ဒုတိယဇာတ်လိုက် နှင့် တတိယဇာတ်လိုက် တို့၏ ပျော်ရွှင်စရာ အဆုံးသတ် ! [ဘာသာပြန်]

Chapter 1 - တတိယဇာတ်လိုက် မင်းကိုအခွင့်အရေးတစ်ခုပေးမယ်

Unicode

သွမ့် ကော်ပိုရေးရှင်း အထွေထွေဌာနရုံးချုပ် အဆောက်အဦး၌

လူ့စွမ်းအား အရင်းအမြစ် ဝန်ကြီးဌာနမှ စာရေး လီလိလိသည် လက်ထဲတွင် စာရွက်စာတမ်း အနည်းငယ် ကိုင်ဆောင်ကာ ရုံးခန်းထဲသို့ ပြေးဝင်သွားပြီး သူမရဲ့ ထိုင်ခုံသို့ ရောက်သောအခါ စိတ်လှုပ်ရှားစွာဖြင့် လက်ကိုင်ဖုန်းကို ကောက်ကိုင်လိုက်ပြီး သွမ့် မင်းဆက် အရပ်ဘက် စစ်ဘက် အရာရှိများဆိုင်ရာ တာဝန်ရှိသူများ ဆွေးနွေးရေးအဖွဲ့ စကားပြောခန်းကို* ဖွင့်ကြည့်လိုက်သည် ။

[T/N: ဒီကုမ္ပဏီက အလုပ်သမားတွေက သွမ့်မိသားစုဝင်တွေဖြစ်တဲ့ သူတို့ရဲ့ အထက်လူကြီးတွေအကြောင်း အတင်းအဖျင်းပြောဖို့ chat group တစ်ခုကို ဖွင့်ခဲ့ကြပြီး သူတို့က သွမ့် မိသားစုရဲ့ အဆင့်အတန်းမြင့်တဲ့ တော်ဝင်မိသားစု‌ဝင်တွေကို ရယ်မောခဲ့ကြတယ် ။ ဒါကြောင့် သွမ့် မိသားစုရဲ့ အကြီးအကဲဖြစ်တဲ့ ဖခင်ဟာ ဧကရာဇ်မင်းကြီးဖြစ်လိမ့်မယ်... အဲ့လိုမျိုးတင်စားတာပေါ့ ။ ]

လူအင်အား အရင်းအမြစ်မှ - ရှောင်လီ : ထိပ်လန့်စရာ သတင်းထူး ! ဧကရာဇ်မင်းကြီးက ဒုတိယမင်းသားကို စျေးကွက်ရှာဖွေရေးဒုဒါရိုက်တာရာထူးကနေ ထုတ်ပယ်ပြီး နယ်မြေခြားကို လွှတ်ချင်နေပြီ*။

[*T/N- အတိတ်တုန်းက ရာဇ၀တ်ကောင်တွေကို ၎င်းတို့နှင့်ထိုက်တန်သည့် ပြစ်ဒဏ်ကျခံရန် နိုင်ငံခြားနယ်နိမိတ်သို့ စေလွှတ်ခဲ့သည်။ ယခုကိစ္စတွင် "နယ်မြေခြား" က သွမ့် ကော်ပိုရေးရှင်းရဲ့ ဌာနခွဲကုမ္ပဏီဖြစ်လိမ့်မယ် ။ ]

ထိုထိတ်လန့်ဖွယ်သတင်းက ကော်ပိုရေးရှင်းမှ အလုပ်သမားတိုင်းကို လှိုင်းလုံးကြီးဖြစ်စေခဲ့သည် ။ ရာနဲ့ချီတဲ့ အလုပ်သမားတွေ ရှုပ်‌ထွေးကုန်တယ် ။

ထောက်ပံ့ပို့ဆောင်ရေးမှ - ရှောင်ကျောက် : ဒါအမှန်ပဲလား ? ! နယ်မြေခြားက ခါးသီး‌လောက်အောင် အေးစက်တယ် ၊ အရှင့်သားရဲ့ သိမ်မွေ့တဲ့ကိုယ်ခန္ဓာက က ခံနိုင်ရည်ရှိပါ့မလားဆိုတာ ငါ သိချင်မိသား ဟီး ဟီး ဟီး ။

ဘဏ္ဍာရေးမှ - ရှောင်ချန်း : ဒီသတင်းက ရုတ်တရက်ကြီးပါပဲလား ရှောင်လီဇိ* ကျေးဇူးပြုပြီး ငါတို့ကို လာမလိမ်ပါနဲ့ကွာ !