*ونظن انها النهايه والله يفاجئنا بأبواب رحمته..... نظن اننا هالكون ولا نستدير للنظر إلى المشلول او المعاق أو ذو الاحتياجات الخاصة او مثلا الفقير او الذي يطلق عليه اسم المشرد الضايع بين الأحياء اليتيم مثلا ... لا نعلم ما يحدث إلى الأصم او الابكم كل م ننتبه له هو النقص الذي في حياتنا ولا نرى تلك النعم الكثيره الابكم اذا اراد الصراخ لا يستطيع يشعر كأنه عاجز عن بوح وجعه يكتم طول العمر وتفسر دموعه التي لا يفهمها أحد هناك أعمى يتمني عيونك التي لا تذكر نعمتها حتى تريد فقط اكمال النقص الذي في حياتك يا هذا الكمال لله ليس للبشر كلنا ناقصون ولكن استدر علي نعمك وأحمد الله قد تزال وتندم وقتها الندم سيأكل قلبك الذي يتوهم انك ناقص وانت ملىء بالنعم..... لا تنظر إلى التناقصات يا هذا انظر إلى النعم التي لا تحسب لا تقل انك مظلوم وانت ظالم... الإنسان بطبعه يحسد منهم الذين يوقفون الحسد عند حده ولا يذهبون إلى السحره الدجالون الذي يدمرون الروح ومافيها يستهلكون الطاقه ويبعدونك عن الله وما الله بظلام للعبيد.... كن لله يا عبد الله فوالله لا ينفعك أنس ولا جان لا ينفعك الصديق الذي عبدته او حتى الحبيب الذي استهلكت مشاعرك اتجاهه وغفلت عن الله لماذا؟ لماذا لا نتقرب منه وهو خالقنا وهو الذي يستحق مجهودك نعم الحب ليس بحرام ولكن لا تبذل مجهود قد يهلكك اهلك ذاتك بي الصلاه والصوم والصدقه والكرم لا تكن بخيلا جاهد نفسك علي الكرم جاهد نفسك للوصول إلى الله مهما كنت تبلغ من السيئات ان الله غفور رحيم لا تستسلم لي معاصيك بل استغفر ومزق تلك الصفحات السوداء وابدا بطلي صفحاتك التي تلي حياتك بالأبيض الناصع لا تلون حياتك بي الأسود (ان الله ينتظرك اذهب له)يا ابن آدم أن الله اذا احبك دعاك ان تلح في الدعاء تلح له ولو كان انسان لقال لك كف عن التكرار سمعت ولكن الله يحب العبد الذي يلح ويقول يارب بأمكانه ان يقول كن وينفذ طلبك ولكنه يحب صوتك الذي تظن انه لا شيء لا يا عبد الله ان الله يحب صوت دعائك ويريد جبرك جبرا يليق بك*🤍🤍
*#كن لله يا عبد الله🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍*
*َ°°°°°°°°°°°*
نوف عندك مدرسة قومي الله يرضا عليك خلي التلفون السجم د وامشي نومي قالت لي امي انا م شافعه طيب ماشه قلت ليها م حتخشي الثانوي بطريقتك د جا طلال داخل قلت ليه نعم كنت وين قال لي كنت ف الدوري يا امي قلت ليه طلال مش اتفقنا تمرق بعد تمتحن؟ صح قال لي امي يعني م أمرق قلت ليه أمرق بس م هسي بعد تمتحن د م حال واحد قاري علمي هندسه قال لي هسي نواف مش كان بصيع هسي اتخرج يا أمي والله بقرا بس خليني قلت ليه طلال لا إله إلا الله محمد رسول الله م ممكن معاك ودخلت جوا حنجلط بتصرفاتهم انا دخلت استحميت ومرقت غسلت العده جاتني بنان قالت لي يمه خليني انظف قلت ليها ختي لأبوك الغده د مواعيد جيتو وامشي نومي عشان جامعتك قالت لي سمح يمه أن شاء الله قلت ليها ربنا يرضا عليك ومرقت بقيت اضاير ف البيت لمن قعدت تلفوني دقا رفعتو الوو شروق كيفك قالت لي وئام عندنا لمه جمعيه بكره تعاليلنا قلت ليها بدور اجيلك وحات الله زهجانه والبنات زهجانين بس عاد عندي طلال ونوف م باين القرايه اسويلهم شنو قالت لي تعالي بخلي خليل يشرحلهم قلت ليها سمح قلتي ي خيتي قالت لي عامله كيف انتي وراجلك كيفنو قلت ليها بخير والله في نعم الحمد لله جات بنان بتسرخ امي عايني رفيده قالت لي م بتشغلي المكيف اقسم بالله اخبط براسها الأرض بقيت استغفر بس قمت ع حيلي وقلت ليها بنان اوعي قلت لي شروق الراجل بعد د بجي انا بمشي قالت لي سمح اسمعي تعالى بدري مانك ضيفه ضحكت وقلت ليها اول م يجو الاولاد بنان قالت لي امييي ياخ تعالى قلت ليها بنان طيب انتي خلصتي النظافه قالت لي انا كنست وم بمسح البيت كبير م بشيلو براي وانا عندي اخوات قلت ليها خلاص ي بنان م تنقي لي ويا وئام اول م يجو الاولاد بغديهم واجيك يلا السلام عليكم قالت لي وعليكم السلام وقفلنا حمرت لي بنان قالت لي ماما ياخ زهجتني قلت ليها شافعه انتي؟ مش شايفاني بتكلم مع خالتك قلت ليها خلاص ي امي م تنقي لي هزيت راسي ومشيت لي نوف قلت ليها والله ي نوف أن ربنا كاتب موتك على يدي اعصي اختك تاني يا قليله الادب الحر وافتحي المكيف وانتي يا رفيده امشي امسحي قالت لي بكره عندي مدرسه يا أمي وحصه تاريخ وبعديها كيمياء وم بقدر بكره بنظف قلت لي نوف امشي انتي قالت لي امي م بقدر انا ممتحنه مشيت منهم بزعله ومسحت انا طلال مرق من غرفتو لقاني بغسل ف القطعه عشان اتم المسح قال لي اخواتي وين قلت ليه عليك الله م تسألني منهن قال لي لا انتي تشتغلي لي في كلامو متوكل جا داخل قال السلام عليكم يا ناس البيت قلت ليه وعليكم السلام مرحب يا ابو نواف باسني فراسي وقال لي مرحب يا ام اولادي كيف امسيتي قلت ليه بخير يا متوكل بس عزبوني ادخل غير واستحم الاكل جاهز طلال سلم علي ابوهو ومشا الغرفه مشيت وراهو قلت ليه بكره حنمشي لناس خالتك شروق وخليل حيشرح ليكم قال لي اخيرا طيب ان شاء الله قلت ليه أن شاء الله يلا نوم قال لي عندي كم مسأله عاوز اخلصهم وانوم قلت ليه بتوفيق لقاني نواف قلت ليه مالك متأخر على البيت قال لي والله يا نبعي بفتش في وضيفه وما لاقي ادعي لي بس قلت ليه ربك جامع الريب يجمعك بي وضيفه تونسك قال لي احلى دعوه من احلي وئامي قلت ليه هوي صحبتك انا ضحك وباسني ف راسي قال لي تصبحي ع خير يا أمي قلت ليه امشي اكل مع ابوك ياولد قال لي لالا متعشي مشيت منو اتأكدت أن الكل نام ومشيت لي متوكل لقيتو لم الحاجات قال لي طلال ونواف وبنان ونوف ورفيده كويسين؟ قلت ليه اسأل منهن تسألني انا قال لي وئام مالك حبيبتي قلت ليه تعبانه من الشغله يا متوكل والله العرس د حار ضحك وقال لي عرستك صغيره الله بحاسبني عليك قلت ليه اي يادوب داخله الثلاثيناات الله يطول عمري ويخليني ليكم ضحك ومسك يدي دخلنا الغرفة قال لي تعالي اقعدي قدامي مشتاقه اتونس معاك قلت ليه متوكل في شنو انت كل م تجي من الشغل تاكل وتنوم وتصحى تمشي الشغل قال لي يعني الليلة م اتونس معاك وبعدين عارفاني مشغول قلت ليه ف حاجه اسمها تلفون يا ابو نواف قال لي تعالي تعالي زعلانه مني فشنو انتي عارفة انا م بستحمل زعلك من ضحكت من جوا قلت ليه متوكل بطل حركات قال لي غلطان قلت ليه حييي تعبانه انا وانت جيت من الشغل بدل نتشاكل خلينا ننوم عليك الله قال لي تمام قلت ليه بالمناسبة ماشين لي شروق بكره ف جمعيه قال لي وئام صح اولادك ممتحنين قلت ليه خليل قال بشرح لي طلال ونوف بخلي خوله تشرح ليها اصلا ناس تامن قربو يمتحنو واتفك من حاجه اسمها عصر قال لي والله معصوره هي قلت ليه انت م عارفين حاجه ساي معصوره شنو اليوم كلو في الزفت الاسمو التلفون قال لي تلفون؟ مش قلت ليك شيلي منهم التلفون الخطر د وهي في سن مراهقه وم معروف بتعمل شنو قلت ليه انا واثقه منها م بتعمل حاجة قال لي وئام لا إله إلا الله ماف ضمان وقام مرق قلت احي من الراجل د عاوز يعقد لي البنات قمت علي حيلي.
*َ°°°°°°°°°°°*
*بالسان نوف:*
كنت قاعده احضر فيدوهات في تيك توك وبضحك فجأه زول فتح الباب والنور قلت ليه ابوي قال لي نوف صح انتي ممتحنه وانا قلت ليك م تشيلي التلفون شبت بنان اي انا لمن كنت ممتحنه م كنتو بتخلوني اهو خليتوها رفيده قالت ليها بنان بطلي حقاره ابوي سرخ م شايفني واقف هنا ولا م عندكم احترام لي نوف مالم تدخلي تانيه مع اختك رفيده مف تلفون وشال التلفون مني ومرق م عارفه وقتها حسيت بشنو التلفون د جزء مني امكن يشوفوها حاجه م مهمه بس انا مهم بنسبه لي ومهم شديد كمان حسيتو بطعني وهو بقول مالم احصل تانية بس برائتي أكبر من اني اعرف ليه شالو وقبلت عاوزه انوم سمعت رفيده بتتكلم قالت اقسم بالله قرب يشوفني كنت حموت يا ولد واي بس لالا م شافني خبيتو طوالي قبلت عليها لقيتها بتتكلم بالتلفون قلت ليها رفيده بتتكلمي مع منو قال لي اااا اااا خليل اي خليل قال بكرة حشرح ليك ولي طلال قلت ليها ماشين ليهم؟ قالت لي ايوه قلت ليها طيب وقبلت نمت.....
*°°°°°°°°°°°°°°*
لمن كان بقول كده لنوف حسيت بيها م عارفه ابوها شال التلفون عشان ما واثق منها زعلت منو بس تاني قلت هو خايف عليها دخلت الغرفه جا قلت ليه متوكل لا سلمت عليهم ولا شي قال لي مفترض هم يجو يسلمو ما انا يا مره قلت ليه شافع أخير لي انوم شكلو قفل التلفون وختاهو في الدولاب قلت ليه م تقلت على البت قال لي عاوز مصلحتها انا قلت ليه مخير.....
*☆☆گـلماتي بنـبن☆☆*
*#اشوفكم©™*
