الو السلام عليكم يا عم انا عبد الوهاب كنت زميل مروه ف الجامعه وجاي اتقدم ليها رد لي بلهفة وعليكم السلام يا ولدي تشرف الخميس أن شاء الله قلت ليه لو وافقت عاوز اقلبو عرس طوالي بدون خطوبه قال لي تجي واشوفك ديك الساعه يحلها الف حلال قلت ليه تسلم تسلم قفلت منه وانا مبسوط بعد استخرت ارتحت شديد وقلت يتيمه تحس بس احسن بكتير من وحده تقهرني مرقت الشغل.
*َ°°°°°°°°°°°*
*في أبهي بالتحديد:-*
#كفايه عاوزه اشوف ولدي
*ولدك المن اتولد جدعتي
#عشان نعيش اكتر مع بعض ولا ما كان اتفاقنا كدة
*اتفاقنا نعيش بعد تولدي الولاده الاوله بعد يكبر شويه بس استعجلتي
#غلطنا الاتنين
*نصلحو
#برضا؟
*نمشي ويحلها الله
#ولو ما رضا؟
*نفسي في ولد يشيل اسمي
#ولو ما رضا
*ياخ برضا اكيد برضا
#خايفه ما يجي لحضني
*.....
#ليه سكت
*مستغرب في الرحمه النزلت قلبك فجأه دي ولدك من ولدتي ما شفتي ومسافره معاي من بلد لي بلد يوم واحد ما رفعتي تلفوني اتصلتي شفتي.
*َ°°°°°°°°°°°*
يارب يارب الدعاء طول وانت ما استجبت يارب العالمين تلم عبدو بي امو وابوه يارب يارب تنزل الرحمه في قلوبهم ياااارب الولد بتعزب يااارب عمري ما معروف متين وامكن يتهزا يارب يارب تستجيب لي المره دي وتنزل الرحمه والشفقه في قلب امو وتبعد كل عين منهم يا ارحم الراحمين يارب يا جبار اجبر كسر عبددو اجبر كسره يا ارحمهم.
الحمد لله.
عبودي وين ماشي انت بتتعطر كده يا ولدي قال لي يا حبوبه نسيت اكملك اني ماشي اتعرف على بت حلال تكمل نص ديني ونعيش باقي عمرنا مع بعض قلت ليه أن شاء الله اخترت صح قال لي ميه في الميه قلت ليه ربنا يوفقك ان شاء الله وتقدر تسعدك البنيه قال لي بس دي دعواتك المعيشاني والله باس راسي وقال لي يلا قلت ليه سجمي القميص د مالو مشيول ضرب جبهتو وقال لي ما انتبهت ليه شكرا ابتسمت قلت ليه غيرو وتعال مرقت برا ومنتظراهو
*َ°°°°°°°°°°°*
الخميس جا وانا متشوق كتير والله يعني اخيرا حكمل مع وحده تفهمني يارب انا محتاجها يارب ما تخذلني غيرت القميص القالته حبوبه ولبست اتعطرت مره تاني ومتوتر شديد طلعت قالت لي عاد أن شاء الله تتسهل ليك وترضا بيك وترفع راسك فوق وانت ماسك يدها وبتقول د مرتي بست راسها قلت ليها ربنا يحفظك لي أن شاء الله.. ابوووي ابوووي جا قال لي الحجه لفي العمه دي لفتها ليهو زين قلت ليه نتحرك؟ قال لي اي يلا... الحجه موصلانا بالدعوات اتحركنا دقيت لي مروه واديتها خبر اني جاي ف الطريق وصلنا ابوي قال لي يا زول شيل التقيل ضحكت قلت ليه متوتر بس قال لي كلنا بنتوتر كده يلا نخش ما نطول برا دقيت الجرس فتح ابوها سلمت عليه دخلنا وقعدنا القعده كلها بتفحص فيني وبسأل من شغلي والاسئله دي قال لي ابوك ما جا ليه السؤال خلاني اهتز قربت ارد بي ياريت لو عندي ابو رد جدي بسرعة وقال سافرو هو ومرتو وانا جدو ابوها قال لينا طيب اها يا عبد الوهاب انا ما عندي جرجره حتم العرس متين قلت ليه انا جاهز تماماً الوقت العاوزنو يحصل قال لي بعد اسبوع كيف اتخلعت جدا من كلامو كيف كيف اسبوع وهي؟ ما حتتحبس ما حتختار فستان عرسها ما حتتحنن ولا كيف كلو ف اسبوع يظبط مستحيل قلت ليه يا عم انا عاوز اعمل ليها عرس ما حصل قال لي ما عندنا الاهل البحضرو عرس طبعا انا بقيت ساكت بس قلت ليه القرار قرارها مشا ناادها قلت في قلبي يارب تسهل كيف اسبوع إنا لله وإنا إليه راجعون اتصرف كيف ارتب البيت كيف اسبوع ما بكفي وما عاوز يعمل ليها حفله ومن جبت سيره الحفله هاج يارب تسهل جات مروه وقعدت بعد سلمت قلت ليها العم قال بعد اسبوع نعقد عاينت لي ابوها وعاينت لي اخدت نفس وقالت زي ما قال قالت كلامها وهي بتعاين ليه ودخلت جوا طوالي باقي القعده ما فهمت منها شي نظراتها خلتني اكره نفسي بدون ما اعرف فشنو اول ما مرقنا وصلت جدي واتصلت عليها مرتين ما بترد قلقت زياده نزلت تحت شربت مويه وطلعت فوق دقيت ليها تاني ردت صوتها كان تعبان وعرفتها تعبانه قلقت وقلت ليها مروه...
*َ°°°°°°°°°°°*
كنت فرحانه اني اخيرا حتم باقي حياتي مع الزول المعجبه بيهو كتبت في المذكرة اني حشتري فستان زفاف ابيض بياض ناصع مافيهو يدين وطويل شديد فيه تاج رفيع مع جواهر اخترت الصاله والفنانه ود كلو وانا بنطط وكل شوية اقول تم بحمد الله اخترت لي شفع يجو من باب الصاله ويرقصو والبت تزغرت زغريت شفع اخترت غنيه سعوديه ادخل بيها والاسلو نانسي عجرم كنت متحمسه عبد الوهاب دق وقال جاي قلت خلاص اول ما يجي اوري انا مخططه لشنو وعاوز يضيف شنو ويتم جريت لي ابوي افرحو لأنو متمني يشوفني عروس قلت ليه يابا قال لي ايون قلت ليه شوف شوف وقريت ليه صر لي وقال لي امك تحت التراب ومشتهيه تعملي عرس بسم الله انا هسي قلت في يوم عرسها تتبرع ليها وتعقد وتمشي زعلانه امها ما حاضره تجي تقولي لي صاله وزفاف كمان انا رافض الفكره دي تماما احساسي ما حيتوصف طبعا العشم العشم الكان ف اللحظه دي كلو زحا؟ طيب التحضيرات؟ طيب الفرح؟ السعاده الكنت فيها؟ اتلاشت! فجأه اتذكرت امي طيب احد؟ ما افرح؟ مكتوب لي الاختصار في السعاده؟ طيب وفرحي؟ البت يوم عرسها فرحتها بتتضاعف! لمن ناداني مسحت دموعي بالجلاله وبحنس في نفسي ما ابكي لمن شفت عبد الوهاب مخلوع كيف ف اسبوع وانا اتخلعت اكتر ما اتوقعت ما اتوقعت منو كده عاينت ليه ومتمنيه يفهم دموعي المحبوسه لمن دخلت انهرت تماما كنت بفكر في العرس الحيتم بسهوله ف عز تفكيري ابوي جا خاشي قال لي اعفي لي بحبها قلت ليه عافيه ليك مرق طوالي اتوقعته يراضيني ده الزادني في البكاء انه ما راضاني بكيت لمن حلقي وجعني لاحظت لضو التلفون شلتو لقيتو عبد الوهاب م كنت عاوزه ارد عشان ما اشيلو همي لمن دق كتير رديت قال لي بصوت فيه بح لمن ما ظاهر مروه قلت ليه تعال لي يا عبدو تعبانه قال لي عليك الله اهدي اخوانك وين؟ قلت ليه ما حيقدرو يقولو حاجه بعد كلمه ابوي واصلا انا بعيده منهم قال لي طيب بقا يقرا لي قرآن بدون اطلب لمن سمعتو هديت حبه قال لي احكي الحابه تقولي قلت ليه كل الفي قلبي
يا عبدو انا كان نفسي اعمل عرس عارفه أمي ماف في نقص حاصل وهي مافي حياتي حاسه اني ما زول بدونها عبدو انا بموت بدونها والله بموت في كل يوم بتذكرها وببكي ما مر يوم من وفاتها انا ما اتذكرتها كنت بحاول افرح عشانها بحاول اتعامل عادي عشانها مات سندي مات قلبي مات الشغف بعد امي تعبت كلماتي من وصفها تعبت من وصف ألمي اهه ما قادره احكي ما قادره اوصف ألمي انا تعبانه من جوا تعبااااانه تعبانه والله العظيم تعبانه مرت علي فتره ما بحب اكل ولا بحب الالوان ما بحب الفرح تعبانه بدونها بتذكر انها بتقول لي خلي بالك من نفسك يا عبدو قبل تموت بي يومين قالت لي الكل ماشي ما تثقي في الماضي ممكن يرجع وما تعبري زول مشا وخلاك ما تكتمي وما تحكي لي زول ما اتأكدتي انه الوحيد الحيطلعك من الفجوه الانتي فيها ما تبعدي من ربنا وخلي طريقك لي ربنا واضح ربنا بسهلا ليك ما تخليك حزينه وافرحي وفرحي قلبك عيشي الدنيا صح عيشي الدقايق صح ما تهتزي لبشر ولا للظروف تقدر تغير فيك ولو تعبتي يا بنيه ربك كبير اسجدي بهون عليك وبصبرك ما تكوني بعيدة منو وان كسلتي قربو اتذكري الفردوس وانك ماشه من الدنيا ويا بتي الحكمه بتقول ما تتخيل انك قاعد في الدنيا كتير واتخيل انك ف اليوم ممكن تموت موتي وانتي مرتاحه ومطمنه انك قضيتي حياتك صح وفي الطريق الصح البرضي ربنا شوفي يا بتي أرضى ربنا على قدر ما تقدري حتلقيهو برضيك في اكتر المواقف الحتشوفي نفسك مستحيل تتطلعي منها....انا لسه كلامها بتردد في اذني لسه بعمل بي واصاياها قال لي انا متأكد انك امرأه مره عظيمة بكره على تمام الساعه تلاته الاقيك جمب الكبرى وقفل طوالي كنت عارفه انه قفل لحاجه فعلا ما تمت دقايق تلفوني رن فتحت لقيت صوته وهو بغني لي بي الجيتار
بقيت تمر بينا
محال تجي علينا
ولا بتقول ديل ناس كانو في ماضينا
قول لي بحق الريد ايه النقص فينا
ايه اللقيتو جديد ايه النقص فينا
ما كنت نور عينيك
ما كنت اهاتك
ما كنتت بتقول لي بهواك بحب ذاتك
ما كنت نووور عينيييك ما كنت اهاتك
ما كنت بتقول لي بهواك وبحب ذاتك
بقيت اغني معاهو
خلاص نسيت الريد
خليت تحياتك
ولا حتى يوم العيد
بقيت تمر بينا
محال تجي علينا
ولا بتقول ديل ناس كانو في ماضينا
قول لي بحق الريد ايه النقص فينا
الكان بيعرفنا ما قال بنتفرق
لا يوم نعرف الهم
لا نبكي نتحرق
الله يجازي الريد البي الدموع غرت
قال لي الله الله مكنه مكنه قلت ليه خليك من ده انا بحب الجيتار قال لي طوالي تتعلمي قلت ليه بحبك يشهد الله ضحك وقال لي احلفي قلت ليه حلفت ياخ قال لي يلا تصبحي ع خير وبكره ما تنسى في مواعيدنا سكت مسافه وقلت مروه اكسري الحاجز واستني لمن يحبك قلت ليه طيب يلا تصبح على خير قال لي يلا وقفلت نمت مبسوطه صحيت بيد بتمشي في شعري لمن فتحت عيوني لقيته مجدي مشا اول ما شافني شفتو نزلت مني دمعه حسيت اني عاوزه اقوم اقول ليه ما تمشي خليك بس غفيت تاني....
*َ°°°°°°°°°°°*
عبودي يا عبودي اي يمه جيت طلعت برا لقيت مره وراجل عاينت لي حبوبه قلت ليها انا مارق السلام عليكم سلمت كنت طالع الراجل قال لي يا ولدي اقعد شويه قلت ليه والله عندي شغله ضروريه المره قالت لي عبد الوهاب كبرت عاينت ليها وقلت ليها يا خاله والله م متجمعك قالت لي قول ماما انا ضحكت وقلت ليها خير ان شاء الله امي حبوبه قالت لي يا عبد الوهاب ديل امك وابوك .......
*اللهم أمطر على قلبي فرحا يرويه*💛💛💛💛💛💛💛💛.
*☆☆گـلماتي بنـبن☆☆*
*#اشوفكم©™*
