_والله الممثلين ما اظن يعملو الموسم التالت لأنو انشغلو ورمضان هذا باقي ليه كم يوم الا ننزل ديل وبعدها نجيب ناس تانين
=والله دي مشكله يا باسم
_كلو لخير
=لكن المسلسل ده من دون الباقي كان إبداع في إبداع
_بعرفو يمثلو
=حنفقدهم يا مان
_ربنا يوفقهم في حياتهم العمليه ما قصرو وخلونا نشتهر اكتر
=اي والله ربنا يوفقهم.
ده حوار بين المخرج والمنسق ومعاهم وزير دار النشر لكن متابع كلامهم بس.
*َ°°°°°°°°°°°*
بنان قلت ليه ايوه قال لي اسف لأني ما قدرت أسفرك عشان رمضان حمرت ليه وبقيت اغني معاهم ملك مع سمير وتزغرت وهاك يا الصفير والاغاني قال لي بنان بالجد اي عروس بتتمني تمشي شهر عسلها برا قلت ليه احمد انا ما زعلانه اكيدددد المهم انا معاك فهمت وبعدين رمضان يعني ما حنقدر نصوم برا وبرانا كده بطل قال لي بنان فاهمك انا لكن متحسس قبلت منو قال لي بنان ما تقبلي قلت ليه طيب اها وعاينت ليه ضحك
وصلنا قلت ليه ما نازله الا تفتح لي الباب قال لي طيب يشافعه نزل فتح لي نزلت هيما قال لي حياه زوجية موفقه حبيبتي خلي بالك من نفسك قلت ليه هيما انت بتقول حبيبتي؟ قال لي بنان قدي من وشي ضحكت حضنتو كتير وقلت ليه حشتاق ليك قال لي كلها ايام ياخ امشي ضحكت وحضنتني مودي قلت ليه أنجز وعرس لينا قال لي مجنون انا اعرس ورمضان على الأبواب ضحكت قلت ليه قصدك اننا مجانين ملك قاطعتنا بحضن قالت لي تاني مف سهر ما حعمل لي نفسي الشاي في بيتكم ما حنلعب نط الحبل وامك تكورك فينا عشان بنحاكي الشفع ما حنلعب بالطين ما حتسرحي لي ما حنسمع اغني ونمشي نصلي ما حنحنن بعض ما حنعمل جكه صلاه الصبح ما حنحضر حفلات ونزنزق سوا دموعها ملت النقاب قلت ليها بتبالغي طبعا في اختلاف قالت لي لا كلو ما حنعملو قلت ليها ملك ما تصعبي على ياخ قالت لي حشتاق ليك خلي بالك من نفسك قلت ليها وانتي كمان حضنتني وبكيت زين معاها احمد قال لي انتي الناس دي ليه محسسني اني ماشي انتحر بيك ضحكنا في عز الدموع ودعونا ومشو دخلنا الفندق حاجه كده بتتكلم عن الرهابه قلت ليه واي رهيب قال لي يلا كان حاجز مشينا بي الاصانصير لي الغرفة رقم... أحمد فتح الباب ودخل وانا زعلت زعل 😹وقفت وماده بوزي شبرين ونص جا قال لي مالك قلت ليه انا معرسه عشان الشيله دي تجي تدخل ساي بدون تشيلني ضحك كتير وجا شالني على السرير قلت ليه وااااي الحمام الحمام بقا يضحك لمن قرب يوقعني قعدني ف السرير قلت ليه تعال طلع معاي مال قارون الخاتنو فيني ده بقا يضحك جا طلع معاي الحاجات كان عاوز يقلع الحجل قلت ليه لا ما عاوزه امرقو ركبت الزمام قال لي التركيبه دي قبيل كنتي مركباها؟ قلت ليه ااا اي لازم مع الجرتق قال لي ليك الحريه ف البيت تلبسي تقلعي بس برا الشارع لا قلت ليه عارفه والله مشيت استحميت وغسلت وشي ومرقت قلت ليه النووم بعد د قال لي استحم واجي دخل وانا فكيت شعري ومشطو وجبتو بي الجمبه مشيت رقدت كنت تعبانه وجعانه وكلو طبعا مكسله ياخ كان في تلاجه صغيرة فيها كم اكله كده احمد لمن مرق نشف شعرو بي روب الحمام قال لي ما اكلتي قلت ليه ما قادره عاوزه انوم ختا الاكل انا كنت ما قادره اقوم قومني ختيت راسي ف كتفو بقا ياكل ويأكلني لمن شبعنا لملم الحاجات ورقدنا نمنا..
بي العصر كده احمد قفل التلفزيون قال لي حنصوم وين؟ قلت ليه في بيت اهلك طبعا قال لي انا باني فوق على فكره قلت ليه شقه وكده قال لي لا طابق لينا قلت ليه حلو ما عندي مشكلة قال لي بنان ده شنو قلت ليه شنو قال لي حاجة في رقبتك و.......
العشاء كده قمت استحميت ومشيت عملت الاكل قعدنا ناكل احمد بتكلم معاي ساعه ما برد لية سرحانه في قصتنا
عاين لو بقيت آخر واحد ما بعرسك وأعلى مافي خيالك اركبو تمام قال لي انتي لئيمه كدة لية قلت ليه عشان بتكلم معاك هيهيهي قال لي انا طاردك من بيتنا قلت ليه نعممممم يا هيااااام تعالى شوفي اخوك الفاير ده جات قالت لي مالكم قلت ليها طردني اتخيلي ضحكت قالت لي انتي اتلائمتي معاهو قلت ليها انتي يا بت مفترض تقيفي مع صحبتك قالت لي ده اخوي قلت ليها خير يا زوله اصبري لي ضحكت قالت لي احمد هي خلي البت قال ليها هي لمن تخلي عقلي وقلبي في حالهم بخليها وقتها قلبي عمل شحححح عاينت ليه قال لي على فكرة بحبك وحفضل احبك لمن اعرسك سكت بس وانا من جواي فرحانه شديد ما عارفه ليه رجعت البيت استخرت كتير في العلاقه الحنبداها دي ما اني لسه ما اديتو الرد مشيت حكيت لي امي انو اخو صحبتي وهو ود جيرانا في الحله التانيه عاوزني قالت لي أن شاء الله لو عاوزك وربنا كاتب ليك خير حتبقو لبعض ماف شي بعيد ابتسمت مشيت دقيت لي ملك وحكيت ليها قالت لي ما جديد كل مره بقول كده وبقول ليك كلام معسل وانتي بتتلائمي قلت ليها في اختلاف قالت لي ويلي هو؟ قلت ليه ان قلبي عمل شحح لمن قال لي بحبك قالت لي ما بصدق وبقت تزغرت قالت لي سمح قله الادب واللئامه شنو قلت ليها بري كمان قلت ليه كان آخر واحد ما بعرسك بقت تضحك وتتحسبن قلت ليها شكلي بديت احبو قالت لي احححححااااا من الكياته حتكونو حلوين الصراحه احمد يتحب ما شاء الله والله بختك عديل كده لانو محترم وما عندو شي للبنات وشايل اهلو ف راسو قلت ليها اااا يلا يلا وقفلت بقيت اتأمل واضحك شوية ابتسمت امي جات قالت لي غسلي العده الفي المطبخ دي مشيت بقيت اغسل فيها وانا سرحانه بعييييد لي يوم العرس اتخيلتو ياخ انا بي سرحتي دي ولدت جبت بت زاتو امي جا مودي خلعني قال لي يبت سرحتي وين قلت ليه ولا حته... وعيت بي احمد بنكش شعري قلت ليه وه قال لي زعلتي مني؟ قلت ليه لشنو؟ قال لي الحصل قلت ليه كنت سرحانه وحكيت ليه احمد ده بقا يضحك ضحك قلت ليه والله ياخ قال لي عزبتيني عذاب انتي قلت ليه نيني واحلي عذاب عندك رأي
تمينا اسبوع ونزلنا بيتنا لقيتهم جهزو حاجات رمضان
الساعه 12 احمد جا قال لي رمضان كريم علينا قلت ليه دخيلك يارب قال لي يبت استغفري فكيت الضحك قال لي تعالي د شنو الفي رقبتك قلت ليه احمد الدنيا رمضان استغفر ربك بكره نحن صايمين قعد يضحك قال لي عشان نبارك رمضانا جريت نزلت تحت آيات قالت لي بنان هسي كنت جايه اقول ليك اتسحري الليلة عندنا قلت ليها طوالي بس خلينا نجهز العشاء اول خالتو تونه قالت لي انتي عروس قلت ليها عروس رمضانيه خلوني وما تتعاملو معاي كأني غريبه هسي يا خالتو قبل اعرس ولدك كنتي بتخلينا انا وهيام نحضر الفطور وننضف ونحن صايمين بقت تضحك قالت لي هسي اانتي مرت ولدي قلت ليها بت ولدي بقت تضحك قالت لي م نصيحه امشي جهزي يلا مشينا بقينا نجهز ختينا العشاء ف السفره طلعت ناديت احمد ما خلاني انزل الا قله ادبو ونزلنا لقيناهم قعدو قعدنا سمينا وبدينا ناكل
آيات غسلت العده وانا كنست وهيام رقدت نامت طلعت فوق رتبت الغرفه والمطبخ غسلت الكبايتين وبقيت شغاله جهزت حاجات العصير وختيتها ف الدفريز ما باقي الا اختهم ف الخلاط احمد جا لقاني بغسل ف العده زحاني قال لي حساعدك قلت ليه لالا والله امشي ارتاح هسي بجي قال لي بنان حرام على عيونك واقعه والحياة مشاركه صح ولا لا قلت ليه احمد يرضا عليك ربنا امشي ياخ خليني اتم عدتي قال لي زحي يلا يلا زحاني وغسلها مشيت الغرفه فتحت المكيف وقفلت الباب عشان تبرد وانا دخلت استحميت طلعت بي روب الحمام بسرعه لبست بجامه بارده استشورت شعري على السريع عشان صوتو عالي وخططت حواجبي اتعطرت مشيت بره لقيتو خلص قفلت المطبخ ومشيت الصالون لقيتو بحضر قلت ليه حتساهر؟قال لي ايوه حصحيك تتسحري طيب قلت ليه حاضر مشيت حاولت كتير انوم ما قدرت طفيت المكيف ومرقت برا احمد كان راقد ف كنبه الصالون وبحضر لسه في MBC2 قال لي لسه ما نمتي كنت نعسانه ما رديت ليهو رقدت في يدو وضميتو ثواني نمت....
.............
كانت شغاله طول اليوم عشان تعوضهم التعب لمن لقيتها بتفسل العده حنيت عليها غصبتها تمشي واغسلها انا بس شكلها متحسسه من الفكرة مشيتها وغسلت العده مرقت لقيتها ف الحمام كان عندي فلم حيبدا مشيت الصالون بقيت احضر لمن جات صليت على النبي في سري قالت لي حتساهر؟ قلت ليها ايوه حصحيك تتسحري طيب قالت لي حاضر مشت كنت سرحان بي حركاتها لمن انتهبت الفلم بدا بقيت اتابعو بين فاصل وفاصل بفتح صور العرس واقلب فيها وافتح الفيديوهات بعد جا الفلم بقيت متابعو شفت بنان جات استغربت انها ما نامت قلت ليها لسه ما نمتي بس شكلها كانت نعسانه رقدت جمبي فتحت يدي ورقدت فيها وضمتني عليها قلت ليها هنا ما حترتاحي وتنومي ارح السرير داك لمن ما ردت لي عاينت لقيتها نامت ما قدرت اشيل عيوني تاني بقيت مبحلق فيها وكل شوي ببوسها صحت لقيتني مقرب وعاوز اطبع ليها وحده تانيه قالت لي ياخ احمد روق ساي وغطست وشها ف حضني وختت يدها ف جانب وشها بعد اتأكدت انها نامت تاني زحيت يدها براحه ضميتها على وبقيت اتذكر في تفاصيلنا كم مره اتشاكلنا ورجعنا
الغيرة..الحب... الحنان... الاهتمام... الاحتواء.... الخوف... الأمان... الطمأنينة... الغرام... العشق... الادمان.... بقدر اقول اننا كملنا بعض كنا احلى اتنين مرتبطين وزوجين وصحبين دايما بنلبس مع بعض في الطلعات زي ما بقولو كابلز تقريبا.....
يربطني بك شيئ اعمق من المحبة، أعجز عن شرح الأمر لك لكنني بطريقة ما اشعر انك أنا♥️.
*☆☆گـلماتي بنـبن☆☆*
*#اشوفكم©™*
