اداني الشاي لمن شربت قلت لي درايف دق لي ناس مودي يجو دقينا لي مودي كلمناهم وقالو نحن في البحر يعني في نفس المكان الماشين ليه كلمنا الشباب ومشينا شفتهم مقربين على بعض ومودي بس احمد جراني وقف قصادي والاولاد نزلو راسهم احمد عاين لي كنت منزله راسي ابتسم قال لي د حاجه عاديه بين زوجين عاينت ليه قلت ليه أمكن اتذكرت موقف لينا عاين لي ف فمي طوالي لزيتو لقيت مودي شايله نزلها مشينا لحد عندهم لمن بشرونا بحملها فرحت فرح يا الله بس طلعت البود ومشيت على البحر وماسكه احمد من يدو قال لي خايفه؟ قلت ليه لاا وانت؟ قال لي متوتر بس قلت ليه تعال دخلنا شويه مودي قال لينا البحر د غريق بي جوا ما تمشو قلت ليه بري ما ماشين هناك قال لي طيب خلي بالك ما تسرحي في اللعب ضحكت مشو واي واحد بدخل يلعب وانا وأحمد بس بنمشي لقدام...
*َ°°°°°°°°°°°*
في امدرمان بالتحديد :-
يا استاذه انا صح كلامي واضح الخطوبة وفسختها قالت لي تمام اصلا ما فارقة معاي وبكره اجيب الأرجل منك لا انت اخر راجل ولا اول مشت اخدت نفس وجدعت المفاتيح في التربيزه اوووف يارب تسهل وتلطف على المغرب كده جاني عبد الوهاب قال لي فشنو يا زول مادي خلقتك كده قلت ليه بس انت لو ختيتني بكون رايق قال لي خطيبتك خلتك؟ قلت ليه ياااا ماان خليك في حالك قال لي انا ما عارفه انتو بتعاملوني كدة ليه يعني عشان يتيم؟ قلت ليه صلح جملتك ود حرام قال لي الله يسامحك الله يسامحك يا نواف ومشا مني أخذت نفس وقلت ليه قلت كده يارب 💔
*َ°°°°°°°°°°°*
بالسان عبد الوهاب :-
*ايقال لليتيم منذ الصغر هذا اللفظ لم لا يرتقون بي اليتيم مثلا.... وحيد في كل حالااتي اتمني شي يغيرها.. وحيد ك القمر لا شبيه لدي ولا احد يجالسني... تعبت الاقلام من الكسر فما بال الرجل اذا اهتز.... لا يعرفون المعاناة التي نعيشها ويحكمون بي شخص ليس لديه ولي.... اسأل الجبال ان رميت عليك همومك اقسم لك بخالقي ستهتزي...بحق السماء يا عالم لم يخلق الضعف للمرأه وحدها بل خلق للرجل أيضا حين يكثر عليه الشي*
_ممكن اقعد
=مروه! اتفضلي
_اي مروه شكرا (قعدت)
=صدفة؟
_ايوه جيت هنا مع رفيقاتي
=كويس
_عبودي
=اا ايوه
_ممكن أسألك سؤال بس عليك الله طلبين رد على وما تقول انا بتحشر في خصوصيات الناس
=لا العفو احكي
_انت ليه دايما بتقعد براك في كل مره بلقاك براك.؟ يعني يعني كل مره بلاقيك بتكون فيها براك ما حصل لقيتك بتضحك بس مبتسم.
=(سكت مسافه طويلة)
_اسفه والله بس عاوزه اعرف ونيتي صافيه
=مروه
_ايوه ايوه
=انتي مهتمه تعرفي
_اي طبعا
=ليه
_....
=مروه امشي انا ما الزول المناسب
_عبد الوهاب الحب ما بعرف تصنيف
=مروه ليه عملتي في نفسك كده
_ما عارفه بس بحبك وما عاوزة ابعد وما ناويه
=اهه مروه مستعده تعرفي عني
_ايوه وهسي
=هسي نحن في مكان عام ممكن نمشي شارع النيل
_طيب ارح
=كنت مستغرب جدا منها دي اول بت تتجرأ تقيف معاي ما عارف لي وانا ما متعود احكي ما عارف مالي بس اول مره اعمل شي من قلبي كل مره بتصرف من عقلي وحابس قلبي عشان ما اندم
_وصلنا ننزل
=تمام
_(قعدنا في كافي مطل على النيل) مروه
=احكي
_انا ولد يتيم اتربيت من ام واب مزيفين أو أمكن متبينني وين اهلي وين أمي ما عارف من وعيت لقيت نفسي في يد حبوبه اتربيت تربيه حبوبات كان نفسي في ام واب اشيل اسمو بس كل الامنيات على عقبه بتفلت الحمد لله
أنا ما حصل شفت امي ولا ابوي البسمعو من حبوبه الربتني ان امي فاكه وما زوله تربي عيال عايشين هي وابوي مبسوطين برا البلد وجادعني ما عرفني مت ولا حيت اكلت ولا شربت
انا بقيت راجل لحالي ماف زول وقف معاي
برجف ابكي اعيا كلو برأي ما عارف هل انا جبل بتحمل الندوب ام راجل لازم ما يضعف
تعبت من صاحب بتكلم وبحسب كلامو عادي وهو بوخز تعبت من نفسي لمن تتعب تعبت وما قادر اوصف تعبي كل القادر اقولو تعبان هلكان ميتان وروحي طالعه يا بت الناس ادم ولد اختاري الزين وحبيهو
=فاهمه احساسك والله عبدو انت عاوزني
_.......
=عاوزني ولا لا ما تدمرني
_لا ما عاوزك
=💔(كأن قلبي وقتها وقف وبقيت اتنفس بصعوبه ودموعي حبستها)
*َ°°°°°°°°°°°*
بنبن كده حتعي لينا امشي يلا قدامي مشيت معاهو غيرت ولبست عبايه واسبورت مشو القعده احمد خطفني للمزرعه بقيت انطط واقول ليه رهيبه ياخ تعال نرقد هنا رقدنا وبقينا نعاين للنجوم قلت ليه احمد تفتكر حشتهر قال لي ممم قلت ليه مالك قال لي ما عاوزك تتشهري قلت ليه حسبي الله وانا ما عاوزه بختنق والله يا احمد بت تقيف معاك اقوم الدنيا وما اقعدها فاهم قال لي يا بابا فاهم فاهم بناني قلت ليه نعم قال لي بحب غيرتك ورفعت حاجبك وبهدلتك للزول لمن تتغاظي بحب حركاتك والله بحبها وربنا ما يحرمني منها ابتسمت وقمت قلت ليه ملك قالت انت حتتملي من غيرتي وحتزهج منها احمد والله ما بي يدي بلقي نفسي بغار عليك من بت بتعاين ليك بس والله اسفه ما تخليني قام قعد معاي ومسك يدي قال لي يا حبيبي والله بحب غيرتك وبعدين انتي ما تقعدي تسمعي في كلام الناس كده اصابع اليدين ما وحده هسي حاجبك ده زي حاجبك التاني صح فيهو اختلاف قلت ليه ده ما كلام الناس دي الحقيقة قال لي عايني يا بنبن انا عارف نفسي واحد مافي زي وحافظي علي لأنك ما حتلقي زول يحب غيرتك زي ضربته على كتفو قلت ليه وانت ما حتلقي بت تغار عليك زي صح ولا ما صح قال لي منتهي يا مكنه قلت ليه تاني بقول ليك درايف قال ليها حلال عليك يا حلالي قلت ليه درايف انت عارف قلبي قدر كيف قال لي لا طبعا ما شفتو حمرت ليه قال لي والله قلت ليه يا خليك رومانسي حبتين د شنو التلج الواقع فيه ده قال لي تلج ولا مويه انا بحب وحده ما عندها ذوق راجلها حيموت عطش وهي بتنق فيهو قمت وشلت جزلانو شلت لي قروش وجريت الكافي وهو بضحك وبقول لي براحه يا بت بتقعي وبضحك بأعلي حس مشيت قلت ليه اديني كرستال مويه ومازا و ميني توب قال لي طيب الحساب... قلت ليه جدا ودفعت كنت راجعه لاقاني ولد قال لي في بارد؟ قلت ليه عندك عيون شوف بيها قال لي لو شايف ما بسألك والله انا بقيت زي الصنم قلت ليه اسفه اسفه اقسم بالله ما قاصده حلفتك بالله تعفي لي وفي بارد اي عليك الله اعفي لي ودموعي نزلو حتى صوتي اتغير قال لي يا اخت كلنا بنغلط والعفو والعافيه لمحت احمد بي وراهو عاوز يضربو بنيه جريت لزيتو وقلت ليه لااااا يا احمد الولد مشا لأنو ما شايف وانا جريت درايف يا الله وهو مصر يضربو لمن وصلنا لزا يدي وقال لي عمل ليك شنو فشنو بتبكي لي ما خلستني اشوي عظامو قلت ليه اهدا يا درايف قال لي بنان تتكلمي ولا امشي اشويهو قلت ليه ياخ سألني في بارد... قرب مني وقال لي وانتي رديتي قلت ليه دقيقه افهمك وحكيت ليه عمل لي كده 😒قلت ليه مبالغه انت قال لي اقعدي قعدت قال لي حضو ربنا بحبو عشان ابتلاهو ربنا يعينو والله حاره قلت ليه ندمت قال لي انتي كمان ما صح تردي كده خلي عندك حبه أخلاق قلت ليه قايله عاوز يقل ادبو قال لي مش قبيل بنقول اصابيع اليدين م وحده وبعدين يقل ادبو وشايف الدبله في يدك قلت ليه ممكن يقل ادبو عادي هاك اشرب شال شرب وانا بقيت اكل قلت ليه ماشه اشتري تاني رهيبه الشي دي قال لي ميني توب قلت ليه جيب لي كرتونه قال لي الله يعيني حاضر تننن..الو..طييب جاين بنان قومي بعد د نمشي قلت ليه ايوه لأنو طولنا عديل قال لي اقعدي جنبي قلت ليه وملك قال لي نفضي ليهم الجو قلت ليه واخواني يقولو شنو قال لي مرتي عاوزين يقولو شنو قلت ليه هشش وصلنا اي واحد غير ودخل البص عشان الرحلة انتهت رفهنا عديل.....
"يا صَوابي بين طَياتِ الخطأ "💛🌻
*☆☆گـلماتي بنـبن☆☆*
*#اشوفكم©™*
