مرت الأسابيع زي ما هي كل يوم برنامج ورا برنامج عزومه الاهل وونستهم والوصايا.
في يوم كنت راقده ف كتف احمد وقاعدين في حافه السطوح قلت لي احمد غني لي قال لي من عيوني اغني ليك شنو قلت ليه اااا فراقك اه يا فراقك قال لي حاضر وبقا يغني ويوصف نزلت من المصطبه قلت ليه شغل غنيه يا ليلي شغلها بقيت ارقص فيها واتمايل وهو بضحك في هبالتي كان عاوز يرقد شكلو قايلو كرسي ونسا انه في الحافة 💔
قلبي قرب يقيف جريت عاوزه امسكو بس كان وقتها وقع سرخت بأعلي حس عندي وجريت تحت خااااااالتوووووو يا الله يا الله البيت كلو ف ثانيه جرا وراي للشارع بلفه ما كنت عارفه اني وقتها حتى لو جريت ما حيصحي تاني رقدت جمبو وبقيت اهز فيهو احممممد الله يخليك يا احمد قوم حبيبي قومم وااااااااااااااااااااااااااااي يا الله من النار الجواي لمن شفت الدم قمت وبقيت اقول يعني مشيت؟ اخترت الرحيل؟ احمد قوم عاين لي قوم قوم يا احمد لسه ورانا حاجات ما عملناها احمد قوم عليك الله قوم انت قلت لي حنسافر يا ولد خالتو ما عارفه الحصل ليها شنو بس اغمى عليها البيت كلو بكا الا انا كلي اتلطخت بالدم رقدت ف صدور وقلت ليه ممكن طلب ممكن تقوم ممكن تقول ان ده حلم ما تدمرني قوم عليك الله انا ما شي بدونك انا جسد بس عليك الله ما تسيبني احمد وبقيت افتح عيونو الكانت ابيض قلت ليه حبيبي قوم الشرطه جات وبقت تحقق كنت بس جمبو وكلماتي البرددها احمد ما تمشي احمد عليك الله ما تمشي مني انا ما بعرف انوم الا في يدك احمد كيف تمشي تخلي بتك احمد انت وطني عاوزني ابقي مشرده؟ حبيبي عليك الله قوم اخلعني وقول لي عيد ميلادك الليله قوم حبيبي قوم يا وطني قوم ما كنت واعيه بحاجه غير اني عاوزة بس فجأه وعيت لقيتهم عاوزين يكفنو جريت وقلت ليهم عليكم الله خلوني اشوفو مره وحدة بس لمن شفتو اتهزيت كلي دموعي جرو وبقيت ارجف مسكت حنكو ودموعي جرو ف وشو سرخت سرخه عمري ما حنساها ما حتطفي النار الجواي ما حتطفي الألم الجواي ما حتطفي العواصف الفيني اخخخ يا وطن...
بنان بنان أعوذ بالله من الشيطان الرجيم بسم الله الرحمن الرحيم ألم ذالك الكتاب لا ريب فيه هدى للمتقين..
ا أحمد ا احمد قال لي حلمتي بشنو يا بنان ليه بتسرخي بقيت اسرخ اكتر لمن لقيتو حلم وشي اتورم من البكاء قلت ليه بحروف متقطعه ا احمد أحمد عليك الله ما تمشي تخليني واي يا احمد علييك الله عليك الله ما تمشي كلمني اوعدني يا الله يا الله ما تشيل روحو يا الله يا الله نا بعرف بدونو يا الله حلفتك ما تحرمني من ريحتو وحضنتو شديد بكيت لمن حلقي قفل كل ما اتذكر الحلم اشد على قميصو وابكي اكتر احمد حبيبي كان مدمع مسكتو من حنكو وبقيت اتنفس واهز ف راسي ما ما حتمشي ما حتمشي صح عيونو كانت حمره من كتره ما متأثر لمنظري كان شفقان على وشايفني بالحالة دي قلت ليه ا احمد أحمد انت انت ما حتمشي عليك الله كون جمبي والله ما بكون بلاك يا وطني احمد اسمعني وبقيت امسح في خدو ومواصله في كلامي كنت بتمتم ما عمل حاجه غير انه باسني مسافه كنت ببكي سكت زحا ومسح لي دموعي قلت ليه حلمت انك متت يا احمد قال لي عمري طويل استهدي بالله قلت ليه ك كيف قال لي كدي اشربي مويه وخليني اشرب شربت ونصها اتدفقت احمد شربني وشرب كان معرق عديل شالني غسل وشو وشي وجا رقدني انا الرقاد ابا لي قعد جمبي قال لي لو حلمتي بي اني متا معناها عمري طويل الحمد لله حضنتو وباخد في نفس قال لي ما تخافي انا جمبك ومعاك حاضر؟ قلت ليه طيب بأس راسي مسافه رقدني ف كتفو كالعاده المره دي ما نمت فضلت صاحيه للصبح احمد بحنسني تحانيس اتسحر اتسحرت بعدها إذن صلينا ورقدت قال لي يلا نومي طبطب على لمن نمت.
بناني العصر يلاا مشيت صليت العصر قال لي البكايه قلت ليه احمد انت شنو من الصباح شغال ليي البكايه البكايه ضحك قال لي ما ممكن ياخ لكن امس جهجهتيني قلت ليه ممم خايفه افقدك اعمل شنو قال لي ما تفقديني يلا تعالي وقت التحصين حصني قال لي تعالي قلت ليه ايوه قال لي حنعيد برا قلت ليه كيف كيف قال لي عديل قلت ليه عاوزه امشي مصر قال لي حاضر وتاني قلت ليه نفسي نفسي نفسي اشوف اسلام صبحي واسمع ليهو من قريب قال لي حاضر ما نفسك ف حاجه تاني؟ قلت ليه تحضني شديد حضني مشينا تحت كلمنا خالتو تونه قالت لي ربنا يوفقكم حبايبي وتصلو بالسلامة اليوم التاني جهزت الشنط احمد جا قال لي شيلي غيارين بس لأننا حنشتري من هناك قلت ليه ما تعب نفسك ف حاجات ما... شال الشنطه وهو صاري وشو فضاها وختا غيارين وعبايه وليه كم غيار وقفلها قال لي الليلة الساعة اتنين قلت ليه دقيقه مشا جريت مسكتو قلت ليه اسفه ما قصدي قآل لي طيب قلت ليه طيب؟ قال لي بنان زعلتيني محسساني اني غريب قلت ليه لا ما غريب بس يعني الهدوم عندي ماف داعي تجيب قال لي طيب ي بنان خلاص قلت ليه خلاص الحابي بحصل قال لي مم آخر مره قلت ليه حاضر يلا وبقيت اكركر فيه ضحك جا على كركرني قلت ليه واي قال لي بنان شايل همك الصيام مع الطياره قلت ليه ما تشيل هم يولد يلا يلا نمشي نجهز قال لي طيب لبست اسكيرت مخطط احمد جا لقاني بلبس في التشرت ختا لي عبايه لونها شاي لبن رهابه قلت ليه د شنو قال لي ااا البسيها اا بتجي حلوه نعست عيوني ولبست التشرت شلت بنطلون جنز لونو فاتح ومشيت لبستو وجيت قلت ليه البسو ليه ما رد لي قلت ليه حبيبي ليه ما عاوزني البس اسكيرت قال لي حنتأخر يلا نعست عيوني ولبست بسرعه خططت حواجبي وقلوس ومرقنا احمد مشا يخت الشنط ف العربيه وجا قعدنا هيام قالت لي حنفقدك والله اول عيد وانتي ما ماعطاني فيه قلت ليها الجايات اكتر يقلبي قالت لي أن شاء الله ياخ حفقدك بقينا نتونس شوي خالتو ودعتنا ومشينا بيتنا قعدنا مودي جا بعاين لي جريت حضنتو قال لي حتبعدي مني قلت ليه حبيبي انا معاك وم حبعد باس جبيني مسك يدي وقعدني هيما جا سلمت عليه وقعدت بقينا نتونس وأحمد كلم امي انو حنقعد شهرين ولا تلاته شهور اتجرسو ف الاول تاني قالو طيب مرقنا على المطار معانا مودي وغانم وهيما ودعونا واتحركنا قلت ليه كلها كم ساعه ونصل صح قال لي ايوه يلا اقعدي قعدت...
نزلنا في عمارة من كتره ما طويله ما قدرت اعاين ليها مشينا الشقه ختيت الشنط قلت ليه يلا استحم عشان نمشي نفطر جعاااانه قال لي طيب طيب مشا استحم وانا مشيت الحمام التاني استحميت ولبست فستان لمن طلع غسلنا يدنا ومرقنا فطرنا ف مطعم تحت طلعنا ارتحناا
اليوم التاني مشينا السوق....
*☆☆گـلماتي بنـبن☆☆*
*#اشوفكم©™*
