=جنه ممكن تنزلي انا تحت
_ليه إن شاء الله
=عاوزك كلمتين الله يرضا عليك
_تمام
نزلت تحت لقيتو موقف العربيه وقفت في مكاني نزل القزاز
=جنه اركبي
_ما راكبه
=جنه الله يرضا عليك
_اوووف ياخ
ركبت وقفلت الباب
=(آمنت الباب وسقت بسرعة)
_ممكن توريني فشنو خطوبة وفسخناها
=.....
_اتكلم ياخ
=.....
(لمن وصلنا نزلت وفتحت ليها الشباك بس وامنت الأبواب)
_تحت الكبرى؟ نزلني
=ما عاوز
_ننوووواف
=بحبك وعاوزك على سنه الله ورسوله
_😹😹😹😹
=جنه انتي ليه بتعذبيني؟
_.....
=ليه يا جنه بتعملي فيني كده يعني أمشي انتحر ليك عشان تحسسيني بالحب؟ ليه بحس انك ما بهمك أمري جنه عليك الله ما تعملي فيني كده انا بموت عشانك لو عاوزه اقسم بالله بحبك وبموت فيك والله واثق فيك ليه بدخلي الشك والغيره سوا ليه بس وريني جنه عليك الله احتويني حصل شفتي راجل بقول لي بت كده؟ في زول بترجا الزول يحبه ويحتويه؟ ياخ والله انتي ما حاسه بي
_ولا انت حاسس بي
=جنه لا إله إلا الله
_محمد رسول الله
=بتحبيني؟
_....
= يا الله (ضربت العربيه شلوت رجلي وجعتني بس ما حسيت بيها) اعمل شنو عشان تحبيني؟ اعمل شنو عشان تعتبريني سندك؟ وريني يلا
_أبعد عني
=احلفي
_والله
=جنه عايني في عيوني
_اها
=قولي والله ابعد عنك
_ياخ ابعد عني اصلا كلكم محتاجين فرصه بس عشان تبعدو
=حاضر حبعد عنك
_وأفتح لي الباب ده
=لمن اوصلك
_اقسم بالله انط بالشباك
=(كنت ماشي وقايلها بتهظر سمعت صوت التفت لقيتهم نطت بحلقت عيوني) مجنونه انتي؟
_تعال هنا ده
=(وقفت قدامها وعاينت ف عيونها)
_احضني قبل امشي بسرعه بسرعه
=(لبستها الخاتم وحضنتها)
_بحبك يا غبي يا غبي (بقيت اضرب فيهو)
=(مسكت يدها) أريد ان أوقف تلك الدقايق لأتمعن في عينيك لعلي احي مره اخرى
_اريد لمس يدك لأشعر بروحي التي غابت سنين
=عذبتيني يا بت الناس
_عشان بحبك يا نواف
=بحبك يا جنه بحبك يشهد الله
_حضن تاني
=على فكره حرام انتي خطيبتي ما مرتي
_اسفه
=اسفه لربنا امشي صلى واستغفري وبكرة الساعه تلاته العقد
_ما عاوزه حفله زي ما عارف
=من عيوني بس نسافر لي أهلي نستقر هناك
_حاضر
=بحبك يا جنه
_بموت فيك والله العظيم
=يلا يلا (ركبنا واتحركنا)
_نفسي امسك يدك
=هانت بكره ابقي ليك كلك بالحلال
_ما تنسي تصلي انت كمان وتستغفر وتوعد ربنا ما يحصل تاني
=حاضر واسف اني لمستك كده
_م مشكلة المهم نرضي ربنا
=الحمد لله عليك
_اخخخ من الفرحه
=بحبك
_....
=جنه
_عيوني
=بحبك
_نواف يا ولد مالك
=ما عارف بس بحبك والله
_بحبك انا اكتر وبعشقك وبعشق انفاسك
=دقيقه انتي انفاسي لقيتها وين
_....
=يبت ردي
_.....
=اخجلي طيب ما انو خجلك ما مع البنات لكن م حنك
_......
=الله خجلت (لمن قربت من الشقه)
_يلا سلام
=خلي قلبي معاك وبالك مع نفسي ونفسك
_حاضر وانت كمان
=في امان الله ورعايته
_في حفظه يارب
=اخخ اتحركت على البيت تاني يوم الساعة تلاته بظبط عقدنا الفرحه الدخلت فيني وقتها
_ممكن طلب
=أمري
_نمشي شارع النيل
=عيوني مفترض نمشي الطياره
_عليك الله عشاني اصلا فضل خمس ساعات
=طيب يلا مشينا شارع النيل بنتونس سمعنا صوت زول بغني عرفتو عبد الوهاب مسكت يدها ومشينا يا اصلي
_حبه بندولي الصحه(مسكت مروه من طرف عبايتها وقومتها وسلمت على نواف بي اليد التانيه) دي مروه خطيبتي وعرسنا بعد اسبوع
=يا خساره ما حأحضرو دي جنه مرتي
_كيف يعني
=(حكيت ليه الحاصل كلو وجنه تتخجل ساي ما عارف جابت الخجل من وين لكن مشيتهاا) عشان كده ما حأحضر يا اصلي
_حزينه منك والله
=معليش حقك علي لكن الحجه هناك مقلقه وقالت اول ما نمشي نعمل العرس
_يعني ما حنحضر الااتنين
=للأسف
......
_هي اسمك منو
=مروه وانتي جنة
_كيفك
=بخير وانتي
_كويسه الحمد لله
=حتمي عرسك متين
_والله حننزل في تركيا وونتم العرس مع اهلو ونستقر هناك
=حضكككك
_وانتي؟
=.....
_الوو؟
=ااا ممم اااا
(رد عبد الوهاب )
_حنتمو بعد اسبوع أن شاء الله
=م شاء الله ربنا يحفظكم
_يحفظنا
=غنو عليكم الله
_طيب مروه جيبي الجيتار
= نمشي شارع النيل
نشرب قهوه بي مزاج
انا وانت سوا
والباقي ما حافظه تموها انتو😹
*َ°°°°°°°°°°°*
*بالسان نواف:-*
قلت لي عبدو اديني اعزم وبقيت بغني لمن المغرب جا تلفون عبدو اتصل رد بجاي بس اوصل صحبي قلت ليه هو زاتو باقي ساعه نجهز فيها انت ودي مدامك والمسافة دي نحن بنجهز اتفقنا على كده ومشا ودا مدامو نحن مشينا البيت وجهزنا ومرقنا لقينا جا اتحركنا على المطار ومشغلين اغاني واخر ونسه معاهو لمن وصلنا اتكلم معاي كتيررررر ودعنا ومشا مسكت يد جنه وبستها قلت ليها موافقه؟ قالت لي اكيد يا نواف موافقه قلت ليها الله يكملك بعقلك ومشينا ركبنا.
لمن تاني يوم العصر وصلنا استقبلونا...
يارب موافقه على شنو؟
خمنو
*َ°°°°°°°°°°°*
*بالسان عبدو:-*
امي ابوي ما فاهم؟ حبوبه قالت لي ديل هم جو يشوفوك جيت سلمت وقلت ليهم م شاء الله يادوب تتذكرو ان عندكم ولد سؤال انا ولد ح.... ؟ المره البتتسمي امي قالت لي لاااا طبعا بس دقيقه خليني ابرر ليك سرخت وقلت تبررو شنوو اني رضعتني مره تانيه غير امي.؟ولا الحنان الفقدتو؟ ولا الدلع في الطفوله؟ ولا المواساه الما لقيتها؟ولا المرض البكون فيهو براي؟ ولا الالم السببتو لي؟ ولا الظهر الاتكسر؟ تبررو شنو وتخلو شنو؟انا ولدكم؟ قالت لي يا ولدي والله قلبي حن وانا بتقطع والله بتقطع بس كنا عاوزين نقعد مع بعض حبه ونحن اتزوجنا غصب لمن حبينا بعض جبتك وقررنا نقعد مع بعض اكتر ونخليك مع حبوبتك قلت ليها طيب جبتوني ليه لو عاوزين تقعدو مع بعض لسه؟ مراهقين؟ ما كنتو جاهزين؟ ما مستعدين تربو واحد؟ جدعتوني زي الزباله ولا هماكم طيب التلفونات اتعملت ليه؟ الرصيد اتعمل ليه؟ وين الحنان البقولو كلو شالتو الام؟ وين الفرح لمن الام تلد وتكون متشوقه تربي امي وابوي؟ بحاول استوعب انكم قدامي بحاول اركز انكم الدمرتو حياتي بحاول استوعب ياتو قلب الببعد قدر كده ارجعو محل نا جيتو ما مرحب بيكم في حياتي ومرقت سامع حبوبه بتقول ما تمرق كدي يا ولدي خلي بالك من الشارع وااا انا من الجاتك بس كنت معصب وما مستوعب ما عارف دقيت لمروه بتين ولا قلت شنو بس وعيت بي كف واني في شارع النيل اخدت نفس وقلت ليها اضربيني تاني ضربتني تاني وتالت ورابع لمن مسكت يدها كان أول مره تنزل دمعه مني وما امسحها بكيت قدر ما الله كتب وما اهتميت بمروه حتقول شنو بعد هديت قالت لي فشنو حكيت ليها بكت معاي واصلا ما اتكلمت بس بتبكي معاي لمن مسحنا دموعنا مشت العربيه وجات قالت لي نفسي اتعلم اعزف قلت ليها ما يعلمك الا انا وبقيت اعلم فيها شويه تشتر وشوية تعدل الاوتار.....
*ضعي يدك على قلب ذاك الرجل ستجدينه يصبب دمع*
*☆☆گـلماتي بنـبن☆☆*
*#اشوفكم©™*
