*خت نفسك الهدف الاول وحققو.*
قال لي يطلع د منو وساكن وين وشغال شنو واتعرفتو كيف و... قاطعتو بي براحه يا نواف بتوتر كده قال ليها طيب احكي قالت ليه هو ساكن امدر وشغال في العقارات واتعرفنا بالصدفه كنا حنعمل حادث قال لي احكي لي يوم الحادث طيب قالت ليه(باللسان رفيده ) يوم كنت ماشه المدرسه وبتاع الركشه السايقني شكلو فرحان بركشتو وطاير بيها الهواء ما عارفه ذنبي بفرحتو شنو بس متهور قام جا بتاع العربيه وبسبب سرعة الركشه العربيه كان فاضل ليها سنتمتر وتخش فينا وانا اعجبكم صراخ لمن بتاع الركشه اتوتر بسببي وعرق وداك نزل من العربيه وده نزل من ركشتو وهاكم يا الشكل الما خمج قال ليه أعمى انت ولا احول ما شايف الاشاره يعني هدي شوفها لو م بتشوف ما ترمي بلاك علينا وبعدين معاك شافعه عاوز تروح ليها روحها ذنبها شنو بتقدر على الديه انت الجوكر قال ليه يا زول ما شايفاك انا م تعلى صوتك د في الفارغه وداك حرقتو كلمه فارقه د قال ليه كيف يعني فارغه بليد انت اقول ليك حنعمل حااادث تقول لي فارغه نزلت قلت ليه ياه امنعو الكلام الكتير د وانت هي قضاء وربنا كاتبو عاوز تغيرو يعني ولا كيف هدا لا انت لا عربتك حصل ليهم حاجه ما اعتقد في حاجه تفورك قدر د استغفر وقال لي يا بت الناس افصليها وخليك مع بزتك احسن انتي ما فاهمه الحاجات الزي الغرائم والسجن والكلامات الزي دي عشان كده امشي الله يهديك وم تركبي ليك مع شافع فرحان بي ركشتو تمام طبعا الكلام حرقني لمن وشي حمر رفعت حاجبي بحركة سريعه وقلت في نفسي تتكلم معاي كدة طيب انا اوريك مشيت قدامه مع رفعه السبابه هيي انت انا ما بسمح ليك تتكلم معاي كده ما تفور وتقع وتقوم مشكلة واتحلت لو مدامك ولا زول مزعلك ما تتفش في خلق الناس كلنا كاتمه فينا والله ما تعمل فيها سوبر مان وعاوز تظهر رجولتك خليها للمواقف الأكبر من دي اوكيييييياااا لو ما وقع بوقعو ليك وعاينت ليه من فوق لي تحت مع جره نوورر كده وجيت ركبنا واتحركنا بتاع الهناي د خشمو ما فتحو وخلا قله ادبو دي وبقا سايق زيو وزي اي بشري طبيعي وبعدها اكتشفت ان الولد ود عمه صحبتي وكدة والصدف وما ادراك ما الدنيا الضيقه نواف قال ليه حقيقه ولا روايه دي والله ياخ ما عارفه اقول ليك شنو بس احسن نقعد معاهو اول أمكن اتعهد يكون تار قلت ليه هو بعرف للتار شنو لمن يتعهد ضحك شديد طلال قال لي اخيرا حنرقص من حفله لي حفله ونصيع ونقبض كم مزززه كده بنان قالت ليه عاد انت الله يخليك لي الرشاقه دي نواف قال لينا امنعو الفارغه اها حنقعد معاهو متين وريني صوره لية قلت ليه طبعا ما عندي صوره ليهو وكده قال لي انستا واتس تلغرام اي شي جازفيها قلت ليه طيب فتشت لمن لقيت قلت ليه هدا قال لي والله وجيه ومافيه كلمه طيب اديهو كلمتي قلت لية ويلي هي قال لي نتلاقي يوم الخميس بالعصر ونشوف فهمو شنو...
*بالسان بنان:-*
قالت ليه طيب قال ليها اديني رقمو اتفق معاهو قالت ليه طيب طلال قال ليها العصير برد الله يقوم ليك ضنب وكبا لينا وشال حقو وقعد قلت ليه نفهم شنو قال لينا ما تكونو قايلني حضيفكم هه هدا قدامكم شيلو ولا اتشليتو 😹نواف قال لي رفيدة يا بت الرقم فجأه كدة ضحكت ضحكه لا إله إلا الله كده هههييييااا قال قال صدقو صدقو وبقت تضحك قالت لينا والله لكن نواف قام قال ليها بس قولي لي د كلو طلس منك قالت لي ايوووه طبعا ما صدقناها لمن فتحت صوره الولد ولقينا د ولد ف الفيس ساي نواف سبا ليها ومشا طلال نفس الشي خماها بي لبعه وسبا ومشا حمرت ليها قالت لي ما تحمري لي كدي قلت ليها بت لذينه دي قالت لي والله لكن نوف قالت لينا تصبحون على خير يا أهل الخير ومشت انا ورفيده قلنا نساهر ف ساهرنا...
عدت سنين الحمد لله ختمت القرآن بصعوبه كل مره بأجز وتاني انزل مره اقطع في الصلاه ومره لا مره اكسل اقرا كنت بعاني شديد لمن مره دخلت في اكتئاب من العجز ده لمن قررت اني احارب واحارب عشان أصل لطموحي أيوه انا وصلت لي العاوزه بفضل الله الفرح ما ساعيني دموعي ما عاوزه تقيف ما قادره اغير بحاجه او اصلا ماف كلمه بتعبر كنت حاسه انيي في حلم يعني لو متت اطمن حينور قبري وجهي ويخفف علي العذاب يارب تثبتو كنت حاسه بأنتصار بالفخامه حاسه اني عايشه كأني اول وحده تختم كتاب الله كل ما اتذكر كنت بسجد وبتذكر الدورات الشاركت فيها والمراكز واالاجازه لمن يسمع لي اجنبي كنت بعشق ترتيل الشيوخ وبتمتع لسماع ألحانهم كنت بقول انا كنت ويييييين وهسي وين نعم نعم كنت عايشه على محور القرآن والصلاة غيرت مسار حياتي وم حياتي بس حتى أولادي انا ما وئام نفسها الضعيفه لا انا اي شي بعالجو بالقرآن لمن اتضايق ولا اشوف حد مضايق بس بقول ليهو سلم أمرك لله وقت وجعك قول اللهم ارحم ضعفي وخليك متيقن انه حيفتح ليك أبواب الرحمه وم بخزل عبادو ربنا رحيم عشان كده بدعي الناس تضوق اللذه ياخ ولا في الأحلام بجد بتمني وعيت على صوت الشيخه بتقول :
جاهدت كثيرا لتصل لتلك المرحلة جاهدت لتختم كتاب الله ولم تستسلم يوما كانت دايماً تحارب همسات الشياطين الذي يوحون لها انها متعبه قليلاً أمرأة جعلت أقصى أحلامها القرآن وفازت به تعرفون كم نعاني لنحفظ ولكن مع كل ايه لذه ومع تلك اللذه حسنات في ميزان حسناتك تقول إحداهن إن مت وانا خاتمه لكتاب الله ادفنوني ولا أبالي وتقول الاخرى لو يعلم أحدهم لذته وجزائه لسابقو فيه حتى ينتهي عمرهم تلك المرأة التي ستكون عبره لنا نحي معنا الشيخه وئام صديق الناس قامت فوق وبقت تصفق عيني وقعت على ناس ببكو عديل شلت الميكرفون وقلت احم السلام عليكم ردو السلام قلت:
أمكن اكون انا من الناس الواجهت كتير عشان طموحي وما اتخليت عنو...
*☆☆گـلماتي بنـبن☆☆*
*#اشوفكم©™*
