"Have safe sex, not save sex လေ။ ကွန်ဒုံးပါတယ် safe sex လို့ရတယ်လေ။ ဘာလို့ sex ကို saveပြီး ငါ့ကို ဒဲ့ပလစ်သွားတာလဲ"
Build က သူ့ဆံပင်တွေကို လက်နှစ်ဖက်နှင့် စုံဆွဲဆုပ်ပြီး ကုတင်ပေါ်ဝမ်းလျားထိုးလျက် အော်ဟစ်နေမိသည်။
ရက်စက်သည့် Bible။ သွေးအေးသည့် Bible ဟာ သူ့ကို ကားပေါ်က ကန်မချရုံတမယ် ပစ်ချထားခဲ့လေသည်။
အခန်းထဲ ပြန်ရောက်သည်နှင့် သူ့အဖြစ်ကို Us ဆီဖုန်းဆက်ပြီး ငိုချင်းချရတော့သည်။ Bible မတရားဘူး။ ကွန်ဒုံးတွေလက်တစ်ဆုပ်စာနှိုက်ပြီးမှ သူ့ကိုထားရစ်ခဲ့သည်။
"ကြည့်ရတာ မင်းနဲ့ မလုပ်ချင်လို့နေမှာပေါ့"
"ဟင်"
သူငယ်ချင်းဆိုသည်မှာလည်း သူ့ကို အဲ့ဒီလို စိတ်အားတက်ကြွအောင် အားပေးတတ်သည်။
"ငါက ဘာဖြစ်နေလို့လဲ"
"ငါဘယ်သိမှာလဲ။ မင်းတို့နှစ်ယောက်ဖြစ်သွားတာတောင်မှ ငါမသိလိုက်တာ။ ကြည်နူးရင်ကျ နှစ်ယောက်ထဲ ကြိတ်ကြည်နူးကြ။ ပြဿနာတက်မှငါ့လာပြောကြ"
Us ၏ အသံက ဒေါသထွက်နေမှန်းသိသာသည်။ မအော်စဖူး Build ကို အော်ငေါက်ပစ်တာများ ကြောက်စရာ။
"မင်းကလဲ. . "
Build က ကြောက်ကြောက်နှင့် လေနုလေးသွေးလိုက်ပေမဲ့ Us က အရှိန်ရသွားပြီမို့ အော်တာကိုမရပ်တော့။
"ယောကျာ်းဆိုတာ ကောင်းတာမဟုတ်ဘူး။ မင်းကို စားပြီး ဝရင် ပလစ်သွားမှာ။ စားပလစ်ထက် ဒဲ့ပလစ်သွားတာ ပိုကောင်းတယ် ခံလိုက်"
"JJ နဲ့ဘာဖြစ်ထားတာလဲ"
ကိုယ့်ကိစ္စအဆင်မပြေတာလေး ရင်ဖွင့်မလို့ကနေ သူ့ပြဿနာကို နားထောင်ရတော့မည်ဆိုတာ သဘောပေါက်လိုက်တော့သည်။
"Build. . . "
"ဟေ"
"JJ ကမကောင်းဘူး. . . ဗြဲ. . . "
ဟင်. . JJ မကောင်းတာကို Build က ဘယ်လိုဖြေရှင်းပေးရမှာလဲ။ သူ့ကို စာအုပ်တွေ၊ အခွေတွေ ပေးပြီး လေ့လာပါ၊ သင်ယူပါ၊ လေ့ကျင့်ပါဆိုပြီးပြောရမှာလား။
"ငါ့ကို ပလစ်ပြီး အကောင်တစ်ကောင်နဲ့ ဒိတ်နေတယ်"
"ဪ. . . တော်သေးတယ်"
YOU ARE READING
Learning Bible 101
FanfictionRomance Comedy of BIBLE x BUILD စိတ်ကူးယဉ်ဇာတ်လမ်းသာဖြစ်သောကြောင့် အပြင်မှ လူပုဂိ္ဂုလ်များနှင့် သက်ဆိုင်ခြင်းမရှိပါ။
