صحيت على صوت تلفون فتحت جاني صوت قومي ارفعي راسك د قلت ليه مووووووودي زح من خلقتي احسن ليك بكره شغاله ياخ وم قادرة قال لي قومي اخوك اشتاق ليك قلت ليه يا الله طيب ياخ قمت غسلت وشي وجيت قلت ليه لسه قاعد قال لي تعالي اقعدي قعدت قال لي اولا ف هديه ليك برا بمناسبه انك اخيرا خلصتي المسلسل ودار النشر حيقومو بالواجب وتبقي مشهوره قلت ليه الشهره دي كرهني ليها أحمد قال لي بغير الجعلي ضحكت قلت ليه تصدق احلى حاجه غيرتو دي قال لي يا بت انا اخوك ما صحبك قلت ليه احلف يلا طير قال لي لالا خلاص طيري اكوي لي قلت ليه حسبي الله ومرتك بتعمل فشنو أن شاء الله قال لي ما عاوز اتعبها حمرت ليه ومرقت منفوخه نفخه لو هبشوني بطرشق شفت بلونات على مرر الغرفة مشيت عليها لمن حصلت الصاله لقيت الجماعه كلهم متلمين وحولينهم تورتا وبارد بي الكميه وشموع وحركات قلت ليهم انا نفسي اعرف انتو بتحبو الجوطه لشنو بس لشنو قالت لي غلطانين نحن بنعبرك قلت ليها لالا خلاص هي ماشه ابدل قالت لي تعالي بي بجامتك دي الغريب منو قلت ليها بري كلكم لابسين الا انا قالت لي يا بت تعالى قعدت جنبها وقلت ليها قعدت غايتو فضيحه سلوان قالت لي فضيحه شنو اتعودنا نحن الا كان سنيه مره الجيران قلت ليها اجشش وانا جايه اخجل من دي سميه قالت لي اصبري يوسخه ضحكت قلت ليها اصلا صابره بقينا نتونس جات امي قالت لي عايني حتتحبسي بعد د قلت ليها ماشه اودع طالباتي قالت لي سممح دخلت جوا ودقيت لي احمد لقيتو مشغول دمي فار صح بثق فيهو شديد بس بغير شديد اتماسكت وصليت على النبي ختيت التلفون وقعدت في كرسي التسريحه وفكيت شعري وبلعب بيهو مره ارجعو ورا ومره اجيبو قدام خططت حواجبي ومسحتهم تاني خططتهم وعملت قلوس بطعم الشكلاته وشويه من الكنتور قمت ومشيت على الدولاب وقلت اشيل شنو يارب ممم شلت عبايتي المفتوحه ولبستها وختيت الطرحه في كتفي مسكت التلفون وطلعت برا لقيتهم اتفكفكو والحبشيه غسلت اي شي وبدت تنظف قالت لي ماشي وين قلت ليها السوبر وحشيل عربيه امي مرقت وشغلت راجل يطبل لي راجل ودورت وبقيت اغني وارقص وي وي وي طلعت راسي بي برا وقلت ويوووويوو وحستغيل اخيرا من المرض ديل ولااااااه وبقيت ارقص تلفوني دق عاينت لقيتو احمد ما رديت وقفلت التلفون وصلت السوبر قفلت الاغاني وشلت التلفون ونزلت دخلت بقيت افتش في الحلويات وين تلفوني دق تاني الوو يا احمد قال لي وين جادعه تلفونك سكت طبعا ودمي حينشف منو جادعه تلفوني ولا انت مشغول واااااي قلت ليه لالا بس مرقت السوبر قال لي وين وين وليه ما كلمتيني قلت ليه وانا عاضه ضروسي كنت مشغول قال لي انتي في ياتو سوبر قلت ليه ال... قفل فتشت الحلاويات وعجبتني ماكنتوش وقزقز شلت كم شكلاته باونتي وبارد صغنن وبرافو التفت لقيت احمد وراي اخدت نفس وقلت ليه بسم الله كمان انت جيت متين ومشيت منو احاسب مسكني من ذراعي وحاسب هو مع تحميره عشان ما اعاند لفيت منو ومشيت بره فتحت العربيه مسك ذراعي ولفاني عملت كده 😒🙄يعني حركت راسي ورفعت حاجبي مع الصره د قال لي بنان مالك قلت ليه مف شي قال لي حبيبتي فشنو الله يرضى عليك ما تقلقي بي وبعدين ليه عاملة الروج د تقيل قلت ليه د قلوس وم تقيل أمكن عشان لونه بني قال لي بناني فشنو قلت ليه احمد شنو فشنو انت جاي وبتاع ليه يعني قال لي عشان اصلا كنت قريب وكمان صوتك ما عاجبني فشنو يقلبي قلت ليه مشغول مع منو ابتسم وقال لي مع بت خالتي دقت لي عشان بكره عندهم عزومه العصر رفعت ليه حاجبي وقلت ليه بت خالتك ها تمام قبلت حضني بلعت ريقي خمس مرات اتبكمت عديل همس لي بتغيري منها قلت ليه احمد نحن في الشارع قال لي مرتي وانا حررر وزح قلت ليه ما بغير وركبت ركب وقال لي نتونس شوية بس قلت ليه مم قال لي تعالي ورا نطيت بي ورا وهو نزل وجاني بي ورا قال لي زعلانه عشان لقيتي مشغول قلت ليه لا ليه قال لي لا بجد قلت ليه ايوه ما زعلانه مسك يدي وشبكها قال لي والله ما بهون عليك زعلك وانا والله مجبور اتكلم معاها قلت ليه الجابرك شنو قال لي بت خالتي 🤷♀️قلت ليه بغير قرب مني وهمس لي بحب غيرتك وبحبك ومستحيل اتخلى عنك وافكر في وحدة تاني عيوني مليانه بيك قلت ليه وانا بصفق هييييي ومنو البسمح ليك تعاين لبت اقسم بالله العظيم بتعرف الشوكه الا اغزها في عيونك انت وهي قال شنو قال اعاين هيهي انخبلت ولا انخبلت وبعدين انا بناااااننو بت عماد ورجلي احمد ومستحيل تعاين لوحده والا اقوم الدنيا و.. قاطعني بي💏مسافه لمن دفرتو وبقيت اتنفس بصعوبه وفاتحه فمي وبعاين ليهو وببلع ريقي خمسه مرات نزل بدون كلام وانا ما عارفه نزلت كيف وجيت قدام ودورت العربيه وخاته يدي على شفتيني وبتذكر في اللحظه وببلع ريقي ومخلوعه اول مره تحصل حاجه زي دي بينا حدنا الحضن وجبيني اخدت نفس وركزت في الشارع شويه سرحت وبقيت اتذكر واقول ليه قرب مني كدة واي الخجل وصلتا البيت نزلت ودخلت ع طول ختيت الحاجات ف المرايه وطلعت عبايه قماش لونها ما مفهوم بين الرمادي والأسود والأبيض طقمت ليها وفتحت المكيف ورقدت جاتني امي قالت لي بعد بكره حنعوس الاباري والرقاق عشان رمضان فضل ليه اسبوع وعلى العليهو ماشين السوق نجيب حاجات تانيه نحبسك بيها الفي حبه وكمان نقشر المنقه والبرتقال و.. بنان انتي ليه ماسكه خشمك كدة قلت ليها اااا ااا قرصتني حاجه بس اها طيب نجهز أن شاء الله بس هسي عاوزه انوم امي ما كترت معاي كلام ومرقت لفيت ورجعت شعري لورا رقدت وغفلت صحيت صلاه الصبح استحميت وصليت وقريت وردي وأثناء ما انا بلبس مشغله قرآن خططت حواجبي وعملت قلوس فراوله م كترتو عشان احمد ما يحرمو علي زي الروج لبست الاسبورت وشلت تلفوني مع الاكياس ومرقت سلوان نزلت قالت لي ازيييو قلت ليها حبيبي كيفو قالت لي بخير مالك طولتي الغيبه قلت ليها بري معصوره بس خلاص الليلة حستغيل واصبها قالت لي طيب منتضراك العصر نعمل قعدة جبنه وندق دلوكه قلت ليها ممم عندي فكرة مجنونه كدي لي بعدين بوريك ومشيت لقيت احمد برا متكل على العربيه وخاتي يد في الجيب والتانية شايل التلفون ومركز فيهو تشرت اسود مع بنطلون بيجي اسبورت ابيض وفريم مرفوعه لفوق جيت وقفت في وشو وقلت ليه قواا قال لي الله يقويك قلت ليه ما زعلانه ع فكرة قفل التلفون وقف عديل ابتسمت وقلت ليه توصلني لأني حتأخر قال لي بجد م زعلانه أمس خجلت ادق ليك قلت اخليك شوية قلت ليه أمكن خجلت شويه بس ما زعلت عاين لي في شفايفي وقال لي متقلاهو قلت ليه والله لا والله لا قال لي انتي بتخافي مني لي مسكت يدو وعاينت ليها رفع راسي وقال لي بنبني ما تخافي مني انا بغير عليك حتى من ظلك رفعت راسي وقلت ليه وصلني ولا اركب ركشه صر وشو ضحكت قلت ليه يلا يلا ركبنا شغلت غنيه الغزاله رايقه وبقيت بصور عاينت لي يدو ومتردده اخدت نفس وقلت بنبن عيشي اي دقيقه معاهو مسكت يدو هو ضغطها وباسها صورت وصورتو سايق قال لي حنعمل حادث قلت ليه لالا حبيبي انا لسه ما بخرتك وحلقت ليك لحيتك ولسه ما جيتك في الصالون وسقتك انا ضحك كتير قال لي آلله انتي مجنونه وبتعمليها اقول انزلي ابرك قلت ليه نينيني يلا باي قال لي بقولو مع السلامة قلت ليه ع فكرة ماشه معاك العزومه ونزلت طوالي ولا خليتو يرد دخلت للمدرسه وعلى مكتب المديرة قعدت معاها وقلت ليها حقدمها قدمت الاستقاله قالت لي درسيهم أخر حصه الليلة قلت ليه خير ان شاء الله وقدمت ليها من الحلاوه قالت لي حنفقدك شديد مشيت ف الفصل وقلت ليهم بنات الثانويه كلهم وقفو السلام عليكم ختيت الطباشير وبديت اسطر وهم ردو السلام بعد سطرت قلت ليهم اقعدو قعدو بديت اشرح في الأحياء قلت ليهم ما اسمع صوت النايمين قومو والبكتبو ما يكتبو والراقد احسن يقوم والبتكلم لو حابب يطلع براا الحصه حصتي منظمه فاهمين خمسة دقايق فضلو صانين تاني بتكلمو سمعت وحده قالت ياخ كرهنا الأحياء وامها والبتقريها زاتو قلبي وجعني بس اتعودت عليهم عقاب ليهم كتبت السبوره اربع مرات صح حارة لي وبذات الوقفه الساعه بس واجب......
"أرجو أن لا تسرق الأيام ضحكتِي ونقاء قلبي ، أن يبقى غُصني الأخضر مورقًا وكأني مامررتُ بجفافٍ قَط" ..
*☆☆گـلماتي بنـبن☆☆*
*#اشوفكم©™*
