ساغيرك رغما عنك لكاتبة مى محمد

الفصل الثامن والعشرون

الفصل الثامن والعشرون
ما ان دلفت مايا اللي غرفتها حتي اسرعت سميره نحو عادل و ....
سميره بأبتسامه عريضه : ده شكلو حصل يا حاج
عادل : بجد يا سميره عرفتي منين
سميره : باين اوي يا حاج من تصرفاته بص هي حكتلي اللي حصل اسمع يا حاج ......
عادل : تصدقي يا سميره ممكن برضو يكون حصل بس شكل فوزي الدمنهوري متمسك بمايا جدا
دلفت مايا اللي غرفتها وهي تشعر شعورين متناقضين
الاول انها يجب عليها ان تظل بجانب نادر حتي يعود كما كان تماما خاصا بعد ما رأت كيف اثر رأي المدرب المكلف بتدريبه ورأي زملائه عليه فقد كان يشعر بالاستياء الشديد ومن الممكن ان يقوم اي شخص بأحباط نادر وعندها سوف يتراجع فورا ولن يكمل في الطريق الصحيح 
اما الثاني فكانت تشعربالغضب الشديد بسبب لهجه نادر معها وتصرفه الفظ الذي لم يكن يجب عليه ان يحدثها به ...
عند نادر
كان نادر جالسا في سيارته وهو يشعر بالاستياء والغضب الشديدين من نفسه بسبب فظاظته مع مايا والطريقه التي قام ب معاملتها بها  .
نادر في نفسه : انا ايه اللي  عملتو  ده كان لازم يعني اعاملها كده هي مالها باللي هم قالوه
والا كان ايه ذنبها  أني شفت الزفته اللي اسمها علياء هي ملهاش دعوة يعني انا يوم ما الاقي حد يساعدني ويحاول يطلعني تاني للنور ويمدلي ايده زي ما انا كنت عاوز  اعامله كده والناس اللي بتحطمني وتكسرني كلامها يبقي علي قلبي زي العسل وبعدين مايا مش حد  مايا دي فارفوري ينفع ازعقلها كده .... طب وبعدييين انا لازم اصالحها ....
عند مايا 
كانت مايا ماذالت تفكر اي القرارين تختار اهل تكمل طريقها حتي النهايه ام تكتفي بما فعلت وتنسحب من حياه نادر بهدوء ثم قطع تفكيرها صوت رنين هاتفها معلنا وصول رساله نصيه القت مايا نظرة علي الرساله فوجدتها من نادر وقامت بفتحها
وكان نص الرساله .......................................................................................
( انا قلت التالته تابته  ف انا اسف يا فارفوري .. بس بس اكيد اتعصبتي دلوقتي  اما قلت فارفوري ارجعي اضحكي تاني زي ما كنتي  وانا عارف يا فارفوري اني مكانش لازم اتعصب كده زي ما عملت  بس والله العظيم غصب عني يلا روحي نامي بقا عشان بكرا بدري تيجي تشجعيني عشان اتمرن زي الاول واحسن كمان )
ابتسمت مايا ما ان رأت هذه الرساله ثم قالت في نفسها : مجنووون وربنا مين كان يتخيل ان ده نادر اللي انا كنت بتخانق معاه دايما وكنا علي طول ناقر ونقير سبحان الله
وهنا دلف ادهم اللي غرفه مايا و ...
مايا بخضه : ايه يا عم انت مش تخبط دي اوضه بنت
ادهم : هو فين البنت دي يا اوزعه
مايا : لا يا شييييخ احم عاوز اي اكيد مش جاي تطمن عليا مثلا يعني بعد الشر
ادهم : استغفر الله يا بنتي حد الله بيني وبين حاجه زي دي احنا بتوع المصالح
مايا : ههههههه عاوز اي يا ادهومي
ادهم : انا جاي ابلغك ان سموي رايح يتقدم للاميرة ندي بكرا ف جاي اقولك تجهزي نفسك
ماي بفرحه : بجد يا ادهم مبرووك يا حبيبي وانشاء الله تتقبل مع اني يعني شاكه
ادهم بثقه : لا يا اوزعه انا اصلا مقبول من دلوقتي بس لازم اروح بقا عادات وتقاليد اعمل ايه لازم اجي علي نفسي والغي مواعيدي 
مايا : ده اي الثقه دي ايوا يا عمممم ربنا يرضي قلب خالتك عليك
ادهم : لا خالتي ايه بقا بقت حماتي
مايا : اوام كده خلتها حماتك
ادهم : امااال ايييه المهم يعني عاوزك تجهزي وتروحي لندي بكرا من الصبح
مايا بأرتباك : ب ... بكرا لا مش هينفع الصبح
ادهم بأستغراب : ليه معاليكي وراكي ايه انتي مش مرفوده من شغلك لامؤخذه يعني
مايا : مرفوده يا رخم ..  مش ورايا شغل انا
ادهم مازحا : ااااه صح الراجل اللي اسمه فوزي الدمنهوري هو الجدع ده مبيخفش بقاله شهر ونص عيان ما خلاص بقا زهقنا
مايا : هههههههه ياعم حرام عليك والله راجل طيب
ادهم : امممم طيب والله انتي اللي طيبه ده اول ما يخف هتلاقيه قام ولا كأن في واحده اسمها مايا ف الوجود ولا هيشغلك ف مستشفي والا اي حاجه
مايا : ملكش دعوه يا رخم
ادهم : بس يا اوزعه انا مش فايقلك دلوقتي عشان تعبان م الشغل استني بس اما افوق ونتخانق للصبح المهم بقا انتي بكرا تخلصي شغلك عند الراجل الغريب اللي مش بيخف ده وتيجي علي هنا عشان تبقي رايحه مع العريس وابقي البسي فستان متفضحيناش
مايا : انا حاسه انك بتتكلم علي واحده احنا منعرفهاش ياعم افضحك اي بس ما احنا بنفضل قاعدين بالبيجامات انا وندي لما بنبات سوا
ادهم : ما تقاطعينيش يا اوزعه هتلبسي فستان يعني هتلبسي فستان
مايا : بس  هلحق اغير هدومي ازاي ده هكون جايه م المعادي
ادهم : خلاص يبقي تروحي بالفستان الشغل وبعدين تيجي علي هنا
مايا : امممم فكرة حلوة بس مش هيبوظ
ادهم : لا يا اوزعه ما انتي تاخدي بالك بقا
مايا : ايوا بس انا عاوزة اجيب فستان جديد وده هيكون امتي بقا مش كنت قلتلي بدري شويه 
ادهم : حصل يا اوزعه
مايا بفرحه : اييييه ده لا لا مش معقول انت بنفسك جبتلي فستاااان يا ادهومي
ادهم : ايوا يا اوزعه بس مش متأكد من المقاس يعني اخرجي شوفيه كده هو برا ف الرسبشن انشاء الله يطلع مظبوط
مايا وقد احتضنت اخاها : ربنا يخليك ليا يا احلي ظابط ف الدنيا كلها وعقبال ما تبقي لواء كده يارب وتتجوز ندي
ادهم : ايوووا اثبتي ع الدعوة دي ليل نهار قومي بقا شوفي الفستان بتاعك يا اوزعه
مايا بأبتسامه : تمااام يا فننندم
خرجت مايا لتري الفستان الذي احضره لها ادهم فقد كان غايه في الروعه  ( فقد كان طويل  ينقسم اللي قسمين الجزء السفلي منه كان بيليسيه اما الجزي العلوي فكان يتميز بالنقوش البسيطه وكان يفصل بين الجزئين شريط  رقيق علي شكل الحزام )
مايا بفرحه : اييييييه ده تووووحفه الله يا ادهم ربنا يخليك ليا
ادهم : عجبك يا اوزعه
مايا : انت بتهزر طبعاااا تحففففه
ادهم  مازحا :  طيب روحي قيسيه بقا عشان ممكن يكون ضيق وانتي اوزعه وتخنتي كده
مايا : هتقفلني منك لييييه يا ادهممم ما كننا كويسين
ادهم : هههههه خلاص روحي كده شوفيه
مايا : حالاااا الله شكلو  كيوت اوي
ثم دلفت مايا اللي غرفتها لتقوم بتجربه الفستان و بعد بضع دقائق ..
ادهم : انا جايب الفستان لاختي الدكتورة والا لبنت اخويا اللي ف سته ابتدائي هبله وربنا
مايا : احم  سمعتك علي فكرة
ادهم : ما تخلصي بقا انتي بتلبسي ف ساااعه
مايا : مش لازم الف بيه كام لفه قدام المرايه كده يا سلااام حلو اوي
ادهم : وربنا انا غلطان اني بجبلك حاجه خلصي يا اوزعه عاوز اروح اااحب آآآآآ اقصد انام انام
مايا : اممممم قولي كده بقا وكل يوم اصلي تعبان يا سمورة تصبحو علي خير
ادهم : طب يا مايا اما تخرجي انا هاخده منك انتي ملكيش فساتين
مايا : احم سوري سوري خلاص هطلع اهو
قامت مايا بالخروج من غرفتها وكانت في غايه الروعه والاناقه ف الفستان كان علي مقاسها وكانت ترتدي شوز بيضاء ذات كعب وطرحه رقيقه من نفس لون نقوش الفستان ...
ادهم : الله يا اوزعه الفستان شكلو حلو اوي تسلم ايديا والله
سميره : بس يا واد واللي جوا الفستان قمممر كمان تعالي يا حاج عادل شوف بنتك قمر 14 ازاي
ادهم : قمر 14 ايه بس يا ماما المبالغه دي قمر بالستر
سميره : بس يا واد اسكت  ده انا خايفه احسدها والله ( قل اعوذ برب الفلق )
عادل وقد اتي من غرفته : مشاء الله عليكي يا بنتي قمرايه شايفه يا سميره بنوتتي انشاء الله يا حبيبتي افرح بيكي قريب
مايا : ها ... تفرح ب مين قريب يا حاج انت عاوز تخلص مني والا اي يا بابتي
عادل : لا لا يا حبيبتي انا بس نفسي افرح بيكي اوي
مايا : اهاااا هو الواد ده  قالكو انو هيروح بكرا يتقدم لندي
سميره : ايوا يا بنتي عارفين من امبارح
مايا : ده مفيش غيري انا بقا اللي قلتهلها فجأه والله لوريك انت وندي البوبي دي
ادهم : بس يا اوزعه متشتميش مراتي بدل ما اقصلك لسانك
سميره : خلاص يا واد بقت مراتك علي طول كده انت لسه قريت فاتحه حتي
ادهم : يا سمورة حرام عليكي خلوني افرح مش انا العريس 
سميره : افرح يا حبيبي حد قددك يا عم  البت دي طيبه وهتسعدك انا عارفه
ادهم : ياااارييييت
عادل : طيب يا اخويا يلا خش نام انت بقا عشان بكرا يا عريس والله عشت لليوم اللي شفتك فيه عريس يا ادهم
ادهم : ربنا يخليك يا حاج بس انت لسه قايلي البوء ده علي اول الاسبوع يعني نوع شويه
عادل : يلا يا كلب علي اوضتك
ادهم : احم توشكر يا رجوله طيب يا حاج تؤمرني بحاجه
عادل : لا يا ابني توشكر
ادهم : طب عن اذنكو هدخل انام..
مايا : تنااااام ااه ادخل ادخل ده انت بتحب النوم حب
ادهم : طبعاااا هو في احلي من النوم
مايا : طب ادخل ادخل وميرسي يا ادهومتي علي الفستان
ادهم مازحا : خلاص بقا ياعم بطلي تسول عرفنا انك معندكيش فساتين كتير هش بقا
مايا : ماشي ماااشي وربنا لوريك يلا تصبحو علي خير كلكو
الكل : وانتي من اهلو
دلفت مايا اللي غرفتها ثم قامت بتبديل ملابسها ووضع الفستان علي الشماعه الخاصه به
ثم خلد جميع ابطالنا اللي النوم في انتظار ذلك اليوم الحافل في الصباح ف مايا كانت تنتظر ان تذهب اللي النادي لتقوم بالاشراف علي حاله فوزي الدمنهوري واخباره بأنه لم يعد في حاجه اليها سوي مرة واحده فقط ف حالته اصبحت الان في تحسن كبير واصبح في صحه جيده ولم يعد في حاجه اللي اشراف طبيب ما علي حالته ..
اما عند نادر فقد كان ينتظر الصباح ليستطيع ان يري مايا مره اخري و لتقوم بتشجيعه في التمرين الخاص به ..
اما عند ادهم وندي فقد كان كلا منهما لا يطيق الانتتظار حتي الصباح فقد كانا في شده السعاده
ثم خلد جميع ابطالنا اللي نومهم الهادئ
وفي الصباح
استيقظت مايا من نومها ثم قامت بمكالمه ندي و ...
مايا : صباااحو يا ندله 
ندي : ميمووو حبيبتي وحشاااني موووت ليه بس كده اميمو
مايا : مش عارفه ليه الا ما بقيتي تتصلي بيا حتي  هو ادهم هياخدك مني والا ايه
ندي : والله يا بنتي ماما تعبانه بقالها كام يوم وعماله اعالج فيها انا برضو انسيكي اميمو ده انتي وحشاني اوي والله 
مايا :  لا لا الف سلامه عليها وانتي اكتر والله يا روحي ايوااا بقا يا عمم النهارده فتحتك مين قدددك
ندي : اسكتي بقا يا مايا ده انا والله خايفه جدا ومبسوطه جداااااا جدااااااا 
مايا : خايفه من اي يا عبيطه ده ادهم ودي خالتك لا تقلقي والله هيبقي يوم عثل
ندي : ههههههه انشاء الله يا قلبي مش هتيجي تقضي معايا اليوم من اوله
مايا : لا انا هاجي مع موكب العريس
ندي : هههههههه موكب العريس
مايا : اهااا بقولك اي يا نوده جبتي فستان
ندي : اهااا جبت واحد بس يارب يعجب ادهم بقا آآآآآ يعجبكو كلكو يعني
مايا : لا متقلقيش هو هيعجبنننناااا كلنننناااا انشاء الله وادهم يعني 
ندي : ههههههه بصي هو من فوق قطيفه ولونه نبيتي ونازل علي نفشه بس شكلها عسل اوي ولونها اوف وايت
مايا : واااو هيبقي شكلك عسل اوي ولله يا ندي انتي موزة من غير حاجه اصلا
ندي : احم ربنا يخليكي يا ميموو
مايا : يلا اسيبك انا بقا عشان تحضري نفسك لبليل وانا هروح البس وانزل شغلي عشان الحق اجيلكو بدري
ندي : اوك باي باي يا ميمو
مايا : بااي
ما ان اغلقت مايا الخط مع ندي حتي قامت بأرتداء الفستان الذي احضره ادهم لها ثم قامت بالاتجاه نحو النادي كانت مايا في قمه الاناقه فقد كانت تخطف انظار جميع من في هذا المكان
مايا في نفسها : ايه ده هو انا شكلي وحش والا ايه الناس كلها عماله تبص عليا هو انا لبسي في حاجه غلط ...
  ثم قامت بالتوجه اللي المكان الذي علمت ان اسره فوزي الدمنهور تجلس فيه و .... 
امنيه :  انت متأكد يا نادر ان مايا جايه 
نادر علي مضض : ايوا يا ماما انشاء الله
نادر في نفسه : يوووه هي اتأخرت كده ليه شكلها مش هتيجي كده اكيد طبعا بعد اللي عملتو امبارح لو بصت ف وشي يبقي الحمد لله
فوزي : ايييه ده هي اللي هناك دي دكتورة مايا
امنيه : مشاء الله يا بنتي قمر ماشي ع الارض
فوجئ نادر بقدوم مايا من بعيد و ...
نادر وقد التفت ليراها : هااا ... معقووول دي مايا 
نادر بأبتسامه وقد اتجه امامها مباشره : ايه ده هي الملايكه بقت تمشي علي الارض عادي كده مهو لو انتي آآآآ اقصد الملايكه بالحلاوة دي احنا كده ممكن نموت يا فارفورتي
شعرت مايا بالخجل الشديد فور قول نادر لتلك الكلامات
مايا : احم انت تاااني هتقولي زفت فارفوري 
نادربصوت منخفض : يا خراابي يا ناس ع الكسوف فرولايا
فوزي : انت بتقولها ايه يا ولد اوعي تكون بتدايقها والا حاجه
نادر : انا يا بابا ده انا ملاك بجناحات
مايا بأبتسامه : صباح الخير يا عمي فوزي ويا موني هانم
امنيه \ فوزي : صباح النور يا بنتي
مايا : اظن حضرتك النهارده يا عمي حالتك بقت كويسه خالص
فوزي : الحمد لله يا بنتي بقيت احسن كتييير
مايا : طيب الحمد لله انا جايه اقول لحضرتك اني فاضل بس مرة واحده اجي لحضرتك فيها وبعدها خلاص حضرتك تقدر تمارس حياتك تاني عادي جدا وكمان مش هتكون محتاجني خالص
كلهم : اااااااييييييه
مايا : في ايه يا جماعه انا قلت ان صحه استاذ فوزي بتتحسن كتير
نادر بحزن : يعني يا مايا خلاص كده مش هشوفك آآآآ اقصد مش هنشوفك تاني
مايا : ده الحمد لله ان حاله استاذ فوزي بقت احسن كتير ومش هيكون محتاجلي
نادر : امممم طيب يلا بابا وماما الحلوين يقومو يجرو شويه ف التراك وانا ومايا هنروح صاله الملاكمه  
مايا بأندهاش : ها ... تراااك
نادر : ايووون  شفتي احنا اسره رياضيه ازاي يلا بينا علي صاله الملاكمه بقا وعاوزك تشجعيني هاا
مايا بأبتسامه : اها انشاء الله علي فكرة انا جبتلك هديه عشان اشجعك يعني
نادر : ايه ده بجد يا فارفوري
مايا : كده مفيش هدايا
نادر : هههههه لا خلاص خلاص ايدك ع الهديه بقا والا هو كلام وخلاص
مايا بأبتسامه : امممم لا انشاء الله لما تخلص التمرين والكابتن يقول انك بقيت بتتمرن احسن هديهالك
نادر : لازم لازم يعني
مايا : ايوا لازم لازم يعني
نادر : طيب يلا بينا ده انا هنتشر ف قلب المكان هناك
مايا : هههههههه ماشي يلا
اتجه كلا من مايا ونادر نحو صاله تدريب الملاكمه واخذ نادر يتمرن حتي انتهي من التدريب لليوم ثم اتجه نحو المكان التي تجلس به مايا و ...
نادر : ها يا فارفوري كده اتمرنت بما فيه الكفايه والا لسه شويه ع الهديه
مايا : هههههههه لا كده برافو عليك
نادر بأبتسامه : اممم طيب ايدك عليها بقا
في نفس التوقيت كانت علياء تراقب نادر بعينيها وتري مع من هو يتحدث وعندما رأته مع تلك الفتاه التي لا تعرف من تكون ثار غضبها وخصوصا ان مايا كانت في غايه الجمال ثم قررت  علياء ان تفسد اليوم علي كلا منهم وبدأت في الاقتراب منهما و ....
علياء بمياعه وقد جلست بجوار نادر : صباح الخير يا ندورتي كده برضو متجيش تسلم عليا زي كل يوم ده انا لولا حبيبتك
نادر بأستغراب : نعمممم !! وانا من امتي بسلم عليكي اصلا انا مش قولتلك امبارح تنسي انك تعرفيني بدل ما هزعلك واوعي كده ابعدي شويه ميصحش  
علياء وقد امسكت بيد نادر  : الله يا ندورتي عليك وانت بتهزر طبعا اتخنقت من الجو اللي هنا وعاوز تمشي بصراحه عندك حق واحده لابسه ستاره طويله  ومش باين منها غير وشها ياااي لبس بيئه اووي  وقاعده مع نادر الدمنهوري ازاي يا ماما بمنظرك ده اوووف ايه القرف ده  يلا بينا من هنا يا ندورتي انا هفرفشك ونروح نقعد مع شادي شويه زي زمان ونسهر للصبح هناك او نطلع الساحل وسيبك من الزباله اللي انت قاعد معاها دي  ...
وحصصصصصل .....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يتبع

تفاعل ثم تفاعل