*بالسان نوف:-*
فجأه حد فتح الباب بقوه لمن اتخلعنا لقينا ابوي قال لينا بتكرهو الرباكم هااا رفيده قالت ليه الربانا؟ انت عمرك ما كنت جمبنا قال ليها رفيده دخلت امي وقالت ليه خليها تتكلم ونشوف مالا إن شاء الله خير طلعت برا انا عاينت ليهم وطلعت لقيتها مشت الغرفه وقفلتها لعنت ابليس ودخلت ليها رقدت جنبها قالت لي تعبت ممكن أفضى قلت ليها بكره اي بكره فضي وريهم اغلاطهم كفايه عاوزين نفرح قلت ليها حاضر نمت معاها
تاني يوم بالمغرب ربيع جا وجاب ابوهو واخوينو كنت متوتره وما عارفه رده فعل اهلي.
عندهم بهناك:-
ابوي قال ليه انت ما جادي ولا شنو البت شافعه لسه قول بنان قول رفيده قال ليه يا عم انا عاوزها وشاريها وم مشكلة نعمل خطوبة بس ولمن تمتحن نتم العرس قال لي بعد مسافة طيب بكره تعالو اخطبوها والباقي ربنا يسهلو قال لي شكرا يا ابو نوف شكرا ومرقو امي جات قالت ليه البت ما عارفه العرس حاجه كيف تقرر من عندك وبعدين كيف يعني الخطوبه بكره اعمل الحاجات متين ولا بتقول من راسك انت خطوبة ماف ليها وعرس الا تمتحن مسكت رفيدة ودخلت عليهم قلت ليها لية ما اعرس ولا ما بت زي البنات مالي شافعه؟ مش عمري 16 ما كبيرة وبعدين انا حخش تالت بعد شهر ما فرقت السنه د وم اي شي تقررو انتو ويا ابوي انا موافقه رفيده قالت اي خلوها على راحتها امي قالت لي انتي اسكتي بصفتك شنو تتكلمي جانا صوت طلال من ورا قال بصفتها بتك..
*َ°°°°°°°°°°°*
*بالسان رفيده :-*
ثم ينفذ الصبر بعد تحملك
ههه على قول طلال بصفتي بتك بتك الجهلتيها
تابعت كلامي وانا بس هدفي اني ابدا من جديد واحسم الفارغه دي كلها.
قلت ليها عمرك جيتي سألتيني رفيده عاوزه حاجه او جيتي واسيتيني او م حملتيني الغلط او مثلا تحضنيني زي باقي الأمهات 💔لا انتو كسرتو د واشرت على قلبي دمعتي نزلت مسحتها وتابعت د بحترق يا أهلي السند الاعزاء الكرام استفدنا شنو من البعد غير انو بقينا غرباء في نظر بعض او بقينا قاسين ابوي انت حميتني القرايه💔انا مفترض اكون فأوله جامعة وهسي انا الا أبدا من جديد وامتحن طيب انت حاسس اني حاسه اني اميه؟ او ما بفهم ابوي انا حاسه اني بموت وانا م قاعده اقرا بموت انا بموت اقسم بالله بموت حرام عليكم والله حرااام حسو فيني حسو بي احساس انك تحس انك جاهل او اُمي يا الله من احساس انك حيطة طيب تعالو اسألكم ليه عرستو؟ 💔ليه ما منعتو نفسكم من الحب صح عرستو وانتو حابين بعض طيب ليه ما حكيتو قصتكم هل فاكرين انكم غلط؟ طيب هل انا لمن حبيت غلطت؟ ايوه غلطت لان حبي كان حرام حرام أقرب من ولد بس وقتها كنت جاهله المعلومه دي جيتو فهمتوني؟ ولا طوالي دمرتوني هاا انت كسرتني كسر ما بكسرو اب لي اولادو مش حرام؟ مش حرام اعيش بدون سند كنت برفع حاجبي مع الكلام ومربعه يدي وبلف حولهم وبتكلم تابعت مش حرام ابقا بدون اخ اب ام اخت اهل الاهل المفترض انا أفضى ليهم واضحك بينهم الليلة انا بموت عشان هم قتلوني ماما ههه خليتني اكره اسم الاهتمام واي زول بهتم اي زول في الدنيا بغلط ما انا بس وين الجنون الاسري الكان بينا وين الهظار والضحك وينو؟ وقفت قدام ابوي وقلت وانت يا بابا المفترض تحتوي البنات وم تكسر ظهرهم وتحملهم مسئوليه كبيره عليهم د انت ما خفت ربك فينا بنان ونوف تعاملهم عادي اما انا زي الحاجه الغلط؟ ليه.؟ ليه يبا؟ ليه انت عارف انا بعد د كلو متمنيه شنو بس حضنكم بس اني اعيش مرتاحه وياكم ما انوم ببكي واصحي ببكي واكل ببكي لية سنتين ونحن ما مستقرين ليه 💔ليه تدمروني انا بس كده طيب نبدأ تاني.؟ نشرط الماضي ونبدا لاني تعبت تعبان وانا بعافر عشان م اكتأب هو كم مره انا اكتأبت وماف حد عارف عني حاجه اخخخ من العذاب المستمر اخخ يا أمي لو تعرفي مكانتك الهزيتيها بنفسك اخخ لو تعرف يا طلال حبي ليك انت الوحيد البتتعامل معاي عادي انت ونوف طاقات الأمان طلال جا حضني قوي وقال لي من اليوم حترجعي تقري وحتفطي تانيه وتمتحني صح باقي شهرين بس واثق في قدراتك وانك حتقدري اها يا ابوي....
*َ°°°°°°°°°°°*
نواف انا نازك قلت ليها نازك ما عرفتك نازك منو قالت لي البت ال... وحكت لي حتى اتذكرت وبقيت اعاين ليها بس وانا م قادر انزل عيوني منن الصدمه قلت ليها بعد مسافه نازك انتي اتنقبتي قالت لي رجعت لربنا بسببك يا نواف والليله القدر ساقنا لبعض تاني نواف انت شخص عظيم رجعت مذنبه لي ربنا انا خليت كل شي وراي وخليت الوصول لي ربنا طموح انت عظيم نواف تتزوجني؟
*لنكسر تلك القاعده ونعش تلك اللحظة*
قال لي نازك ما قادر أصدق ياخ انتي البت الخفيفة اللبسنا كعب وبتتمايل مع المشي هسي بقت محترمه وتقيله م قادر أصدق يخخخخخ قالت لي صدق د كلو حصل بسببك قال لي دقيقه عيدي الجمله القبيل قالت ليه حصل بسببك قلت ليها لا قبيل قالت لي تتزوجني ضحكت من جواي وقلت ليها يا متخلفه انا البقترح ليك تتزوجيني يا نازك قالت لي ودموعها ملت نقابها بتزوجك يا نواف قال لي بصوت واطي يا غبيه قولي موافقه ضحكت قالت لي ما بعرف اعبر ياخ قلت ليها نازك ورب الخلقنيي بريدك وحسيت اني زول كويس قالت لي انا كل يوم بدعي ربنا الاقيك ويفرحك ويفرج عليك ويشرح صدرك زي ما شرح ربنا صدري قلت ليها اديني رقم الوالد وانا مستعجل ماشي البيت انتي ارجعي ادتني الرقم وقالت لي خلي بالك من نفسك ومن اخواتك لمن قالت كده قلت ليها نازك اعفي لي العملتو معاك قالت لي حتبطل ولا كيف قلت ليها بالجد يا نازك اعفي لي قالت لي عفيت ليك زمان وهسي العفو والعافيه وربنا يهديك ويرجع شتاتك ويفرحك ويفرجها عليك يا قادر ياكريم تفرح لمن تنسي انك كنت مهموم قلت ليها نازك ربنا يحفظك لي والله وريتني انو ما شرط اني اكوت عارفك من زمان عشان احبك قالت لي ياما ناس كانو مع بعض سنين واتفرقو الفهم ما سنين الفهم اتنين ما شايفين غير بعض وخاتين العشره هي نقطة ضعفهم قلت ليها يااا سلام عليك ياخ +عرفتي كيف اني مهموم قالت لي واضح من عيونك يلا انا اتأخرت لازم ارجع بعد كده ودعتها وجريت على البيت وانا بضحك من الفرح ياخ احلى حاجه بتحصل لي الانسان انه يهدي زول بكلمتين وهو ما حاسس وصلت البيت دخلت غرفتي استحميت اول شي بعدها نزلت سامع صوت في الصالون لقيت رفيده بتتكلم مع ابوي او مع امي وابوي وطلال ونوف ولافه حولهم وبتقول انا مفترض اكون فأوله جامعة وهسي انا الا أبدا من جديد وامتحن طيب انت حاسس اني حاسه اني اميه؟ او ما بفهم ابوي انا حاسه اني بموت وانا م قاعده اقرا بموت انا بموت اقسم بالله بموت حرام عليكم والله حرااام حسو فيني حسو بي احساس انك تحس انك جاهل او اُمي يا الله من احساس انك حيطة طيب تعالو اسألكم ليه عرستو؟...... الباقي حكتو كنت بسمع وانا بموت خاطري مع حروفها كنت ما اخو بس قررت قرارات كتيره شديد ومرقت فوق بسرعه لمن شفت طلال حضنها حسبت حسباتي كلها وقررت خلاص الصباح ابوي كلمني انو نوف جو خطبوها والليله حيخطبوها رسمي ورفيده حترجع مدرسة فرحت شديد شديد كلمتو اني حخطب برضو وافق وفرح لي وجريت غرفه البنات لقيت بنان بتتكلم بالتلفون اول ما شافتني نزلت التلفون ووقفت انا قبلت ولعنت ابليس وعاينت لي نوف ورفيده الرجعو زي اول وبضحكو لدرجه ما لاحظو لدخولي قلت احم رفيده قامت فوق السرير ونوف نزلت وقالت نواف وينك يازول رفيده نزلت ابتسمت وقالت لي كيفك جريتها حضنتها ما كنت متوقع تبكي بس بكت وبكينا كلنا كأنو روحنا رجعت تاني الحمد لله كلو بسبب دعوه نازك بشرتهم اني حخطب وفرحو لي ..
*☆☆گـلماتي بنـبن☆☆*
*#اشوفكم©™*
