Learning Bible 101

14. (Uni)

"အဲ့ဒီကောင်က Biu ကို ဘာလုပ်သွားသေးလဲ"

"ဒီတိုင်း ပါးစပ်နဲ့ပဲစကားများတာပါ"
Build က တစ်ဖက်လူကို ဇွပ်ဇွပ်ဇွပ်ဖို့ အဆင်သင့်ဖြစ်နေဟန်တူသည့် Bible ကိုချော့နေရသည်။ အိတ်ထဲလည်း ဓားဆောင်ထားတတ်သည့်သူဆိုတော့ စိတ်တိုလျှင် လည်ပင်း‌ဓား‌နဲ့ထောက်သည်ဆိုသည့် ကောလဟာလက မှန်လောက်သည်ဟု ကိုယ့်ဘာသာအတည်ပြုလိုက်ရတော့သည်။

Bible က ဆိုင်လည်ကောင်မှာ ခါးထောက်ပြီးရပ်နေသည်။ သူ့ကြည့်ရတာ မောနေသည့် ပုံပေါက်တာမို့ Build က ရေတဗူးဖောက်ကာ သူ့ကို ကမ်းပေးလိုက်ရသည်။
"ပြေးလာခဲ့တာလား"

Bible က ဘာမှမဖြေပဲ ခပ်ဖျော့ဖျော့သာပြုံးသည်။ Wait a minute . . . တကယ်ကြီး ပြေးလာတာတော့မဟုတ်ဘူးမလား။
ခုနက ချောင်မှာဝပ်နေသည့် Us က အခုမှ ရှေ့ထွက်လာပြီး

"ဟိုလေ ဒီက N'Bible ဟုတ်။ P'Us ပါ Build သူငယ်ချင်း"

Bible က ဒီလိုကျ လက်အုပ်လေးချီပြီး ပြန်နှုတ်ဆက်ရှာသည်။ ဒါပေမဲ့ Bible က Us ကိုသေချာကြည့်နေတာကိုတော့ Build က သဘောမကျချင်တော့။ နှုတ်ဆက်တာလေ အဲ့လောက် ကြာကြာစိုက်ကြည့်စရာလိုလို့လား။

"N'Bible ကိုကလေ ရန်ဖြစ်ဖို့ခေါ်ခိုင်းလိုက်တာ မဟုတ်ဘူးရယ်။ မော်ဒယ်လုပ်ခိုင်းဖို့ခေါ်လိုက်တာ"

Bible တင်မက Build ပါ မျက်လုံးပြူးသွားသည်။ သူတို့ဆိုင်မှာ ရောင်းသည့် ဒီဇိုင်းတွေက Bible နှင့်လားလားမှမသက်ဆိုင်။ သူတို့ရဲ့ ကိုယ်ပိုင် Brand ဒီဇိုင်းကိုက Cute ဘက်သွားသည်မို့ Bible နှင့်က ရထားတစ်လမ်း သံတစ်လမ်း. . အဲလေ. . .  ပြဒါးတစ်လမ်း သံတစ်လမ်းပင်။ ဒါပေမဲ့ "ဟုတ်တယ်မလား Build" ဟု Us က သေဖော်ညှိလာတော့ Build လဲ အူကြောင်ကြောင်နှင့် ခေါင်းငြိတ်လိုက်ရတော့သည်။

"Biu ငါ တစ်ခါမှ မော်ဒယ်မလုပ်ဖူးဘူး"

Bible က သူ့နားကပ်ပြီး တိုးတိုးလေးငြင်းပုံက ဆေးမသောက်ချင်သည့် ကလေးလေး အမေကို ကပ်ချွဲသလိုပင်။ ဒါပေမယ့် Us Nititorn Akkarachotsopon လက်က ဘယ်သူလွတ်ရိုးထုံးစံရှိလို့လဲ။ မကြာမီတင် Bible မှာ သူတို့ဆိုင်ရဲ့ နောက်ဆုံးပေါ်ဒီဇိုင်း ပိတ်ဖောက်ဇာ ရှပ်အင်္ကျီဖားလားကြီးနှင့် ဘောင်းဘီဒူးကျကိုဝတ်ကာ မီးရောင်တွေရှေ့ ပန်းခြောက်တွေပိုက်ပြီး pose ပေးရသည့် ဘဝရောက်သွားတော့သည်။