اللهم صُبَّ علينا الخير صبّاً
ولا تجعل عيشنا كدّاً كدّاً
اتغدينا وشاغلنا البنات عبد الوهاب قال لي اسمعني يا مان رايك نمشي لي صحبي عندو اخوات مكنات قلت ليه صحبك؟ واخواتو انت م جادي ولا شنو د زي اخوك ضحك قال لي يلايلا وجراني مشينا فعلا فتحت لينا بت جامده سلمت علينا ودخلتنا عبد الوهاب قال لي هسي نتظارف سكت لانو البعمل فيهو غلط وفكرت انو ممكن يطعني انا كمان بي اخواتي بس تاني قلت اخواتي مستحيل يغلطو قعدنا معاهم لمن استلمت تلفون من الحجه مشيت ليهم وصلتهم البيت واتحججت بي شهاده ومشيت شربت سجاير وبقيت افكر في الحاصل انا سيء جدا تاني قلت اصلا انا م غلطان غلطانين البنات الرخيصات انا ذنبي شنو إذا هم رخيصات قعدت مسافه بشرب لمن تلفوني رن لقيتها بنان اتخلعت وجريت ابوي قال لي مالك يازول جاري م رديت ليهو وجريت دخلت وياريت م دخلت نفس العملتو مع بت الناس عملو مع اخواتي واكعب لحظه قلبي اتزلزل وبقيت بدمع بدون احس وقابض يدي من الندم والغضب والكسر والخزل ابوي شكلو شاف ساجد في الحديقه وجا م وعيت الا وانا واقع فيها ضرب لمن اغما عليها طلال زحاني قال لي مهما كان د اختي قلت ليه..... انت واختك ومرقت دخلت غرفتي بقيت اكسر لمن عرقت قعدت ف السرير بكل الندم الفي قلبي دقيت لي البت القبيل قالت لي جاي؟ قلت ليها يابت الناس اعفي لي العملتو معاك قالت لي العفو والعافيه بس فشنو قلت ليها م بعرفك ولا بتعرفيني بس اعفي لي من جواك عليك الله م تخليك رخيصه لي ولد والله اخوك بتكسر كده وعليك الله خلي بالك من شرفك والبسي كويس وم تدي ولد فرصه فيك كلهم عاوزين يلعبو بيك العاوزك بجي لي ابوك م تعبي نفسك انك تفتشي زول يحتويك احتوي نفسك بنفسك سمعتها بتبكي قفلت فيها وحظرت الرقم بقيت ابكي وكل ما اتذكر المشهد بذيد لمن جاني ابوي قال لي اسمع هنا بكره الصباح تجيب ليك ورقها حق المدرسه بلا مدرسه بلا كلام فارق ومن البيت م تمرق فاهم ومرق..
*َ°°°°°°°°°°°*
الليله تمينا سنتين أولادي اتشتتو فجأه اي زول مرق من الغرفه المشتركه وخشا غرفه براهو بقينا م بناكل مع بعض والبعد د خلق في قلوبنا القسوه بدون نحس بقينا قاسين على بعض وعلى الحولينا انا وئام مفترض اصحيهم من الدمار دمرتهم زياده بدون احس بقيت بكورك فيهم وم محتوياهم الليله رفيده مرقت من الغرفه اخيراً قلت ليها مشمم قوه عين مبالغه مارقه ليه أن شاء الله خير عاينت لي مسافة قلت ليها عينك تتقده بتعايني كدي مالك والداني انتي ولا انا اترزعي جوا يلاااا عاينت لي ف عيوني ومشت المطبخ شالت صينيه ودخلت غرفتها ورزعت الباب لمن حسيتو اتكسر مشيت شلت اكل واكلت جات بنان من الجامعه مكشره قلت ليها نعم الكشير شنو لا هم ولا غم قالت لي انا بكشر ما انتي ودخلت غرفتها ورزعت الباب برضو قلت غايتو مبالغه مشيت قعدت ف غرفتي ونمت زي الماحصل شي ولا كأنو في زول زعلان مني ولا قتلت زول بي الكلام ولا عبالي وم هماني زول صحيت المغرب زهجانه جا متوكل زادني قال لي ماشي بايت مع ابوي لانو تعب قلت ليه انا تعبانه قال لي ابوي ولا انتي مجنونه ولا شنو وطلع قلت ليه بلا رجعه أن شاء الله لبست توبي ولمسات ميكب ومرقت ارفهه على نفسي دقيت لصحباتي من الجامعه اتلاقينا ومشينا شارع النيل ضحك وغنا وقهوة طلعتني من الجو عديل قلت ليهم دقيقه اغني ليكم وضحكت جو شباب سلمو علينا وقالو لينا حابين نقعد ممكن سكت انا صحبتي قالت ليه بأحترام اقعدو قالو لينا طبعا بأحترام وقعدو قالو لي غني يلا قلت ليهم لااا خليتو بقو يحنسو فيني حتى غنيت وهم يصفقو لمن شالتني الهاشميه وزغرت زغرتت المصرين وهم اندمجو وبقو يزغرتو معاي والغنا د وصل الشارع التاني وبدينا قهوه وعصاير لمن تلفوني دق فتحت كان نواف قال لي انتي وين قلت ليه ف شارع النيل عاوز شنو قال لي شارع النيل يا امي؟ بتعملي فشنو ود شنو صوت الغنا د قلت ليه م عندك شغله وانا بستمتع واجي وقفلت فيهو غنيت زييييييييين وم كنت ناويه ارجع البيت بس جات على الجرح صحبتي قالت الا أبيت معاها وانا طولت منها طوالي مشيت اسبوع وانا معاها ونسه وضحك وهظار والتلفون قفلتو عشان ماف زول يدق لي الليله ناويه ارجع لبست توبي واتمكيجت ورجعت البيت دخلت غرفتي استحميت واكلت لقيت نفسي تعبانه من البرنامج ونمت صحيت الصباح بصوت رزع لقيتو متوكل قلت ليه هي انت قال لي م شاء الله عليك وعلى امومتك بتك في المستشفى ليها اسبوع ويوم وانتي ولا علي بالك ولا حتى كلفتي نفسك تمشي تشوفيها بطريقتك د بتخسريني يا وئام قلت ليه اولا مف زول كلمني تانيا اخسرك كان بخسرك انت لا اول راجل لا اخرو والحب البينا خليهو مويه واشربو تمام جا على وقال لي اولا يا استاذه نواف اتصل وانتي م اديتي فرصه وقفلتي تلفونها بعدها وحرك رايو ورفع حاجبو وربع يدو وقال لي انا اعيشك ف جحيم وم اطلقك يا مهمله قلب م عندك وصفق الصفقه المستهتره مع تتو قال خاب العشم ي وئام خاب قلت ليه انت الوصلتني لي المرحلة دي يا متوكل انت قرب مني ونزل على رقبتي لمن حسيت بأنفاسو الساخنه جسمي كش وغمضت قال لي بتك نوف ف المستشفى م معروف تموت ولا تحيا وكان عاوز يمرق مسكت يدو بصدمة وانفاسي اتعالت عيوني فسرو كل حاجه مسك يدي كويس ولبسني عبايه وزرزرها لي وختا لي ف شعري طرحه جاب منديل مسح لي الميكب اصلا كان روج وحاجات خفيفه قال لي حرام تكوني قاسيه وانتي قلبك ابيض قربت وحضنتو قلت ليه وديني لي بتي بس وديني قال لي طيب زحي عشان نمشي قلت ليه م قادره حاسه روحي بتطلع قال لي الأم كده وتكلني لمن وصلنا لي العربيه ركبني وركب وساق.
*ما بالكم ان الندم سيعيد كل شي على ما يرام؟*
وصلنا المستشفى والجلاله نزلت وبرجف وخايفه شديد وصلنا متوكل قال لي د الغرفه شفت الاولاد مشتتين اي واحد في كرسي واي وحد ساند نفسو مع جيتي الدكتور طلع وقال حمد لله البت صحتها مستمره بس محتاجه بخاخ وم تعصب ولا تزعل عشان الازمه قعدت في أقرب كرسي حسيت راسي لافي بس مابينت ليهم طلال قال ليهو نحن كلنا محتاجين دكتور نفسي يطلعنا مم الازمه د قال لينا ربنا يعينكم ومشا نواف مشا عرف حتطلع متين وجا دخل مرقها نوف انقسمت نصين وشها شاحب واول مره م تتكلم معاي الدكتور جا قال ليها في كم انتي قالت ليه تانيه قال ليها ثانوي؟ قالت ليه ايوة قال ليها صغيره يا بت بتعرفي لي الضغط شنو سكتت وم ردت قال لي طلال وانت في كم قال ليه تانيه جامعه قال ليه م شاء الله كبير م صغير وانتي بت رفيدة سكتت مسافه وبعدها قالت في أوله جامعة قال ليها كبيرة وم صغيره ليه م احتويتو اختكم سكتو قال ليها انا دقيت لدكتور نفسي هسي بجي وتعرفو الجلسات قلت ليه لاااا م عاوزين دكتور نفسي والضغط عادي بجي لي اي زول وجريت نوف وطلعنا برا المستشفى مشينا على البيت ونوف طوالي مشت الغرفه قلت امشي افرق ليها من الوحده دي قعدت جمبها قلت ليها نوف قامت ودخلت الحمام انكسرت شديد وقلت لخير ومرقت شفت رفيده بتشرب في بارد قلت ليها عندك نفس كمان قالت لي طبعا عندي نفس بعد مرقت الشارع وشميت هوا ومشت طوالي غرفتها م خلتني اتم مشيت لي متوكل قلت ليه متوكل ف حاجه مستغربه منها قال لي شنو قلت ليه الدكتور ليه لمن انا جيت حتى قال حالة نوف قال لي هي م كانت بتتكلم الا الليلة اتكلمت حبه قلت ليه هاا طيب ورقدت قال لي وئام انتي مشيتي وين قلت ليه بت مع صحبتي قال لي وصحبتك د حصل باتت عندك قلت ليه لا قال لي وبتي معاها ليه قلت ليه كنت محتاجه اشم هوا قال لي وئام م تعصبيني بيتان برة البيت ماااف فاهمه قلت ليه متوكل م تسرخ فيني قال لي لمن مرتي م تفرق بين الصح والغلط يبقي لازم أسرخ قلت ليه انا م عملت حاجه غلط قال لي م علمتي حاجه غلط أنتي عملتي حاجات غلط يا وئام قبلت منو وبفكر انا عملت شنو م عملت حاجه قال لي مصره م تطلعي نفسك الغلطانه قلت ليه متوكل م تزيدني بلاي مليانه ابيت بره لا أمرق لصحباتي لا اوك فهمنا قال لي وهو جاي على حبيبي انا م قصدي انك م تطلعي مسك يدي وقعدني في رجلو انا م قصدي ازعلك ولا اسرخ فيك بطريقه دي انا م عاوزك تبيتي بره ولو عاوزه تمشي ليها امشي بس هااا م تطولي قلت ليه طيب قال لي راضيه؟ قلت ليه متوكل انت بقيت تراضيني على فكره قال لي واجبي يا ام أولادي قلت ليه متوكل انت عاوز شنو سكت مسافه وقام قال لي وئام......
*☆☆گـلماتي بنـبن☆☆*
*#اشوفكم©™*
