احمد قالو ناديتني كان مطل على البحر والجو فكا شعري وطيرو معاهو قرب مني ومسك ذراعي قال لي بنان فاكه الطرحه ليه عاجبك الاولاد يقهو فيهو ها قلت ليه احمد ابت تتسبت الطرحه قال لي انا كل يوم نقاشش معاك ياخ والله زهجتيني دموعي نزلت مع زهجتيني يعني حيطلقني قلت ليه حتطلقني؟ قال لي اخخخ وربط لي شعري ورفع الطرحه قال لي المره الجايه حقصو ليك مسك يدي ونزلنا لي ناس هيما تحت وهم بصطادو السمك احمد قال لي ماف بت هنا امشي اقعدي مع البنات قلت ليه حاضر قال لي حبيبي يلا قدمني لمن وصلت ملك تتبسم ساي قلت ليها عقدو قالت لي تعالي جرتني قعدت جمبها قالت لي اتخيلي سمير عمل شنو قلت ليها شنو قالت لي جا وشاكلني عشان منزله الطرحه اتخيلي يكون بغير قلت ليها صبرا صبرا قعدنا نتونس كتير ونضحك في ملك وحركاتها لمن جعت كتير مشيت ليهم لقطت احمد جمبو بت وماسكه يدو انا اللحظه دي نيران الدنيا كلها في قلبي ما عارفه مشيت متين فكيت يدها منها بسرعه وقلت ليها بت كم لمن تمسكي يد راجل متزوج وبعدين انتي لو بت ناس ما بتمسكي المسكه دي وبعدين عاينت ليها من فوق لي تحت وقربت منها مسكتها من رقبتها شويه شوي بخنقها وبقول ليها ده خط أحمر تجربي تتعدي حتكوني جثه في يدي اووووكيييا احمد مسك يدي وزحاها قال لي حرام عليك البت وشها حمر حمرت ليه سكت حمرت لي البت وقلت ليها ثانيه تكوني هنا كوستي دي ما تحلك مني يا كلبه البت قالت لي اقسم بالله اسفه وما قايله متزوج وجرت لمن جريت ليها ومسكني احمد زحيت منو قال لي وشك احمر يا بنان اهدي حمرت ليه وقلت ليه اقسم بالله تمسكني وانا ماشه هسي الا تشوف وش تاني ما شفتو فاهم ولا لا مشيت لقيت مودي قدامي شافني وعقد حواجبو زحا راسو على الجهه اليمين لقا احمد وراي أظن ما حب يدخل قال لي اهدي وحضني حضنتو وفضيت في حضنو قال لي ما تبكي خلاص قلت ليه جعانه قال لي اصلا خلصنا بس نختو امشي انتي جهزي مكان الأكل وانا والشباب نجي نجيبو حاضر يا بابا قلت ليه خليني شوي اقش دموعي قشاها لي وقال لي احمد ما حيزعلك كتير منو طيب ما تعاندي لمن يجي يراضيك قلت ليه انا ما عاوزه كلام معاهو ومشيت منو قعدت مع البنات سلوان قالت لي احمد مالو قلت ليها مف شي وارح جهزي معاي فرشنا السفره وختينا العصاير تثبيت لي السفره عشان ما تطيره الاولاد خمسه دقايق وجو والريحه حقت السمك رهيييييييببههه طبعا ملك جابت سلطات منوعه وسلوان جابت بسبوسه وحاجات حلوه وصحباتي الباقيات اي وحده نوعت جو الاولاد وجابو تربيزه تانيه ولصقوها عشان كنا كتار وعملنا السفره في التانيه قصادنا الاولااد بقينا ناكل عاينت لقيت احمد بياكل بيي الميت قلت اوف عاين لي قلت ليه اكل زي الناس عاين لي ف عيوني شديد وقال لي رضيتي عني؟ قلت ليه كدي اكل لبعدين قال لي وعد تتفاهمي معاي قلت ليه اي واكُل قال لي حاضر أكلنا لمن خلصنا سمير كان ماسك العصاير بكب ومعاه صحبه سلوان ما مرتاحه ليها ابدا سمير سألهم عاوزين شنو قلت ليه ممم اااا ممم قال لي يا بت انجزي قلت ليه ااا بكب لمن يجيني مزاج قال لي استغفر الله العظيم ومشا احمد ضحك قال لي اكب ليك شنو قلت ليه بري هسي مليانه شوي واكب ود كلو ما عاينت ليه البت بقت تسأل الرجال لمن جات لدور احمد قمت وقلت ليها زحي هو ما بشرب عرديب زحي زحي وزحيتها مسكت الكبايه لقيت العالمين دي كلها بضحكو ما اشتغلت بيهم وكبيت ليهو بارد جيت اديتو ضحك ومسك يدي قعدني جمبو قال لي د شنو الغيرة الظابطه دي حمرت لية وقلت ليه ما تتظارف لسة زعلانه على فكره كيف تمسك يدها قال لي والله يا بنان جات سلمت على وبقت تقول عاوزه سناره وانا السنار ما عندي وهي ما عاوزه تفهم لمن جيتي يادوب فكت يدي ولاحظت ليها ضربته ف كتفو قلت ليه ما ملاحظ هااااا وعضيت اسناني بقوه وقلت ليه اخخخخخ انا لو قمت كسرت الصحانه دي في يدك احمد تفتح خشمك معاي ببلعك السكين دي واتنفضت مشيت منو بقينا نلملم في المكان ولمن هدا الجو بقينا نتونس قلت ليهم هيييي باركو لي ملوكه حبيبتي حيجو يتقدمو ليها سمير قال لي كيف يعني ومنو قال كده ماف كلام زي ده قلت ليه اجي كيف يعني قام وقال لي ملك ما كلمتيني يا ملك كنتي تنتظري يا ملك قالت ليه الفاس وقع في الرأس وليه انتظر قال ليها تعالى ومسك يدها ومشو بعيد ابتسمت وقلت يارب يحصل الفي بالي البت القبيل مشت قعدت جمب احمد وبتتونس معاهو النار ولعت فيني فتشت حاجه اعملها عشان يجي لقيت القهوة ومن الغضب كشحتها فيني وبقيت اصرخ بجد حاره لكن اللصقه دي ما تقعد مع حقي جو جارين كلهم وانا دموعي جارية وبقول اخخخ يا احمد (اوعه تعملو زي انا مجنونه ساي) جا وكب لي فيها سكر كان مقلق وقاعد ف الارض وماسك يدي قال ليهم جيبو بن بسرعه جابو وهيما واقف في راسي قال لي انتي يا بت روشه القهوة قدامك ما شايفاها اتذكرت اني عاملاها قاصده احمد قال لي انتبهي ياخ ما تقطعي قلوبنا قلت في قلبي زي ما بتقطع قلبي بقعدتك مع الزفته دي قلت ليه حيي واجعاني قال لي حبه وتهدا اصبري عمل فيها بن قلت ليه أحيي شوي هدت مسح لي دموعي قال لي واجعاك؟ قلت ليه شويه بس خليك قاعد جنبي قعد جمبي واي زول واصل حاجتو قال لي واجعاك حمرت ليه قال لي مالك يبت قلت ف نفسي هسي اقول عملتها قاصده يشاكلني قلت ليه قاعد مع البت ليه قال لي جات قعدت براها قلت ليه احمد انت بتقول لي جات جات تمام بعرف اتصرف كيف قال لي بنان؟ دفقتيها قاصده قلت ليه انت طيره ادفقها عشان شنوو قال لي ممم طيب قال لي واجعاك قلت ليه لا خفت الحمد لله قال لي طيب ملك جاتني قالت لي بنبن قلت ليها واي جيتي قالت لي اي من كشحتي القهوه فيك قلت ليها اااا اها بشرى احمد طبعا من جات مشا مع الشباب قالت لي اعترف لي بي حبو وقال لي بحبك والله اسوي شنو لازم تكلمي ما يجي المهم انا اتاقلت لمن مسكني وقال لي البت للقريب ما للغريب ومنتهي وعلى كدة وافقت وهو فرح ودق لي ابوهو وقتي عشان يعقد الجمعه دي زغرت ليها قلت ليها الف مبروك حبيبتي قالت لي كدي الزغروته دي مني لي نفسي وزغرتت جاده البت دي بقيت اضحك قالت لي هسي بقولو انك حامل بقيت اضحك لمن وشي حمر قلت ليها ما قادرة عليك انا يا بت سمعت ايقاع الجيتار التفت لقيت احمد وهيما ومودي وسمير والشباب الباقين اي واحد ماسك أداءه يعزف بيها هيما كالعاده البيانو جرينا البنات وقفنا حولهم عاينت لي احمد وعيوني بتلمع قال لي د هديتك وبقا يغني.
الكناري تغير منها
والقلب يسأل منها
ما بريدها دي كيفنها
الجميله الذي امها
🎼🎼
النار ولع🎼 يا بنبن النار ولعت🎼🎼
وفي قلبي النار ولعت يا حماده النار ولعت🎼🎼
🎼🎼
النار ولعت يا بناني النار ولع
وفي قلبي النار ولعت
الكناااري🎼
الكناري تغير منهاا
والقلب يسأل عنها
ما بريدها دي كيفنها
الوحيدة العند امها
🎼🎼🎼
النار ولعت يا حماده النار ولعت
كنت فرحانه شديد وهو بغني وبعاين لي وبحاول يطبق الغنيه كأنه بحاول عشاني ياخ لمن شالتني الهاشميه وحبيت اغني معاهو جيت جنبو ومسكت الميكرفون منو
النار ولعت يا راجلي النار ولعت🎼🎼
النار ولعت يا حبيبي النار ولع🎼🎼
النار النار ولعت يا احمدي النار ولعت🎼🎼
طبعا التشغيلات لمحت ملك بتصور فيديو
مودي قال لينا انتو هابطين ياخ وقف في البيانو مع هيما وبدا يظبط فيها وبقا يعزف زنق ملك جرت شالت الميكرفون وقالت ليه اعزف قلبي من عمايلو طفش وبقت تغني صراحه غنت زي القونه وهجتت بينا قلت ليهم نفسي اغني ما منها ومتمني شوفتك ملك قالت لي بعد هججنا يا بنان قلت ليها اي بس ومسكت الميكرفون وبقيت أغنى لمن كنت بنسي بالقاهم بغنو معاي فجأه ملك قلعتو وبقت تغني عمري ما اتخيلت يوم ابعد واسيب البي معاك وبقينا غنيه ورا غنيه لمن شلتو منها وبقيت اغني جابو الدلوكه وقعدو عليها البنات ...
*كأن الراحه التي كنت اتمناها اتت على هيئه عيناك*❤️✨
*☆☆گـلماتي بنـبن☆☆*
*#اشوفكم©™*
