زي ما بقولو كابلز تاني تابعت الفلم لمن خلص شفت الساعه لقيتها 3 طبطبت على خدها براحه قلت ليها قومي السحوور قامت غسلت وشها ولبست توب مسكت يدي ونزلنا تحت لقيت آيات وهيام وغانم قدامهم جك عصير وكبابي وحليب ورقاق وفواكه اي زول بتسحر بي المتعود بيهو قعدنا اتسحرنا لاحظت لي بنان بس بتاكل رقاق كنت بدقق في تفاصيلها عاينت لي غمزت ليها ابتسمت وبقت تتونس مع هيام...
.............
الولد ده حيشل مشاعري يوم لمن غمز لي اتلخبطت في الونسه لمن هيام لاحظت ضحكت قالت لي الشاغل بالك يتهني بيه قلت ليها جمعا ابتسمت ابتسامة خجل قلت ليها احكي قالت لي حبقي عروس قريب قلت ليها الله فجأة الاعراس بدور بقت
ابردي حبة ضحكت قالت لي مش لمن تبردي اول يا شفقانه هسي لو عملتي بعد العيد مالو ضحكت ضحك قلت ليها بسسس عشان اجرب رمضان مع قره عيني قالت لي واااااي حتفلقني بيها قلت ليها انا معرسه عشان اقول قره عيني قالت لي بنان انتي معرسه عشان تعيشي ادوار كتيره بس ما تلدي والله تلعني اليوم العرستي فيه آيات قالت ليها وهي بتعاين ف التلفون حرام عليك بنبن دي شيالة التقيل قلت ليها الشيل التقيل خليتو ليكم بلد وبجدع الصالة اتملت ضحك ونسه غانم قال لينا يلا أشربو مويه الاذان باقي ليهو دقيقه قمنا شربنا اذن لملمت الحاجات معاهم اتوضينا وصلينا اي زول قبل علي سريرو ونحن طلعنا فوق رقدت سمعت احمد بكركب ف الدولاب رفعت راسي لقيتو بطلع ف هدوم شكلو عاوز يداوم قمت فوق ونطيت قدامو قلت ليه ما بتمشي الشغل ارتاح ياااااخ قال لي عاوز امشي اشوف الحصل شنو قلت ليه ماشه معاك خلاص قال لي لالا حتتعبي قلت ليه وانت؟ قال لي انا متعود قلت ليه وانا ما كنت شغاله ف رمضان ولا شنو قال لي لكن بختلف قلت ليه احمد لو مشيت حمشي معاك قال لي الله يصبرني طيب يشافعه يلا ننوم رقدنا قلت ليه لو رقدت في حضنك صيامي ببطل ضحك كتير مسكني رقدت ف كتفو ك العاده رقدتي البرتاح فيها قال لي بحب رقدتك دي قلت ليه ونيسي نوم قال لي اللهم اني صائم يا الله تثبتني ضحكت قلت ليه شفت حعطش يلا ننوم لمن غلبنا ننوم قعدنا قال لي نقرأ قرآن قلت ليه طيب يلا بقينا نقرأ لمن خلصنا جزئين رقدنا نمنا صحينا الظهر صلينا واتونسنا شوية ونمنا تاني صحينا العصر فتحت التلفزيون وبقينا نحضر احمد شال الرمود وحول لقناه طيبه لقينا مسلسل جعلته طموح بادي نطيت وقلت ليه وااااي ديل نحن قال لي ايوه اسكتي نشوف كنا كيف ضحكنا وبقينا نحضر شوية نضحك شوي تبكي لمن شفت الساعه قمت سرحت بس و لبست توبي ونزلت تحت دخلت المطبخ لقيتهم يادوب عاوزين يجهزو قلت ليهم انا عملت العصاير خالتو قالت لي طيب نحنا بنعمل الباقي قلت ليها لالا نحن كل رمضان انا وهيام بنعمل الفطاير والسمبكسه قالت لي والعصاير على وانتي عملتيها قلت ليها اها يا نسيبتي عاوزة تتغيري قالت لي بري اتغير على بتي قلت ليه امح ليك قالت لي اللهم اني صايمه ضحكت وعملت مع هيوم الفطاير وديل جهزو الباقي جريت فوق عملت عصير منقه وبرتقال وابري وفرواله باللبن ندهت على احمد ما رد حمت البيت ما لقيتو مشيت الصالون لقيتو بصلي مشيت اتسوكت وجيت لقيتو بفتش فيني قال لي مالك قلت ليه تعال شيل معاي العصاير قال لي حاضر اتسوك واجي قلت ليه طيب مشا اتسوك انا ختيت اي اتنين ف صينيه احمد جا قلت ليه يلا شلنا العصاير ونزلنا تحت قعدنا كلنا عمو فيصل قال لمه في الحرم أن شاء الله ويا بنان رمضان بيك احلى قلت ليه عمو انا كل رمضان بصبها معاكم الفرق هسي اني عرست ولدكم احمد قال لي ولدكم ولدكم غانم قال سمو يلا طبعا غانم ده عكس احمد جادي ما عندو حاجه اسمها هظار مبالغه دعيت من جواي دعوات كتيره والأوله اني اتقرب لي ربنا كتير ويفتح لي ابواب مقفوله دعيت لي امي وابوي واخواني وأحمد بعدها فطرنا بعد الفطور كان في برنامج قهوه مع الجيران وكده غسلنا العده انا طلعت فوق لبست فستان كحلي كدة وفيه ريش طائوس من النص ويدينو في النهايه برضو لبست ربمو ألوان كحليه ممزوجة بالرمادي الأبيض والاحمر المهم الوان ما مفهومه اتريحت بريحة سرقتها من دولاب امي عجبتني واصلا حالفه اتريح بيها لمن اعرس أن شاء الله أمي ما تكون فقدتها بس عملت ايلاينر عجبني بس من تحتو جريت خط بالفضي لمسات من الميكب قمت من المرايه وبقيت اعاين للدبله عاجباني عجب مشيت المطبخ شلت مكسراتي قلت بعمل قهوه تحت طلعت لقيت احمد جاي ولابس التشرت البحبو فيهو ابتسمت وقلت ليه فخامه يا مكنه قال لي ما تقعدي مع اولاد تاني ضحكت قال لي اووووبا أيه من القمال والدلال قلت ليه بس زح مني بعيددددد ما بدورك جراني و👩❤️💋👨 مسافه زحا شوي قال لي احلى بدون روج قلت ليه قول بتكره الاحمر بس مشيت عملت قلوس بريحة الفراوله ياخ قربت الحسو مرقت لقيت احمد بياكل من المكسرات قلت ليه حبيبي ختيت ليك جوا قال لي شفتو قلت ليه طيب ليه الضر؟ 🙄قال لي تعالي ده شنو الفي رقبتك شلت المكسرات خليتو بضحك مسكني بسرعه قال لي لا ما تنزلي كده قرب مني وحصني قال لي يلا امشي ابتسمت بعد نزلت لقيت النسوان جو وبتونسو أحلى حاجه في رمضان اللمه بعد الفطور دي مشيت لقيت آيات عملت القهوه قالت لي هم زاتو جابو قهوة ما تعبي نفسك يلا نتونس مشتاقه ليك مشيت معاها سلمت على النسوان تبارك الله.... العرس سمحك... احلويتي يبتي....انتي حالتك ما فسختي لعرسك لو فسختي كان حصل شنو..... سمنتي...لالا ضعفت يبت... وزنها عادي... الفستان ما ضيق عرفتيها كيف.... مابقيتو تلاته... بري أمكن ما عاوزين يجيبو هسي..... هم ما مشو شهر العسل عشان رمضان.. هي بتبالغ مستعجله لشنو.
دي تعاليق الضيوف تتخيلو بس الحمد لله احمد حصني خالتو قالت ليها تلاته شنو هم عرسو هسي وبعدين خلي بتي على راحتها ما تعصروها كده بجد اتضايقت منهم هيام قالت لي ما عليك منهم َبقت تحاول تونسني بس بجد كتت متضايقه ليه الحشريه دي هيام اتسحبت ومشت فوق كلمت احمد قال ليها عرفتهم ما حيخلوها ناديها طيب
جاتني هيام قالت لي راجلك عاوزك فوق قلت ليها نسيت اجيب ليه القهوه قالت لي ما تمشي وشك محمر كده ما سمعتها طبعا نا قايله الزعل ظاهر في وشي كبيت القهوه وحدة منهم قالت لي مستعجله لشنو اقعدي اتونسي قلت ليها م م ماشه ادي احمد القهوه مشيت بسرعه ودموعي جرت بمسح فيها لمن وصلت لقيت احمد متكي على الباب وبعاين لي وقفت واتخلعت انو كان شايفني من تحت حاولت اتعامل عادي قلت ليه معليش نسيت اكب ليك قهوه هاك شالها كنت ماشه قال لي تعالي جيبي لي التربيزه دخلت ختا الكبايه وقفل الباب جبت التربيزه ختا القهوة وقعدني قلت ليه الناس قاعدين عاين لي قال لي حبيبي الزعلك منو قلت ليه م لا ولا شي ما زعلانه هسي مالي حضني دموعي جرو مسحهم لي خلاني بكيت بعدها قال لي بناني ما تبكي والله دموعك بتهزني مسحتها قلت ليه اسفة قال لي النسوان هنا ما برحمو الله يديهم العافيه بس قلت ليه ما متعوده اسمع كلام زي ده انا قال لي معليش نيابه عن اي واحدة زعلتك ومدا لي علبة ميني توب بستو ف خدو شديد وقلت بحبك والله قال لي مع ابتسامة رضيتي؟ قلت ليه ايوه ضميتها وبقت تاكل وتأكلني
مرت الأسابيع زي ما هي كل يوم برنامج ورا برنامج عزومه الاهل وونستهم والوصايا.
في يوم كنت راقده ف كتف احمد وقاعدين في حافه السطوح قلت لي احمد غني لي قال لي من عيوني اغني ليك شنو قلت ليه اااا فراقك اه يا فراقك قال لي حاضر وبقا يغني ويوصف نزلت من المصطبه قلت ليه شغل غنيه يا ليلي شغلها بقيت ارقص فيها واتمايل وهو بضحك في هبالتي كان عاوز يرقد شكلو قايلو كرسي ونسا انه في الحافة 💔....
*انت المكان الذي ابكي فيه حتى اذ ازدادت الاماكن*💛.
*لا تذهب وانت تعلم انك قبيلتي بأكملها*
*☆☆گـلماتي بنـبن☆☆*
*#اشوفكم©™*
