*اغمض عيني فأراك واتمعن قلبي فأجده ينبض بأسمك؛انت بداخلي يا هذا*💛!.
حضني من ورا وقبلني رفع حاجبو وقال اسف قايلك مروه ما قاصد اعفي لي وكان ماشي قلت ليه اسف ف.. غيرت كلامي لي رومانسي وقلت حبيبي معقول لكن قبل وحكا شعرو قلت ليه لا حتخرب شعرك تعال تعال قبل اغير رأي وما يكون عندك حضن عندي فتحت يدي جا ورفعني لحضنو دور بي لمن كان عاوز ينزلني صادفت عيونو مسكني عاينت ف فمو قلت ليه عبدو انت عامل مرطب؟ ابتسم و👩❤️💋👨قال لي اها عامل؟ خدودي حمرو قلت ليه زح عشان ما تزح لي الروج قال لي زاتو كسرتي ظهري مسك يدي ومرقنا لقينا نواف وجنه يادوب مرقو ومرقنا العربية ومشينا على الحديقه كانت مزينه بطريقه خووورافيه لمن حسيت اني بحلم جينا بجسر من صخر ولا بقولو عليهو شنو نحن اول وبعدنا جنه ونواف والغنيه شغاله عبدو قال لي العرس مسجل وعندي لك مفاجأة قلت ليه تااااني يا عبودي قال لي وتالت ورابع عندي كم مروه انا قلت ليه وحددده طبعا وصلنا باركو لينا.
وسط الزغاريت... وبشير الرجال.. وفرحه الاهل.. وضحكات البنات... ونسمه الهواء الباردة... وابتسامتي المطله على الناس... والاضواء الافي الحديقة... وضجه الموسيقى الهادية
... نص سوداني.. نص تركي.. ونص روسي.. بتشتغل بالتنويع.. وصلتنا للكوشه... وبشيرنا للناس... فرحه جنه ونواف... وابتسامتهم الما غابت ابدا...
شفت الغالي ايوه الغالي واقف قدامي ووشو ملان دموع اتذكرت اني ما كلمتو وهم فاجئوني غمضت عيوني بتمني ما يزعل مني انا كيف نسيتو أخذت نفس وفتحتو لقيتو جاي على غمضت واتخيلت الكف بس فاجئني بالحضن قال لي عبدو عرف يفرحك ويوترك ويسلب التوتر منك عقدت حواجبي وقلت ليه نا فهمانه قال لي معقول يا بتي ابوك العاوز فرحك ما عاوزك تعملي أكبر حفله عبدو جا قبل التعارف وكلمني انو عاوز يفرحك بطريقه ما حصلت قبل كدة وكلمني اني أرفض حفل وكنا عارفين بي زعلك اخوانك ف الاول رفضو عشان حتبكي وتنفسني بس عبدو اقنعهم انو نقيف معاك كأنو ما حصل شي وده الحصل يا بتي كلمت اختي وبناتها ما نجيب سيره حفله وهسي كلنا فرحانين بيك انا دموعي دي البوقفها شنو تاني حضني ياخ شديت وعلى ومليت ليهو البدله وبقيت اقول ليه بحبك والله بحبك قال لي تحبك الجنه يبتي زحي يمين لقيت بنات عماتي وعمتي مشيت بخطوات سريعه وهم جو قريب حضنتهم كانو فاتحين الايمو وضاربين فيديو شفت منو لقيتها زينب قلت ليها لي ما جيتي ياخ قالت لي ما قدرت والله اسفه اعفي لي قلت ليها ما مشكله يقلبي بس البنات بقو يزغرتو
اشتغلت غنيه بقينا اتنين عاينت للنور الكحلي الاتوجه لي عبدو وهو ناص من منصه الكوشه وجاي على انا احساسي اتلخبطت غصب عني سنوني مرقت عبدو وصلني وحاوطني من نصي والنور كان علينا عاين لي ف عيوني الاتملت دموع وهمس لي
عطرك يجذبني إليك في الثانيه الف مره فما بال عيناك التي تُمِيتُني.
*"ايا زوجي والزاء راء والجيم حاء دمت لقلبي وطن لا يعرف اين الاتجاه فأقام فيك"*
لفاني كم لفه وتمايلت
كانت تلك الليله مسجله على قلبي ثم دفتري كنت دايما اتمعن فيها وكأنه يوم خلقت لروحي روح كان ذالك النقص يحتاجه حقا كلما تذكرت امي وجدته يحاوطني كنت لا أحتاج إلى احد غيره يسبقني في الحديث اذ تعبت من الكلام يترجم عيني إذا عجزت الحروف النطق كان هو طموحي الذي أريده ان اكمل النقص الذي في داخلي احبه عشر الف مرة في الدقيقه وينبض له قلبي الالاف المرات في الثانيه ايا عالمي قد #جعلت هذا المخلوق طموح.
