Learning Bible 101

12. (Uni)

Bible ရဲ့ ကွန်ဒိုအခန်းက Build ထင်ထားသည်နှင့်မတူ နည်းနည်းထူးဆန်းသည်။ ပြောရလျှင် ဘာဆို ဘာမှကိုမရှိ။ လိုအပ်သည့် အခြေခံပစ္စည်းကလွဲလျှင် အိမ်ထောင်မှု ပစ္စည်းအပိုရယ်ဟုမရှိ။ ဥပမာပြောရလျှင် Build ဆိုလျှင် ဧည့်ခန်းထဲတွင် မီးအိမ်လေး၊ မှန်လေး၊ ပန်းအိုးလေး၊ စင်လေး ဆိုသလို ပြင်ဆင်ထားတာရှိသည်။

Bible အိမ်ကတော့ ဝင်လိုက်သည်နှင့် ဧည့်ခန်းမှာ ဆိုဖာ တစ်လုံးကလွဲလို့ ဘာမှရယ်မရှိ။ အဲ. . .ဘာမှန်းမသိတာတွေတော့ရှိနေသည်။ ဥပမာ ဧည့်ခန်းနောက်ခံနံရံက ‌တောအုပ်နှင့် ရေတံခွန် ပုံကြီး နံရံကပ်ထားတာလိုမျိုး၊ ဧည့်ခန်းနှင့် မီးဖိုခန်းကြားက အဝင်တံခါးမှာ ဘားခိုသည့်တန်းနှင့် အလေးတုံးတွေလိုမျိုး၊ ဝရံတာနားမှာ တွင်ခုံနှင့် စက်ပစ္စည်းကိရိယာတွေလိုမျိုး နည်းနည်းတော့ရှင်းပြရခက်သည်။ အိမ်ပိုင်ရှင်လိုပါပဲ။

Build က ဆိုဖာမှာဝင်ထိုင်ပြီး အိမ်ကို အူလည်လည်လေးနှင့် စပ်စုနေသည်။
"P'Jonathan ကရော ဒီမှာနေတာလား"

Bible က သူ့အိပ်ခန်းထဲဝင်သွားရာကနေ ခေါင်းပြူလာသည်။
"P' က ဒီမှာမနေဘူး။ သူ့ကောင်မလေးနဲ့ ဆူခွန်ဗစ် ဘက်မှာနေတယ်"

ဪဟဲ့. . ကောင်မလေးနဲ့လို့ ထည့်မပြောလဲရပါတယ်။ အနာကို ဆားနဲ့လာလာပွတ်တာနော် သိရက်နဲ့လား။ မသိပဲနဲ့လား။

"ဒီမှာ မင်းတစ်ယောက်ထဲနေတာပေါ့"

"အင်း"

Bible ကဖြေပြီး အခန်းထဲ ပြန်ဝင်သွားသည်။ ‌
နေပါဦး ဒီမှာဆိုရင် သူ့ဆီကနေစာသင်ပြီးပြန်ရင် ည 8နာရီကျော်နေပြီ။ တစ်နာရီလောက် ဆိုင်ကယ်မောင်းရမည်။ မနက်ဆိုလဲ သူ့ဆီကို 7 နာရီကျော်အရောက်လာဖို့ဆို မနက်6နာရီလောက် အိမ်ကထွက်ဖို့ မနက် 5 နာရီလောက်ကတည်းက ထပြီးပြင်ရဆင်ရမည်မလား။

"Bible မင်း ဒီအထိ နေ့တိုင်း သွားလိုက်ပြန်လိုက်မပင်ပန်းဘူးလား။ အိပ်ချိန်လေးပဲကို။ မြို့ထဲမှာပဲနေလိုက်တာမဟုတ်ဘူး"

". . .. . . ."

အခန်းထဲကနေ Bible က ပြန်ပြောပေမဲ့ လုံးထွေးနေပြီး သေချာမကြားလိုက်ရသောကြောင့် Build က သူ့အခန်းဝ သွားချောင်းလိုက်သည်။ အင်္ကျီလဲနေတာဘာညာတွေ့ရရင် မျက်နှာပူနေရဦးမယ် ဟိဟိ ဟု တွေးရင်းနဲ့ပေါ့။