ساغيرك رغما عنك لكاتبة مى محمد

الفصل الثانى والعشرون

الفصل الثاني والعشرون
قطع حديث كلا من مايا ونادر صوت صباح وهي تنادي مايا و ...
صباح : يا دكتووور فوزي بيه عاوز حضرتك
مايا : حاضر يا صباح انا جايه حالا
نادر بصوت منخفض : صبااح دي بتيجي ف اوقااات
كانت مايا قد التفت نحو صباح ثم ابتسمت والحقت بها ثم اتجهت نحو غرفه فوزي و ...
فوزي : تعالي يا مايا انتي وصباح وامنيه
مايا باستغراب : ايوا يا فندم بس حاله حضرتك متسمحش انو ..
فوزي : عارف يا دكتور بس في موضوع في شده الخطورة
مايا : حاضر يا فندم ثانيه واحده
قامت مايا بأبلاغ كلا من امنيه وصباح بطلب فوزي لهما ثم اتجه ثلاثتهم اللي الغرفه و ...
فوزي : اقفلو الباب لو سمحتو وتعالي هنا يا مايا
امنيه بأستغراب : في ايه يا فوزي
فوزي : هتعرفي كل حاجه دلوقتي تعالي يا مايا
اتجهت مايا نحوه و ...
مايا : ايوا يا فندم
فوزي : بصي يا بنتي اول حاجه انا عاوز اقولها ان الكلام اللي هيتقال ده امنيه وصباح عارفينه كويس اوي انا عارف ان اللي هيتقال ده مينفعش اصلا بس غصب عني والله العظيم بصي يا بنتي انا عارف كويس اوي كل حاجه حصلت بينك وبين نادر ابني وده نصو انا عرفتو من امنيه والباقي من صباح من اول ما اتخانقتو ف المستشفي وحكايه الصورة لحد الهديه اللي انتي جبتيها النهارده انا من اول يوم فوقت فيه لقيت نادر مستعد يرجع تاني زي ما كان وكان متحمس اوي انك ترجعي شغلك تاني ففكرت اني لازم اشوفك يمكن تكوني انتي السبب ف انه يرجع تاني ولما امنيه حكتلي عن اللي انتي عملتيه وانك بتوقفيه عند حدو كل لما بيتكلم معاكي بطريقه مش لطيفه اتحمست اني اشوفك اكتر لان نادر ابني من ساعه ما اتغير كده ومبقاش في حد بيعرف يقفله
مايا : اسفه يا فندم انا مش فاهمه اتغير ازاي هو كان ايه وبقا ايه انا بصراحه مش فاهمه اي حاجه
فوزي : هفهمك يا دكتور ابني نادر مكانش في اي حد زيه ف الاخلاق والانضباط ف الشغل كان مثل للشاب الممتاز بجد لحد ما شرفت هايدي
مايا بأستغراب : هايدي !
فوزي : ايوا يا دكتور هايدي دي الانسانه الوحيده اللي نادر حبها بجد من قلبو كانت السكرتيره بتاعته ف الشركه واقنعته انها انسانه محترمه ومؤدبه وهو صدقها وراح اتقدملها مع اني انا ومامته كننا رافضين الموضوع بس من كتر ما هو كان فرحان ومبسوط وحسينا قد ايه هو بيحبها قلنا خلاص مش مهم المستوي الاجتماعي بتاعها  المهم سعاده نادر هي والدها ووالدتها متوفيين مكانش في اي حد من عيلتها غير اخوها ( مازن ) رحت انا ونادر عشان نتقدملها لما رحنا هناك لا المكان ولا البيت ولا طريقه اخوها كانو عاجبيني بس قلت عشان سعادته ابني لقيت اخوها طالب شبكه ب نص مليون انا اتصدمت وكنت هلغي الموضوع فوراا  بس نادر من كتر حبو ليها قرر انو يجيب الشبكه اللي هو طلبها وبعد كلللل ده نكتشف انها نصاابه كبييره وضحكت عليه وخدت الشبكه وكانت هتهرب يوم الفرح وطلع مازن ده مش اخوها طلع حبيبها وشريكها في مؤامرتها القذره اللي عملتها علي نادر عشان تاخد الفلوس ولما اكتشفنا ده حصلت خناقه ما بين نادر ومازن كان نتيجتها ان نادر اتخبط بفازا علي راسو ووقع مغمي عليه وطبعا هايدي ومازن هربو بالفلوس
مايا : ياااااه قد كده الناس ممكن تكون وحشه بالشكل ده كل ده عشان الفلوس
فوزي : شفتي بقا يا بنتي الفلوس ممكن توصل الناس لايه المهم بعد كل ده ما حصل نادر بقا انسان تاني لا انا ولا امه ولا هو بقا عارف نفسه نادر بقا شخص تااني خاالص بقا نادر الدمنهوري اللي انا متأكد من انك بتقرأي عنو ف المجلات الانسان الفاشل المستهتر اللي بيشرب و بيسكر وبيرجع بيتو وش الفجر
مايا : انا فهمت حضرتك يا فندم وربنا يهديه بس انا ايه دخلي بالموضوع دي مشاكل عائليه انا ايه اللي يدخلني فيها
فوزي : اللي هيدخلك يا بنتي انك من ساعه ما دخلتي ف حياه نادر وفوقتيه انو فعلا بقا فاشل وان كل الحجات اللي هو بيتمنظر بيها دي مش بتاعته هو وانها من تعبي ومجهودي وهو بقي مش بيروح الاماكن اللي كان بيروحها دي بدأ يمشي في الطريق الصح ولو بنسبه 10 %
مايا بأستغراب : تقصد حضرتك ان انا يعني السبب
فوزي : انا متأكد من اللي بقولهولك 100% انا يا بنتي عارف ان طلبي ده تقييييل اوي عليكي وانو مينفعش بس ده غصب عني انا طالب منك يا بنتي تساعديني نرجع نادر تاني زي ما كان
مايا بصدمه : ايييييه انا
فوزي : ايوا يا بنتي انتي انتي الوحيده اللي وقفت قدامه ومخافتش انتي الوحيده اللي قدرتي تصديه ارجوكي يا بنتي تساعديني 
مايا : يا فندم انا متأسفه اووي بس انا مقدرش اعمل حاجه زي كده مقدرش اشيل حمل كبير اوي كده دي هتكون حاجه كبيرة اوي عليا وانا كمان هخاف اني معرفش اكمل للاخر انا اسفه يا فندم مش هقدر
امنيه وقد اقتربت منها وامسكت بيدها : بصي يا مايا انا عارفه ان دي حاجه صعبه عليكي بس صدقيني انتي قويه اكتر مما تتخيلي وهتقدري تقفي قدامه انتي يا بنتي مكتوبلك تغيري حياه انسان للاحسن واحنا عارفين انو طلب مينفعش يتطلب اصلا بس نعمل ايه بسبب قوتك دي بتخلي كل الناس تتمني انك تساعديها
فوزي : قلتي ايه يا بنتي هتساعديني
كانت مايا للحظه لا تشعر بشئ من حولها لم تكن تستمع اللي توسلاتهم كانت تفكر فقط في هذا القرار المصيري استتحمل هذا العبء الشديد عليها ثم اخذت تفكر فيما قالته لها والدتها علي ان هذا من الممكن ان يكون قدر الله في ان تكون مايا هي السبب في تغيير حياه نادر اللي الافضل ثم عادت لتفكر في تساؤلها عن الطريقه التي ستتمكن من مساعدته بها وهي التي وجدتها الان ف عائله الدمنهوري بأكملها تتمني من الله وتترجي مايا في ان تقوم بمساعدتهم في عوده نادر ثم حسمت قراراها و ....
مايا : فوزي بيه امنيه هانم انا خلاص عرفت ايه قراري
فوزي \ امنيه : اايه
مايا : انا مستعده اساعد في اننا نرجع نادر لان هو اتظلم وانا مش بحب الظلم
فوزي : انا متشكر جدااا يا بنتي ده لو سمحتيلي يعني اقولك يا بنتي
مايا بأبتسامه : طبعا يا استاذ فوزي
فوزي : خلاص بقا يا بنتي انتي هترجعيلي روحي وبرضو بتقوليلي استاذ فوزي انتي من هنا ورايح تقوليلي عمي
مايا بأبتسامه : حاضر يا عمي
امنيه : متتصوريش قد ايه يا مايا انتي ريحتيني وانا واثقه فيكي جدا وف انك هتقدري علي المهمه الصعبه دي مفيش حد غيرك هيقدر يعمل حاجه زي كده ميرسي اووي بجد 
مايا : يا فندم ده انا اللي لازم اشكركو علي انكو كلفتوني بالمهمه الصعبه دي وثقتكو فيا الزايده دي
فوزي : واحنا ثقتنا فيكي ابتدت تكبر اكتر واكتر يا بنتي ولو في اي حاجه محتجاها احنا معاكي
مايا : اوووك يا فندم وانا هكون عند حسن ظنكو انشاء الله
فوزي : طيب هتبدأي من امتي يا بنتي
مايا : انشاء الله من بكرا يا فندم
فوزي \امنيه بصدمه : اييييه
مايا : اها من بكرا انشاء الله
فوزي : خلاص طلاما انتي عارفه انتي بتعملي ايه كويس فأحنا كلنا واثقين فيكي يا بنتي
مايا : بس في كام طلب كده عاوزاه منكو
فوزي : اطلبي يا بنتي اللي انتي عوزاه
امنيه : يا سلاام طلب واحد ده انتي طلباتك كلها مجابه
مايا :  انا طالبه منكو تكون معاملتكو معايا زي الاول خاالص وميكونش في اي حاجه متغيره عشان نادر ميحسش بأي حاجه وكمان اول حاجه هنعملها اننا لازم نخلي نادر يرجع تاني يصلي ويعرف ربنا لان ده هيساعده كتيييير اوي وده هيكون عن طريق ..........
فوزي : عفارم عليكي انا مكنتش غلطان لما اختارتك يا بنتي
مايا : خلاص كده عرفتو هنعمل ايه
امنيه : تمااام اوووي يا دوك انا متشكره اوي يا بنتي ربنا يكرمك يااارب
مايا : لا علي ايه يا امنيه هانم ... عن اذنكو يا جماعه بقا انا لازم امشي عشان كده هكون اتأخرت وانشاء الله بكرا هاجي بدري زي ما اتفقنا عشان نبدأ في الخطه وبالنسبه لحاله حضرتك يا استاذ ... اقصد يا عمي كلها يومين بالظبط وتقدر تخرج برا الاوضه والفيلا وتمارس شغل حضرتك عادي جدا
فوزي : انشاء الله يا بنتي وبشكرك مره كمان احنا كلنا مش عارفين بصراحه نقولك ايه
مايا بأبتسامه : لا شكر علي واجب يا عمي عن اذنكو
كلهم : اتفضلي
اتجهت مايا اللي الجنينه و كان نادر هناك و ...
نادر : خد يا فار يا صاحبي هنا عاوز اسئلك سؤال
مايا : انت بتكلمني انا
نادر : انتي شايفه فار تاني واقف معانا
مايا : والله
نادر : اه والله بصي بقا هو ايه الاجتماع اللي كان فوق ده يا فارفوري هو التتار هجمو علي مصر وانتو بتعملو خطه الدفاع والا ايه
مايا : افندمم فارفورك لو سمحت التزم حدودك وكمان كننا بنتكلم ف حاجه تخص حاله والدك
نادر : امممم طيب وهو مطلبنيش ليه معاكو
مايا : يمكن حاسس انك مبقتش مهتم بيه
نادر : ايه اللي انتي بتقوليه ده لا طبعا انا مهتم بيه هو ليه محدش فيكو مصدقني اني خلاص رجعت تاني
مايا  بقصد : ها .. رجعت تاني من ايه انا مش فاهمه انت كنت مسافر لامؤخذه
نادر : متعمليش عبيطه بقا انتي سمعتي اللي انا قلته لبابا لما كننا ف المستشفي صح
مايا : ها ... بصراحه اه بس والله كان غصب عني وكمان مفهمتش كل حاجه
نادر : بصي دي كانت بنت اسمها هايدي انا بحبها وطلعت انسانه مش كويسه وخدت مني فلوس وهربت يوم الفرح بس من ساعتها وانا بقيت زي ما انتي بتقولي الطاووس المغرور وبقيت زي ما انتي واي حد ف البلد برضو بيقرأ عني ف المجلات و الجرايد يعني زي ما تقولي كده تفتكري انا كده صح   
مايا : امممم بس انا عاوزة اقولك حاجه ممكن نتكسر ونقع  من اكتر ناس احنا بنحبهم وبنكون ف حاله صدمه بسبب اللي هم عملوه فينا بتحس انك بقيت ميت لانك كنت عايش عشان تسعد الشخص ده اي حاجه حلوة تحصل معاك تقولهاله واي حاجه وحشه تحصل معاك تشكيله منها وف الاخر هو يكسرك انا معاك ان اي حد يحصله كده يقع ويتكسر بس لو مقمناش تاني يبقي احنا كده بنكمل انتقام الناس اللي دمرتنا انما لو قمنا وبينالهم اننا بقينا احسن صدقني الناس دي ساعتها هتتكسر اكتر ما كسروك هي اكيد دلوقتي مشيت وعايشه حياتها عادي وكمان مش بتفكر فيك بس انت دمرت حياتك عشانها وكمان فقدت ثقه الناس اللي بيحبوك وده اكبر غلط ممكن تكون انت اتوجعت اه بس لو كملت كده هتتوجع اكتر احنا مش بنحس بأي الم الا لما بنفكر فيه فاهمني
نادر : هاا .. بس انا اتوجعت اوي بسببها ده مش سبب كافي اني اعمل كده كنت بحاول انساها او اشغل نفسي بأي حاجه وانا مكنتش مبسوط وانا بعمل كده بس ملقتش طريقه تاني غير كده 
مايا : متزعلش مني يا نادر بس انت تعرف ايه عن الوجع انت جربت تبات من غير ما تاكل جربت يبقي ولادك قدامك الجوع بيقطع بطونهم ومفيش ف ايدك حاجه جربت تشوف اقرب الناس ليك بيحارب الموت وانت مش عارف تنقذه ومستني فرصه واحده بس من ربنا عشان يعيش طب عمرك جربت احساس انك تتظلم ومتلاقيش حد يقف معاك عمرك جربت ان حقك يضيع قدام عينك وانت مش عارف ترجعه يا نادر انت متعرفش حاجه عن الوجع وانت قدامك فرصه يأما تفضل كده يأما ترجع تاني زي ما كنت وتثبتلها انك مش هتوقف حياتك عشانها ولما تبدأ تعمل كده فعلا صدقني مش هتفكر فيها تاني وهتكرهها عن اذنك يا نادر
ظل نادر في حاله صدمه مما قالت له مايا اقام بالمبالغه في رده فعله بسبب ما اصابه من هايدي الم يكن له الحق في ان يبالغ اللي تلك الدرجه وكان هناك تسؤلات تدور بباله لانه لم يكن يعلم لم قام بأخبار مايا عما اصابه وظل في ذلك الصمت لفتره طويله  
اتجهت مايا خارج الفيلا حيث كان ادهم بأنتظارها ثم اتجهو نحو المنزل وهناك ...
سميره : اخيرا رجعتو يا ولاد
ادهم : ااااه ده الولاد خلاص مش قادرين ولا شايفين قدامهم من التعب انا داخل اناام تصبحي علي خير يا سمورتي تصبحي علي خير يا اوزعه 
سميره : ربنا يعينك ياابني وانت من اهلو يا حبيبي
مايا : وانت من اهلو يا ادهومي
وبعد ان دلف ادهم اللي غرفته
سميره : قوليلي يا مايا عملتي ايه
مايا : ده حصل حجات كتييييير اوي يا امي لازم تعرفيها
سميره : احكيلي يا بنتي انا مورايش حاجه غيرك
مايا : بصي يا ست الكل اللي حصل انوو ....
وحكت مايا لوالدتها عما حدث وعن الطلب والمهمه التي كلفها بها عائله الدمنهوري وعن قرار مايا بأنها ستقوم بمساعدتهم
سميره : شفتي يا بنتي مش انا قلتلك ربنا لو كاتبلك انك تساعديه وتكوني سبب في صلاح حاله اكيد هيعرفك الطريق
مايا : والله عندك حق يا امي بس هل القرار اللي انا اخدته ده كان صح
سميره : مش ده اللي ظهرلك ف الاستخاره يا بنتي ولو مكانش خير مكانش لا فوزي والا امنيه الدمهوري طلبو منك طلب كبير زي ده محدش بيسلم ضناه لاي حد والسلام ودول ناس واصله اكيد سئلو عليكي وعرفو شخصيتك كويس اوي وكمان بسبب جرائتك ف التعامل مع اللي اسمه نادر ده بس هل انتي فعلا هتقدري تقفيلو يا بنتي
مايا : والله مانا عارفه يا امي انا بجد مش عارفه اذا كنت هقدر امشي الطريق لاخره والا لا
سميره : انشاء الله هتقدري يا مايا يلا اسيبك انا وادخل انام ومخافيش من الموضوع ده انا بنتي اقوي واحده ف الدنيا كلها وهتقدر تقف لنادر وكل اللي زيو وكمان دي فرصتك مش انتي بتحبي تساعدي الناس يا مايا مش كان نفسك يبقي عندك فرصه بس تغيري حياه حد للاحسن صح
مايا : عندك حق يا امي يلا مش هسهرك معايا تصبحي علي خير
سميره : وانتي من اهلو
( احذر ايها المغرور لانك وقعت امامها لقد رأتك وقررت ان تأتي اليك لتخرجك من تلك الظلمات ستمسك بيدك ولن تترك تقع من علي تلك الحافه جائتك من ستغير حالك ستسرق منك تاج غرورك الذي تتزين به ستحطم ذلك الكبرياء الاعمي الذي لا يري امامه ستغيرك رغما عنك عزيزي فأستعد لتلك المعركه )
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ