*#ختام :الجزء الأول.*
*أهـل الـسـجـود الـطـويـل والـمُـنـاجـاة الـعـمـيـقـة لا يـعـرفـون الـخـسـارة.*
قال لينا كفايه ياه انا وحده ما قادر استحملها وضحك اي ضحك اتخيلو د الحاجه الحرقتني رفعت حاجبي واصل اممم ك اي شاب سوداني بلعب بيكم كلكم وانتي يا الاديتني كف انتي قايله نفسك منو اقسم بالله لو ما مكان عام كنت رجعتو ليك عاينت ليه من فوق لي تحت قلت ليه تتو تتو حرااام(مع مياصه وجره)مسكين قايل انك براك بتلعب على الاوتار ما العب الا انا يا مريه ههه والله بسطني انك اعترفت واتفكيت منك وبعدين علم نفسك تخت قيمتك ف المكان الصح يا بيب ومكانك معاي ماف ومشيت رغم حرقتي بس اتفشيت وريتو الطفا النور منو طلعت ودقيت على ليالي قلت ليها جاياك انا قالت لي اوك تعالى في المطعم ال... قبل اتحرك سمعتو بناديني التفت بعد قرب وقال بنان قلت ليه خيررر يا طير قال لي اقسم بالله والذي خلق الكون وما سواه تعتبي باب الركشه اكسرها فيك ضحكت ضحكه مسخره كدة والله ضحكت قدرتي وفجأه وقفت وقربت منو وحولت نظراتس لغضب وقلت ليه لو بتقدر تخسف الارض يا بعيد اخسفها واعلي ما في خيالك اركبو عاينت ليه من فوق لي تحت ومشيت ركبت الركشه وخليت ريحتو طير طير من الانفعال انبسطت شديد من نفسي لمن حصلت المطعم اديتو القروش ودخلت لصحبتي كانت قاعده مع ولد انا حرفيا بطني طمت قعدت بعيد واشرت ليها قالت لي الولد دقايق وجات قالت لي احلى حلاوة فيك يا دنيا قلت ليها مكنتي قالت لي احكي لي وشك مخطوف كده قلت ليها الحصل كلو وهي التقول فقدت السيطرة في الضحكه البت د بأعلى صوتها بتضحك وبتقول كيفتيني وااااااااااااااااااااااااااااي وتزيد الضحكه وانا بعاين مخلوعه وما عارفه اسكت البت د كيف وبعاين لي الحوليني بأحراج قالت لي ما قادره قلت ليها بتبالغي قالت لي اسفه اسفه اقسم بالله مته مته عديل اقسم بالله عافيه ليكككك والبرافو الشلتي غصب عني حلال عليك وهسي عزومه وجرت تطلب البت ما نصيحه خلعتني وم اتوقعت تفرح قدر د قضيت يومي معاها لمن جا الولد وسلم على وقعد بدون اعزمو استأذننت ومرقت
الأسابيع والشهور والسنين جرت ومي بدل ترجع لي ونبقا سوا تاني انفصلت مني ولا عارفه خبرها ولا شي في يوم خليل جا وقال لي عاوزك وكده قلت ليه نعم وبي اي صفة قال لي بس حق الخوه رجعت ليه علاقتي معاه سطحيه السلام عليكم وعليكم السلام وقبل أيام قال لي عاوز اخطبك وامك اكيد حتوافق قلت ليه اموت وما اعرس واحد زي زي البنات ولو شمست ريحته القاها عطر بنات قوم لف هسي انا اسندك ولا انت ومشيت منه اتخيلو بعد السنين د كلها مي تجيني تقول لي عرسيهو وعشان نبقا ضرات والعرض ما بجي تاني وبقت تقول لي ما تضيعي مني الفرصة فهمت من كلامها ان خليل عقد معاها صفقه وقال ليها لو خليتيها تكون مرتي الأوله بعرسك التانيه يعني هو لا عاوزني اتهنا ولا عاوزني ارتاح فصلتها مع مي سته صفر وحلفت يمين لو جات تاني اخلي ريحتها طير طير والعشره الهانت واتهانت ما ليها لزوم تكمل وصحبتي الكانت مبسوطة لي عرفت انها مبسوطة لمي انها أخيراً حتقدر تتمسك بيهو وتقول ليه اها هي خلتك وم وقفت معاك وانا الاتمسكت وهو الحقير تابع هواها واتمسك لمن اتمسكنت واتمكنت فيهو وخلاها تاني عشاني اتخيلو الوقح مره يحبها ومره لا الا مشيت وقلت ليه انا بقول احسن تمشي تعالج الانفصام وكنت جاده لمن مشا اتعالج وحباها بالجد وما عارفه الحاصل عليهم شنو تاني خلصت وانا مبسوطه من حالي وقوتي وحزمي للقصه نوف قالت لي بالجد قويه.
"غدًا سَتشرقُ شمسُ اليُسرِ مُعلنةً
غياب عُسرٍ لتُمطرَ سعدها المقلُ"🍁🧡
الصباح صبح بالخير واي زول فرحان اكتر من التاني لبسنا واخدنا المصروف ومرقنا كل حد على وجهتو البيت كلو مرق وصلت الجامعه وبقينا نتناقش في التخريج الحيحصل ليهو شنو قلت ليهم انا من زمان نفسي في تخريج جدع وبقينا نخطط ونتناقش بعد خلصنا مشينا الاستراحه سمعت صوت بقول ممكن اقعد عاينت ليه وقلت ليه اتفضل يا احمد قال لي شكرا وقعد ممكن نتمشي قلت ليه لا ما عاوزه قال لي طيب اكيد راحتك أهم هزيت راسي بي أي واشتغلت بالتلفون قال لي مم ااا بنان فاتحتي اهلك بالموضوع قلت ليه وانا ما باقيه عليك مسح وشو وقال لي يا بت الناس عندك زول في حياتك؟ قلت ليه لااا قال لي منتظره زول.؟عندك كراش؟ عندك حد واعدك؟ أهلك غاصبنك؟ بتحبي... قاطعتو بي بكرهكم وبكره كذبكم وحيلتكم بطلو تخدعو فينا لأنو والله كلنا كاتمه فينا وبطلو تطعنو كفاية احمد انت زي صحبي أيوب مالفرق بينكم وم مفكره لعرس انا عقد يدو ونزل راسو شويه ورفعو وختا يدو في فمو مسافة وقال لي خير استخرتي؟ قلت ليه لا قال لي ممكن تستخيري بديك اسبوع وردي لي وقام مشا جات وجنه قالت لي فشنو رفضتي؟ قلت ليها وجنه انا ما فاضيه ليك غوري قالت لي غلطانه غلطانه وغلطانه يا بنان مهما حصل د صحبك ما تعملي كده طيب استخرتي؟ اكيد لا اخخ يا بنان منك..
*َ°°°°°°°°°°°*
*بالسان رفيده:-*
كنت مبسوطة شديد برجوعي المدرسة عانيت عشان اقفل سيره ليه رجعتي تاني كنت خاته هدف في راسي اني لازم لازم اخلص بدري لقيت نواف الله يديه العافيه كلم الاساتذه اني ما حكتب مع الطلاب زايد حيجوني في البيت اساتذه المواد الأساسية كنت مبسوطة وانا راجعه للتعليم تاني واخيرا زحا اوهام انيي اميه كنت بتونس مع نوف بس ما كونت علاقات نوهاي فسحة الصلاة نزلنا شربنا مويه نوف قالت لي ربيع جاي يسلم على وتعالو شوفو الكشيم ضحكت وقلت ليها متين قالت لي اخر الدوام جاي معاهو نواف شهقت وقلت ليها اخوووي؟ قالت لي اي والله قلت ليها ويا قاااهره كلمتي نواف كيف قالت لي كمان فرح قال لي كبرتي في نظري حضنتها الجرس دق هي جرت وانا مشيت لفوق لمن انتهاء الدوام مرقنا برا جات عربيه ونزل القزاز وقال هي يا مزز جرينا عليهم كنت مبسوطة لي اختي شديد كأنو لي خلوهم يركبو ورا مع بعض وانا مع نواف قدام كان بعاين ليهم بي المرايه لمن شغلتو عشان ربيع ياخد راحتو في الكلام قلت ليه نواف قال لي رفيده صح أحكي لي يومك انبسطت قلت ليه الا تشتري لي لبان قال لي عيوني ليك يلا وريني بقيت احكي ليه وفرحتي بي رجوعي للمدرسه والكلام الالفو فيني واني حسمت الموضوع قال لي برافو حبيبتي وبقا يحكي لي هو كمان..
*َ°°°°°°°°°°°*
لمن مشيت المركز كان احساسي حلو دعيت انها تكون فاتحه خير مشيت اتصدقت ورجعت البيت صليت وانا بدعي لكل أولادي نفر نفر كنت مطمنه وفرحانه كمان قبلت على شغل البيت لاني لقيت نوف نظفت زي ما قلت ليها الحمد لله ربنا يديها العافيه طبخت اكل كتير وعملت كيك وجبنه تجيب المود الرايق الجرس دق استغربت لأن متوكل ما بجي هسي والبنات مرقن مع نواف مشيت فتحت كانت جارتي سلمت عليها وفضلتها جهزت الصينية حقت الجبنه مع المكسرات والشوكلت والقنقليز والعرديب بالشطه وختيتها جبت ليها مويه قالت لي ما شاء الله شايفه بناتك كبرو م شاء الله قلت ليها الله ما ضراك ياخ قالت لي والله بدون لف ودوران يا وئام انا عاوزه بنان لي ولدي وم شاء الله عليها ست بيت ومحترمه ونازله عليها السماحه وذوق وادب عرفتي تربى والله واالله عارفاك ما حترفضي لي طلب قلت ليها بعد استيعاب أن شاء الله خير بشوفها وارد ليك أن شاء الله فرحت وزغرتت التقول اديتها الموافقه وبعد د حكون محرجه لو بنان رفضت لأنها واضح انها عايزها بالجد.....
رفيده:
لم يكن هذا البعد أحدى رغباتي في حياة من أحب ، لطالما كان يلازمني خوف الابتعاد ، شاطرت الآخرين روحي ولم انتظر يوماً مقابل ! كنت اهرول نحو أي اتجاه يسيرون فيه خشية ان أواجه مخاوفي والمآسي التي تحملها هذه الروح ، لم افكر يوماً بإتجاهاتي ، لم ادرك انني ارتكب خطأً ابكي عليه العمر كله ، كنت افقد جزءً مني في كل مره اتقدم نحوهم ، عشت في حربٍ مع نفسي حتى اتمسك بهم ، كان كل ما أفعله من أجلهم ، أنا الذي عشت دوماً من أجلهم ولم أعش يوماً واحداً من أجلي ، كنت اهدئ هذه الروح ببضعة أوهام ارسمها لهم بصورة سعيدة كما كنت أريد.. يدي كانت ممتده وكتفي كان مستعداً ليساندهم ولكنهم نجحوا في تركي بلا أصابع ولا كتف .. يدي ممتدة ولكن لا استطيع فعل شيء لا استطيع التمسك باحد ولا حتى انقاذ نفسي من البؤس الذي سبّبه كل شخص تخليت عن نفسي لأجله ، والآن بعد هذه كله اشعر بفتورٍ بالروح ، والفراغ سرق مني كل الأيام التي كانت ممتلئة بلحظات سعيدة ، أصبحت لا أحس بشيء ، لا طاقة لدي في الشعور ولا المحاولة في تخفيف ثقل هذه الأيام ، ولا أحد يفهم ، ولا يشعر بحزن هذا القلب ، لم يلحظ أحد صوتي المتعب ، لا أحد.
*☆☆گـلماتي بنـبن☆☆*
*#اشوفكم في الجزء التاني©™*
