*جميل انت ك دعوه جدتي مثلا*💛
تسرع الاحداث:
*بالسان مروه:-*
قاعده بفكر في عبد الوهاب وكيف يستحمل وياربي حيرجع ويحصل شنو طلعت من غرفتي اتفاجئت بي مجدي واقف قدامك الباب قلت ليه عاوز حاجه؟ قال لي لا ومشا كنت مستغربه جدا من تصرفاتو اخواني ما لقيت فيهم السند ابدا كل ما يتكلمو عن الاخوه انا بنكرهم لأنو بجد ما لقيت فيهم السند ولا الظهر طول حياتي بسند نفسي...
*َ°°°°°°°°°°°*
بالسان مجدي:-
عمرها ما جات وقالت لي تعبانه كنت دايما بتمني تقيف جمبي وتطلب مني حاجه على الاقل شوكلت او اي حاجه بس أبدا ما كانت مروه البعرفها زمان قبل امي تتوفي بقت باهته وم بتضحك كتير بتكون مبتسمه ومتأكد ورا الابتسامه صرخات أوجاع... مروه الليله ماارق مع صحبتي ممكن تمشي معاي قالت لي بي فرح اكيييد جرت متحمسه وانا فرحتي اتضاعفت لمن شفتها بتنطط وتقول اخيرا حقرب منو طبعا كانت ف غرفتها وانا كنت جاي اكلمها ما تعمل ميكب كتير وتلف الطرحه بس لمن قالت اخيرا حقرب منو تلقائيا رجعت لورا وبقيت اتذكر انها فاهماني غلط وانا فاهماها غلط يارب مشيت غرفه أُبي قلت ليه مارق مع مروه دي فرصه نكسر الحاجز عمل نفسو ما مهتم وقال لي ما بقدر قلت ليه ما تعمل فيها ما بهمك لو عاوز تكسر الحاجز البس انا برا ومرقت منو مشيت لي أبو بكر وياهو بكرى قلت ليه يا مكنه اختنا حترجع لينا ونتفاهم قام فووق وجا قال لي احلف قلت ليه والله اللبس يلا مستنيك جرا الحمام وهو برقص مشيت العربيه شويه جا بكرى ركب قدام قلت ليه يا مان اركب ورا قال لي شنو يااا مكنه قلت ليه د مكان ميرو قال لي ظابط وقعد ورا قفلت الشبابيك جا أبي كأنو ما قال ما بتفرق ركب قلت ليه بتكابر حبيبتك هي.؟ قال لي متوتر قلت ليه شوفو نحن كلنا متوترين بس لازم نكسر ال.. عاينا لميرو الجاات فتحت الباب القدام ودخلت لبسها كان محترم جدا وقتها كبرت ف نظري ألف مره وعرفت انها اختي العظيمه قلت ليها تحبي تسمعي لمنو قالت لي افتح طال الغياب قلت ليها لي دايما بتسمعيها قالت لي بحبها بحسها بتوصف حالتي او ممكن تقول نغمات قلبي عاينت ليها وركزت ف الشارع كنت بقول الليله يا ميرو خلاص حنتقرب لبعض خلاص هانت وصلنا بيت اليمين نزلنا وهي جات نزلت اتخلعت بي أبي وبكري كانت منططه عيونها ويتعاين ليهم مسكت يدها وقلت ليه نخش؟ كانت بتعاين ليهم كأنها بتقول أخيراً دخلتها وملامحها بتدل على التوتر والصدمه قعدنا بعد مسافه قررت تتكلم قالت لي صحبتك؟ صحبتك وينا قلت ليها انتي طبعا عاينت لي ودموعها على وشك انها تنزل أبي قرب الكرسي ومسك يدها قال ليها انا بذات ما حتتوقعي مني الكلام د ميرو حبيبتي نحن ما لينا غير بعض صح.؟ طيب لو الموت اخد امانتو؟ ليه ما نقرب من بعض ونحتوي ونسند بعض؟ ليه نبعد كل البعد د؟ ليه مانكون اخوان بالجد ليه قاعدين زي الغرباء كدة ميرو اكسري حاجز انك قايله اننا ما بنهتم بي تفاصيلك انتي بعدتي عننا ميرو ارجعي محتاجين صوتك قلت ليها والله كلام أبي صح ونحن فاهمين بعض غلط يا ميرو انتي خاته حاجز نحن ما قادرين نكسرو اكسريهو ما تحرمينا من اختنا الوحيدة بكرى قال ليها عايني امسحي دموعك قبل انقلب عنكبوت قالت لي اهبل الضحك انتشر بينا وميرو اخيرا رجعت لينا...
*َ°°°°°°°°°°°*
انا كيف كنت نايمه على سوء التفاهم ده كيف ما كنت شايفة اخواني سندي أبي قال لي عاوزة شنو قلت ليه ممم ااا اقاشي دجاج وما تنسي الكاتشب والشطه قلت ليها اخوك بكرى انتي ضحكت مشا يطلب مجدي قال لي رأيك في الزوله المكنه دي وراني صوره بت تحلف تقول ممسحنها بشووكلت ياخ البت شدة ما سمحه حسيت اني ما بت قلت ليه د منو الصااروووخ دي قال لي مرتي ف المستقبل قلت ليه بتين م شاء الله قال لي حتعرفيها قريب بكرى قال لي نحن عاملين ليك مفاجأة ولا أحلى قلت ليه ووووااااي الحماااس قال لي ان شاء الله تعجبك قلت ليه طالما منكم بإذن الله حتعجبني أبي جا وبقينا نتونس وبحكو لي واقاطعهم واحكي لمن جابو الطلب ضربنا زييين لمن ربكا قلت لي مجدي ارح نصيع ف الشوارع قال لي عولم ابي قال لينا الحمد لله غايتو بكرى قال خلينا يا مان يلا يلا بس بقينا نتصايع لمن ابري كببس بي التلفون ما عرفنا نقول شنو أبي عشان جادي رد وقال ليه سقنا مروه نفسحها ابوي استغرب كتير وفرح ف نفس الوقت بكرى وقفنا جمب سوق بحري قال لي انزلي اشتري العاوزه قلت ليه احببببك ونزلنا كلنا اشتريت ميكب دق لي عبد الوهاب قال لي بكره حنمشي برضو قلت ليه حاضر يلا واخترت كم عبايه مع طقمها ورجعنا البيت عملت ليهم عرض أزياء وامشي واتمايل بالكعب ومرات بي الشبط وهم يضحكو ويقولو حلو ومرات ما ظاببط غايتو اليوم كان مكننه واي اعزروني قعدت معاهم كتير 😹بليل ختيت الهدوم ف الشنطه ودقيت لصحبتي قالت لي تعالي بيتي معاي لانو ما عندك زول قلت ليها اهلي لو ما جو بجيك طيب قالت لي حاضر اها تااني يوم صحيت بي تلفون من عمتو قالت جايه وزعلت لانو ف اسبوع بس وعندها بنات كتار تبارك الله مشيت نظفت البيت وعملت كم صنف بتاع اكل لمن تعبت رقدت هلكانه جا مجدي من الشغل قال لي ست البنات مالا قلت ليه عمتي وبنااتها جاين وانا نظفت وعملت كم أكله تعبت قال لي كنتي ترتاحي تجيبي بت النظافه ما ضروري تطبخي م تعبي روحك تاني طيب؟ قلت ليه وانتو البأكلكم منو يا ولد ممم مجدي قال لي حياتو قلت ليه عاوزه اجي اسكن معاكم عاين لي وما رمش شويه قال لي ما جاده انتي؟ كيف تسكني هنا قلت ليه ف الطابق الفوق قال لي ما عارف القرار قرار عبدو قلت ليه ما تشيل هم بكلمو وان شاء الله يرضا قال لي ان شاء الله يلا ختي لي الغذاء جيعان قلت ليه طيب قمت ختيت الاكل ودقيت ليهم كلهم يجو لمن اتأخرتو حتيتو ف السفره وناديت مجدي جا وديل جو بعد قعدنا وبقينا ناكل تلفوني دق قمت بكرى قال لي ما اكلتي شي قلت ليه باكل بعد شويه ردست ومشيت غرفتي الو عبودي قال لي اجهزي حجي عليك انا قلت ليه بس برانا؟ قال لي لا اخوك معاك اتصلي د صحبتك برضو تجي قلت ليه طيب يلا قفلت ودقيت ليها قالت قدام نغشاها مشيت كلمت مجدي قال لي ما قادر بكري قال لي بمشي معاك مشيت لبست واتحجبت مرقت لقيت بكرى جاهز وماسك التلفون تلفوني دق قلت ليه طالعه ومرقنا وغشينا زينب ومشينا السوق عبدو قال لي انا وبكري ماشين محلات الدهب انتي ادخلي اشتري العاوزه تمام اداني القروش ودعتو ومشينا اشتريت اي حاجه تخطر على بالي وزنوبه ما قصرت عزلت معاي غايتو انتهيت من كل شي عبدو اتصل لي اي انتهيت ومرقنا لقيتو متكي على باب العربية وبكري ركب زينب جرت ركبت انا صراحه اشتقت ليهو شديد جيت قدامو عاين لي في عيوني كتير قال لي حاسيهم سنه قلت ليه مم قال لي شايف ف تطورات وحركات قلت ليه بالجد فرحانه لأخواني قال لي وانا فرحان ليك قلت ليه عبدو يلا حنتأخر ما عارفه ليه حبيت اتجاوزو أمكن عاوزه يشتاق لي وصلنا زينب اول لمن وصلني لقيت عربيتن نزلت بكرى قال لي شكلهم ضيوف قلت ليه امكن طبعا نسسسسييييت موضوع عمتي دخلت لقيتهم قاعدين وبتونسو ملو البيت تبارك الله تلفوني دق لقيتها زينب قالت لي حبيبي حنكت امي اعسكر معاك فتره الحبسه القصيره د وافقت جاياك قلت ليها تعالى حبابك قفلت ودخلت سلمت بشوووق عمتو كانت مبسوطة عشاني وبناتها عساااااااااااااااااااال حبيتهم ياااه دخلنا الغرفه ختيت الحاجات الاشتريتها ف الشنطه ورتبو معاي فرحه قالت لي طبعا انا خبيرة وعندي مركز تجميل بس بعيد قلت ليها الرهابه تبارك الرحمن حلو طيب قالت لي وجيت عشان انورك وجبت خلطات معاي هاك دي تعمليها كده والخ.. بقت تكتب لي ف ورق وتوريني كانت حاجات بشمع بيها بدون افهمها قعدوني دخان وانا تعبانه ياخ وروحي طالعة بعد خلصت عركو لي واهو سلمت نفسي ليهم عملو لي ماسكاات وزيتو شعري بي الصبار ولفوهو ياخ اهتمو بي اهتمام وهم عشان كتار اي وحده ماسكه حاجه زينب لمن جات قالت لي عندك بنات عمه ولا ف الاحلام قلت ليها ربنا عوووضني والله شغلو غنيه مدام معاي بدر البدور بقيت اطبطب وهم شغالين .....
#ملحوظه:-
كتير في مجتمعنا الاخ البخجل او بكون ف حاجز بينو وبين اختو بس هو بكون بحبها وبخاف عليها نحن البنات عاوزين اي شي وااضح ما بنحب نترجم تصرفات زول عاوزين كل شي يكون واضح بدون نترجم بس ما بنعاين بطرفهم انهم بالجد بخافو علينا لمن يجي يمنعك من الروج عشان عارف الشارع فيه شنو ده ظهرك تتوقعي لو ولد عاكسك عشان روجك او ملابس او طرحتك االنازله الموقف يمر عليهو عادي؟ ابدا حتى لو شاكلك احسبي حساب انه بحبك وبخاف عليك طيب لمن تلقى بقول لي حبيبتو خلي بالك من نفسك او ما تطلعي بروج او ما تطلعي بعد المغرب وتغيري وتقولي انا ما بعمل لي كدة لا حبيبتي اخوك خايف يخسرك عشان كده بتعامل معاك براحه ولو ما اتعامل براحه بتلقي النصايح منو زي ما تكوركي ف الشارع او ما تتكلمي مع أي ولد ولو عاوزه تصاحبي او ترتبطي كلميني اول ما تعلى صوتك في الأكبر منك ولو بعيد عنك امشي انتي اكسري الحاجز انتس حسسيهو انك عاوزة عاوزه جمبك عاوزه سندك مروه غلطها انها شالت في قلبها وما مشت ليهم أبي غلطو غرورو ومجدي غلطو انو فاهماها غلط وما قدر يتقرب منها عشان هي خاته حاجز ما ممكن يتكسر الا تكسرو هي بكرى عاوزها وعاوز يتقرب منها بس هي كالعاده ما مديه فرصه وبتحاول ما تتلاقي معاهم عشان سوء ظنها فيهم
مروه عندها اخوان بالدنيا او اقول نحن عندنا اخوان بالدنيا بس سوء التفاهم قدر يفرق الاخ والاخت قدر يعمل فجوه في علاقتهم نتفق كلنا ان مهما وقعتي حتلقي اخوك مستني بس إشارة ويرفعك ويرجع ضحكتك حتى لو جابها بفوق قال ليك ما شبه البنات ما قصدو ما شبهم قصدو يحاول يكاويك عشان يقدر يكسبك ما تزعلي من هظارو هو عاوز يوصل ليك بيهو ما تسدي اخوك عشان هو الوحيد الحتلقي وقت تحتاجي💛!
*☆☆گـلماتي بنـبن☆☆*
*#اشوفكم©™*
