*بعد عدة شهور*
بنان خلاص اهدي عشان ما تقومي القولون قلت ليه اهدي كيف واخوي اتزوج اي كلام وانت هييي مش كنا بنحلم بيك.. قاطعني احمد بنان عليك الله ما تهيجي ابوي قال لي عايني خوفتي الراجل من يوم داك قلت ليه هو براهو خايف يفقدني😌احمد قال لي ما شفت يا عم عملت فيني شنو اقسم بالله برجف عديل من كتره ما قطعت قلبي قلت لي امي وااااي يا أمي اشتقت لك وقعدت ف رجلها قالت لي خلاص اتشليت قربت افلت واقول احمد انت مستحمل كيف بس سكت احمد برضو عاين لي التقول حسا😹قلت ليهم يلا بعد ده انا ماشه بيتي عندي طبيخ ونظافه وغسيل ملابس ومكو.. امي انا ما قايلاك حاقده كده قالت لي اجي مالي قلت ليها ما قلتي لي العرس ده مسؤليه وطلس في طلس الحب اول شهور بس قالت لي كلمتك انتي ما سمعتي كلامي قلت ليها الحززززززن كلللوووو فيني حسبي الله ونعم الوكيل مودي قال لي خليك من ده اتخيييبلي الكبيرة قعدت عديل قلت ليه جيب قال لي اخوك قرر يكمل حياتو مع شريكه قلت ليه سجمي عاوز تدبل قال لي يا طيره هيما وبعدين اسكتي سلوان بتسمع ضحكت قلت ليه هي في البيت فوق بتسمع كيف قال لي دي بت حلال بتجي طا.. شايفه اسمس حاسم يا الجوز قلت ليها بسم الله بت حلال وحات الله قالت لي في شك كمان ضحكت قلت ليها فهمي غلط دقيقه خليني استوعب واوريك مشيت لي هيما قبل مني قلت ليه ابراااااااهيم عماااااااااد عاوز شنوووو قال لي بنان فشنو انا مش انسان؟ قلت ليه حسبي الله ونعم الوكيل ياخ انا فايتني كتير بقو يضحكو امي قالت لي بري زاتي اتخلعت بقينا نشغلها ليهو لمن مشا مننا قلت لي احمد يلا يا احمد قال لي بيتي قلت ليه احلف؟ قال لي ارح ارح قلت ليه حييينا سلمت عليهم مودي حضني وباس راسي قال لي عولاق ما تجنني الراجل قلت ليه والله انا مسكينه هو شراني مودي قال لي احمد افااا الا اختي احمد قال ليه والله بغني ظلموني قلت ليه مودي شكلك عاوزني وانا ما فاضيه ليك عندي غرفه كامله مكومه فيها الملابس قال لي ربنا يعينك حالتو انتي وأحمد بس قلت ليه الولد ده بلبس ف اليوم تلاته مرات ما عارفه هل هو عارض ازياء ولا بشري زينا ضحكو ودعتو ومشينا احمد قال لي انا معذبك قلت ليه واااااي العرس وانت مبالغه أوفر قال لي الله عملت شنو قلت ليه متعبني احمد أحمد اشتري لي ميني توب قال لي هسي مش قلتي معذبك قلت ليه يلا ما تتكلم معاي وما عاوزها بركن العربيه جمب البقاله الجمبنا وهز راسو قال لي مشكلة لمن تتزوج شافعه مشا جاب لي كيس مليان ميني توب بستو قال لي يبت نحن ف الشارع قلت ليه وفي العربيه قال لي طيب وصلنا نرلناا مشيت استحميت ولبست بجامه لميت شعري فوق ومشيت بقيت اكنس في البيت لمن تعبت قعدت جا احمد قال لي انادي هيام تساعدك؟ قلت ليه لاااا طبعا ليه تناديها لا شغلتي بعملها برأي قال لي طيب طالع الشغل عاوزه حاجه؟ قلت ليه لا سلامتك حبيبي قال لي الله يسلمك ومشا استغربت من برودو بس برضو قلت الشغل نظفت وغسلت مسافه دورت الغساله مشيت ظبخت خلصت حاجاتي كلها الحمد لله العشاء كده اتجيهت ونزلت لقيت صوت همس جيت خالتو قالت ليه انت شاكي انها عقيمه؟ طيب لو كده حتعمل شنو قال ليها عايني بكون معاك صريح انا بنان ما حخليها لو شنو داك وما بكسر قلبها بي الشريكه ف يا أمي ما تغصبيني على حاجه ما عاوزها قالت ليه صلى على النبي اول تانيا انا ما برضا فيها والله وهدى اخواتك ولدي بملو البيت شفع اما بنو ده قضاء وربنا يصبرها هيام قالت يا خوانا ما تسبقو الاحاديث وما ندخل في حياه احمد تاني خالتو قالت ليها صح جريت طلعت فوق بس مع جريتي دي التفتو شافوني احمد ختا يدو ف راسو وقعد.
*َ°°°°°°°°°°°*
يارب يارب انت عارف اني بتعامل معاها بي برود عشان الشغل ضاغط على يارب تسهل كنت شايل هم امي قالت لي بخوف قوم قوم امشي ليها ما يحصل ليها شي قمت طلعت وانا زعلان اني قلت لي امي لسه بدري علينا مشيت فوق فتشتها ما لقيتها فتحت الغرفه التانيه لقيتها خاته يدها في وشها وبتبكي بصوت مشيت قلت ليها بنان.... قاطعتني بي احمد ممكن تمرق عشان محتاجه اقعد مع نفسي شوي قلت ليها بنان قالت لي أمرق عليك الله انا ما قادره هسي أمرق لو بتحبني أمرق مرقت برا
وانا شايل هم الليل كلو بفكر اعمل شنو لمن نمت صحيت الصباح باب الغرفه قافل قلت ان شاء الله بترضا مشيت لبست الشاي طلع من نفسي ومرقت الشغل بالعصر كده لمن غلبني اقعد مشيت البيت سلمت على امي في راسها ومشيت فوق بقيت انده بناان بنان ما لقيتها مشيت الغرفه لقيت لي نوت شلتها وقريتهاا لخبطت أفكاري وبقيت ما فاهم شي كان مكتوب خاطره
*"انا وانت والاضواء والحب والغرام الذي يتواجد بيننا لا يمحيه القدر ولا حتى لمسات من الخيال افتقدك جدا افتقدت حضنك ليلاً هيا عزيزي انتظرك في قاع يوجد فيه ثمره حبي لك"*
تحت كاتبه اجتهد وألقاني (اجتهدو معاهو)
اخدت نفس وقعدت بقيت افكر نزلت تحت ومشيت الحديقه بي ورا ما لقيتها مشيت لي امي قلت ليها شفتي بنان؟ قالت لي ما عارفه ليه فشنو؟ قلت ليها ماف شي طلعت فتشت البيت مكان مكان ما لقيتها قلت اييييوا ياخ كيف نسيت ومشيت المدرسه لفيت حولها ما لقيتها اووف يا بنان مشيت بيتهم قلت لالا ياخ مستحيل بقيت افكر الحديقه؟ لا قالت فيهو انا وهي برانا مممم احمد ما وقت غبائك بقيت اتذكر اتذكر واراجع الخاطره لمن دورت العربية ومشيت المكان الما عندي غيرو تاني دخلت لقيت في موسيقي هاديه ومافي ناس مشيت على الممر فجأه اتعرضت ف الشاشه صورنا انا وبنان مشيت قعدت من الخلعه طبعا صور لمن كانت بتبيت مع هيام وصور لمن خطبتها ولمن عقدت عليها صور عرسنا ونص من صور التلاته شهور القعدناها ف مصر وبعدها صوره انا قمت وبقيت ماشي على شاشه السينما وبقول دي دي صوره لي بيبي ااااه جاني صوتها من ورا بقول خالتو تونه ما قصرت.
فلاش باك:
لمن جيت من ناس امي وأحمد طلع فوق
بنان:خالتو تونه عاوزه منك طلب
_اتفضلي
بنان:بعد شويه احمد مارق على الشغل وانا عاوزه اعمل سبرااايز نتذكرها بمناسبه الحمل.. قاطعتني
_لسه مااااوريتي؟
بنان:لالا كنت بفكر في مفاجأة
_طيب المطلوب شنو؟
بنان:انك تسألي من سبب تأخير حملي وبعدها احمد حيرد وانتي ماشي بس هااااااا ما تجيبي سيره عرررس اوووعه يقوم يمشي يخطب
_😹😹😹لالا اطمني اها يا قليصه ولو هاج انتي عارفه ولدي ما بدور سؤال ما بقيتو تلاته ده
ضحكت كتير
بنان:لالا انتي امو وبعدين هو ليه كم يوم زهجان وانا الدغيله ما وريتو اني حامل وكده أمكن خاتي الموضوع في راسو المهم يلا بعد توري انا حعمل نفسي جيت سمعت الكلام وحجري في السلم بي كركبه عشان ينتبه اني جريت بعد أمرق فوق حقفل الباب ومتأكده حيجي داخل... قاطعتني هيام
=بنان ما تجلطي اخوي
ضحكنا كلنا
بنان :يخ اسكتس اكمل يلا انا حقول ليه عاوزه اقعد برأي طبعا عارفنو ما حيمرق بساهل بس خليه على بعد يمرق حقفل الباب ولي الصباح حفكر بخطة توديهو لي حته كده ظابطه
هيام :واي اللهم حالي
آيات :بنان عندي لمسات حلوه الصباح بعد يمرق اكتبي في نوت خاطرة لغز مثلا يوديهو السينما لأنو اظبط مكان وهادي ومافيهو ناس وخليه يفتشك وبعد ده البسي واتجيهي وشفتي صورةة البيبي ختيتها اخرر شي اهم شي
خالتو تونه:ما هين اشوف ولدي كده لكن ما مشكلة اي شي عشان فرحتكم يحصل
بنان:حبيبي والله هي يلا يلا ادعو الخطة تنجح
لمن الخطه تمت وجريت في السلم كنت متمنيه ما اضحك جريت نقطت مويه في عيوني عشان تحمر وبقيت احاول ابكي وكل ما احاول اضحك زيادة لمن حمرو بقيت احاول ابكي واضحك ياخ ما قادره وبتيييين الصباح ده يجي لمن جا الله لا وراكم مسكت نفسي كيفَ بقيت امثل اني ببكي عاد ممثله بارعه لمن مرق بقيت انطط من الضحك كسرت كم حاجه عشان التمثيل يظبط وقلبو يوجعو حبه😹ورقدت نمت بدررري الصباح ما مرق بسرعه لمن مرق جريت لقيتو ما شرب شي مرق ساي قلبي وجعني حييي ي بنان الله بحاسبك مشيت جرى كتبت نوت فيها خاطرة ما عجبتني تاني قلت اعدي بيها ختيتها ف السرير و شلت فستان زينبي وطقمت بي الذهبي جريت تحت هيام قالت لي يا بت بتتكسري قلت ليها خليك من ده ارح معاي بسرعه بسرعه مشينا اتفقنا مع مدير السينما ومشيت الكوفير اتجيهت وتحركنا على السينما تاني رميت البلونات في المسرح ومشيت احمد اتأخر وهيام مشت بقيت اجهز لمن الشاب قال لي زوجك جا قلت ليه واي جريت ورا المسرح وشايفه جاي ملهوف ومخلوع ف نفس الوقت والعجب لمن ظهرت ليهو وووووووااااي من الحماس...
قلت ليه خالتو تونه ما قصرت قبل علي وحضني قلت ليه شايله قطعه منك جواي 💛
كانت ليله ولا احلى منها اساسا لمن رجعنا ونحن شايلين الفشار وماسكه جكت الصوف في يدي والبارد عمو فيصل جا قال لينا عصافير الحب خجلت ونزلت راسي بقو يضحكو فيني خالتو تونه قالت ليه امشي افحص قال ليها والله جننتني البت دي قالت ليهو احلي جن قلت ليها واي يا خالتو ما قادره اقعد حمشي فوق قالت لي طيب امشي ارتاحي الليله من الصباح واقفه مشيت فوق غيرت ورقدت احمد جا حاوطني قال لي بنبن قلت ليه عيوني قال لي بحبك والله قلت ليه وانا اكتتررر
بعد يومين جوني طالباتي وهم بناتي ضيفتهم وباركو لي العرس قالو جو لقوني سافرت قعدو اتونسو شوي مشو بعد اسبوع من الكلام ده جانا المخرج ومساعد المخرج والمألف باركو لينا العرس واعتذرو انهم ما جو العرس وشكرونا على البرنامج وكانو زعلانين اننا ما تمينا.
الباقي عاش حياة طبيعيه انا ما عاشرتهم كتير وما كنت بحب احتك بيهم ناس وئام وطلال وديل.
كل زول في الابطال ديل عاش حياتو طبيعي وعلي سنه الحياه وعاشو في هناء وخصوصا الحضر جعلته طموح استفاد وخلي القرآن طموح ليهو.
أبطال الروايه تم ذكرهم كتيير غير بنان وأحمد اجتهدو واعرفوهم.
*_اجعل القرآن ربيع قلبك... اروي قلبك بالقرآن... طيب روحك بالقرآن... خلي القرآن طموح واسعي وراهو صدقني حيفتح ليك الأبواب المقفوله والطرق المسدوده ويلم شتاتك ويرفه على روحك ويكون شافع ليك بأذن الله يوم القيامه طيب لي ما نمشي للجنه صح فيها صعوبة بس نهايتها لذه*💛
*_بتحبها؟ صلحها عاتبها قول ليها ما تعملي كدة غلط ما تتخلي عنها بمجرد انها عملت غلط كلنا بنغلط نحن ما ملائكه عشان ما نغلط*.
*_ما اي احساس حاسين بيهو في محلو وما شايفين ان سوء الظن بفرق اخوه خلي الكابلز حاول افهم من الطرفين ما من طرفك انت بس وتقول هم غلطانين وتعمل برئ وتظلم غيرك لا ياخ نحاول نصلح مفهومنا الناس بقت تقول لا انا حعمل مفتري عشان يضحكو او عشان ما يقولو ضعيف وين العشرة؟ وين الايام البينا؟ تقول والله هي انتهت كدة خلاص تجي زي ما تجي ليه؟ ليه ما نتمسك نحن؟ هل ده يسمي ضعف؟ لكن لكن لكن عشرة مرات لو الزول ده لو ما عاوزك ما تتقل عليهو في فرق بين هو عاوزك لكن في حاجز انت لازم تكسرو عشان تتمسكو ببعض وبين هو ما عاوزك نهاي والله يا خوانا الدنيا دي ما بتتجازف كده بتتجازف بي القرآن وتقربك من ربنا _ثم_ علاقاتك مع الناس حتى لو ما عاوز تخش في علاقات ما تخليك حاجه سخنه في قلوبهم خليك دايما بتقول الكلام الطيب للناس صلحو مفهوم اننا لو بقينا مفترين الناس حيحبونا ابدا يا بابا والله نحن بنقلب الكلام الطيب غير كده لا مرحبا ولا سهلا بينا نحنا شبهنا الحلو ابعد عن كل شي بديك طاقه سلبيه انت اكبر منها*
*_كل الحب للناس البتديك دعم عشان تواصل حياتك بشكل صح بنصحك مش البت لمن تكون متضايقه تمشي لصحبتها تقول ليها ياخ اصلا هي الدنيا كده و... الكلام البجرح تتمني انك ما جيت حكيت من الأساس ليه ما نقيف معاهم حتى لو ما وقفو معانا لحظه ما ضروري يساعدونا عشان نساعدهم الرسول صلى الله عليه وسلم قال:{ من كان في حاجه اخيه كان الله في حاجته} أخرجه البخاري.... تاني عاوزين شنو؟ نكون يد وحده ونبطل نقارن نفسنا بي الناس*
*_الغيره :حاجه ما بتتوصف نار... تصرفات ما واعي بيها...* *الغيره حلوه... بس مع الناس البنحبهم..ليه ما نستحمل* *غيرتهم؟ ليه نقول هي كتيرة ليه تخليها عشان غيرتها زايده عن اللزوم هي كده يادوب تمسك فيها وتتأكد انها بتحبك*
همسات:
*_القلوب النّقية ؛ لا يتوقف نبضها عن العطاء مهما حاول البعض کسرها !ﻷنها تعيش في مساحة .. لا يصل إليها إلا اﻷنقياء*
*_إتصالحو يا جماعة وأرجعو إتكلمو واسألو من بعض وصَفو قلوبكم وأنسو الفات، نحن ما حنعيش على طول ومافي زول عارف حيموت قبل منو، كفاية قسوه على بعض .. الدنيا ما مُستاهلة وكلنا بنتعلم من غلطنا، كل حاجة بتعدي وحنمشي وحتبقى مننا الذكرىٰ الحلوةه بس🤍.*
*_لقلبي أعوذ_ بالله من كسر يصيبك_ وعين تفتكك*..
*_انا في اتم الاستعداد للحروب التي تواجهني سأتمعن انها ستأتي من خالقي سأكد له انني استطيع خوض تلك الحروب دون استسلام حتى ان تعبت كثيرا او حتى مضت فتره ستكون استراحه ما قبل الحرب.... سأكون لنفسي ثم هو او هي لن نختلف المهم أنني أريد من اتكي عليه ان شدت على الضروف*
*#جـعلتـهُ _طموحـﮯ* 💛
*#تمت بحب*
