ဒုတိယဇာတ်လိုက် နှင့် တတိယဇာတ်လိုက် တို့၏ ပျော်ရွှင်စရာ အဆုံးသတ် ! [ဘာသာပြန်]

Chapter 9 - ဇာတ်လိုက်နှင့် စကားစမြည်ပြောခြင်း

Unicode

ရှီသွမ့် သူ့လက်ထဲက စာရွက်စာတမ်း‌တွေကို ငုံ့ကြည့်နေဆဲဖြစ်သော်လည်း သွမ့်ရှူးထုန် ဖုန်းဖြေတဲ့အချိန်ထဲက တခြားစာမျက်နှာကို လုံးဝမလှန်ရ‌သေးပေ ။

ဖုန်းရဲ့ တခြားတစ်ဖက်ရှိ ခေါ်ဆိုသူ လီရှောင်း : ..........

သွမ့်ရှူးထုန် ဝတ္ထုကိုဖတ်ခဲ့တဲ့အချိန်က ဝမ်းနည်းသလို ခံစားခဲ့ရသည် ။ ယခု နောက်ဆုံးတွင် သူအခွင့်အရေးရသွားသောကြောင့် ပြတင်းပေါက်ဘက်သို့ မျက်နှာလှည့်ပြီး အသံတိုးတိုးဖြင့် ဆက်ပြောလိုက်သည် ။
" မနေ့က ဖေးရို့ဝေ ဆေးရုံတက်လိုက်ရတယ် အဲ့အကြောင်းကို အခု ငါမပြောခင်အထိ မင်းမသိ‌ခဲ့ဘူး ။ သူမ လီမိသားစု*မှာ ညပေါင်းများစွာ အိပ်ရေးပျက်ခံပြီး လုပ်ခဲ့တဲ့ ဒီဇိုင်းတစ်ခုက သောက်ကျင့်မကောင်းတဲ့ မအေဘေးတချို့ကြောင့် ပျက်စီးသွားတယ် ။ ရလဒ်အနေနဲ့ ကြီးကြပ်ရေးမှူး ဆူပူကြိမ်းမောင်းတာခံရပြီး သူမရဲ့ လစာတွေ နုတ်ယူခံလိုက်ရတယ် ဒီအကြောင်းလည်း မင်းမသိဘူး ။ "

[*T/N: 厉氏 li shi – 厉 li က လီရှောင်း ( ဇာတ်လိုက် ) နှင့် တူညီတဲ့ မျိုးရိုးနာမည်ဖြစ်ပြီး 氏 shi က “ မျိုးနွယ်စုနာမည် ” ဖြစ်နိုင်တာကြောင့် လီမိသားစုရဲ့ ကုမ္ပဏီမှာ အလုပ်လုပ်တာလို့‌တော့ ထင်တာပဲ ။ ]

လီရှောင်း : " ..... "

" မင်း ဘာကိုမှမသိဘူး ဒါတောင် ဖေးရို့ဝေက မင်းကို WeChat မှာ ဘာလို့ ထူးဆန်းတဲ့ စာ‌တွေပို့တာလဲလို့ ငါ့ကို လာမေး‌ရဲသေးတယ်ပေါ့ ? "

လီရှောင်း : " ...... "

" မင်းက တကယ်ကို အရှုံးသမားပဲ "

ဖုန်းရဲ့ တခြားတစ်ဖက်တွင် တိတ်ဆိတ်နေသည် ။  တစ်စုံတစ်ယောက်ရဲ့ လေးလံသည့် အသက်ရှုသံများကိုသာ ကြားနေရသည် ။

သွမ့်ရှူးထုန်း ထိုလူနှင့် အရေးမပါ‌တဲ့ စကားတွေ ဆက်ပြောရန် ပျင်းလွန်းသဖြင့် ဖုန်း‌ခေါ်ဆိုမှုကို ပြတ်ပြတ်သားသား အဆုံးသတ်လိုက်သည် ။

ဘယ်လိုတောင် နက်နဲတဲ့ ဝမ်းနည်းဖွယ်ခံစားချက်တွေလဲ ? ဘာကို သဘောထားကွဲလွဲခြင်း သံသရာလဲ ?  အားလုံးကို ရိုက်ချပစ် ! ဇာတ်လိုက်က လူ*မဖြစ်ချင်‌တော့ရင် ယဉ်ကျေးသိမ်မွေ့နေဖို့လည်း မလိုအပ်ဘူး ။