ဒုတိယဇာတ်လိုက် နှင့် တတိယဇာတ်လိုက် တို့၏ ပျော်ရွှင်စရာ အဆုံးသတ် ! [ဘာသာပြန်]

Chapter 8 - ဇာတ်လိုက်နှင့် စကားစမြည်ပြောခြင်း

Unicode

ယန်မြို့တော်သည် လင်းနန်ပြည်နယ် ရှန်ချွမ်းစီရင်စုမှ ခြောက်နာရီခန့်‌ ဝေးသည် ။ မွန်းလွဲတစ်နာရီခန့်တွင် ကားသည် ရှန်ချွမ်းစုရင်စုသို့ မောင်းဝင်လာခဲ့သည် ။

သွမ့်ရှူးထုန် ထိုင်ခုံတွင် မတ်မတ်ထိုင်ကာ အိပ်ပျော်နေစဉ် ရှီသွမ့်က ကုမ္ပဏီကိစ္စအချို့ကို ကိုင်တွယ်ရန် ခရီးတစ်ဝက်တွင် နိုးလာခဲ့သည် ။

လမ်းမှာ သွမ့်ရှူးထုန်လက်ထဲကဖုန်းက အကြိမ်ပေါင်းများစွာ မီးလင်းလာပေမယ့် ရှီသွမ့်က သူ့ကို မနှိုးခဲ့ဘူး ။

စီရင်စုအတွင်း မြန်နှုန်းကန့်သတ်ချက်က မမြင့်တဲ့အပြင် လမ်းတွေက ကျဉ်းကာ လူသွားလူလာများတာ‌ကြောင့် သွားရလာရ ခက်သည် ။

ဒရိုင်ဘာက ဘရိတ်ကိုနင်းလိုက်ချိန် သွမ့်ရှူးထုန် နိုးလာတယ် ။ သူ့ဖုန်းက လက်ထဲက ပြုတ်ကျပြီး ထိုင်ခုံအောက်ကို လှိမ့်ဆင်းသွားတယ် ။

မသိစိတ်က သူ့မျက်လုံးတွေကို ပွတ်သပ်ပြီး ဖုန်းကိုရှာဖို့ အောက်ကိုငုံ့ကြည့်လိုက်တယ် ။

ဖုန်းသည် ရှီသွမ့်ဘက်သို့ မနာခံဘဲ လျှောကျသွားသည် ။ ခေါင်းငုံ့ကြည့်နေတုန်း သွမ့်ရှူးထုန် အိပ်ငိုက်သေးတာကြောင့် သူ့အကြည့်များက ထုံထိုင်းနေသေးသည် ။
" အန်ကယ်ရှီ မင်းနည်းနည်း‌လောက်ရွေ့‌ပေးလို့ရမလား ? "

ရှီသွမ့် သူ့လက်ထဲမှ စာရွက်ကို အကြည့်လွှဲပြီး သွမ့်ရှူးထုန်ကို တိုက်ရိုက်မော့ကြည့်လိုက်တယ် ။

သွမ့်ရှူးထုန် အံ့ဩသွားတယ် ။

ရှီသွမ့်က မျက်လုံးတွေ ဖွင့်ထားတဲ့အချိန်ဆိုရင် ဆွဲဆောင်မှုအဆင့်က ကိုးဆယ့်ကိုးရာခိုင်နှုန်း ရှိတယ် ။ သွမ့်ရှူးထုန်က ရှီသွမ့် မာန်တက်သွားမှာစိုးလို့ တစ်မှတ်လျော့လိုက်တယ် ။

လူတိုင်းက ‌အလှအပကို နှစ်သက်ကြပေမယ့် သွမ့်ရှူးထုန်ကတော့ ယောက်ျားလေးတွေကို သဘောကျတဲ့လူတစ်ယောက်ဖြစ်တဲ့အတွက် ခြွင်းချက်မရှိ ပြောစရာမရှိ‌ပေ ။

ရှီသွမ့်၏ မျက်နှာသည် အလှတရားပေါ်တွင် လုံး၀အခြေခံထားသည်ဟု ဆိုနိုင်သည် ။