أنا واجهت صعوبات وعترات ممكن عادي اتعذر بسببها واقول ما قدرت ولا كده بس اول ما لقيت ان حياتي ابتدت تتغير للأحسن واصلت وكل ما اتذكر أولادي البقو ارواح ممزوجه مع بعض بتشجع عاوزه اقول اني في يوم قررت اخلي القرآن طموح واجي وراهو وهدا حققت العاوزه و #جعلته طموح
بس المرة دي #كان طموح ثم تحقق
يعني كلمه الحمد لله شايفاها بسيطه والله اسعو ورا طموحاتكم يا جماعه ماف الذ من انك تحققها والصفافيق والمباركات والاناشيد خلت قلبي يطمن بدل مره الف مره....
#جعلته طموح.
........
_تعبت ممكن اقعد
=يااااخ ابدعتو اقسم بالله ده حيكون اظبط مسلسل سوداني على الوجود شكرا للممثلين وشكرا للمخرج والقناة زاتوو
_هي نواف ما تشيلك الهاشميه ساي المخرج قال الجزء الاول انتهى وهدا الجزء التاني في رمضان الحمد لله خلصنا بدري بدري بعد د امشي لأمي بتكون منتظراني
*يازوله تمشي شنو عندنا احتفال بمناسبة اننا خلصنا المسلسل اخيرا
_والله يا متوكل ياريت بس زي ما عارف الوالده قاعدة وكده
*يا زوله على بالطلاق ما تمشي الا تحتفلي وبعدين كلها ساعتين ولا تلات
_واللة عصرت على شديد لكن بقعد نص ساعه وبمشي.
جا باسم* شباب طبعا المسلسل كان تحفه وماخاب العشم والله نورتو وشوشنا أن شاء الله تشاركونا تاني
_هو انا ده مثلت يا الله ضحكو
رفيده قالت لي والله صراحه كان صعب حبتين الدموع وكده لكن لو م بنعيش الدور ما كان ظبطنا نوف قالت لينا والله ما اني ما بعرفكم بس حبيتكم شديد وبذات انتي يا بنبنه قلت ليها حبيبي والله
وئام م شاء الله ما اتوقعت تكوني خاتمة القرآن طبعا قالت لي الحمد لله كلو بفضل ربنا يا يا بنبنه نمشي نحتفل عشان متوكل ما يطلق ضحكت ومشينا صاله المزرعه وهاك يا الرقيص وقفونا كم شباب وبقولو انتو الممثلين الجدد وقفتني وحده قالت لي انتي بنان الممثله في مسلسل جعلته طموح؟ قلت ليها ايوة قالت لي واااااااي يا لطيف ما اغمر ولا يغمي على ياخ رهيبين حتنزلو الجزء التاني متين قلت ليها والله يادوب انتهينا منو وحننزلو في رمضان بأذن الله قالت لي اقسم انتي اكتر وحده حببتك ولبسك محترم شديد قلت ليها تسلمييييي يا قمره قالت لي تاني بتمثلي وين قلت ليها بررري ما بمثل تاني بس في جعلته طموح دي قالت لي وبالجد بقربو ليك؟ قلت ليها بري ما بعرفهم الا احمد راجلي على ورقة وقلم قالت لي كيف قلت ليها عاقد على والعرس هسي ف الشهور د عازماك قالت لي واااي وحضنتني قالت لي ما بصدق طبعا لهسي متوقعه اني بحلم ضحكت وبقيت اتونس معاها وكل شوية بقول ليها والله دي انا وانتي ما بتحلمي قالت لي واااي اتذكرت طيب شيماء ويزن ديل محلهم وين من الإعراب قلت ليها والله بعرفها ك ممثله ما عارفه يزن بقرب ليها شنو عشان لمن جات لحظة العقد في المسلسل اضطرو يعملو تعديلات ويجيبو اختو لكن ما يظهر ان دي شمو قالت لي لكن كنتو إبداع ياخ بذات نواف د عسل بطريقه خرافيه انتي عارفه انا حكتبها روايه قلت ليها يا سلااام انتي كاتبه قالت لي بتهظري لا طبعا بس بحب اكتب قصص قلت ليتا حبيت ياخ م شاء الله ربنا يوفقك قالت لي اللهم امين وانتي كمان قالت لي وانتي شغااله شنو قلت ليها استاذه بس قريب حستقيل عشان العرس وأحمد ما موافق اشتغل قالت لي واااي ياخ حزينه ليك بالجد فجأه تلفوني دق قلت ليه ايوه قال لي وين انتي يا بت قلت ليه واي نسيت انا مع صحبتي الجديدة ووا الصالة عاوز حاجه؟ قال لي خالتو نسبية دقت وقالت لي اجيبك اطلعي بره وقفل قالت لي معليش
قلت ليها معليش على شنو قالت لي سرحنا مع الونسه وكدة قلت ليها ما مشكلة يقلبي ولا يهمك شلنا الارقام ومشيت ودعت الممثلين وكأنهم اخواني ياخ اتعودت عليهم في السنه دي ودعتهم بحراره وعزمتهم العرس للمره الألف وطلعت برا احمد قال لي لالا كان تبيتي ركبت قدام وقلت ليه أبيت ومالو قال لي صحبتك الجديدة د شنو قلت ليه سوق براحه وبعدين واي يا احمد حشتاق ليهم ياخ قال لي اخيرا افتكينا منهم قلت ليه حرام عليك قال لي والله لو ما خايف زول يقرب منك ما كان شاركت في المسلسل زاتو وبعدين تبقي مشهوره وم عاوز زول يشوفك عشان كدة شوشت علي جسمك كلو الا راسك قلت ليه واي لكن منك قال لي واي شنو ماف زول يشوفك غيري قلت ليه سمح اسمع امي بالجد دقت ليك قال لي اي والله ما مصدقه شيلي التلفون وشوفي اخر مكالمه قلت ليه ممم طيب قال لي كأنك بارده معاي قلت ليه والله ما كده بس تعبانه وانت عارف تعب التمثيل براك والفاصل ما بكفي عشان نعمل ملتزماتنا وناكل ونصلي وكده قال لي صراحه عجبني لكن لو ما شفقه المخرج كان نواف تما عرسو مع اسمها منو الممثله قلت ليه نازك على ما اعتقد قال لي اي بس المخرج قال الجزء التاني يكون بسيط على قدر شهر رمضان وكده قلت ليه أحيي لكن لو تما الفقرات كان احلى والله انا ااتمغزت قال لي اولا في أسباب كتيرة ما تخلينا نتم الفقرات هو انو شيماء تقريبا عرسها قرب وم بتقدر تمثل تاني ونازك ابوها حجز ليها برا السودان ونوواف شغلو اداهو اجازة وحتخلص وخالتو وئام كان حفلتها حقت ختام القرآن وبعدها تسافر للعمره و.. يعني كل زول عندو حاجة لازم يعملها عشان كدة المخرج مضظر قلت ليه ونحن عرسنا قرب وقف العربيه وابتسمت وعاين لي ياخ المخلوق د عندو حلاةة سنون وابتسامه كررررر على بتموتني يوم كل مره بعاين في ضحكتو لمن بفهم غلط واتخت في فتيل أضيق من أخلاقي قال لي بنان انزلي حبيبي وخلي بالك من نفسك واكلي كويس وارتاحي لأنك طول الفترة الفاتت دي بتحضري للمسلسل قلت ليه ما متعودين على الكلام المعسل د🙈قال لي تتعودي يازوله هسي انزلي عشان اخوانك ما يشاكلوك قلت ليه حاضر يلا معسلامه اول ما تصل طمني قال لي حاضر يلا ودعتو ودخلت لقيت هيما بحضر في مسلسل قلت ليه هيمااا قال لي عيون هيما تعالى قلت ليه م مشيت الشغل قال لي لا اخدت اجازة مضايقك؟ قلت ليه لالا قال لي تعالي احكي لي الحصل وحتمو الموسم التالت قلت ليه السمك هو التاني اختصرناهو عشان الضروف ما بتسمح قال لي بتبالغو كنتو تتمو الفقرات قلت ليه بري معاقين قال لي رفيدة ما تمت صح قلت ليه لا ما اعتقد يلا هي نعسانه مودي لو جا ما تخليهو يصحيني ودخلت الغرفه استحميت وغيرت ورقدت ياااااااه اتمددت جاني تلفون الوو احمد.. وصلت... الحمد لله.. طيب خليني انوم عشان ما ابلكك يلا... بعد دقايق بس غرقت في النوم.....
ما تدعوني حلفتكم😢
ركزو عشان تفهمو ومره تانيه ما تدعوني🐒
*☆☆گـلماتي بنـبن☆☆*
*#اشوفكم©™*
