*عند شيماء:-*
لمن مسكني من كتفي انا تجمدت واااااايت بعد لفتني ليهو بقيت في حاجه تهديني ياخ د صاروخ ولا شوكلا يخ بتأكل عديل كان بعاين لي شديد وفرحان اوووي ومتأكده زي فرحتي بالظبط ويي على قال لي مبارك على بيك يا جواي انتي والجيم هاء ربنا يقدرني واشيلك جوا عيوني والعاوزه يحصل قرب مني وباس جبيني مسافه حسيت بدمعتو نزل تحت بقيت ماسكه من حنكو واهمس ليهو ما تبكي قال لي بنفس الهمس وانتي تبكي سكت واخدت نفس عميق قال لي بتحاولي تتنفسي مني اتخلعت وبقيت اقول لااا لا ااا الناس الناس اي برا ابتسم قال لي طيب نمشي للناس وبضحك صريت وشي ونزلت يدي لمن اننبهت ليها قال لي حتهور انا والله لازم أمرق بأسرع وقت قلت ليه براااا يلااا قال لي يلا يلا الشيطان بينا كان ماشي مسكت بطن يدو ورجعتو عاين لي نظام بسم الله مالك قلت ليه بحبك شفتو اترعب او ما قدر يوصف او اتبكم قال لي متأكدة ابتسمت وهزيت راسي بي أي اخدت نفس وقال بموت عليك وفيك وبيك يا حلالي بموتت فيك حقيقي انبسطت قرب مني قبل يتهور الباب دقا لزيتو بخلعه وقلعت عيوني ديل هو زاتو اتوتر وفتح الباب لقاها بت مرق وبدو مراسيم العقد ويبشرو ليهو ندى جات داخله قالت لي إلا ادق الباب شكلو الموضوع عجبك هعععع وبقت تضحك قلت ليها مره وراجلها ف حاجه قالتلي الناس البرا كلهم شغالين فشنو قدر د قلت ليها غايتو محن دي تاني الا اشوفو بعد تلاته أسابيع حسبي الله ونعم الوكيل مدي جات وفكت ديك يا الزغروته وانا كان ما بخاف الكضب زغرتت معاها حضنوني وباركوو لي تاني اليوم عدا على خير
صحيت بتلفون منو قلت ليه راجلي حبيبي الخبر قال لي مرتي قلبي اشتقت ليها قلت ليه أمس مش كنا مع بعض قله الادب شنو اتقل يا ولد العرس ايام وتزهج مني قال لب ما عاش البزهج منك وبعدين لية ما وريتيني انك سمحه قدر د بس لو تطلعي الزمام حتكوني تحفه سكت مسافة وقلت ليه عندك مانع فيهو؟ قال لي ما بحبو يا شمو واحسن لي وليك يعني تقلعي بدون اعصب قلت ليه بس انا منقبه مف زول بشوفني لابسه ليك ولي قال لي النقاب لو اترفع ولا زول شافك بالغلط وبعدين اذا لابسه لي بقول ليك ما بحبو وما بحب البت البتلبسو ولو ليك برضو طلعي قلت ليه يزن الله يخليك لي خ.. قاطعني بي عشاني صنيت وقلت ليه خير ان شاء الله يتقلع وقفلت المكالمه قلعتو ودموعي جاريه ليه هم فهمهم بطريقه د مسحت دموعي ندى جات قالت لي مالا عروستنا ست البنات قلت ليها ماف شي قالت لي فشنو بقول لك قلت ليها متشاكله مع يزن ختت بدها ف صدرها وشبه كانت لبعه قالت لي بسم الله سحروكم والله سحروكم بتين هو لمن تتشاكلو يا بت حكيت ليها القصه حمرت لي قالت لي انتي عاوزه دق اقسم بالله انتي لاقيه راجل يغير عليك حتى من الزمام والله احسن تسمعي كلامو قلت ليها طيب دخلت...
*َ°°°°°°°°°°°*
بأي حق نبحث عن أشياء دائمة والحياة بحد ذاااااتها مؤقتة..🖤🥀
حياة أولادي اتغيرت فجأه لقيت نفسي قاسيه عليهم كنت تعبانه جارتي جاتني قالت لي مالو وشك عامل كدي يا مره قلت ليها احي يا شيخه شموخ اقسم بالله الدنيا فوق راسي وم قادره على الأولاد ولا على نفسي فجأه بقيت قاسيه وقساي ده حطم قلوب الاولاد ماني قادرة اوصل لحد يا شيخه والله زاتي تعبت من التبرير في حد ذاتهه حكايه ومرهق عاوزه أولادي يكونو مرتاحين والله والله ثلاثه عايشه عشانهم انا قالت لي عندي ليك فكرة سمحه يا وئام لكن والله حتتعبي تعب لمن تصلي لي الحقولو اصلو ما هين ما هين حتواجهي لمن تتعبي من الوصول قلت ليها قولي ان شاء الله خير قالت لي خلي طريقك للوصول لربنا طموح سكت مسافة وانا مستغربه انا بقول فشنو وهي فشنو قلت ليها شموخ انا فشنو وانتي فشنو ضربت يدها على جبهتا وقالت لي افهمي ياخ اتقربي لي ربنا عشان يفتح ليك ابوابو والله ما هين لكن ربنا بحبك ولو ما بحبك ما كان ابتلاك والله تلاته ربنا جعل الحصل في حياتك د كلو لخير بس اسمعي كلامي واتقربي منو وانا عندي مركز انزلي فيه حفظ وبصراحه حتتعبي لمن تختمي وبراك حتشوفي الأبواب بتفتح في وشك واتذكري انه عاوز جهاد ويا وئام م تعيشي الدنيا غلط بعدين لمن تقعدي في قبرك براك ومظلم تنحسري ياريت او ارجع للدنيا واعمل عشان اضوي قبري وانتظمي في الصلاه يا وئام الصلاه بخشوع م اي كلام كلفته لا اتمعني فكرة انك بين يد ربنا وانك لازم تخشعي وكل حواسك تكون في عارفه الاجتهاد حيهلكك لكن انتي اقوا يلا انا راجلي بجي بعد د ودعتك الله قدمتها في سكوت ورجعت الصاله وسرحت افكر في كلامها كتير وراسي د قرب يتفجر طيب هل انا حقدر؟ انا حقدر اتقرب من ربنا؟ طيب ليه الفكرة عجبتني وحاسه اني عاوزه الحاجه د طيب أولادي حيرجعو تاني؟ يارب يارب لطفك يارب تقربني ليك ومن اللحظه د ختيت قربي لي ربنا طموح أجرى وراهو #جعلته _طموح.
جاني متوكل قال حبيبي قلت ليه متوكل تعال اقعد قعد قلت ليه عاجبك وضعنا؟ عاجبك نقعد كده؟ قاسين كلنا على بعض؟ عاجبك رفيدة تكرهك؟ ما حتكرهك بس انت حتكرها فيك متوكل ليه اتشتتنا؟ ليه ما نتلما؟ ليه ما نكون عائله حلوه ومتفاهمه مش د كان حلمنا لمن عرستني ليه بتخليني اندم اني عرست ليه ما قادر تمسك معاي البيت عشان ما يقع بي قسواتنا متوكل ليه نحن قاسين على بعض وعلى الاولاد؟ ليه ما نشتري الحب والاهتمام بينا؟ متوكل انت قادر تتخيل انك هزيت حبنا الحافظنا عليه ونحن مراهقين ما نحافظ عليهو هسي؟ ليه يا متوكل ليه؟ ليه عدم الاستقرار د ولا عجبك يا حبيبي صح بعرف حبك بس اتغيرت يا ابونا اتغيرت او اتغيرنا جا قعد جمبي ومسك يدي وباسهم قال لي حقك علي والله والليلة نرجع كان لطيف معاي حتى تعاملو اتغير بسم الله الراجل د حيجنني مشيت استحميت بمزاااج رايق رووقه واستشورت الشعر د وعملت ميكب خفيف مع فستان اسود منقط بي الازرق وحزام بي جوا وجيوب صغننه باللون الأبيض دقيت تلفون وكلمتها أني موافقه وعشان هي المديره سجلتني بدون تعب انا مشيت برا لقيت متوكل لامي الاولاد والبنات الاولاد بي يدو الشمال والبنات اليمين دخلت المطبخ عملت داك يا الشاي والكيك بالانواع ورصيت زيين عاد المود رايق روقه جريت رشيت العطر وجيتهم قلت ليهم قعده في عرس نواف ونوف وابتسمت ضحكت طلال قال جمعا قلت ليه سجمي عرس شنو وانت ما خلصت الجامعه قال لي يمه نوف ما خلصت الثانوي شفقانه للعرس ليه نوف حمرت ليهو قلت ليه انت بنان وين قال لي نايمه نوم تقيل الجامعة ما مقصره عاصراهم لمن ماف هوا قلت ليه والله بقا الزول يشتاق ليكم عديل نواف قال لي امي معاها غمزة مشتاقه لينا نحن عاينت لي متوكل لقيتو بضحك حمرت ليهو وبعدها قلت لي رفيدة أجرى جيبي الصينية ما تبرد وانتو زحو من راجلي خانقنو كده شعب يحب التشغيله لقيتهم صفرو وبضحكو بأعلى صوت ومنهم بقول غيره ونفس شريره قلت ليهم روح روح طلال قال لي كمان بتتمي الكلام لالا كتيره رفيدة قالت جماعة حفلت الصينية من الضحك اشرت لي طلال يجي الباقي مشا جابهم وقال الله الله وما تشتهي الأنفس انتي يا نبعو كنتي فين بس وريني ياخ نفسيتي لمن انعدلت ضحكت قلت ليه انت ياولد ما تنعدل محسسني اني صحبتك ضحك كتير قال لي لا صحبه زول كده متوكل قال ليه صحبه منو كمان بتصاحب من وراي نواف قال ليه اها يا جنتل مان عاوز تقوم وتخنق وئومه لمن تعترف متوكل قال ليه بخنق صاحبها ما هي انا امكم لو ماتت اروح وين بس قلت ليه خربانه من كباره ربنا يعين بس نوف ضحكت قالت لينا سي يوو يا جماعة ولمه حلوة بس منتظراني مكالمه حسيتها اتحرجت وبدت تصلح الكلام قصدي اااا مكالمه من صحبتي اي اي وجرت ناديتها بقينا نضحك فيها جات بدت تكب في الشاي نواف قال لينا ما انكم متجمعين كده قلت لي نوف نوف كبي ملعقه لي اها يا نواف كمل قال لي انا نزلت رفيده تمتحن وانا حخطب ف حنعمل العرس بعد رفيدة تمتحن نوف قالت لي عشان ف الاجازه م افهم حاجه واشتغل من عرس د لي د صح قلت ليها هوى اصلا ف الاجازه حتتحبسي عشان بعد تمتحني عرسك قالت لي يمه انا كلمتك بي العندي وربيع موافق متوكل قآل ليها ما كلمتي ابوك ي مدلعتي قالت ليه طيب اسفه قايله ماما فاتحتك يا ابوي ربيع قال عشان ما يشتت قرايتي يعقد على الجمعه دي أن شاء الله وبعد اخش أوله جامعة نتم العرس متوكل سكت مسافة نواف قال لا هو انتو شفقانين كده ليه رفعت اكتافها وقالت ليه ما عارفه قال ليها القرار قرارك ف النهايه انتي الحتعاشري ما نحن طلال قال ليهم والله انا رأي تمتحني يا بت الناس كلها سنة يعني وبعدها تمو قالت ليه ما هو بصراحه ما عاوزه اتكلم معاه بدون ما يربطنا رابط واعمل حاجه ما ترضيكم ود الصراحه والله ربيع زول فاهم جدا جدا ومحترم ومافيه ولا كلمه وانا موافقه عليهو وعلى قرارو وقرارك يا ابوي اكيد هو الماشي متوكل بعد سكاتو كان امامنا تلاته خيارات يا سمع ليها وافق يا بدل تفكيرها يا رفض مره وحده لمن تتم جامعتها...
اللهم انت السند وان مات كل البشر في عيني 🖤
*☆☆گـلماتي بنـبن☆☆*
*#اشوفكم©™*
