قومت بتين وخليتهم كده باقي الحصه لمن انتهت اديتو الكيس وقلت ليهم ده عشان تاني ما حأجي لأنو عرسي قرب معزومين وان شاء الله تشرفو ياخ بكو بكاء وحضنوني وقالو لي ادينا رقمك اتصورت معاهم وطلعو مجرمين جايبن تلفوناتهم بس لأنو آخر لي يوم معاهم ما شاكلتهم وبقيت اضحك معاهم منهم بقول لي معقول بتضحكي يا استاذه طبعا كنت صعبة وكلمتي وحده ما تتكرر بعد حصه الفطور ودعت الاساتذه ومرقت لقيت هيما برا معاهو مودي وأحمد قلت ليهم بسم الله الرحمن الرحيم في شنو قالو لي مارقين مع اصحابنا حقين الجامعه اعزمي صحباانك وارح قلت ليه طيب رجعوني البس قالو لي طيب ارح بسرعه قلت ليه ماشين وين قال لي رحله قلت ليه هيما رحلة وين وبعلي وجريت ركبت احمد بعاين لي ساي قلت ليه مالك هيما قال ليه يا احمد اركب ورا احمد ركب معاي ودورو على البيت دقيت لي صحباتي كلهم وكلمتهم واصلا مأجرين بص صحبتي وحده مجنونه قالت لي اكلم ولد خالتي قلت ليها كلمي المهم اجهزو نتقابل كلنا في... طيب سلام قبلت لقيت احمد بعاين لي قلت ليه فشنو بتعاين لي قال لي م تعزمي اولاد بناات بس وبعدين ما تعملي روج فاهمه قلت ليه من عيوني دي قبل دي ابتسم هيما قال لي نحن ما قاعدين نسمع كلام زي د لمن نمنعك ضحكت قال لي كلبه انزلي انزلي بسرعه بدلي قلت ليه طيب وجريت دخلت قلت لي امي انتي خليتنا كيف قالت لي بري حنسوني الا نخليك تمشي قبل تتحبسي قلت ليها اشييييي عليه ومشيت الغرفه استحميت... اسكيرت اسود منفوش و تشرت ابيض وجكت جنز اسود رشات عطر مع لمسات من الميكب بود كحلي عالي شوي نفس لون الشنطه شلت شنطه فيها ملابس لي للأحتياط وشلت عبايه تلفوني دق جريت طلعت ودعت امي احمد بقا بعاين لي بدهشه هيما قال لي صوره قبل نمرق اصورناا مودي قال لي وانا ما حابه تتصوري معاي مسكت يدو وقلت ليه معقول يا قلببي اتصورنا كتير صور هبل مره مطلعين لسانا ومره انا وراهو وماده قدومي شبرين وعاملة حبتين مره براي ومره براهو ركبنا احمد مسك يدي ابتسمت ورفعت التلفون وهاك يا الصور الا قلعو مني وبقينا نتونس وصلنا لي مكان البص ونزلنا صاحب هيما ساق عربيتو حضنت البنات كل وحده كانت جايبه معاها زول ولا زولين خطيبها او حبيبها او صحبها او بيستها او اخوها وهكذا ملك قالت لي هي رحلة وين قلت ليها بري هيما قال لينا الاطرش في الزفه ماشين كوستي يا شباب بقيت انطط وانا حموت فرح يخ من زمان نفسي امشيها احمد قال لي بنبن خلي بالك وانتي بعيده عني سنتمترات ابتسمت وحموت من الفرح قلت ليه مدامك معاي مف شي بجيني قال لي حبيبي والله يلا صحباتك منتظرنك مشيت ليهم ركبنا البنات ورا والرجال قدام صحبتي ملك المجنونه جابت دلوكه وهاك يا الغنا ووالصفيق ود خاله ملك قال لي بنانه غني انتي صوتك حلو قلت ليه معروف معروف ضحك قال لي صدقتي يعني اسف قلت ليه لا دي حقيقة صوتي ما منه اتنين قال لي صراحه لكن ملك قالت ليه هي المرة بي رجلها ما تخلطها بدون احس عاينت لي احمد لقيت عيوني حمره وبعاين لي بلعت ريقي لقيتو وجهه النظر لي ود خالتها لمن اعتذر وتاني خشمو ما فتحو معاي غايتو احمد ده حيجنني بي غيرتو دي التفت وعاينت لي ملك قالت لي مالك قلت ليها خفتو يدقو والله قالت لي بري اتوقعي اي شي سنا قالت لي مش احمد والله فيك بقتل انبسطت شديد عشان غيره الراجل حب يعني لو عاوزه تعرفي بحبك كيف من غيرته الغيرة ما ونسه ولا تبين انك بتغار الغيرة اسلوب بحصل لمن تقرب على زول غالي على الطرف التاني بحيث انه ما بكون واعي لنفسو بعمل فشنو المهم انو ما يقربو من زولو الغيره اتزينو بيها الرجال حتعرفي شهم وراجل وحيحافظ عليك وبخاف عليك حتى من نفسو لمن يغير ويعصب من أقل شي ممكن تشوفيي انها ما بتستاهل بس هو شايفها كبيرة ومفترض بس هو هو بس البقرب منك ما حد غيرو..
بقيت اغني معاهم غنيه يمه الزول وبعدها الشكريه وبعدها بقينا نغني اي حاجه بتخطر على البال لمن تعبنا اي حد قبل علي جهه ونام انا قبلت لقيت هيما نام ومودي بتونس مع صحبو قدام احمد ماسك تلفونو مشيت قدام وقعدت جمبو احمد بدون يعاين لي قال لي اي قلت ليه مالك يا احمد قال لي مالي قلت ليه بسألك فيك انا عاين لي وقفل التلفون قال لي حيكون مالي يعني دايما بتعصبيني ما عارفه قاصده ولا لا بنان انتي ليه بتحبي تفوريني كدة ها؟ ليه قلت ليه اسفه يا احمد ما قصدي قال لي طيب مسكت يدو ورقدت على كتفو قلت ليه ما تسيبني يا احمد ضغط على يدي وقال لي جمبك انا افوتك وين ابتسمت وقلت ليه زعلان؟ قال لي ممم قلت ليه وانا برفع راسي خلاص اخر مره ما حتكلم معاهو كده قال لي بنان عايني انا ما مانعك تتكلمي بس ما عاوزو يشكرك قدامي انا بغييير قالها بطريقه خلت قلبي يعمل شحححح قلت ليه اسفه قال لي وبعدين ما تغني تغني ليهم ليه هم كم بت ما يغنو قلت ليه اسفه خلاص رضيت.؟قال لي لو عاوزه تمشيني بسرعه ما حتمشي ضحكت قلت ليه لا والله عاوزه انوم في كتفك قال لي ارقدي اصلا انا تكاله ضحكت وقلت ليه اصلا حنوم فيك وتكاله اي ولو ما عجبتني الرقده حنوم في رجلك ف شنو بطل قله ادب كلك حقي باسني ف خدي وجبيني قال لي وانتي كلك حقتي يلا انخمدي بقيت في الحاجة البتخليني الم ضروسي شنو رقدت ومبسوطه عارضه سنوني لمن نمت صحيت فجأة لقيتو ماف جمبي عاينت قدامي لقيتهم نزلو قربت ابكي من الخوف عاينت قدام ورا ماف زول انفاسي بتتعالا والله قرب يغمي على نزلت وانا برجف كلي ومن الخوف ما قادره ارد ولا اشوف حاجه بس سمعت حركه غمضت عيوني براحه وعضيت يدي لمحت احمد جريت وقفت قصادو لمن لقاني معرقه من الخوف حضني وقال لي بسم الله يا بنان بسم الله اهدي اهدي بعد مسافه من التحانيس عشان اهدي قلت ليه قلبي قرب يقيف يا احمد مشيت وين وليه ماف زول غيري وهسي لو حصل لي شي قال لي براحه انا كنت ورا العربيه بتكلم في التلفون وديل مشو السوبر ماركت الهناك وفضل ساعتين عشان نصل كوستي قلت ليه طيب زحيت ومسكت يدو البنات جو قالو لي صحيتي وادوني كرسون وعصير وأحمد كذالك قعدنا قدام واكلنا قال لي انتي خوفه كده ليه قلت ليه ما عارفه بس بخاف والله قال لي مشكله دي قلت ليه خليك من مشكلة نحن ماشين وين في كوستي قال لي مناطق طبيعيه وفيها بحر ومنها بنصطاد منو أسماك قلت ليه احح قال لي حنصطاد سمك ورحله طويله عشان كده اكلي كويس قلت ليه حاضر قال لي شاطرة جاتني ملك قالت لي بنان انا جبت الابتوب نحضر فلم ارح قلت ليها ارح مشيت معاها ورا وبقينا نحضر وما واعيه اننا اتحركنا قبيل حضرنا فلمين وبعدها بقت تكتب في نصايح في القروبات وبتنشرها في التلغرام انا مسكت تلفوني وبقيت اتصفح في الانستا دخلت الواتس رديت على الناس لقيت احمد اونلاين رسلت ليه خالط منو قال لي زوله قلت ليه سلم عليها زولتك دي قال لي حاضر حسلم اتغظت كيف طلعت رسلت لي هيما هي باقي كم قال لي لسه تقريبا ساعه ونص قلت ليه شغل لينا المكيف والقرآن قال لي المكيف الا توجهي عليك عشان يبرد والقرآن طيب طلعت من الدردشه لقيت احمد قال لي بسلمو عليك قلت ليه منو قال لي بنان ضحكت وقلت ليه ممكن اعمل روج من ملك عجبني لونو قال لي لونو.؟ قلت ليه كبدي ما رد لي رسلت ليه نقطه ما رد عاينت ليه لقيتو قفل التلفون قلت ليه احمد خلاص خليتو بعمل وردي اها فتح التلفون ورد لي طيب ما تكتري قلت ليه بحبك واي قال لي عشيقتي قلت ليه حبيبي والله قال لي بلوك لمن نصل عشان حنط بي الشباك قلت ليه سبحان الله انت بتخجل ضحك قال لي خليت الخجل ليك عيب ضحكت ضحك قلت ليه اصلا هو بجي فيني احلى طبعا قال لي شكر نفسو مف داعي اقول الباقي قلت ليه احمد استني لي قال لي بحبك وبحب احمد منك يا بت الناس ما قدرت ارد خجل وتوتر وفرح ما قدرت والله بقيت افتح في الحالات لقيت حاله حبيتها شديد
«أن كان السفر شاقاً وجزائهُ قلبكُ لمضيتُ سنيني اُسافر إليك»
عاينت للأسم لقيتو حنين قلبي ابتسمت كلمه فرحت بسيطه ختيت.
«مثل القِبله انت اتجه إليك في كل لحظه »
جاني رد منو بقول *قلبك لدي كلما اترعبتي زادت نبضاتي*
قلت ليه احمد كفايه انا بموت والله قال لي بعد الشر يا ستي ابتسمت وقفلت التلفون غفيت صحيت على صوت سنا بتقول لي نايمه الرحله كلها قومي اكلي قمت .....
*☆☆گـلماتي بنـبن☆☆*
*#اشوفكم©™*
