قال لي وئام عاوز طفل قمت على حيلي وقلت ليه بعد ديل؟ عاوز تاني؟ ليه م مكفنك ديل م قادرين نربيهم نربي طفل تاني قال لي وئام اهدي ياخ دي فكره بس قلت ليه ولا تفكر في كده تاني انا م عاوزه طفل قال لي وانتي برضو م عندي الحق فيك قلت ليه طيب دقيقه مشيت استحميت وبقيت افكر ليه بقيت قاسيه انا ليه م اجيب طفل تاني وافرح خلاص عندي خمسه الحمد لله طلعت و....
*َ°°°°°°°°°°°*
*في إحدى طرقات الخرطوم( امام جامعه الخرطوم) :-*
_يزن انا اسفه مابقدر احبك م بقدر حاولت قدر ما حاولت ودموع البت جرت.
= يا بت الناس خلاص بجيك بي الباب وتحبيني بالحلال اها مبسوطة؟
_طبعا يا يزن طبعا مبسوطة شديد كمان
=شيماء؟
_مممم اي
=بتحبيني؟
_بديت احبك وعاوزه ابدا بي الحلال
=حاضر خلال الأسبوع د حجيك في البيت تمام؟
_طيب.. يزن
=عيون يزن
_انت ليه اخترتني انا من دون البنات ليه انا المنقبه من باقي البنات المحجبات
=الحب يا شيماء م عاوز ليه م عاوز سماحه ولا اسأله كتيره الحب قلبين متصلين فاهماني
_فهمتك 🙈🙈
=طيب خشي الكليه عشان ما صح نقيف اكتر وانتي منقبه
_حاضر يلا سلاااامم
مشت بقيت اتذكر تفاصيلها وضحكها وضحكت قلت منقبتي❤️
ومشيت البيت لاقاني عبد الوهاب قلت ليه ي مان الخبر شنو قال لي الخبر يا.... ما اليوم كلو بتخلط فاضي لي ضحكت قلت ليه محن قال لي ويني مزتك عاوز اشوفها قلت ليه بعصبيه عبد الوهاب قال لي خليتك خليتك قعد اتونس معاي كده لمن جا نواف سلمت عليهو قال لينا ماشي لاحق الشغل يلا ومشا على طول..
*َ°°°°°°°°°°°*
*بالسان نوف:-*
تعبت كتير من الدنيا دي تعبت شديد تعبت من أهلي اكعب حاجه انك تنكسر من اهلك بحس بي فراغ حتى اخواتي م بتكلمو معاي م عارفه ليه رفيده اليوم كلو في غرفتها ومرات بشوفها في المطبخ بتاكل بطريقه تحنن مرات يدخل ابوي ويضربها متي ما هفت ليهو ابوي كل ما يتذكر العملتو بتجيهو هستريا من الانفعال وبفضي في رفيدة بقينا مشتتين والحاجة د كانت فوق طاقتي بلا اهتمام بلا طموح بلا سند بلا ام بلا اب بلا اهل بلا سندددددد بقول كلمه سندددد بحرقه عشان بسند نفسي برأي ما لقيت زول في الدنيا لا صحبه ولا صاحب لا حبيبه لا حبيب لا قريب ولا غريب ولا اهل ولا اخ ولا اب تعبت من الوحده لمن حبيتها وبقيت احب الوحده شديد وبحب اللون الاسود وم بلبس غيرو حتى الكاب بي الأسود وشعري من اشقر عملتو اسود م بحب الألوان وم بحب الضحك بس بحب اسكت وم اتكلم وم بحب الازعاج بحس بضيق هو اصلا ماف زول حاول يتقرب مني الا لمن جاتني ضغوط الا لمن بقيت م امشي المدرسه ماف زول ماف زول قدر تعبي عشان نفسي ويقولو شافعه 💔م قادره اعيش اكتر بحس بس انفاسي بتضيق قال لي استرخي واخدي نفس قلت ليه طيب قال لي نوف اخيرا اتكلمتي بعد محاولة يومين قلت ليه محتاجه افضفض بس قال لي بكره تعالى بدري الليله حكيتي مشاعرك م حكيتي حكايتك بس واضح انك انكسرتي من أهلك والوحده وصلتك لي هنا قلت ليه ربيع انا ما حابه اتكلم معاك كتير ضحك صريت قال لي خلاص اسف ممكن تشربي البارد ده عاينت ليه بصمت وشربت من البارد وسرحت فشنو ما عارفه بس سرحت انتبهت على صوت ربيع نوف نوف يابت قلت ليه ها قال لي مشيتي وين بخياالك قلت ليه م عارفه بس سرحت وم عارفه وين قال لي انتي حترجعي ابتسمت قلت ليه لمن امي ترجع هه امي البقول عليها امي وسكتت قمت طوالي واتلفتت قلت ليه ماشه يلا قال لي انتظري سكت مسافه قال لي ممكن تجي بدري وم تتأخري وجيبي معاك رفيده لو بنان م بتقدر م تجي براك تقابليني وبعدين.. قاطعتو قلت ليه اي كنت حجي برأي لانو بنان م حتمشي ورفيده امكن ما يخلوها💔قلتها بطريقه تكسر قلبي كان بتقطع حتت وانا بقولها نزلت مني دمعه لمن ربيع قال لي رفيده فيها شي؟ قلت ليه اتهدمت قال لي اقيفي جمبها وخلسها تحكي زي ما انا وقفت جمبك هسي وخليتك تحكي حاضر؟ قلت ليه لو زول عرف حيضبحوني قال لي يضبحوك شنو انا جاي بكرة اتقدم ليك وم تجي بكره طيب اها رأيك سكت وبقيت اعاين ليهو بصدمة دموعي جرو قال لي د تراكمات قلت ليه م فهمت قال لي دموعك النزلت دي التراكمات مسحتها وقلت ليه اها حتتقدم لي قال لي بأذن الله والله قلت ليه مستحيل وم حصدق قال لي عنك بكره بتشوفي انتي هسي امشي نومي وارتاحي ولو م قدرتي امشي اتقربي من اختك قلت ليه طيب يلا معسلامه مشيت قدامو ركبت الركشه لمن وصلت دفعت ودخلت جوا لقيت امي في وشي ما عاينت ليها عشان ما أضعف واموت قهر دخلت غرفتي بليل كده مرقت دخلت غرفه رفيده ما لقيتها في السرير فتحت النور لقيتها في الزاوية وضامه رجلها عليها وشعرها نازل علي وشها جيت قريب وزحيت خصلات شعرها لقيتها بتبكي بحرقة كده وكأنها بتموت قلت ليها بخلعه رفيده قومي قامت مسحت دموعها قلت ليها م تمسحي دموعك مني في شنو مالك كانت ماشه قلت ليها رفيدة اسمعيني ارح معاي السطوح تابعت مشيها لمن وصلت السرير ورقدت قلت ليها رفيده قالت لي ابوي ما حيواففق قلت ليها كلمتو وافق قالت لي طيب واتغطت دموعي مسكتها غصب حسيت قلبي تقيل قلت ليها بصوت مخنوق العبرة حرام البعد ده حرام كنت عاوزه امشي قالت لي تعالي قلت ليها رفيده وجريت حضنتها قبل تقوم عديل من السرير اليوم د اكتر يوم بكيت فيهو بكينا ساعه كامله ومع التنهدات وكل ما نمسح الدموع براها تنزل تاني نمت معاها اليوم د صحيت الساعه سته على صوتها قمت قلت ليها رفيده مالك قالت لي تعبانه يا نوف قلت ليها بسم الله من شنو قالت لي تعبانه من جوا حاسه حموت من التعب خلاص شلت كتير ما قادره اصبر تعبت بموت انا بموت قلت ليها بسم الله الرحمن الرحيم استغفري يابت قالت لي اخخخخ اخخخخ بس ودموعها جرو حضنتها بكسر ضمتني فجأه بقت ترجف وتصرخ وتبكي انهارت كتير في حضني وكل شويه بتقول اخخخخ بألم كانت بتتنهد كل شويه انهارت مسافه بعدها زحت وعيونها من الورم لمن اختفو مسكت يدها قلت ليها انا جمبك قالت لي نفسي من زمان تقيفي جمبي نوف انا تعبت لدرجه م قادره على ضغط تاني تعبت اقسم بالله تعبت من الوحدة من نفسي من امي من اهلي هه قادره تستوعبي في زول بكرة ابوه؟ انا بكرهو بكرة ابوي وامي واخواني بكرهم كلهم فجأه الباب اترزع بطريقه مبالغه ......
*☆☆گـلماتي بنـبن☆☆*
*#اشوفكم©™*
