منين جاب الفلوس دي ده بيقول انو حاجز للمعازيم ف فندق علي حسابه فاهمه يعني ايه طب ازاي منين جاب الفلوس دي كلها
ندي : انت بتشك ف ابوك يا ادهم
ادهم : لا يا ندي مقصدش بس هو جاب الفلوس دي منين
ندي : امممم حاجه تحير برضو طب لما سئلته قالك ايه
ادهم : قالي انو كان مجهزلها من زمان وقال يسيبني اختار المكان اللي انا عاوزة بس لما لقانا مش حابين القاعه قال يعملنا فرحنا ف ايطاليا
ندي : طيب يعني انت ترفص النعمه برجليك ده هتبقي خطوبه ولا الف ليله وليله يخربييت كده هاااح
ادهم : برضو الموضوع مش منطقي انا حاسس ب حاجه مش تمام ف الحوار ده
ندي : يا ابني بطل بقا فقر يخربيتك بص احنا دلوقتي نتحايل علي انكل عادل وهو اكيد هيرضي تاني
ادهم : انكل عادل يا شيخه عيشي عيشه اهلك
ندي : كده اادهم طب انا زعلانه
ادهم : اتفلقي
ندي : لا كده انت زودتها
ادهم : هههههههه وربنا بعشق عصبيتك دي بحبها يا نااس
ندي بخجل : بس الناس بتبص علينا
ادهم : خليهم يبصو محرومين مش معاهم القمر اللي معايا وانا مش هعبر حد فيهم اللي معاه القمر عمره ما يبص للنجوم
ندي : احم بس بأوحرج يا ادهومي
ادهم : لا لا كده كتير عليا يعني عصبيه وكسوف مع بعض اه يا قلبي يااني طب بمناسبه الكسوف بقا انا جايبلك هديه
ندي بفرحه : بجد يا ادهومتي طب هي فييين
ادهم : بصي انا قلت اني جبتلك قبل كده سلسله وورد ف قلت اجيب حاجه مختلفه شويه
ندي : جبتلي ايه ياض انا مش مستريحالك
ادهم : يااض !!! ما كننا ماشين علي قافيه حلووة
ندي : ههههههه لا طيب بجد بقا فين الهديه
ادهم : احم جبتها معايا بس غمضي عينك
ندي : كل مره تقولي غمضي عينك تبقي عاملي حاجه تجنن عاوزة نقضي حياتنا تغميض بعد كده
ادهم : هههههههه انشاء الله يا ستي هعملك مفاجأت وانتي مغمضه وانتي مفتحه ولما تصحي م النوم حياتك كلها هتبقي جنان ومفاجأت يا نووده
ندي وقد اغمضت عينها : هي معاك ف الشنطه الكبيره دي صح
ادهم : اينعم يارب بس تعجبك ومتضربينيش هي حاجه مجنونه شويه
ندي : وانا بحب جنانك ومعاك ف اي جنان عاوزة
ادهم : احم طيب حيث كده بقا الواحد يقدملك بوكيه الفراخ ده وهو متطمن
ندي وقد فتحت عينيها : هههههههه بوكيه فراخ الله سو رومانتيك
ادهم : اتتريقي اتتريقي يا اختي
ندي : احم لا والله حلو يعني حاجه مجنونه زيك كده ابتطي
ادهم : بتطك ايه الله يحرقك حد م الظباط اللي هنا يسمعك يبقي اسمي الرائد بطه
ندي : هههههههه والله يا ادهومي احلي حاجه فيك طيبتك دي
ادهم : بس
ندي : امممم وجدعنتك وشهامتك وحبك ليا وخوفك عليا
ادهم : وايه كماان امدحي فيا امدحي م الاول يا سلووي
ندي : ههههههه بس كده انت استحليتها والا ايه
ادهم : بصراحه اه انا بحب اتكلم معاكي اوي يا ندي بحس انك زي امي مش حبيبتي
ندي : يختاااي ده لو خالتي سمعتك هتدبحنا
ادهم : لا خالتك كيوت
ندي : احم وانت كمان علي فكره
ادهم : انا كمان ايه
ندي وقد دمعت عيناها : بحس انك زي بابا الله يرحمه
ادهم وقد امسك يدها : بس يا ندي الله يرحمه يارب انا عاوزك تعتبريني زيو بالظبط واي حاجه عاوزاها مني تقوليلي علي طول وان يوم قسيت عليكي ف ده هيكون من حبي ليكي وخوفي عليكي زي الاب وبنته بالظبط
ندي : من غير ما تقول يا ادهم انت بابايا التاني وحبيبي وكل حاجه بالنسبالي وانا فاهمه كويس اوي انك عمرك ما هتتعصب عليا غير عشان خوفك عليا وعشان مصلحتي وانا اوعدك اني عمري ما هتخلي عنك ولا هسيبك ف يوم وهستحمل كل عصبيتك عشان عارفه ان وراها حب كبير اوي
ادهم : ......
ندي : انت ساكت ليه
ادهم : .........
ندي : ايه يا ابني انت باصصلي كده ليه
ادهم : بصراحه سرحت شويه فيكي وانتي بتتكلمي انتي ازاي كده يا بت انتي
ندي : احم كده اللي هو ازاي
ادهم : كده اللي هو ملاك
ندي بخجل : بس بقا
ادهم وهو يقلد صوتها : بس بقا
ندي : انا صوتي مسرسع كده
ادهم : انتي صوتك ده قلبي اصلا
ندي : بتكسف بقا الله
ظل كلا من ادهم وندي يتحدثان سويا ثم قام ادهم بتوصيل ندي الي منزلها ثم اسرع هو نحو المنزل ليري امر الحجز للخطبه بأيطاليا مع والده فلم يرتح ادهم لكلام والده وشعر وكأن هناك شئ ما خاطئ
ادهم في نفسه : الحكايه مش طبيعيه طب مهو لو عاوز يفرحني كان عمل الفرح ف شارم الغردقه اي قريه سياحيه انما ايطاليا لا في حاجه مش تمام وانا لازم اكتشف كده
وفي الصباح استيقظت مايا لتبدأ بتنفيذ ختطها ولكنها فوجئت بوجود نادر معها بالغرفه ونومه علي الكنبه المقابله لها و ...
مايا في نفسها : يا فتاح يا عليم يا رزاق يا كريم بقا الواحد يصتبح علي البنيئادم ده وكان بيهبب ايه هنا ف الاوضه مش كان المفروض انو يروح يقعد مع مراتو انسان قزر وانا مالي بيه انا هقول اغير هدومي وانزل اروح المكان اللي انا هروحه بس يارب اقدر امشي انا رجلي وجعاني اوي من ساعه ما فوقت انا برضو وقعت جامد بس انا اهو صحيت بدري وهروح سنه سنه بس يارب مقلب الزباله اللي قاعد معايا ده ميصحاش ....
اعتدلت مايا من فراشها ثم بدأت تسير علي اطراف اصابعها حتي لا يشعر بها نادر ولكنها قررت ان تقوم بجعله يفيق من نومه وتخرجه من الغرفه حتي تتمكن من تبديل ملابسها ثم بدأت في الاقتراب منه و ...
مايا وهي تخبطه في كتفه : انت يا بنيئادم انت اصحي واطلع برا عشان عاوزة اغير
نادر : ..........
مايا وقد وهي تنغزه في صدره : انت يا بتاع انت قووم واتفضل برااا
كان نادر غارقا في نومه فلم يجب مايا ولكن عندما اقتربت منه وبدأت في خبطه علي صدره قام بضمها اليه بشده في وسط دهشه مايا و..
مايا بصدمه : ايه اللي انت بتعمله ده يا زفت انت اوعي سيبني
نادر بنبره يظهر بها النعاس : بس بقا سيبوني مش هصحي
مايا : يا اخي عنك ما صحيت بس سيبني
نادر : خلاص بقا يا لبني بطلي ونامي يلا
مايا بصدمه : لا بقا لبني ايه وزفت ايه كمان ما طبعا البيه كان سهران عندها طول الليل ايه ياربي بس القرف ده عالم قزره اوعي بقا سيبنننني
نادر : ........
مايا : طيييب انا هوريك هعمل ايه
ثم قامت مايا من الاقتراب من اذن نادر ثم قامت بالصراخ بها و ...
نادر بفزع : اييييييه في اييييييه بسم الله الرحمن الرحيم
مايا : اوووف اخيرا سيبتني
نادر بعصبيه : في حد يصحي حد كده طرشتيني يا شيخه
مايا : شفت انت عامل ازاي عشان ودنك بس وجعتك ما بالك طفل هيفقد عضو من اعضائه ما علينا الضرب ف الميت حرام اتفضل اطلع برا
نادر : وده ليه انشاء الله
مايا : هو كده براا
نادر : مهي مش اوضه السنيورة والا ايه
مايا : انا عاوزة اغير هدومي اتفضل برا
نادر : اااه طيب ماشيبس لعلمك انا لو عاوز اقعد هفضل انا طالع بمذاجي
مايا : اه شاكرين افضالك يلا برا
نادر : اللهم طولك يا روح انتي رايحه علي فين اصلا
مايا : وانت مالك بيا
نادر : هو ايه اللي وانت مالك بيا مش انتي مراتي
مايا : لا فوق بقا واصحي كده يا بابا انا مش مرات حد دي كانت مجرد تمثيليه قذره من بتوعك وانت مش مجبر تكملها خلاص واتفضل برا بقا
نادر : بمذاجي برضو
مايابصوت منخفض : جاك قل مذاجك يا بعيد
نادر : بتقولي حاجه
مايا بتحدي : بقول جاك قل مذاجك
نادر : يعني مش خايفه
مايا: لا مش خايفه اخاف من ايه وانا اصلا اللي هوديكو ف داهيه بس اصبرو عليا !!
نادر : وتفتكري انا هسمحلك تئذي لبني
مايا : طز فيك انت ولبني بتاعتك انا مش مضطره استئذن سيادتك عشان اروح ف حته انا هعمل اللي انا عوزاه انت ملكش حكم عليا والا في اي صله بتربطني بيك عشان خاطر استئذنك ولو مطلعتش انت برا انا همشي وهسيبلك الاوضه عشان انت المكان اللي بتقعد فيه اكيد هيبقي موبوء
لم يرد نادر علي حديث مايا وكأنه لم يهتم لما قالته ثم خرج من الغرفه بكل هدوء وبرود
مايا في نفسها : انسان مستفز صحيح انا هوريكو انا هعمل فيكو ايه انا لا يمكن اقف اتفرج عليكو وانتو بتهددو حياه اطفال مش فاهمين اي حاجه ف الحياه لسه وعشان الناس اللي هنا غلابه وبيرضو بقضاء ربنا وبيتعاملو مع الدكاتره بحسن نيه ناكل حقهم بقا ونموت فيهم عشان بيتعاملو مع وحوش مش بنيئادمين ليه يارب الناس وحشه كده انا لازم اقف قصادهم واحمي الاطفال دول حتي لو كان فيها موتي يارب اق جنبي انا عارفه ان انا اللي صح .... نادر ولبني انتو فاكرين اني ضعيفه واني هسكت لا يبقي انتو متعرفونيش انا اكتر واحده عنيده ودماغها ناشفه ف الدنيا دي كلها ومهما وقعتوني وحاولتو تكسروني عمري ما هتكسر وف كل مره هتحاولو تخلصو مني هتلاقوني قصادكو وزي ما غيرت نادر الدمنهوري ولو ع الاققل فتره صغيره ممكن اعمل اي حاجه انا عاوزاها وطول ما انا متأكده اني بعمل حاجه صح اكيد هيكون معايا اللي اقوي منهم هم الاتنين ربنا عز وجل هيكون معايا اكيد ساعدني يارب ع الخطوه دي ....
ثم قامت مايا بتبديل ملابسها واسرعت في خطواتها بعيدا عن دوار العمده متجها نحو ......!!
وهناك حصصصصل .....
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أنت تقرأ
ساغيرك رغما عنك لكاتبة مى محمد
Storie d'amoreالمقدمه كالسهم انت تطلق وانت تعلم هدفك لا تخطئ في اختيار فريستك كالظلام انت هادئ ومخيف تخيف من حولك ولكن بداخلك خوف كبير من نفسك كالبحر الهادئ انت لا ادري هل اطمئن لك واغطس في امواجك ام احذر منك واراقبك فقط من علي الشاطئ !.. كالملك المغرور...
