Learning Bible 101

4. (Uni)

"တကယ်ဖျားသွားလို့ပါ. . .အဟွတ် အဟွတ်. . ရွှတ်. ."

Build က ပီပြင်အောင် ချောင်းတွေဆိုးပြ မရှိတဲ့ နှာတွေပါစေးပြရသေးသည်။

"အဲ့ဒီနေ့က လက်ဝှေ့ထိုးကျင့်လိုက်ရတာကော ပင်ပန်းလို့ အားနည်းပြီးဖျားတာထင်တယ်။ ကြွက်သားတွေလဲကိုက်ခဲလို့"

"ဆေးလာပို့ပေးရမလား"

"အာ. . . ရတယ်။ ရတယ်။ ဆေးသောက်ပြီးပြီ အရမ်းအိပ်ချင်နေလို့"
တစ်ဖက်က အသံကြီးက မယုံသင်္ကာဆိုတာ ကျိန်းသေတယ်။ ဒါပေမဲ့မတတ်နိုင်ဘူး ဟော့ဒီ Build Jakapan Puttha လေးက မွေးနေ့ပွဲသွားဖို့ ရေမိုးချိုး ရှိုးထုတ်ပြီးနေပြီ။

"နောက်နေ့အစားထိုးအချိန်ပြန်ယူမယ်လေ။ တကယ်ပါ"

ကလေးတွေကျနေတာပဲ ခွင့်လိမ်တိုင်နေရသည်။ မတိုင်လို့လဲမဖြစ် ဒီနေ့က Apo မွေးနေ့။ သူ့မွေးနေ့ကို မသွားပဲနေလို့ကတော့ Build ဟာ တစ်ပတ်ဆယ်ရက်လောက် အိပ်ကောင်းခြင်းမအိပ်ရ။ စားကောင်းခြင်းမစားရ ဖြစ်သွားလိမ့်မည်။

ဆရာBible ကို အမျိုးစုံကြိုးခုန် လှိမ့်အပြီးမှာတော့ Apo ရဲ့ မွေးနေ့ကျင်းပမည့် ဖရွန်ပွန်က ဘားသို့ ဆိုက်ဆိုက်မြိုက်မြိုက်သွားနိုင်ခဲ့ပြီ။ Apo က သူတို့သူငယ်ချင်းထဲမှာတောင် အပေါင်းအသင်းများပြီး လူချစ်လူခင်များ နာမည်ကြီးသည့်သူ။ သူ့မွေးနေ့မှာ ခင်သမျှလူဖိတ်ကြေးဆို ရာဇမင်္ဂလာ ဘောလုံးကွင်းကြီး ငှားပြီး မွေးနေ့ပွဲလုပ်ရင်တောင် ကွင်းအပြည့်လျှံထွက်လောက်သည်။ အဲ့လိုထဲကမှ သူတို့ကို ရွေးဖိတ်သည်ဆိုတော့ မသွားလို့မဖြစ်လေ။

မွေးနေ့ပွဲ Theme က 1960s Mafia ဆိုတော့ အကုန်လုံးက အနောက်တိုင်းဝတ်စုံအပြည့်နှင့် ဦးထုပ်ဝိုင်းကြီးတွေဆောင်းပြီး ရှိုးထုတ်လာကြသည်။ Build ကလဲ ရှပ်အဖြူကို တံတောင်ဆစ်ထိလက်ခေါက်ထားပြီး သားရေ harness သိုင်းကြိုးတွေက ရင်ဘတ်မှာ ယှက်နွယ်ထားသည့် သေနတ်အိတ်နှင့် sexy Mafia ဒီဇိုင်းပြင်ဆင်ထားသည်။

"ဟယ် . . ပျောက်ချက်သားကောင်းနေတဲ့ ငါ့သား။ အရမ်းမိုက်နေပါလား"

သူ့ကိုမြင်သည်နှင့် P'Tong တို့ဝိုင်းက လှမ်းအော်ခေါ်တော့သည်။ သူကလဲ ရယ်ရင်း ဟန်ပါပါ ဂိုက်ထုတ်ကာ P'Tong ရှိရာကို လျှောက်သွားလိုက်သည်။ P'Tong က သူ့ထက် နှစ်နှစ်လောက်ပဲ ကြီးပေမဲ့ သူ့အပေါ် အမေတစ်ယောက်လို အဖေတစ်ယောက်လို စောင့်ရှောက်ပေးသည့်သူဖြစ်သည်။ အရင်က ညတိုင်းဆုံဖြစ်ကြပေမဲ့ သူ့ရဲ့ အင်္ဂလိပ်စာသင်တန်းကြောင့် မတွေ့ရသည်မှာ တစ်ပတ်လောက်ရှိတော့မည်။