ساغيرك رغما عنك لكاتبة مى محمد

الفصل الثالث والاربعون

الفصل الثالث والاربعون
قام آسر بتوجيه سلاحه نحو نادر في وسط دهشه الجميع و ....
آسر : قدامي يا عريس
نادر : الله انت ايه اللي جابك دلوقتي مش كنت تسيبني حبه عشان اسبك الدور
آسر : احنا هنسطعبت ما انت عارف ليه اتأخرت اوي يلا خلص بقا المسلسل بقا ممل 
نادر : اه صح افتكرت ثانيه واحده يا حضره الرائد
لبني بأستغراب : انا مش فاهمه اي حاجه هو في ايه
نادر : هديه فرحنا يا حبيبتي
آسر : الله بقا يا نادر باشا ما تخلص الناس قربت تنام مش لازم برضو نعمل مفجأه العروسه
نادر بصوت مرتفع : ودلووووقتي يا جماااعه احب اقدملكو هديه فرحي ل مراتي حبيبتي اللي كننا لسه هنكتب كتابنا حالا بس لازم الواحد يتطمن علي ال
DG
اللي هو جايبه والا الفرح يبوظ اعذروني انا لازم اتطتمن بنفسي علي فلوسي شعل يا ابني ..... كانت الديچيهات موزعه بجميع ارجاء البلد وما ان قام نادر بأعطاء الاشارة حتي بدأت تعلو في جميع ارجاء البلد تسجيلات صوتيه للبني وهي تعترف وتثبت التهم علي نفسها عندما قامت بالاعتراف لنادر عن كل ما قامت بفعله من بدايه هروبها من منزل اهلها وحتي عمليات سرقه الاعضاء التي كانت تقوم بها مع مدحت ...... صعقت لبني فور سماعها لتلك التسجيلات و ..... آسر : اظن مفاجأه حلوة مش كده يا عروسسسه
نادر وقد امسك بيد لبني واتجه بها نحو آسر : قدامي يا عرووسه
  لبني بصدمه : علي .. علي فين انا معملتش حاااجه انت اللي هددتني اني لو مقلتش كده هتموتني وانت اللي خطفت مايا انا مليش دعوه
نادر : الله يخربيتك هتوديني ف داهيه يلا  علي  بيتتتك السجن يا روووحي
لبني وهي تبتلع ريقها بصعوبه و: انت ... انت ضحكت عليا
نادر : انتي اه اتظلمتي يا لبني بس كان ممكن تخرجي نفسك منها وتبعدي عن السكه دي وانتي غلتطي لما قتلتي جوزك لازم تاخدي عقابك وبعدين انتي فاكره اني ممكن ائذي مايا يا حلوة انتي اتهبلتي ... اتفضل يا معالي الرائد امانتك اهي مرضي
آسر : فستانك ده مش لايق عليكي يا عرووسه البدله الحمرا هتكون احلي خدوها يا ابني ع البوكس
ما ان تحرك امناء الشرطه نحو لبني وامسكو بها حتي صاحت بهيستيريا واخذت تضحك بشكل غير طبيعي مما اثار قلق مايا  .. ...
لبني بضحكات هيستيريا : ابعدوووو عنننني محدش يجي جمبببي انا العرووووسه محدش هياخده مني ده بتاااعي انا وبببس ابعدوووو سيبووووني انا مظلومه ..... فرحااانه يا مااايااااا انتي فاكره اني هسيبك هههههههههه تبقي عبيييطه انا مش همووووت انا هفضل موجوووده هناااا هجننك يا ماااياااا ....
لم يكن امام امناء الشرطه الا ان يقومو بحمل لبني لتركب في البوكس بعد ان قامو بأحكام الكلابشات علي يدها قام احد منهم بأحاطتها من الخلف وامسك بذراعيها جيدا بينما الاخر قام بأحكام قبضته علي قدميها بعد ان ظلت تركل بقوه بهما في الهواء فقد اصيبت لبني بصدمه عصبيه حاده بعد ما حدث معها ولكن في النهايه يجب ان يتحمل كل مخطئ نتيجه افعاله ولكل شر نهايته ولو بعد زمن ....
بعد ان تأكد نادر من رحيل لبني حتي اسرع نحو مايا ولكنها اوقفته بمد يدها في وجهه و .... نادر بلهفه : مايا حبيبتي انا عاوز اقلك ان....
مايا بنبره جاده : لو سمحت تبعد عني دلوقتي احسن ليك انا عاوزة افهم ايه اللي بيحصل حااالااااا
نادر : انا هفهمم يا مايا كل الحكايه ان ..
مايا بعصبيه : انت تسكت خاااالص انا مش عاوزة اسمع صوتك ولا لسانك يخاطب لساني لو سمحت يا آسر تفهمني ايه اللي بيحصل هنا
آسر : بالراحه يا مايا ومن غير عصبيه وانا هقولك ايه اللي حصل بالظبط الاول انا عاوزك تعرفي ان نادر ملهوش اي ذنب وان
مايا : لو تسمح متجيبش اسمه قدامي ممكن
آسر : اهدي يا مايا واسمعيني العصبيه مش حل للموضوع والحكايه لازم نصها يحكيهالك نادر والنص التاني انا
مايا : يبقي انا مش عاوزة اسمع حاجه لا نص اولاني ولا نص تاني عن اذنكم نادر : مبسوط انت كده يا آسر
آسر : طيب وانا مالي دي بجد كانت دواعي المهمه وكان خطر عليها لو انك اتعاملت معاها او كلمتها مجرد كلام بطريقه كويسه كان لازم تخلي لبني تثق فيك لاكبر درجه عشان تعترف
نادر : مايا والنبي اسمعيني انا هفهمك
مايا : مش عاوزة افهم منك حاجه
نادر وهو يقترب منها : يبقي مخليتيش قدامي غير الطريقه دي بقا
مايا بقلق : انت هتعمل ايه ... انت فاكرني هخاف منك لا ده بعدك
آسر : انت هتعمل ايه يا نادر وحد
نادر بعصبيه : مش مهمتك خلصت
آسر : آآآ.. ايوه
نادر : شاكرين افضالك اتفضل هوينا بقا
آسر : بس انا مستحيل اسيبك معاها لوحدكو انت ممكن تئذيها
  نادر بنرفزة : بص يا شقيق كلمه تئذيها دي مش عاوز اسمعها علي لسانك انا عملت كل ده عشان احميها سمعت كلامك مع اني مستحيل كنت افكر حتي اعلي صوتي عليها تسمح بقا تبعد عني الساعه دي ... قدامي يا مايا
مايا بعند : آسر لو سمحت تقوله اني مش عاوزة اروح معاه ف حته ممكن
نادر : واحنا من امتي بيبقي في حد بيتدخل بيننا يا مايا بقولك ايه انتي هتسمعيني يعني هتسمعيني ولازم تفهمي واللي هعمله ده انا مضطر اعمل كده بقا ....
مايا بقلق : انت هتعمل ايه
لم يتفوه نادر بكلمه بل اقترب من مايا بهدوء وقام بحملها والصعود بها اللي الغرفه التي يجلسان بها ثم قام بغلق الباب بالمفتاح ووضعه في جيبه ثم قام بوضع مايا علي مقعد ما وثبتها جيدا عليه حاولت جاهده ان تتحرر من قبضته ولكن كل محاولاتها بائت بالفشل و...
نادر : مايا اهدي اسمعيني بس
مايا بصراخ : مش عاوزة اسمع حاااجه انا بكرههههك بكرههههك ابعد عننننني
نادر : مايا اسكتي واسمعيني يا ماايا متحكميش غير لما تسمعي الحكايه كلها
مايا : فهمت انك كنت بتعمل كده عشان المهمه بس عشان المهمه تمد ايدك عليا عشان المهمه تظلمني بالشكل ده وتجرحني بكلام يسم البدن عشان تحميني منها تهينني قدامها ازاااي بقا كنت بتحميني وانت اللي كسرتني مش لبني
نادر بصوت مرتفع : مااااايااااا اسمعععي بقااااا افهميييني انا مش مستحمل فكره انك كرهاني حاسس اني بموت والنبي يا مايا اسمعيني متعمليش فيا كده
مايا : طب واللي انت عملتو فيا كان ايه يا نادر
نادر : انا عارف انو كان غلط كلو من الزفت اللي اسمه آسر ده اسمعيني وف الاخر ابقي احمكي ممكن
مايا علي مضض : احكي
نادر : اخيرااااا اشهد ان لا الله الا الله .... الحكايه بدأت من اول ما جينا القريه يا مايا انا كنت ملاحظ لما العمده جه وكان عاوز يطردك واحده كانت عماله تبتسم قلت ايه المستفزة دي وبعد ما قلت للكل ان انتي مراتي حسيت ان ابتسامتها اختفت ف طنشطها بس بعدها حسيت انها متبعانا بعيونها جامد اوووي عشان كده طلبت منك نروح عند الطرمبه كنت عاوز اتأكد هي فعلا متبعانا والا دي شكوك ف دماغي بس لما رحنا لقيتها من بعيد برضو قلت لا الموضوع ده فيه انه ...
وبعد ما انتي عرفتيني عليها
فلااااش بااااااااااااك
لاحظ نادر وقوف نفس الفتاه التي كانت تراقبهما صباحا بجانب مايا وكانت ملابسها لا تتناسب مع المكان الذي تتواجد فيه فقرر نادر ان يقوم بالذهاب ليري ماذا تريد تلك الفتاه ولكن عندما لاحظ اغتياظ مايا قرر ان يقوم بالتأكد من اخر شئ وهو الغيره و ...
نادر في نفسه : مايا شكلها بتولع كده بببس انا احسن حاجه اعملها اني اشوف هي بتغير والا لا احاول اتعامل معاها وحش واعامل لبني حلو يااارب تطلعي بتغيري يا فارفورتي والله اقولك بحبببك وسط البلد كلها يلا استعننا ع الشقي بالله
نادر من بعيد : انا سمعتك بتقولي نادر جيت علي طول اوامر سيادتك ايه يا ست الكل
مايا في نفسها : اييييه اللي جابك دلوقتي يا نادر اوووف مكنتش عاوزاه يشوفها بالمنظر ده ..
لبني : واااو خطيبك باينو بيحبك اووي
نادر : اه والله اوي
لبني : ومش مستعد تحب حد تاني اوي برضو
مايا بعصبيه : لا مش مستعد يا ستي يلا اتكلي علي الله روحي البسيلك حاجه بدل شورت اختك الصغيره ده
نادر في نفسه : اللهم صلي شكل الغيره بدأت تشعلل لا انا لازم اكمل ف التمثيليه دي اما اهتم ب لبني شويه
لبني : ههههه شورت اختي الصغيره لا شكلك منفسنه ع الاخر مش كده يا ..
نادر : احم انا نادر
لبني وهي تبتسم : اه يا نادر مش دي نفسنه
نادر : بصراحه اه نفسنه بنات
مايا بنرفزة : انا يا نادر
نادر : اه منفسنه منها يا مايا وباين عليكي
لبني : خلاص خلاص وحدو الله
نادر : بس مش غريبه يعني انك تلبسي كده ف عز التلج ده
لبني : لا اصل مزاجي اصيف بقا وانا بصراحه اي حاجه بفكر فيها بعملها وباخدها غصب عن اي حد وبصراحه مذاجي جايبني البس صيفي يرضيك اكسفه يا ندورتي
نادر في نفسه : لا الحكايه كده زادت هي البعيده ايه ما بتختشيش البت دي فيها حاجه غريبه لا وتقولي ندورتي انا لازم اعرف ايه حكايتها انا مش مستريحلها ...
بعدها ذهبت مايا لتتمشي قليلا بعيدا عنهم ثم استئذنت لبني من نادر لتجيب علي هاتفها و ...
لبني : ثواني يا نادر بس هعمل مكالمه مهمه واجيلك تاني
نادر : اوك براحتك
نادر في نفسه : سامحني يارب انا مش متعود اتصنت علي حد بس انا لازم اعرف البت دي ايه حكايتها انا احسن حاجه اعملها اروح وراها بالراحه بس يارب ما تحس
وما ان ابتعدت لبني قليلا حتي تبعها نادر بخطوات بطيئه واستمع الي مكالمتها مع ذلك الغريب و ..
لبني : اهي طلعت يا زفت الطين ياريت تخلص ف السريع مش عاوزة اشفلها اثر اخلص منها عشان العمليه الكبيره وفي صيده جديده هتساعدنا
الشخص : .......
لبني : هتعرف في الوقت المناسب دلوقتي بسرعه مش عاوزة اي غلط تمام يلا سلام
نادر في نفسه : هي .. هي تقصد مين لتكون قصدها علي .. يا نهااار طيييين مااااياااا هي تقصدها هي اااه يا بنت التييييت طب اقسم بالله لو بس فكرت تعملها حاجه انا هكون قاتلهااا وكمان دي بتقول خلص بسرعه معني كده ان مايا ... ف خططططرررر .... لا لا بعد الشر انشاء الله تكون كويسه انا لازم اتعامل مع البت دي بهدوء الاول واعرف ايه حكايتها وعاوزة ايه من مايا انا كان عندي حق لما قلت اني مش مرتاحلها من اول ما شفتها صبرررني ياااارب عليها
نادر : انتي بتعمل ايه عندك يا لبني
لبني : ها .. لا ابدا كنت بكلم ملجأ الايتام بتطمن علي الاولاد هناك
نادر في نفسه : ااه يا طاااهره يا شرييفه استغفر الله العظيم مضطر اكذب سااامحني ياللي بتسامح
نادر بأبتسامه : الله بجد يا لبني انتي مفيش منك
لبني : ثانكس بجد يا ندورتي
نادر في نفسه : جاك ندورتك ف بطنك يا بعيده محدش يقولي كده غير مايا وبس انا شكلي كنت غلطان لما فكرت اعرف اذا كانت بتغير والا لا معاكي انتي يارب استرها مع مايا ...
وبعد قليلا من الوقت علم نادر بأمر زواج لبني وانه قد انتحر ولكنه لم يصدق ما قالته لبني فقد شعر بأن هناك امرا غريبا ف من المستحيل ان يصدق حديث شخص مثل لبني وبعد وقت ليس بطويل علم نادر بأمر اختطاف مايا شحب لونه وتبدلت ملامحه  شعر وكأن روحه قد سلبت منه شعر وكأن هناك شخص ما قد مد يده وانتزع قلبه من مكانه لام نفسه كثيرا علي ما فعل مع مايا فلم يكن عليه ان يتركها ولو للحظه واحده لم يكن عليه ان يجعلها تغار فهو يعلم كم تحبه ولكن اراد ان يتأكد اكثر شعر وكأن الحياه قد اظلمت امامه وبدأت دقات قلبه تتسارع بشكل غير طبيعي وجد نفسه يجري لا اراديا وبدون استوعاب نحو دوار العمده فقط كان يريد ان ينقذه اي شخص مما يحدث معه كان يريد ان يصرخ بأعلي صوته اعيدوهااااا لي .... وعندما وجدها شعر وكأن قلبه قد عاد مكانه مره اخري بالرغم من ان حالتها كانت مذريه الا انه كان يشعر بالسعاده الشديده عندما وجدها واصبحت تحت ناظريه شعر بالاطمئنان والسكينه ولكنه كان يريد ان يتأكد من هويه خاطف مايا فالشك وحده لا يكفي اراد ان يتأكد وبالفعل تأكد من ذلك عندما ....
بعد ذهاب الطبيب
عبد العاطي : بص يا ولدي ادخل اجعد مع مرتك شويه وهجبلك هدمه فضفاضه تنام فيها
نادر : ربنا يكرمك يا جناب العمده والله ما كان له لزوم كل اللي حضتك عملتو معانا ده
عبد العاطي : لع يا ولدي ده انا مش عارف اودي وشي منيكو فين بعد الاتهام اللي اتهمته لمرتك سامحني يا ولدي انا مكنتش اعرف ده الست الداكتوره هي اللي جات وجالتلي ان مرتك بتمشي استغفر الله يعني مشي بطال
نادر وهو يحاول السيطره علي غضبه : تبقي مين اللي جات قالتلك دي يا حاج
عبد العاطي : واحده اكده طويله اشويتين وبتمشي بشعرها اللي كانت واجفه معاكو قبل ما الست مايا تتخطف
نادر وهو يجز علي اسنانه في غضب واضح : لبني
عبد العاطي : ماخابرش اسمها يا ولدي
نادر : اممممم ولا يهمك يا حج اللي انت عملته معانا كفايا اوي
     ........................
وبعد ذهاب عبد العاطي ودلوف نادر للغرفه وشروده فيما قاله العمده له ونظراته الحانيه لمايا وتفكيره في السبب الذي يجعل سيده مثل لبني تريد ان تتخلص منها وما هي الخطه او العمليه التي كانت تتحدث عنها كان عقل نادر علي وشك ان يجن بسبب ما يدور به من افكار الي ان قطع شروده طرقات باب الغرفه ودلوف سيده يظهر علي ملامحها كبر السن وقولها له بأنها تريد ان تخبره بشئ ما و ...
زبيده : ادخلي يا بت منك ليها حطو الوكل ده واطلعو تاني
نادر : والله ما له لزوم كل اللي بتعملوه ده يا جماعه كده كتير اوي
زبيده : ولا كتير ولا حاجه يا ولدي ... يلا يا بت منك ليها همي واطلعو برا
نادر : انا متشكر اوي علي الضيافه دي
زبيده : ثواني يا ولدي في حاجه مهمه لازم تعرفها
نادر بأستغراب : خير
زبيده : يا ابني انا عاوزة اقلك ان الي اسمها لبني دي مش سهله وانا شاكه انها تكون هي اللي خطفت مايا البنت دي جات السنه اللي فاتت ف الدورة اللي بيعملوها دي برضو ساعتها انا سمعتها وهي بتقول علي عمليه اكده هتنفذها وتقريبا حاجه ليها علاقه بالاعضاء انا سمعت اجده من اهنه وجسمي كلاته اتلبش من هنا قلت اطلع اجري بدال ما تعملي حاجه لقيتها ف وشي وهددتني اني لو قلت حاجه لحد هتجتلني انا طبعا كتمت ع الموضوع بعدها ب مفيش بتي ماتت حسيت ان ربنا بيعاقبني علي اللي انا عملته ولما جات البلد تاني بجيت مش طايقه اقعد فيها ونفسي ف اي فرصه اخنقها فيها لحد ما اكتشفت ان الست مايا اتخطفت وانا حسيت انها السبب ف كده خد بالك من مرتك يا ولدي وخدها وامشو من اهنه بسررعه الست دي مش سهله او اقلك انت لازم تبلغ البوليس روح علي قسم الشرطه حالا وبلغهم باللي حصل
نادر : انا متشكر اوي يا حجه
زبيده : بسرعه يا ولدي وانا هخلي بالي منها متخافش عليها هي معايا ف الحفظ والصون
نادر وهو ينظر لمايا نظرات يظهر فيها اشفاق شديد : خدي بالك منها والنبي
زبيده : دي ف عيني يا ولدي
ثم قام نادر بالخروج من دوار العمده متجها نحو قسم الشرطه بعد ان تأكد من ان لا احد يتبعه فهو اصبح شديد الحرص بعد ان علم خطورة العمل الذي تقوم به لبني ولكن هذا لم يهمه بقدر ما كان مهتما علي ان يقوم بأثبات انها من كانت وراء خطف مايا وعندما وصل هناك ...
نادر : لو تسمح يا عسكري هو فين مكتب المأمور
العسكري : اشمعنا يا استاذ
نادر : في حاجه ضروريه لازم اقلهالو
العسكري : وهو جناب المأمور فاضي مش هينفع دلوقتي في عنده حاجات اهم
نادر بعصبيه : طب واما احب اتنيل اقول مشكله كبيره اقلها ل مين هنا
العسكري : ما تتكلم كويس يا استاذ انت
نادر وهو يحاول تهدئت اعصابه : انا اسف ممكن تقولي اروح اكلم مين بجد الموضوع ده مهم اوي
العسكري : طيب من انهي نوع يعني عمليات ومهمات وكده والا محضر عادي افهم بس
نادر بعد تفكير : لا دي مهمه او عمليه
العسكري : طيب يبقي الرائد آسر
نادر : ايوا اللي هو فين
العسكري : مكتبه عندك ع الشمال اخر الطرقه دي
نادر وهو يجري مسرعا : شكرا
العسكري في نفسه : اهبل ده والا ايه
طلب نادر من العسكري الذي يقف خارج مكتب آسر بأن هناك شخص ما يريد مقابلته بأمر في غايه الخطوره والاهميه ثم سمح آسر لنادر بالدخول وما ان دلف نادر والقي التحيه علي آسر حتي بدأ في سرد له ما حدث من قبل لبني وعن ما قالته له زوجه العمده وعندها قرر آسر ان يقوم بمساعده نادر و ...
آسر : الكلام اللي انت بتقوله ده في شده الخطورة انت عارف ان عصابه الاعضاء دي احنا بقالنا اكتر من 3 سنين نفسنا نعرف مين اللي ورا الموضوع ده
نادر بعصبيه : يا اخي ما تولع الاعضاء ع الانسجه انا كل اللي هاممني خطيبتي
آسر : بالراحه بس واتحكم ف اعصابك الظاهر انك نسيت مركزي  بس انا هعذرك عشان اعصابك تعبانه من اللي حصل مع خطيبتك وكمان احنا هنكون ف عمليه واحده
نادر : مش فاهم
آسر : يعني انت من مصلحتك تحمي خطيبتك صح وانا من مصلحتي اقبض ع العصابه دي او امسك عليهم اي دليل
نادر : والمطلوب
آسر : انت مطلوب منك تجبلي اي دليل عن اللي اسمها لبني دي هي هتكون الخيط اللي هيوقعنا ف العصابه دي
نادر : وانا مالي ومال العصابه ما تولع والا تدعق بجاز انا جاي عشان خطيبتي
آسر : اسمع الكلام للاخر ميبقاش مخك تخين
نادر بنرفزة : ما تتكلم كويس يا عم انت
آسر : اللهم طولك يا روح انت لازم تجبلي اي دليل وخلاص وانا ف المقابل هحمي خطيبتك انا ورجالتي احنا جاهزين بقالنا كتير اوي للعمليه دي ولعلمك احنا ...
قطع حديث كلا من آسر ونادر صوت رنين هاتف نادر برقم مجهول و ...
نادر : ده رقم غريب
آسر : طب ما ترد مهو اكيد مش هيعاكسك يعني
نادر بصوت منخفض يمتزج بنبره غاضبه : مهو اللي له عند الكلب بقا
آسر بنبره جاده : بتقول حاجه يا معلم
نادر : لا ابدا بقول يارب يطلع حد معرفه
وما ان قام نادر بالرد علي المكالمه وعلم ان المتصل هي لبني حتي قام بفتح مكبر الصوت ليتمكن آسر من سمع المكالمه معه وما ان اغلق الخط حتي ..
آسر : حلو اووي رحلها
نادر : ارحلها فين انت اتجننت .. آآآ متأسف
آسر : امممم ايوا كده اظبت ... بص يا نادر انت اكيد هامك مصلحه خطيبتك دلوقتي انت تروح وكل ما تشوف البت دي تسجلها كل كلمه تقولها تتسجل ومن كلامها شكلها عاوزاك تساعدها وده هيساعدنا احنا كتيييير ف مهمتنا يبقي انت دلوقتي تروحلها وتسجل كل كلمه تقولوها  ووريني صورة خطيبتك
نادر بأستغراب : ليه انشاء الله
آسر : خليك ظالمني انت كده عشان بس الدواعي الامنيه يا جدع
نادر : اممم بس هي ملهاش صور عندي
آسر : لا فكر فكر بس
تذكر نادر الصورة التي التقطها لمايا امام المشفي ثم اخرجها واعطاها لآسر وما ان رأاها حتي صعق آسر فهي من كانت معه بالكامين هي من غرق في بحو عينيها هي من احب بها حيرتها وخوفها وقوتها وعنادها ايعقل ان يكون القدر ام تلك مجرد صدفه سرعان ما افاق آسر من شروده وقال بنبره هادئه : هي دي
نادر : اه خلاص كده عرفتها
آسر : عارفها من زمان
نادر بأستغراب : جري ايه يا جدع انت ما تتلم دي خطيبتي
آسر : انا اسف والله اقصد يعني من ساعه ما انت وريتني الصورة
نادر : امممم طيب انت مالك سهتان كده  ليه من ساعه ما شفت الصورة ما تنشف ياعم شويه
آسر بجديه : انت هتصاحبني يا عم انت بص انت تروح تشوف البت دي عاوزة منك ايه وبعدها نبقي نعرف هنعمل ايه تمام
نادر : تمام طب ومايا
آسر : هي اسمها مايا
نادر : وبعدين بقاااا يا صبر ايوووووب
آسر : طب انت ايه اللي موقفك لحد الوقتي يلا روح بسرعه
نادر : انا مش عسكري عندك انا بشتغل معاك وهتستفيد مني قبل ما هتفيدني انت فاهم يبقي الكلام احسن من كده وياريت نعامل بعض بأحترام شويه عارفه يا كبير
آسر : تمام يا باشا يلا روح دلوقتي شوف مهمتك
نادر : طيب
وبعد ذهاب نادر للقء لبني وعلمه بأنها تريده معها في تلك العمليه قام بأعلام آسر بأنه قد قام بتسجيل ما قالته لبني سعد آسر بسبب هذا الخبر واصر علي ان يذهب نادر للقائها في المساء كما طلبت منه رفض نادر في البدايه ولكن بعد اصرار من آسر واقناعه بأن هذا مي مصلحه مايا وافق نادر واخبره آسر بأن يضع في اذنه سماعه متناهيه الصغر لكي يتكمن من التواصل معه  لان آسر هو الاخر سيكون مراقبا للمكان من بعيد وعندما ذهب نادر وصعق بوجود مايا وكان علي وشك ان يقوم بأخبارها بسوء الفهم الذي حدث ولكنه سرعان ما تذكر الدواعي الامنيه وانه بمهمه سريه ولا يجب عليه ان يقوم بالبوح بمشاعره الحقيقيه كان كالطائر السجين الذي يري السماء ولكن يمنعه من التحليق القفص الذي هو مقيد بأغلاله ولكن لم يكتفي آسر بهذا فقد طلب منه ان يقوم بمعامله مايا بطريقه قاسيه كان نادر يستمع لما يقوله آسر واصبح فيصراع بين قلبه وعقله ف قلبه يخبره بأن لا يفعل اي شئ يجرح مايا بينما عقله يخبره بأنه عليه التحمل من اجل مصلحه مايا والايقاع بتلك الحقيره التي تدعي لبني كانت تلك الصراعات تدور في ذهن نادر بالاضافه اللي الحاح آسر عليه مما دفعه  الي حسم امره واختيار ان يقسو علي مايا من اجل مصلحتها مما جعله يقوم بالصراخ بوجه مايا و ...
نادر بعصبيه : احترمي نفسك بدل ما
لبني متدخله : ريلااكس بابي وسيبهالي ....
وبعد الحديث الذي دار بين مايا ولبني توجهت مايا خارج الغرفه بسرعه رهيبه وكان نادر علي وشك اللحاق بها ولكن استوقفه ايضا تذكره بأن هذه مهمه وهو ليس حرا في اختيار التصرف بقلبه ثم قام آسر بأعطائه الاوامر بأن يجد للبني الحلول في مشاكلها لتثق به ثم يخبرها بأنه يريد منها التسجيلات التي قامت بتسجيلها ل مجدي وليزيد ثقتها به يخبرها بأن تقوم بمسح كل التسجيلا الخاصه بها لانهم لم يعودو بحاجتها فقد اعترفت هي علي نفسها وقام نادر بتسجيل كل ما قامت هي بقوله وبعدها قرر نادر بأن يخبر لبني بأنه سوف يذهب لينهر مايا ولكن في قراره نفسه كان سوف يذهب لأخبارها بكل شئ قام بالتخطتيط له مع آسر فهو لا يتحمل ان تكرهه مايا ولكن بعد ان خرج من غررفه لبني
آسر : انت رايح علي فين
نادر بغضب : مايا راحت فين انت كنت برا وشايفها واقسم بالله لو ما نطقت هرمي السماعه دي بعيد
آسر : لا لا دي عهده هي دخلت الخيمه اللي هناك دي
نادر : طيب
آسر : انت هتعمل ايه
نادر وهو يتجه مسرعا نحو الخيمه التي توجد بها مايا  : هعترفلها باللي بنخططله
آسر : لا يا نادر بطل جناااان لبني جايا وراك ابوس ايدك المهمه هتبوظ
نادر بعصبيه : يووووووه كفايا بقااا مش قاادر اعمل فيها اكتر من كده
آسر : انت لازم تعاملها وحش وتضربها
نادر : لا ده انا هاجي اضربك انت بقا لما اعدمك انت اتجننت عاوزني امد ايدي عليها انا ايدي دي متعملهاش حاجه غير انها تحضرلها اكل تمسح دموعها انما اضربها ده انا كنت اقطعها قبل ما افكر اعمل كده انسسسسسي
آسر : ده ف مصلحتها علي فكره
نادر بنرفزة : مصلحتها ف اني اكسر قلبها واضربها
آسر بنبره حازمه : بص امن مايا عندك شوف انت هتعمل ايه لو هي فعلا تهمك يبقي لازم تعاملها وحش وتضربها ولو حتي خفيف الطشها من بعيد اتصرف انت ف موضوعها بقا تمام انا مليش دعوه
بعد كلمات آسر الاخيره التي اثرت علي قرار نادر واصبح  في صراع داخلي مره اخري بين قلبه وعقله فكيف ليده التي عهد نفسه علي انها ستمسح دموع مايا وتخفف عنها المها فقط كيف له ان يقوم برفع تلك اليد ف الهواء وصفع مايا ولكن عقله كان يخبره بأن هذا في مصلحتها وانه بفعلته هذه سوف يحميها من المتربصين لها توجه نادر حيث توجد مايا وبدأت المشاجره بينهما صرحت فيها مايا عن الشعور الذي اصبح مسيطر عليها تجاه نادر وهو الكره عندها كان يريد نادر ان يأخذها ويذهب بها بعيدا عن اعين لبني وآسر وكل المتواجدين بهذه القريه الملعونه التي كانت سبب في كره مايا له ولكنه رأي خيال ما خارج الخيمه فأدرك سريعا بأنها لبني ثم قرر مره اخري ان يتحكم بعقله ويتصرف من اجل مصلحه مايا  ثم قام بصفعها ... كانت الصفعه موجهه لمايا ولكن من تألم هو نادر تألم اضعاف ما شعرت به مايا كان يشعر وكأن هناك مليون سكين يطعن بقلبه ثم اتجه مسرعا خارج الخيمه  و ......
فلاش باك
وقعت مايا علي الارض اثر تلك الصفعه القويه التي وجهها لها نادر ولم تتفوه بحرف واحد
نادر : مايا  انا .. انا
مايا بعصبيه : انا  اسمي دكتورررره مااايا امشي اطلع برا براااااااا
نادر : انا مكنتش اقصد نوصل ل كده يا مايا
مايا بنظره تحدي : انت مين اصلا عشان تمد ايدك عليا والا هي الرجوله انك تتشطر علي البنات مهو ده اخرك وقلت اسمي دكتوره مايا واطلع برا دلوقتي امشي برااا انا مش طايقه اشوف وشك قصادي  
نادر بنرفزة : ماشي يا دكتورة مايا اولععععي
اتجه نادر خارج الخيمه وهو يشعر بأن بركانا ما ثار بعقله كان يشعر بأنه يريد الصراخ بأعلي صوته ليقول انه برئ ويحبها ويفعل هذا من اجل مصلحتها فقط لا من اجل اي شئ اخر كان نادر في حاله يرثي لها فهو بين انه يريد ان يقول لمايا انه يحبها وان كل هذا من اجل مصلحتها وبين انه اذا تفوه بكلمه من الممكن ان تضيع منه مايا للابد فأصبح يحدث نفسه كالمجنون و ...
نادر في نفسه : ياااااارب انا نفسي اخدها ونمشي من هنا انا ايه اللي خلاني اروح للزفت اللي اسمه آسر ده انا كان المفروض ابقي جمبها ااكلها وهي تعبانه كده ورجلها تقريبا اتكسرت اهون عنها مش اضربها هبقي انا وهم عليها دي بقت تكرهني لا يا مايا معقول قلبك مش حاسس بيا معقول يا مايا تفكري اني ممكن ائذيكي منك لله يا آسر منك لله يارب تساعدني وتخليها تسامحني لما تعرف الحقيقه بس حقيقه ايه اللي هتسمعها مني دي مش طايقه تبص ف وشي دي بتكرهني لا يا مايا متعمليش فيا كده والنبي انا هتجنن ياااارب اخلص بقا من اللي انا فيه ددده
كانت تلك هي اخر لحظه تمر علي نادر وهو مشتت التفكير بعدها قرر ان يقوم بفعل ما هو لمصلحه مايا حتي لو انه سوف يظلم نفسه وقلبه بهذا القرار لان مصلحه مايا هي اهم شئ لديه استمر نادر في هذا العذاب لاكثر من يومين علم فيهم من آسر بأن مايا اتت الي قسم الشرطه وقدمت بلاغ به هو ولبني ثم اتفق كلا من نادر وآسر بأن اسر سوف يقوم بالتمثيل علي مايا واخبارها بأنها في مهمه ويجب عليها ان تساعده وبالفعل اقنعت مايا تماما بأنها في مهمه لتوقه بلبني ونادر ولكن كانت المفاجأه لها عندما رأت ما فعله كلا من آسر ونادر ب لبني ...
بااااااااااااااك
نادر وهو يمسك بيد مايا : مايا اقسم بالله هو ده اللي حصل انا كنت بموت كل ثانيه بتعدي عليا وانا ف دماغي فكره انك كرهاني مايا انتي مصدقاني صح ....
مايا : .........
نادر وهو ينظر الي اعين مايا مباشرا : بصي يا مايا ف عيني وانتي تعرفي اني مش بكدب عليكي ولو انتي مش مصدقه كلامي صدقي عيوني يا مايا انا متأكد انك هتحسي بيا انتي اكتر واحده عرفاني يا مايا ده انتي اللي غيرتيني انتي بقيتي زي الام اللي عارفه تصرفات ابنها  لانها هي اللي ربته ايوا انا كنت وحش زمان بس انتي ادتيني حياه من جديد انا طفل لسه مولود وانتي امي معقول امي تصدق اني ممكن ائذيها
مايا بدموع : بس انت ... انت كسرت قلبي جامد
نادر وقد شد احكام قبضته علي يد مايا وماذال ينظر بعينيها : كان غصب عني اقسم بالله غصب عني يا مايا ده انتي فارفورتي انا عارف اني غلتط وجااامد ومكانش لازم اعمل كده بس والله كان عشانك وعشان مصلحتك وآسر كمان اقنعني ان كده ف مصلحتك والزفته اللي
اسمها لبني دي كانت عاوزة تموتك انتي مش فاكره لما بعتت شريكها ده عشان يخطفك وكنتي ..
مايا : كنت هموت
نادر : اوعي اسمعك بتقولي الكلمه دي تاني يا مايا اتفقنا بس انتي مصدقاني صح يا مايا
مايا : انا عوزاك تعرف ان مفيش حد كسر قلبي زيك بس انا مصدقاك انا كنت مستغربه ازاي تتغير ف يوم وليله حسيت اني معملتش اي حاجه ومحاولتي ف انك ترجع تاني فشلت
نادر بأستغراب : محاولتك !!
مايا : اقصد يعني زي ما انت بتقول
نادر : انا كل اللي هاممني دلوقتي اسمع كلمه واحده منك مسمحاني والا لا
مايا بأبتسامه خفيفه : مسامحاك يا نادر
نادر وقد قام بأحتضانها بفرحه : الحمد لله والله كنت عارف يا مايا انك هت.... ايه اللي انا عملته ده
مايا بصدمه : آ.. انت اتهبلت يا نادر اوعي كده
نادر وقد ابتعد عنها : انا .. انا اسف والله مش عارف ازاي عملت كده
مايا بأرتباك : ولا ... ولا يهمك
نادر بنبره جاده : احم طيب يلا اجهزي عشان نمشي
مايا : نمشي علي فين
نادر : القاهره والا انتي مبسوطه بالقعده هنا معايا صح صح اعترفي
مايا : انت تاااني اهو اكبر مصلحه حصلتلي من لبني انها رحمتني من جنانك ده
نادر : هو في اجمل من الجنان وبعدين حكيمه انتي اوي سقراط واقف معايا
مايا : طب برا بقا بالصلاه ع النبي كده عشان عاوزة ابدل هدومي عشان نمشي
نادر : لا انتي كده قمر خدي شنتطك بس وهاتيها عشان اشيلهالك لحد العربيه عاوز اخلص من القريه دي باللي فيها مش طايق اقعد هنا دقيقه كمان يلا قدامي والا اشييييلك
مايا بعفويه : لا لا تشيل مين انا جايه معاك احم .. علي فكره انت لسه ليك عقاب
نادر : بصراحه استاهل كللل اللي تعمليه فيا بس اهم حاجه يكون قلب الجميل راضي بس عني
مايا : اتلم ياض ...
نادر : ياض !!  طيب ايه عقابي عشان اجهز نفسي بس للاعمال الشاقه سنتين
مايا : امممممم ... خليها ف وقت عوزة انا دلوقتي مش عاوزة حاجه غير اني اروح اترمي ف حضن ماما واقعد اعيط
نادر مازحا : طب ما تعتبريني ماما
مايا : افندم !!
نادر : لا اوعي تفهميني صح انا بس بحقد عليها
مايا : هي مين دي
نادر : مامتك يارتني كنت ماما والله
مايا : طب نتلم بقا ويلا شيل العربيه وورايا ع الشنطه
نادر بأستغراب : ايه اشيل العربيه ازاي انتي بتضربي من عند انهي تاجر شكل الحشيش اصلي اوعي تكوني بتضربي تيمو يا فارفورتي ده انا اموت فيها
مايا : يا لطيييف احم اتلخبتط فيها اي يعني هات الشنطه وورايا ع العربيه
نادر : شكلك بتضربي تيمو كده
مايا : نااادر
نادر : عيون نادر قلب نادر
مايا : اتلم
نادر : حاضر قدامي بقا يا جلاله الملكه ع العربيه عشان نمشي
مايا : يااريت والنبي عشان انا تعبانه جدااا وعاوزة انام
نادر : امممم تنامي ف العربيه واغنيلك تاني
مايا : لا لا لا انا اروح انام ف بيتنا احسن
نادر : طييييب انتي الخسرانه ده انا صوتي يا سلااام في حد عنده حنجره زيي كده
مايا : لا استغفر الله ده لو كان في من صوتك اتنين كان زمان البشريه كلها اصيبت بتلوث سمعي في ظروف غامضه
نادر : ده علي اساس اني قرين علي الحجار
مايا : هههههههههه لا مش اوي كده
نادر بأبتسامه عريضه : تصدقي وحشتني
مايا : هي ايه
نادر بأبتسامه : ضحكتك
مايا بأرتباك : ها ... طب ..طب احنا اتأخرنا ولازم نمشي احسن ..
نادر : علي فكره وحشني كسوفك برضو ياااه يا مايا كنت خايف مترجعيليش تاني يلا قدامي ع العربيه خلينا نمشي
مايا : اها يلا
في منزل عادل مصطفي ....
اتفق عادل مع فوزي علي تنفيذ خطتهما وبالفعل طفق عادل بعمل خطته بمحادثته لادهم و ...
ادهم : الو ... بابا انا مش فاضي دلوقتي انا اسف والله بس اول ما اخلص اللي ورايا هكلمك
عادل بنبره يظهر فيها القلق : الحقننني يا ادهم احنا اتطردنا م البيت
ادهم بصدمه : ايييه اتطردتو ازاااي
عادل : تعالي بس وانت تعرف يا ابني
ادهم : طب انت فين دلوقتي يا بابا
عادل : انا ف فيلا الدمنهوري
ادهم بصدمه : ميييييين
عادل : خلص يا ادهم وانا هفهمك
ادهم : لا طلاما انت موجود هناك وكويس يبقي انا هسيب شغلي واجي ليه خليك عندك يا بابا وانا الصبح هجيلك انا مش عارف استفسر منك دلوقتي عشان عندي قضيه مهمه بس سلام دلوقتي وانا هجيلك بعد ما اخلص
عادل : طب وهتخلص امتي يا ابني
ادهم : علي بكرا الصبح يا بابا سلام دلوقتي انا بجد مشغوول اوووي
عادل : طيب طيب سلام يا ادهم
ادهم : سلام
في فيلا الدمنهوري
فوزي : ها يا عادل قالك ايه
عادل : تمام هو مشغول دلوقتي ومعرفش يسئلني وبيقول هيجي بكرا انشاء الله
فوزي :طيب يوصل بالسلامه انشاء الله انا عاوزك تاخد راحتك ع الاخر يا باشا الفيلا فيلتك وفي فوق اوضه مخصوص ليكو عشان تاخدو راحتكو وكمان في اوضه ل مايا بس ادهم مضطر بقا ينام ف اوضه نادر انا اسف والله بس ...
عادل مقاطعا : يا باشا ولا يهمك ده انت تشكر علي اللي عملتو معانا وادهم اصلا بيبات ف الشغل
فوزي : طيب اسيبكو انا بقا عشان ترتاحو يا صبااااااح
صباح : ايوا يا فوزي بيه
فوزي : وصلي عادل بيه وسميره هانم علي اوضتهم واي حاجه يطلبوها تتنفذ مفهوم
صباح : مفهوم يا فوزي بيه
عادل \ سميره : عن اذنكو
فوزي \ امنيه : اتفضلو
صعد كلا من عادل وسميره الي الغرفه التي دلتهم علي مكانها صباح ليغرقو في سبات عممميق وبالاخص عادل ف بالرغم من انه لم يعد بأمان كاامل الا انه كان يشعر بالراحه بسبب وجوده بمكان ملئ بالحراسه ف علي الاقل سيكون هذا حلا مؤقتا لحمايتهم من كابوسه الاكبر ( طاهر المغربي )
في نفس التوقيت كان ادهم في مركز المخابرات المصريه ويمسك بيده ملف ( طاهر المغربي )
تنقسم الشاشه الي ثلاثه اقسام
ادهم وهو ممسك بالملف الخاص بطاهر وعلي وشك ان يقوم بفتحه
عادل وهو يفكر في مصيره مع ذلك المجرم
نادر ومايا في السياره عائدين الي القاهره  و ظهور سعاده نادر الواضحه وابتسامه مايا التي لم تفارقها فقد اكتشف كلا منهما اليوم بأنه لم يخن الاخر وقد تخلصا من اول مشكله تواجه قصه حبهما ولكن ايدوم ذلك طويلا فبدون المشاكل لا توجد للحياه معني ......
وبعدها مع كل واحد فيهم حصصصصصل
ــــــــــــــــــــــــــــــــــــــــــــــــــــــــ
يتبع