وهم شغالين فيني لمن خلصو مشيت استحميت وجيت عاوزة ارد عمتي قالت لي اكلي المديده اول أكلت ونمت طوالي ما صحيت الا الصبح جهزت ليهم الفطور والشاي ومعاه كيك وختيته ف الصحانه وغطيته ورصيت الكبابي للشاي صليت ورجعت نمت تاني عدا اسبوع ضحك ونسه اخر الليله ونصايح من عمتو إلى اخواني وابوي جابو سد المال والشيله والحاجات دي كنت مبسوطة لين يوم الخميس.
صباحو قلت ليه مجدي قال لي قومي بعد د كل شي جهزو انتي اجهزي عشان باقي بسيط للعقد بأس راسي ومشا الساعه كانت حداشر مشيت استحميت ومرقت لبست بجامة صغيرة ونشفت شعري بقيت اعاين لنفسي والتغير اول مرة اشيل وشي كنت بتمعن نفسي لمن جات زينب قالت لي أمكن تسحري نفسك قولي م شاء الله وبعدين م صح تعايني لنفسك ف المرايه قلت ليها سوري التفت قالت لي دقيقه مشت نادت البنات اها استلموني استشوار وحنه ومكوه وميكب ولبسوني والدهب والتوب والريحه وفكت الشعر والبخور الخما فيني كان يوم مميز جدا جداً زينب قالت لي وقت الصور قلت ليها اقفلي الغنيه دي وشغلي بقينا اتنين شغلتها وبقينا نتصور كلنا وبعدها جهزو هم ومشو فتحو السماعات بأعلى صوت وبخرو البيت الضيوف جو كانو كتار ما عارفه جو من وين بس سمعت صوت الرصاص الله أكبر... ابشر... ابشر يا عريس...زغاريت النسوان..زغاربت صحباتي الملت الغرفه.... تباريك الناس...
قمت بدون احس ودمعت شفت امي داخله وبتقول لي مبروك حبيييييبتي نزلت دمعه حاره وقلت ليها يمه اشتقت لك اشتقت لك يا قطعة مني اخخخ لو كنتي جمبي ما كنت بهتت كده مجدي وبكري وأبي جو كلهم حضنوني دفعه وحده وكلهم ببكو بكينا زييين فرقونا بعد مسافه باسو راسي مجدي قال لي ربنا يحفظك لينا ومشا بكرى قالت لي لو افتريتي السودان د ما يشيلنا ضحكت ضحك طلعو لمن سمعو ان العريس عاوز يبارك لمرتو فرحه عدلت الميكب وعملت لي مثبت قالت لي سمحه ايا قلت ليها أن شاء الله يشوفني ملكه الملكات والبنات ضفادع ضحكت جاني صوت من ورا بقول ما شايف غيرك انا التفت لقيتو عبدو مبتسم جا وقف قصادي ومسك ذراعي بيديه قال لي يادوب الواحد يقول مرتي مبروك الفوز بيك قلت ليه مبروك علينا حضني وباس راسي قرب من اذني انا جسمي قام قال لي بحبك بهمس قادرين تتخيلو موقفي عاينت ليه حركه لي حواحبو قال لي هو انا يا الله صبرت عشان اقولها بالحلال قلت ليه نمرق؟ قال لي انتي بتسدي حقك.؟ قلت ليه لا بس حبكي وأخرب الميكب ضحك وباس يدي مرتين مسافه ومسكهم ومرقنا ابشر.. ايوووويوو.. ابشر يا عريس... يا بنات زغرتن... ابشر ي عريس كنت بعاين لكل واحده من بنات عماتي فرحانين لي وكل وحدة بتعمل ف حاجه كانو سندي بالجد كنت خايفه من فكرة اكون برأي ف العرس بس ما خاب ظني والله بعد الهيصه وبعض من قله ادب عبدو فاجئني انو مسافرين غايتو اتجرست جرس اخواني كانو معاي.
مجدي عليك الله امشي معاي قال لي يبت الطياره حتفوت امشي قلت ليه حرام عليك ما وريتني قال لي معليش حقك علي حضنتو للمره الالف وحضنت اي واحد فيهم شديد لمن رحلتنا ندهو عليها مشينا بعد ما نزلنا من البص وعاوزين نركب الطياره عبدو قال لي ممكن طلب قلت ليه تشيلني؟ قال لي هبله عاوزانا نموت؟ قلت ليه حبيبي عاوز شنو قال لي التفتي وراك قلت ليه وانا بلتفت ليه ف شنو لقيت مجدي وبكري وأبي وراي ومبتسمين قبلت ورجعت عاينت بصدمة قلت سجمي انتو هنااااا ما مشيتو بكرى ضحك قال لي ما قادر اسكت اكتر يا مروه..
*فلاش باك:-*
_يا نواف عاوزاك كلمتين
=اتفضل
_ممكن تأجل العرس حقكم اسبوع
=نحن ما عاملين عرس لكن
_اعمل ياخ عشان نفرح سوا
=انت صح قلت ما عامل
-عاوز افرح مروه
=طيب الحنك شنو.؟
-انت انزل وبعد اسبوع نعمل ليهم حفله صغيرة ف البيت
=موافق
_حبيبي والله طوالي مشيت لي اخوان مروه اووو مجدي الخبر
=تمام الحمد لله انت كيف
_بخير اسمع مروه نفسها تعمل حفله ما نحرمها من اصغر حقوقها هي من حقها تفرح وتلبس الأبيض
=طيب موافق اصلا اي شي بسعدها انا حعملو بس كيف وابوي ما مواقق؟
_حنسافر لي تركيا وانا وصحبي نعمل وانت واخوانك احجزو معانا ومنها نعمل ليها مفاجأة فجأه مجدي حضني قال لي مطمن وهي معاك ابتسمت
=اسمع يا مان حيحصل كده وكده و
واتفقنا بس
.....
اللله يجازيكم ياخ بحبكم والله واحلي مفاجأه عاينت لي عبدو نظره كلها حب وامتنان قلت ليه شكرا بالجد قال لي الطياره قلت ليه انت بتتسدي حقك قال لي لا حتفوتني نعست عيوني وركبنا بكرى جمب الشباك وانا بعدو وعبدو وديل مشو قدامنا طوالي عبدر كان ماسك يدي قلت ليه ما بتخجل؟ قال لي اخجل؟ من شنو؟ قلت ليه اخواني قال لي مروه انتي مرتي انا ما بعمل في شي غلط فهمتي قلت ليه بحبك عاين لي وابتسم قال لي ما بتخجلي ضحكت قلت ليه انت راجلي ما بعمل ف شي غلط ضحكنا بقيت اتونس مع بكري قال لي ميرو بحبك والله بحبك يا اختي اول مره تطلع مني بس والله بحبك ومتمني اليوم البتحضنيني فيه عشان احس اني سند ليك عارف اتزوجتي وراجلك سند بس أكيد في موقف حتحسي انك عاوزني ما تترددي تجي حاضر؟ قلت ليه بكرى اقسم بالله انا ندمانه على سوء الظن الكان بينا ياخ انت كنت وين من زمان كنت محتاجاك كنت بموت براي كنت بشيل الهم برا.. نشيلو معاك مروه كلنا كنا شايلن همك انا ومجدي بنكون مساهرين لمن تعي ولا نحس انك ما كويسه جربتي احساس العجز؟ تكوني عاجزه انك تقربي من الزول ده عشان عامل ليك حاجز بس خلاص ننسا الماضي ومسك بطن يدي وختاها ف بطن يدو توعديني مهما احتجتي لي تجيني؟ او تجي لينا نحن وراك وقدامك وظهرك ميرو انتي مني وفيني وحقتنا عبدو قال ليه يا زول حقتي ما تغلط ضحكت قلت ليهم حتتشاكلو فيني بكرى قال ليه يا زول طلقها هسي دي اتخلعت وقلت ليه جاااادي انت؟ ما بقدر بدونو يا بكرى بطل تعصب للدرجه دي عاين لي كده😒ضحكت قلت ليه غيرتك سمحه بستو ف خدو بسرعه ابتسم تلقائيا وقبل على الشباك ضحكت ضحك بكرى ده بتاع حركات ياخ قلت ليه خجلت يعني م رد ضحكت اكتر قبلت على عبدو عاين لي كده😒قلت ليه اها انت مالك قال لي اقعدي لسه بلاي انا حشتغل ف التلفون قلت ليه خلاص جات المظيفه سألتنا عاوزين جرايد؟ قلت ليها لااا شكرا وتقدري تمشي عبدو ابتسم وقال لينا عاوز وحده لو سمحتي قالت ليه حاضر عاينت ليه لقيتو بعاين ليها انا مخي جاط والغيرة بدتت تسيطر على مسكتو من حنكو وقريتو مني كان مخلوع وتقريبا كااتم الضحكه كنت قريبه منو شديد لمن شفت المظيفه مشت قال لي رمضان على الابواب اتقي الله زحيتو مني وحمرت ليهو تحميره نزل راسو قلت ليه تمام ما حنساها قال لي شنو أن شاء الله حتعايني لي شاب قلت ليه واتمايع معاهو زي ما قاعده تتمايع معاك وانت بتعاين ليها قال لي مروه لا إله إلا الله قلت ليه محمد رسول الله كنت عارفه افورو كيف مسك يدي وباسها قال لي عاوز أشوف غيرتك بس قلت ليه ما تختبر صبري يا اسمك قال لي اسف سامحيني قلت ليه بفكر قال لي ميرو حبيبي اتكلت ف كتفو وقلت ليه اسكت طيب ونمت.
(تسرع الاحداث)
نزلنا ف شقه فيها خمس غرف دخلت وحده واستحميت طلعت بره ورقدت جا عبدو قال لي ميرو بكره العرس قلت ليه واي طيب الفستان و.. جاهزات ما عليك الا تسلمي روحك لي خبيرة قلت ليه طيب أمرق عاوزه انوم قال لي حاضر تصبحي ع خير واتغطي كويس مرق وقفل الباب انا ااتغطيت ونمت
صحيت بصوت بت اتخلعت قمت لقيت بت منقبه قلت منو؟ قالت لي جنه يا بت قومي قمت وسلمت عليها قلت ليها نمشي للخبيره؟ قالت لي ايوه حجزت الصالون قلت ليها صالون قصدك الكوفير قالت لي هنا عندهم صالون 😹قلت ليها اا طيب دقيقه جريت استحميت بي كلو ومرقت نشفت شعري ولبست أقرب عبايه وطرحه مشينا قلت ليها جنه اسفه أني اخرتك على عرسك قالت لي ترا لو ما انتي ما كنت راح اعمل حفلة ولا البس زفاف قلت ليها كيف لكن قالت لي أهلي متوفين وما نفسي والله قلت ليها ربنا يرحم الأموات جميعا بس لازم نعيش على وتر الفرح كملت هي عشان ما نقع ف اوتار الحزن قلت ليها بسس يرضا عليك ربنا قالت لي حبيتك هيي يلا ننزل نزلنا طبعا هي بتتكلم سعودي وسوداني مع شويه مياعه دخلنا الصالون دخلنا الغرفة قلعنا العبايات وقعدنا قصاد المرايه قلت ليها جنه انتي كنتي في السعوديه قالت لي لا ليش؟ قلت ليها ولا عندك زول من هناك؟ قالت لي هاا اشان بتكلم سعودي ترا احبه واتولدت كده قلت ليها ااا😅قالت لي ما رح تحبيني ادري اصلا كل السودانين هيك ما يحبون البت السعوديه بس انا كده اسوي شنو؟ قلت ليه لالا حبيتك انا والله بس ما تتمايعي ف الكلام 😅ضحكت قالت لي طيب بطلي ترغي الخبيرة جات ياخ جو اربعه اتنين معاي واتنين مع جنه مسكونا حمام زيت ومغربي وغسول وش وتقليم اظافر وتركيب ودلك ومسيح ببدره لونها وردي فف الجسم بعملوها بعد ريحوني بدو ف شعري قالت لي
Unable to resolve host "translate.googleapis.com": No address associated with hostname
قلت ليها ااا ما فهمت جنه قالت لي عاوزه تفردي شعرك ولا تكوي ولا تعملي بروتين قلت ليها برررري بروتين شنو البعملو اكوي واعملي مثبت بس جنه قالت لي الخبيرة
Failed to connect to
بقت تستشور لي فيهو وتكوي عملت لي تسريحه حلووووه بعدها بدت الميكب والخ...
كنت مقبله ومنتظره يجي يلفتني يخ من زمان بتمني اللحظه د وفرحانه اوووي جا مسكني من ذراعي و....
*لا تغب عني ك يوسف فقلبي ليس يعقوبا ليتحمل*
*☆☆گـلماتي بنـبن☆☆*
*#اشوفكم©™*
