اللهـم نورك على دروبنـا أَينـما اتـجهت بنا الايام 🤍.
قلت ليه مخير يا متوكل بخربو عاين لي ومشا استغفرت وفتحت المكيف كنت عاوزه اكعك شعري كسلت جاني متوكل قال لي وئام اصبغي شعرك كبدي نفسي فيهو قلت ليه امشي مني م ناقصاك قال لي ليه يا وئامي امشي عليك الله قلت ليه متوكل ياخ الشيب بجيني كده قال لي طيب بشوفو ف مره تانيه حمرت ليهو كويس ومشيت رقدت قلت ليه خلي المره د تربي اولادك سمح وشالتني النومه..
*َ°°°°°°°°°°°*
*بلسان رفيده:-*
الصباح صحيت بنشاط لانو حبيبي دق لي فرحت شديد واتلبشت رديت بصوت رقيق الوو قال لي بصوت خشن حبيبي صباحك انا قلت ليه حبيبي 🙈وبتخجل ليهو قال لي حبيبي عاوز اشوفك اشتقت ليك شديد يا قلبي قلت ليه انت عندك حصه صباحية الليلة؟ قال لي اي حقت رياضيات قلت ليه بس نتقابل قال لي حبيبي بحبك وبحب افكارك خلاص طوالي يا مرتي ضحكت وقلت ليه تسلم لي قال لي انا حمشي اجهز المدرسة بعد د يلا خلي بالك من نفسك حبيبي قلت ليه حاضر يلا وانت كمان قال لي من عيني دي قبل دي يا فؤادي خجلت وقلت ليه هييي بنان صحت يلا يلا قفلت بسرعه وعملت اني نايمه شفت نوف صحت ودخلت الحمام بنان قامت وبقت تتمطا وتتثائب انا بس متابعاها قالت لي من الصباح حبيبي وبحبك وجفاف وبعدين لو نوف سمعتك بتكلم امي انتي عارفه انها شافعه وم فاهمه شي اتخلعت منها وكيف سمعتني وخفت تكلم امي بموت لو كلمتها قلت ليها ب بنان انتي انتي م حتوري امي صح قالت لي م تقابلي وم بوريها قلت ليها حاضر حاضر بس م توري زول وعد قالت لي طيب وقامت تشوف حاجه تلبسها انا شلت لي نفس وقلت وبعلي لو كلمت زول انا بروح فيها عاينت لي ابتسمت قالت لي قومي البسي قلت ليها حاضر طيب قمت نوف مرقت دخلت انا استحميت واتوضيت ومرقت نسيت اصلي بس لبست بسرعه عشان الزمن اتأخر وعملت لي ماسكره وقلوس وبدره خفيفة وخططت حواجبي حبه لكن م تقلت بنان حمرت لي بلعت ريقي قلت ليها فشنو قالت لي ماشه المدرسه انتي ضاربه وشك ليه قلت ليها نفسيا بس قالت لي اخر مره يا رفيده تطلعي بالمنظر د واللة وتالله وبالله طلال ولا نواف واحد فيهم يشوفك اعتبري نهايتك على يدهم انا وريتك بي الكلام لكن هم الا تطيري والله قلت ليها ياخ بنان بلاش تخربي المود من السباح قالت لي اتكلمي عديل الصباح وبطلي حركات الحنكشه د قلت ليها كل يوم ف النقاش ي بيبي يلا قود باي حبيبي شلت الشنطه وطلعت برا بسرعه وسرخت لنوف عشان تمرق وطلعت الشارع بشيل في نفسي وبدعي أن اخواني ما يلاقوني نوف جات قلت ليها م ممكن معاك قالتلي امي قالت الا اشرب الشاي قلت ليها امي قالت ليك كده؟ قالت لي اي سكت واستغربت جدا من امي عاينت لي نوف وقلت ليها م ادتك القروش قالت لي نسيت هاك ادتنيي ومرقنا لمن قربنا اتفرقنا هي مشت على جهه مدرستهم وانا على جهه كنت ماشه لقيت لي جماعه من الاولاد حلوين حلا انبرشت عديل بس اتاقلت ومشيت فيهم فجأة وقفو قدامي الانبرشت فيه قال لي رقمك يا سمحه قلت ليه عفوا زح من وشي الاولاد ضحكو وقالو ليه م تحاول ومشو كنت ماشه مسك يدي قال لي م حخليك لمن تديني الرقم قلت ليه م عندي ليك شي وزح مني بطل تفاهه وكلام كتير قال لي عارف منبرشه فيني ابتسمت وقلت ليه سجل الرقم خليني امشي ابتسمت وقال لي يلا يا حلوه بلاش تتعبيني واديتو الرقم وانا مبسوطة شديد سلم على وقال لي نتلاقي كل يوم هنا تمام؟ قلت ليه طيب يلا معسلامه قال لي معسلامه يا سمحه م شاء الله ابتسمت ومشيت كنت مبسوطه وكل م اتذكر سمحه منو ابتسم اكتر وصلت المدرسه وانا بنطط وبسلم علي الشله الظابطه فله قالت لي تدوم الابتسامه سببها شنو قلت ليها ولا شي الزول م يضحك ابتسمت بقيت انطط لمن وصلت الصف ختيت شنطتي وجيتهم بقينا نتونس ونكتب الواجب ونضحك بأعلي صوتت مع ضرب الايادي وابتسامه كل واحده فينا للتانيه بدينا نتأكد من الطابور الحنقدمو ومتحمسه اشارك ف الفقرات وانا ونجود وفله والباقي مصممين نعمل احلا واحد عشان التشكير يفتح النفس ونحن بنتناقش الجرس دقا الطابور جا جربنا انا والشله المسرح فله بقت تتكلم بسم الله والصلاة والسلام على اشرف الانبياء والمرسلين اما بعد تلاوه تعطر صباحنا مع الطالبه نجود نجود شالت الميكرفون وبدت تقرا بصوت عذب سوره المزمل بعد خلصت فله بدت تتكلم تاني صدق الله العظيم، أكره الشك، ومن يشُك بي، ومن يجعلني أشك به ولو لوهلة، المكان الذي يدخله هذا الشعور أغادره فورًا الان حكمه والباب مفتوح جات بت من اوله قالت وإنّي تركتُ أمر قلبي كُله لكَ يا الله،وأنتَ أهلٌ لمداواته، صفقو رجعت جات بت من تانيه قالت أحب قوتي لأنها تجعلني أترك الأشياء التي أحبّها جدًا عندما يحينُ ذلك دون ندم أو تراجع، حبيت فقمت صفقت جات بت من تالت قالت العلم نور والجهل ضلام والسرقة حرام فله قالت لي نظام م عارفين قلت ليها د حكمه هي عاوزه أمرق مرقت وقلت أناصاحبه الحظ العاثر، رُغمًا عن وجهي الجميل فله قالت وان ضاقت بك الحياة فربك ينتظر صوتك فلا تيأس..اضحك يا صغيري وان كانت دمعتك تشق خدك الناعم والان نكت والطالبات رفيده وريناد وطل وقفنا جمب بعض ريناد قالت مسطول حيطو اتشقت مسحها فازلين بقو بضحكو قلت ليهم سمينه وسمينه وقعو في حب بعض الحب مالو؟ كتم نفس بقو بضحكو ويصفقو ومنهم بتكلمو ويضحكو طل قالت جنوبي وجنوبيه بحبو بعض الجنوبي قال للجنوبيه انت لقلبي اقرب قالت ليه وانت لي قلبي عنكبوت بقو بضحكو بصوت عالي قلت ليهم مسطول شاف بيت بحرق جرا عليهو وخاطر بحياتو ومرق اربعه وبعد د دخلو السجن ريناد قالت لي ليه قلت ليها لأنو مرق رجال الإطفاء العالمين ديل بس بضحكو والأستاذة قالت غايتو يا بنات تانيه موتونا ضحك ،فله بدت تتكلم ادعو الله كثيرا وتأمل انه سيستجيب دع الدعاء يكن من قلبك ثم الباقي علي الجبار والان دعاء مع الطالبه رفيدة جيت مسكت الميكرفون وقلت اللهم اغفر لنا الخطايا وقربنا إليك (الطالبات :امييين)اللهم فرج الهموم وقرب الحنون(الطالبات :امييين)اللهم اكسر الهم وباعد الغم (الطالبات :امييين)اللهم اشفِ كل من طال بلاءه وتجسده اليأس(الطالبات :امييين)اللهم وفقنا كلنا لا استثناء (الطالبات :امييين)اللهم كن لنا سند لا ملجئ غيرك ولا احد سواك (الطالبات :امييين)اللهم يا مجيب الدعاء ويا ساتر العيوب ويا رحمان ارحم ضعفنا واهدنا وارشدنا وقربنا إليك واجعلنا منيبين غير فاسدين (الطالبات :امييين)اللهم قوه تتجسد ارواحنا وتحتل قلوبنا يا الله (الطالبات :امييين)اللهم ارحم من تحت الارض (الطالبات :امييين)اللهم قل كن (الطالبات :امييين)رجعت فله قالت لي ماف زول يدعي تاني ضحكت قلت ليها لازم لازم قالت والان صلاه على حبيبنا وخاتم الأنبياء محمد ...
*َ°°°°°°°°°°°*
برتب كدي بخت ونظفت حتتي يادوب قلبي راق وبقيت مرتاحه ختيت الاكل في علب طلعت شي البسو ومشيت عملت الفطور للبنات لمن يجو وشغلت المكيف مشيت استحميت وجيت يادوب ارتحت وممكن اقول اشيل نومه رقدت كدي نمت كدي كنت تعبانه صحيت بصوت كركبه قمت ومرقت لقيتهم البنات جو وبتشاكلن البتنظف ياتا قلت ليهم هييي يا هي انا نظفت امشن استحمن عشان نمرق قالو لي حاضر وفرحو اي وحدة جرت على حمام انا مشيت جهزت ودقيت لي نواف قلت ليه تعال سوقنا مشيت اكلم البنات لقيتهن بتمكيجن قلت ليهم نواف جاي اجهزن بسرعه ومرقت انتظرتهن في المسافه د ظلال جا ودخل استحم ولبس ومرق قدامي قال لي نواف برا قال ليكم ارح الوقت ناديت على البنات مرقنا ركبنا العربيه بعد آمنت الأبواب وركبت لمن كنا ماشين نوف قالت لي ماما عاوزة انزل اجيب باسطه ناكلها معاهم قلت ليها طيب انزلي انتي وبنان بنان قالت لي م بقدر خلي.. قبل تتم طلال نزل ومشا جاب الباسطه وختاها قلت ليه جبت كتبك؟ قال لي اي قلت لي نوف وانتي قالت لي جبتها وانتي يا رفيده قالت لي انا م ممتحنه واشتغلت ف التلفون قلت ليها الله يعين على المصيبه الشايلاها د كشرت وشها زي الحكي م عاجبها لمن قربنا بقيت أوصى فيهم وكالعاده نحن م شفع يا امي بنعرف نتأدب وم حنتشاكل اي وصلنا دقيت الباب فتحو لينا موال السلام وكده لمن خلصنا قعدنا ف الصاله كلنا جات سلوان سلمت علينا وقعدت جمب نواف انا بتونس مع شروق ولاحظت لي رفيده بتضحك ف التلفون شكيت وخفت تكون مرتبطه ولا حاجة قلت ليها رفيده كدي دقيقه ادق لي ابوك قالت لي تلفونك وين لو م عندك رصيد بحول ليك قلت ليها خلاص خلي تلفون نواف دقا فتح اتكلم وبقا يقول احلف يا زول طيب يلا قفل قلت ليه مالك قال لي طالع طالع انا ومرق طوالي....
ويأتيك جبرٌ من الله يُنسيك متاعب أيامك💙.
*☆☆گـلماتي بنـبن☆☆*
*#اشوفكم©™*
