جالسة بغرفتها تعبث في الهاتف وجدت رقم يتصل بها ابتسمت لمعرفتها من المتصل ردت :سلام عليكم يارعد
رعد:يسلام علي جمال وحلاوة اسمي
ابتسمت عليا
رعد:متقولي تاني اللهي تنسترى
عليا:تنستري.. كنت عايز ايه
رعد:اسمع صوتك
عليا:لا بقولك ايه مش عشان قرينا فاتحة بقي تتصرف بالحرية دي
رعد:بتفصليني ليه يافصيلة بقولك صوتك وحشني
عليا:ميرسي
رعد:كتك مسا علي وداننك ياشيخة
عليا:الله عايز ايه ما قولتلك شكرا فصلتك في ايه انا
رعد:لا حول ولا قوة الا باللة انتي متعرفيش تقولي وانت كمان صوتك وحشني كدا خليكي رومانسية
عليا:لا معرفش
رعد:عامل ايه ياشبح
عليا:رعد الله انت بتكلم واحد صاحبك
رعد:غطوني وصوتو عليا انت يابت هتشليني
عليا:بعد الشر عليك
رعد:خايفة عليا
عليا:اكيد يعني مش هتبقي جوزي
رعد:العب يالعيب
ضحكت عليا
رعد بحب:ضحكتك تحفة
اوقفت عليا الضحك تقول:عامل ايه يارعد
رعد:لسه فاكرة علي العموم بخير طول ما انتتي بخير
ظلت عليا تتحدث مع رعد بسعادة فهي تحبه ايضا وترتاح لحديثة الذي دائما يشغلها عن حزنها وينسيها جروحها التي مازالت لم تشفي
******************
روڨان بخوف:بابا
اقترب منها علي يخلع سترتة ويضعها عليها اقترب منه والغضب يتطاير من عيناه لكمة بغضب امسكته روڨان تمنع ابيها تقول:خلاص يابابا عشان خاطري خلاص
اجتمعت اهل القبيلة علي هذا الصوت وقد رائو ما حدث
على بغضب:الفجر ملمحش ظلك هنا سامع لو لمحته هكون قاطع راقبتك ومعلقها علي باب القراية عشان تبقى عبرة لمن لا يعتبر
اخذ على ابنته يدخل بيته وسط نظرات الاستحقار الجميع لمحمود
رات والدتها حالها تقول بقلق:مالك يابنتي فيكي ايه
علي:متتكلميش في حاجة يامينه خدي بنتك وخليكي معاها متسيبهاش
سمعت امينة كلامه ليجلس بغضب علي الاريكة لو كان تاخر لكانت ابنته تدمرت نهائيا مجرد تفكيره لما كان محمود يحاول فعله يجعله يجن يحاول تمالك اعصابه مغمضا عيناها
************
ذهب الليل يقفل ستائره لتنفتح ستائر الصباح استيقظ ميرا علي تسلل الشمس لعيناها نظرت بجانبها وجدته نائم بسلام ابتسمت بحب تتامل ملامحه الملائكية اتت فكره بعقلها الشيطانى ضحكت بخفوت ثم اخذت نفسا لتصرخ بصوتا عالي ايقظ كلا من بالغرفة نهض عمر بفزع
عمر:ايه في ايه مين مات
انفجرت ميرا من الضحك ظلت تضحك علي منظره فهو نط من فوق السرير بفزع وكلما تنظر له يزيد ضحها
ابرهيم:ياولاد المجانين انا ايه اللي مخلنيش اروح لسليم صداعه ارحم من ام جنانكم
كانو ينامون بسلام وهدوء وراحه استيقظت هي بفزع عكس عدي الذي لم يتحرك ونهضت بقوة جعل جرحها يولمها
كيندا بغضب:يابنت المجنونة هو انتي نايمة لوحدك نهض عدى ببرود وعدل ملابسه حمل كيندا اشار عدي لزين ففتح له الباب خرج عدى من الغرفة وغادر المشفي كلها فهو اذا بقي سيقتل الاثنان علي اي حال بالغرفة كانت مازالت تضحك:يالهوي علي منظرك
عمر بغضب:انتى عبيطة يابت ايه الجنان دا
دخل سليم في ذلك الوقت يقول:هو فين عدي وكيندا
زين:مشي من جنانهم
سليم:مشي ليه
عمر:الهانم قامت تصرخ قال ايه بتعمل فيا مقلب
سليم:احمدي ربنا ياميرا انه مشي كان زماني داخل لاقيكي ميته
ميرا وهي تمسك بطنها بضحك:لو كنت شوفت شكلهم هههههههههه مسخرة
ضحك سليم علي ضحكاها يقول:يخربيت عقلك مجنونة
عمر:مجنونة بس.. دا انا لو عشت معاها علي كدا هقطع الخلف
سليم بضحك:انت لسه مقطعتهوش
زين:عمر اخلص وبلاش كلام كتير اللي حصل حصل ويلا عشان نرجع القصر
عمر:تعالي ياخويا انت اخوها انا عايز اقتلها
سليم:ولا انت ولا هو اشيلها انا
عمر بغضب:ابعد يالا مش ناقصاك اقترب عمر منها وحملها
ضحك سليم علي عمر وغيرته اما زين نظر لهم بسخرية وخرج ليمشي من المشفي هو الاخر ومعه سليم ااذي انهي اعماله في المساء
**************
تجلس في الحديقة تقرا كتابها سمعت احد يصرخ باسماها نظرت لمصدر الصوت نهضت وفتحت يدها بسعادة احتضنتها كيان بسعادة لفت روز بها وقبلتها فوجدت صوته ياتي من ورائها يقول:مكنتش اعرف انكو بتحبو بعض كدا
كان نادر يقف وينظر لهم بابتسامة
روز:اكيد دي صحبتي وحبيبتي صح
كيان:صح بقايك كتي مش بتجي وانتي وحشتني وقويت عمو انه يجبني يكي وهو وافق بس بعد ما قعد اتحاي عيه
روز:يروحي لما تعوزي تيجي اتصلي بيا وهتلاقيني جايه اخدك
كيان:فين الشوكوياته بتاعتي انتي عايطوى معاكي شوكوياته
نادر بحده:كيان عيب
كيان:لا مش عيب روز صحبتي
روز:عيب ليه يانادر دي حبيبتي تطلب اللي هي عايزاه
نظر لها نادر بابتسامة فابتسمت له روز نادر:عامله ايه ياروز
روز:الحمدلله تمام وانت
نادر:بخير
روز:وعمو وطنط عملين ايه
نادر:بيسلمو عليكي
روز:الله يسلمهم
اتت سيارة عدي بالخارج نزل منها وهو يحمل كيندا فقالت له:عدي سيبني امشي عشان خاطري انا مصدقت
انزلها عدي ليلف يده على خصرها كي يسندها دخلو نزلت كيان من حضن روز لتركض لكيندا كانت ستقفز عليها لكن اوقفها عدي نظرت له الصغيرة بخوف تحملت كيندا ونزلت تعانق كيان بسعادة كيندا:جبتلك شوكولاته كتير ومدياهم لروز تديهوملك لما تشوفك قبلتها كيان بسعادة تقول :فين سييم وميا وعمو زين ورعد
ميرا:انا اهو يروح قلب ميا
ركضت الصغيرة تحتضن ميرا. عمر:وانا فين ياقرشانه
احتضنته كيان نزلت وانتقلت لزين الذي قبلها بحنان اخوي وهو يقول:وحشتيني ياقلب عموو زين
كيان:انت اكتر وحشتني اد كدا وفتحت يدها بمسافة كبيرة.....فين بقي سييم
سليم من وراءها:انا اهو ياروح قلب سييم كانت ستركض وقعت اقترب منها نادر وسليم بسرعة وروز بكت كيان تقول:ايدي
سليم:بس ياحبيبتي مفيش حاجة
كيان:دم في ايدي
حملها سليم ودخل بها القصر كانت ستنهض روز ولكنها تعثرت بفستانها تسقط لحقها نادر نظرت له روز سارحه في امواج عيناه تنظر لتلمح نفسها في عيناه سرح هو في عيناها الهادئة ابتسم بخفوت على سرحانها رائ الحب فى عيناها
افاقت روز علي حالها ونهضت بسرعة تقول:انا انااا اسفة ققصدي ششكرا يعني استدارت ودخلت القصر بتوتر
بالداخل هدا سليم كيان:خلاص ياحبيبتي مبقاش في حاجة
كيان ببراءة:دم في دم اتعورت هموت
سليم:متخفيش ياحبيبتي بعد الشر لا مش هيجرالك حاجة
كيان بطفولية :دم زي ماما
احتضنها سليم يقول:بعد الشر ياحبيبتي لا مش زي ماما خلاص هو خف مبقاش في حاجة
قبلتها روز تقول:امسحي دموعك يالا وتعالي عشان اوريكي الشوكولاتات الكتير تاكلي منها براحتك
نادر:متكليش كتير ياكيان عشان سنانك متوجعكيش
كيان بطفوليه:حاضر
**************
"فى المساء"
يجلسون علي مائدة الطعام يجلس ابرهيم وحاتم وميرا وعمر وعليا وسليم والناحية الاخري عدي وكيندا وريم وزين وروز تجلس امام سليم يتناولون الطعام في هدوء ماعدا كيندا وميرا كانو ينظرون الي بعضهم البعض في الخفاء ويضحكون علي هذا الهدوء لاحظ حاتم ذلك يقول لهم:في ايه ياحبايبي مبتكلوش ليه
كينداوهي تنظر لعدي بتوتر:اا احنا مش جعانيين يعني
حاتم:ليه
ميرا بتلعثم:اصل يعني دا اكل عايينين ايه دا احنا لو بنعمل دايت مش هناكل كدا
كيندا:بالظبط دا غير يعني احنا مبنحبش الاكل كدا دا شبه اكل السواحف
عمر:السلاحف يامو 92٪
كيندا:وات ايفر مش فارقة كتير
ميرا بخوف وهي تنظر لعمر:والصراحه يعني يابابا احنا مبنحبش الاكل غير وهو في شطة
كيندا:ودا اكل مفيهوش سنة شطة حتي طعمو وحش
عدي بصوتا بارد:سليم جهز الحقن
سليم:حاضر نهض سليم من مكانه امسكت ميرا بسرعة والدها حاتم بخوف وهي تقول:خلاص يابابا هناكل والله خليه ميجبش حاجة
كيندا:يابت بيضحكو علينا خليكي ذكية اكيد مش هيدونا الحقن هنا
ميرا:اسكتي يخربيت اللي جبوكي مهو راح يجيبهم كل مرة نفس الجملة
كيندا:يابت بلاش تضعفي وانا اللي كنتي فاكراكي زي طلعتي خوافة ياخوافة
اتي سليم بالحقن لتختبي ميرا بحضن والدها تقول:والله هاكل يابابا خليه يشيلهم
اما كيندا فسحبت الطبق تاكل بدون كلام ميرا وهي تري كيندا:مكونتي الشجاع الذي لا يهابه احد دلوقتي شيفاكي كلتي
كيندا:شجاع مين دا شكلهم هيدونا بجد دا مفيهوش شجاع ولا نيلة وكمان حرام نقول علي الاكل وحش الاكل جميل
ميرا:لا اقنعتيني
سليم:هااا ياميرا
ميرا بخوف وهي تمسك بوالدها :خلاص والله هاكل ثم همست دا انتو عيلة رخمة
كتم حاتم ضحكاته عليها يقول:خلاص ياسليم هي هتاكل
سحب حاتم طبقها يضعه امامها:يالا
ميرا بقرف:انا بس هو ينفع
عمر:يالا ياسليم مش هتاخد منها حاجة
نزلت دموعها تقول:لا خلاص ونبي هاكل والله
مسح حاتم دموعها يقول:يالا
نهضت ريم وصعدت لغرفتها بينما كان ينظر لها سليم حتي اختفت من امامه
نظرت ميرا لطبقها بقرف وبدات تاكل بقرف اما كيندا فكانت بدات تشعر بغيثان من مرارة الاكل
ميرا:طب خليكي في اكلك
نهض ابرهيم يذهب كان سينهض حاتم ولكن امسكته ميرا تقول له:رايح فين انت هتسبهم يستفرضو بينا
حاتم بابتسامة:انا جوا في المكتب ياحبيبتي متخفيش
تركها وذهب
نهضت كيندا بسرعة لغرفتها ركضت للداخل متناسية المها دخلت الحمام استفرغت كل ما تناولته فهي تشعر بالم لايوصف شعرت بمن يمسح وجهها بالماء وجدته زوجها اخذها عدي للخارج يسندها اجلسها علي السرير ثم جلب لها الماء شربت الماء جلست هي تمسك بطنها بالم كانت ستنام علي بطنها ولكن منعها عدي يقول:مينفعش
كيندا:مش قادرة عايزه انام علي بطني وجعاني
حملها عدي يعدل وضعيتها
كيندا بالم:عدي سبني عايزه انام علي بطني
عدي:هشششش اهدي وقللي حركتك بقيت علي حالها حتي تعبت ونامت جلب علبه الاسعافات وغير لها علي الجرح انتهي ثم ذهب الي غرفته يغير ملابسه وبعدها يعود لها
***************
اهههههه تصرخ باستمرار وروز تكتم ضحكاتها
روز وهي تكتم ضحكاتها:خلاص ياميرا استحملي شوية
ميرا:عمر شيل البت دي من قدامي مش قادرة اتكلم
عمر:معلش ياحبيبتي استحملي شوية
ميرا:بردو هتقولي استحملي
عمر:طب نامي علي بطنك
ميرا:حاولت والوجع بيزيد
عمر:معلش ياروحي حاولي استحملى شوية انتي تقدري عشان تعرفي تنامي
اوامت له ميرا تنام علي بطنها غطاها عمر مسح علي شعرها وهو يحاول مسايستها
ميرا:عمر
عمر:نعم ياروح عمر
ميرا:انا هخف امتي زهقت
عمر:قريب ان شاء الله يالا حاولي تنامي
ميرا:اه طبعا عايزني انام عشان تمشي
روز:متسكتى بقا ظالمة الواد مهو جنبك من الصبح
عمر:قوليلها الجبلة دي
ميرا:متمشيش وتسيبني
عمر بابتسامة:انا جنبك
بعد دقائق كانت ميرا تغرق في نومها دخل حاتم الغرفة وجدها نائمة وبجانبها عمر يمسح علي شعرها وروز تقرا في كتابها انتبهت روز لو الدها وقفت باحترام له اقترب منها بابتسامة يقبل جبينها بحب ابوي ثم جلس بجانب ميرا من الناحية الاخري قبلها علي وجهها
حاتم:عاملة اي
عمر:الحمدلله نامت
حاتم:روح انت ياعمر ارتاح انا هفضل هنا معها
عمر:روح انت ياعمي انا مش هعرف ارتاح غير وانا جنبها
نظر له حاتم بابتسامة ادرك انه احسن اختياره لابنته وانه لن يندم ابدا فهو يري الحب في عيونه اتجاه ابنته وبرغم من طريقتها واسلوبها الا انه يحبها
«هذا هو الحب الحقيقي ان يحبك كما انت/انتي يحب عيوبك قبل مميزاتك ويتقبلها برحابة صدر»
###########
انتظرو البارت القادم 😘♥
باييي💜👋🏻
أنت تقرأ
عائلة الحديدي
Mystery / Thrillerكل فرد من هذه العائلة له شخصية مختلفة تجعل لكلا منهم قصة مختلفة منهم المجنونة ومنهم العقلانيه لكن ما يسعون وراءه ان يبقي كل عاشق مع معشوقته
