قمت قالت لي اضربي لي المنكير د قلت ليها لونو حلوووو قالت لي اي رهابه ضربت ليها وانا ضربت بي الالوان مكيجتها وعملنا MARINA DE BOURBON انا غايتو مسحت يدي بس وديل مبالغه مشيت قدام مودي قال لي سلوان نامت؟ قلت ليه بري صاحيه هسي بنعمل في ميكب قال لي هي ما محتاجه مكمله قلت ليه وانا يا مودي 🥺قال لي انتي عامله ميكب يعني؟ قلت ليه بطل عارفه نفسي شينه لكن جاملني قرب من اذني وقال لي لو شينه احمد الكسار بعقد عليك طوالي ؟قلت ليه اشييييي عاااد تمام ي مكنه ولا حرف تاني ضحك قال لي والله عيونو براها فيها مشكله ضربتو قلت ليه اصبر زح كده ومشيت لي هيما قال لي ما فاضي ليك حمرت ليه وقعدت جمب احمد الكان مغمض مستهبل هسي كان صاحي قلت ليه خليك نايم سمح مسك يدي وقعدني وبقا يضحك قال لي حاولت اصلح عيوني عشان اطلق واعقد على زوله تانيه تكون مززه زي قادرين تفهمو احساسي ف اللحظه دي قبلت منو وقلت ليه طلقني طيب واسفه اني معقداك قمت مسك ذراعي وقعدني قال لي بنان فشنو انا بهظر معاك م رديت كنت بغلي والله دموعي لمن جرت قال لي بنان حبيبي والله ما حستحمل دموعك اسف قلت ليه انت اصلا قليل ادب وعاوز دق كيف تشوف الجمال ده كلو وتقول عاوز تاني عينك زايغه ها؟ خت عيونك دي عيوني ورد قرب مني ونزل تحت اذني وهمس لي انتي الاوله والتانية والتالته والرابعه والشرع حلل اربعه يعني مكتفي بيك اربعه مرات يا قلبو اخدت نفس وقبلت وانا عارضه سنوني مسك يدي قال لي نسيبتي قالت تحبسك شهر كامل قبلت قلت ليه وما حشوفك على فكره قال لي الحمد لله على الأقل ارتاح شهر ده هو انا حموت عمري كلو نعست ليه عيوني قلت ليه احمد أختاني يا اخاه قبلت لقيت مودي قاعد مع مرتو واخر وناسه وملك بتتونس في التلفون والباقي ماسك حاجه ومندمج معاها قلت ليه زهجت ياخ حنصل متين قال لي دي حركات جديدة تزهجي وانا معاك قلت ليه لي قال لي عندي ليك هديه بس حديك ليها لمن نصل قلت ليه بري ما عاوزه اي هديه صر لي خلقتو السمحة دي قلت ليه خلاص كلوو ولا زعلك ده قال لي اي اسمعي الكلام يا مرتي المطيعه قلت ليه اها الهديه شنو يا راجل قال لي سموها هديه لي يا مره قلت ليه بطل خلاص بلا مره بلا راجل الهديه لو ظابطه حأعمل ليك برنامج حلو ولو ما حلوه تعمل لي برنامج انت قال لي من عيوني دي قبل دي قلت احب العيون النعسانه انا في قلبي وقلت ليه يسلمو عيونك احمد في غنيه عاجباني ما متذكره اسمها كدي اشوفها بقيت افتش فيها وأحمد بحضر في فيدوهات تيك توك فجأه اشتغلت الاغنيه العاوزها قلت ليه احمد هدي قال لي الكناري وضحك عندي يا بت قلت ليه احلف شغلها شغلها بقيت مندمجه معاها لقيت احمد بصورني قلت ليه احمد امسحو قال لي خليهو عليك الله يلا ارقصي قلت ليه ليك يوم وتميت رقيصي كده قلت ليه اتذكرت فتحت التلفون وريتو الفستان النفسي االبسو في العرس لونو فضي ومفتوح من الضهر ومن قدام شفاف يخ الرهابه كلها عاين فيهو كده قال لي قصدك ما بعد العرس؟ قلت ليه لا طبعا قال لي والله عارفه ردي صح قلت ليه احمد هو يوم فرحي مسح وشو بي يدو بنرفزه كده قال لي قومي قومي عشان ما اعصب فيك قلت ليه واي اصلا عارفه ردك وبهظر عاين د فستان فضي منفوش نفشه حلوه وفيه الطرحه الشفافه من الخصر دي نص كم وشفاف ومن قدام فيه ورود شفافه احمد قال لي ده احلى بس تتحجبي قلت ليه احمد ياخ قال لي ممم قلت ليه ممم عليك الله قال لي معاهو طرحه ولا لا قلت ليه معاهو والله معاهو قال لي خلاص موافق بستو من الفرح قلت ليه حبيبي والله قال لي احم تطورات ضحكت قلت ليه بس عشان اتحمست قال لي نجيب الفنان علي الشيخ قلت ليه اموت فيك ياخ قال لي يلا نومي قلت ليه شغله هي عاوزه اتونس معاك انا وبقينا نتونس رقدت في كتفو وبقيت العب في اصابعو واقول ليه كنت بعمل كده زمان وبحكي ليهو حياتي زمان لمن سمعنا هيما قال لينا عصافير الحب وصلنا قلت ليه اووه اخيراً نزلنا ويا الله من الطبيعه يا الرهابه كلها اقسم بالله الأخضر فيها قلت في قلبي هي كوستي دي في السودان يعني...
*َ°°°°°°°°°°°*
لمن وصلنا ونزلت كنت بحاول قدر ما اللة اداني اتجاهل سمير وما اخذ بالي بس ما قدرت كل شوية عيوني تقع في عيونو ومتأكده انه ما شغال بي قلت يا ملك انتي الف واحد يتمناك ما توقفي حياتك عشان زول كالعاده بنصح نفسي والناس وما بلقي الزول البفهمني بنان مسكت يدي عاينت ف عيونها بتوتر ما عارفه ليه بس قالت لي ارح نستمتع يازوله ومشينا كان في نظام مزرعه كدة قصادها البحر والاشجار على اليمين طبعا المزرعه دي فيها انوار وخضره كدة فيها قعدات حلوه قعدنا والجو رهيب قلع طرحاتنا كلنا قدر ما نثبتها تقع ف النهايه خليناها بنبن قالت لي واااي شغلي غنيه روسيه كاربه قلت ليها وربي يا بنبن ما عندي قالت لي دقيقه عندي انا وشغلتها الجو بقا حلوووو بنبنه قعدت جمبي قالت لي احكي يقلبي مالك اتخلعت جدا جدا من سؤالها بس حكيت وانا مطمنه
بنبن انا بحب سمير ود خالتي ده وهو ما شايفني كل الشايفو اني اخته بنبن انا بموت والله بموت بي الحب ده متعب شديد متعب من طرف واحد والمشكله انه بتاع بنات يا بنبنه قالت لي ما عارفه اقول ليك شنو بجد حاره لكن اتجاهلي وانا بتصرف اوك قلت ليها حتعملي شنو قالت لي ما عليك ولمن اقول كلام اعملي نفسك عارفة تمام هديل الاولاد جو قالت لي طيب سلوان قالت لي بنبن احمد ده بناديك ضحكت وقلت ليها عاد أن شاء الله حاا.. ما تميت كلامي في يد مسكت ذراعي وقومتني عاينت لقيتو سمير قلبي قرب يقيف وخفت خوف ما عارفه ليه قلت ليه سمير فشنو قال لي منزله الطرحة ليه قايلاها موضه يعني ملك لا إله إلا الله انتي في رقبتي لمن نصل قلبي عمل شحححح قلت ليه سمير طيب زح زح وقبل مني قال لي ارفعي الزفتين دي اتكيفت من الما عارفه اسمه شنو بس المهم انه اهتم اني منزله الطرحة قلت امكن بغير تاني قلت هي مستحيل قعدو معانا الاولاد بقو يتونسو...
*إحساسك بالتقصير في علاقتك مع ربك مستحيل يكون مجرد إحساس وبس مفروض تعرف انو دي رسالة جواها كلام كتير وتفاصيل بتحتاج منك تراجع نفسك وتعرف انت حياتك مجاريها صابة وين وتتأكد تماماً كل حاجة بتعملها بتتحاسب عليها مهما كانت في نظرك عادية ولا اي شي💛*
*☆☆گـلماتي بنـبن☆☆*
*#اشوفكم©™*
