عشق طفله

البارت(9)عشق طفله الكاتب#احمد

#عشق_طفلة
بقلم #احمد
البارت_9
.
.
فهد: ركبنا .. واول كبسة عالبانزين .. خلى التواير تدخن
فهد: لك على كيفك
.
.
احمد: ههههههههه قلبي ما بيتحمل .. ازا ما اتهور
فهد: كلبك هم نكس .. مو راح تموتنا
محمد واحمد: هههههههههه
.
.
رحنا عالسوك .. تسوكنا ورجعنا
.
.
ليندا: علاقتنا مع منال تحسنت .. بعد حكي بابا .. صارت حبابة .. وتساعدنا هي ونوال .. اتفقو بكرة ينتقلون للبيت .. الي عطاه بابا الون .. وحاليا مسجل باسم عمتي
.
.
رضيت بالامر الواقع .. وقلت يمكن فيها خير مابعرفو
.
.
تاني يوم انتقلو للبيت .. بابا لاحظ اني مدايقة .. صحيح البيت .. مو الي لحالي .. بس بنفس الوقت .. كنت بتمنى نسكن فيه .. واخد راحتي .. بس الحمدلله على كلشي
.
.
راحو عالبيت .. وجابولهن غراض .. واكل وكلشي يحتاجوه
.
.
صعدت على غرفتي .. والدمعة بطرف عيني .. وصلت عالغرفة .. سكرت الباب .. ونزلو دموعي
.
.
تسطحت على بطني .. ودفنت راسي بالمخدة .. وابكي شوي واندق الباب
.
.
ليندا: بصوت مبحوح .. مين
عماد: اني
.
.
ليندا: مسحت دموعي .. وعدلت حالي .. وفتحت الباب
عماد: ليش زعلانة
.
.
ليندا: قال هيك .. ورجعت ابكي .. بابا كنت بدي اخد راحتي .. وبنيت كتير احلام .. بدي احققها ببيتنا الخاص
.
.
عماد: لا تزعلين ولا تهتمين .. وعيونج ابنيلج بيت .. يسوا ذاك وغيرو تعاي
.
.
ليندا: صرت بحضنو .. مسحت دموعي .. وبستو من خدو .. يسلمو بابا .. الله يخليك الي
.
.
عماد: ويخليج الي .. ما اريد اشوف دموعج
ليندا: ماشي
.
.
راحت ايام واجت ايام .. واجى راس السنة .. محمد وفهد .. جابو اللعاب نارية .. واتفقو بالليل يشعلوهن .. تحظرنا لنحتفل بهالمناسبة
.
.
فهد: اجى راس السنة .. قررنا انا ومحمد واحمد .. نسوي اجواء مختلفة .. جبنا اللعاب نارية .. واعلام صغيرة مكتوب عليها 2013 .. حطيناهن كدام البيت وبالحديقة
.
.
باخر يوم بال 2012 يعني .. الحفلة راح تصير بالليل .. رحت للسوك اجيب شموع .. وشفت صاروخ .. احمر جبير للاحتفالات
.
.
سألت صاحب المحل .. كال هذا من تشعلو .. يطير 25 متر .. وينفجر بالجو .. اخذتو واخذت شموع ورجعت
.
.
حظرنا كلشي لليل .. بدا الليل خلصنا عشى .. والكل بدل وحظر لل11:30 كلشي جاهز
.
.
ليندا: حظرنا كلشي .. ورا العشى بلشنا .. انا ونور وهديل كلنا بشغل البيت خلصنا .. وصعدنا حضرنا حالنا .. ونور حطتلي انا وهديل مكياج .. وهديل حطت لنور .. ونزلنا لقينا عمتي فادية .. وبناتها موجودين
.
.
فهد: نزلت ليندا كالعادة مميزة .. بين الكل وكل ما اشوفها بمناسبة حلوة .. ادعي لربي تكون من نصيبي
.
.
دائما بيني وبين نفسي .. اكوول اصارحها والي يصير خلي يصير .. ومن اشوفها يضيع الحجي من لساني .. وعقلي ما يشتغل ولا اكدر اتصرف .. او احجي
.
.
مو خوف وانما صعبة .. الاعتراف بالمشاعر مو سهل .. بقينا كاعدين صارت الساعة 11:55 دقيقة .. طلعنا خارج
.
.
الصاروخ ما شوفتو لاحد .. طفينا اضوية البيت .. وشغلنا الشموع صار المكان شبه اضلم .. حضرت الصاروخ .. وبقى دقيقة لراس السنة
.
.
كلتلهم عندي مفاجئة .. بعدها نشعل الالعاب النارية .. الكل وافق ووكف يترقب .. بقى عشر ثواني وبدينا نعد
.
.
10.9.8.7.6.5.4.3.2.1
.
.
وصلنا ال 5 وشغلت الصاروخ .. ووصلنا 3 طار .. وصلنا الواحد .. ورا ثانية انفجر بالجو .. الكل تعجب عليه .. ومحد متوقع هالشي
.
.
الصاروخ انفجر .. وقطعو انفجرت مرة ثانية .. صار احتفال كلش حلو  .. اخذنا شعال وشغلناه .. ووجهنا لفوك وبدا يطير
.
.
بيه 10 طلقات .. ليندا واكفة عند محمد .. اطلق 9 وزتو
فهد: محمد انتبه .. بقت طلقة
.
.
وكعت وطارت الطلقة .. وصرخت ليندا
.
.
ليندا: انفجر الصاروخ تبع فهد .. حسيت حالي عم احتفل بمكان عام .. مو بالبيت .. اخدو شعلات ووقفت عند محمد
.
.
انا بطلق وحدة ومحمد وحدة .. طارو 9 وزتو محمد .. من جهتي .. صاح فهد انو بقت وحدة .. التفتت على  الشعلة وطارت على وجهي .. وانحرق وجهي
.
.
بحس روحي طلعت .. وصراخي وصل بكل مكان .. من الوجع .. وجع مو طبيعي
.
.
فهد: ركضنا على ليندا .. محمد ماسكها .. ويريد يشوف شبيها .. وهي ماسكة وجها وتصرخ
.
.
عماد: خلينا بس نشوف شصار بيج يا بوية
ليندا: وجهييييييييي .. بابا مشان الله لحقني .. ماعاد اتحمل
.
.
جدي: اخذوها للمستشفى .. بسرعة
محمد: كلو مني .. انا السبب
فهد: جيبوها للسيارة .. بسرعة
.
.
ركبنا واجت هي وامها وعمي .. وانطلقنا للمستشفى .. وهي كل الطريق تصرخ .. وماسكة وجهها
.
.
كبست بانزين .. وانطلقت باقصى سرعة .. وصلنا المستشفى ودخلناها
.
.
الدكتورة: شصار وياها
عماد: انفجرت شعلة .. من الاطلاقات النارية بوجهها
الدكتورة: دخلوها للغرفة .. بسرعة
.
.
دخلت الدكتورة عليها .. شوية وطلعت
عماد: ها دكتورة
الدكتور: متأذية كلش .. ووجها متشوه
عماد: لا دكتورة دخيلج
.
.
الدكتورة: اسفة مابيدي شي .. دائما نحذر من الالعاب النارية .. بس محد يدرك الخطر .. الا يوكع بيه
.
.
فهد: سمعنا هيج انهارينا .. عمتي ندى كعدت على الكرسي وتبجي .. اني انتجيت عالحايط .. وحطيت ايدي على وجهي
.
.
رجعت دخلت الدكتورة عليها .. انطوها مخدر وضمدوها .. وخلصو وطلعو
.
.
الدكتورة: بس تكعد .. تكدرون تاخذوها
فهد: دكتورة .. ماكو حل شي
الدكتورة: لا .. الله يعينكم .. ويعينها
.
.
فهد: مشكورة .. راحت الدكتورة .. وشوية وسمعنا ونينها بالغرفة .. فتنا مضمدين وجهها
.
.
اخذناها وطلعنا للبيت .. بداية 2013 مصيبة .. لعد نهايتها شلون .. انكلب البيت من فرح لحزن
.
.
محمد حاط اللوم بنفسو .. واني حاط اللوم بنفسي .. لان اني خططت للحفلة .. وعمي وزوجتو حاطين اللوم بنفوسهم .. لان ما انتبهولها
.
.
دخلوها لغرفتها .. وكل واحد راح لغرفتو .. دخلت لغرفتي اريد انام ماكدر .. تذكرت عندي صديق بالجامعة .. جان يدرس طب اخذت الموبايل
واتصلت عليه
.
.
فهد: الو
اكرم: هلا .. منو وياي ؟
فهد: فهد خليل .. زميلك بالجامعة
.
.
اكرم: كل الهلا .. هلا بالضلع .. شلونك اخبارك ؟
فهد: الحمدلله .. خلصت لو بعدك ؟
اكرم: اي خلصت .. وهسا دا اداوم بمستشفى .. تحت ايد دكتور فيصل .. علمود تصير عندي خبرة اكثر
.
.
فهد: رايدك بشغلة .. اذا تكدر
اكرم: عيوني الك .. اطلب وتدلل
.
.
فهد: عندي بنت عمي .. انفجر الشعال بوجهها بالاحتفال .. ووجهها تشوه .. واريدك اذا تعرف دكتور .. عندو خبرة بعمليات التجميل .. تشوفلياه
.
.
اكرم: خطية .. الله يشفيها .. اعرف دكتور من بغداد .. عندو خبرة .. ويمدحون منو .. هواي ناس .. جيب بنت عمك باجر .. واني اخذ اجازة ونروحلو .. واني عندي معرفة وياه .. اشوفو الكم وتدللون
.
.
فهد: ممنونك حبيبي .. ما انسالك هالمعروف
اكرم: ولو .. انت ضلعي
فهد: كفو منك والله
.
.
سكرت وادعي الله نلكالها حل .. للساعة 6 واني كاعد .. غفيت ساعة ونص وفزيت
.
.
كعدت الكل كاعد .. ومحتارين بشغلة ليندا .. نزلت تحت .. لكيت عمي كاعد .. وضايج
.
.
فهد: عمي .. تحظر انت وعمتي ندى .. وجهزو ليندا
عماد: شكو
.
.
فهد: صديقي دكتور .. راح ياخذنا لدكتور يعرفو ببغداد .. اختصاص عمليات تجميل .. يشوف وضعها
.
.
عماد: اي .. ندى بسرعة .. روحي جهزيها وريكيها .. خلي نروح
فهد: نور .. بسرعة حطيلنا ريوك
نور: يلا ثواني
.
.
فهد: صعدت بدلت وحظرت نفسي .. نزلت لكيتها كاعدة .. وما تاكل كعدت كبالها
.
.
فهد: للوش .. اكلي وتوكلي على الله
ليندا: مو مشتهية
فهد: اكلي الدكتور كال .. خليها تتريك زين .. قبل ما تجي
ليندا: مابدي
.
.
فهد: يعني شلون .. نكول للدكتور والله مو مشتهية .. مو مال عيني واغاتي
.
.
كعدت على يمينها .. اخذت الخبز اوكلها لكمة .. واكل لكمة .. وكلتها الا شبعت
.
.
كمنا ركبنا بالسيارة .. اتصلت باكرم .. اخذت العنوان وتوجهنا عليه .. لكيناه ينتظرنا
.
.
فهد: شلونك اكرم
اكرم: هلا بالضلع .. انت شلونك
فهد: الحمدلله
.
.
اكرم: وين البنت
فهد: ذيج .. الي بالسيارة
عماد: ابني .. اكو امل
.
.
اكرم: عمي .. ما اكدر انطيك امل عالفاضي .. ناخذها لبغداد يفحصونها .. وينطونك الحجي الاكيد
.
.
عماد: يلا لعد
فهد: عمي .. انت سوق
عماد: لا انت سوق .. اني مالي خلك
.
.
فهد: على راحتك .. ركبت واكرم ركب من كدام .. وعمي ركب من ورا .. عند للوش .. ادحكلها بالمراية .. ما يبين بس عيونها وحلكها .. ومبين الانكسار بعيونها
.
.
مو سهلة يتشوه وجه الواحد .. وهو صارلو اسبوع من دخل ال 16 سنة .. اي واحد مايكدر يتحملها .. كل الجمال ذاك والحسن راح
.
.
معقولة اني صبتها بالعين .. لا اني ما اصيب بالعين .. واني ادعي تكون الي .. مو يصير بيها هيج .. يارب سهلها .. انت القادر  على كلشي
.
.
وصلنا بغداد .. الساعة 12 رحنا للدكتور .. نزلنا عندو .. دخلنا شفنا هواي مراجعين .. راح اكرم حجى ويا السكرتير .. دخل السكرتير شوية وطلع .. حجى ويا اكرم واجانا
.
.
فهد: ها اكرم .. شصار وياك
اكرم: بس يخلص المراجع العندو .. ندخل احنا
فهد: يارب
.
.
اكرم: بس خلي يكون بعلمكم .. راح يفتح الضماد .. الي ما يتحمل لا يدخل
ندى: انا رح ابقى هون
.
.
فهد: عمي انت هم ابقى .. احسن
عماد: مثل ما تريد ابني .. ادخلو انتو .. ودير بالك عليها
فهد: لا تهتم بعيوني
.
.
طلع المراجع .. واخذت ليندا من ايدها .. مسكت ايدها واعصرها .. واكوللها لا تخافين .. محلولة إن شاء الله .. كل ما تتحرك ايدها .. احس رعشة تصير بجسمي
.
.
ايمتى امسك ايدها .. ونكون متزوجين .. هاي اني شدا احجي .. صدك فاشل
.
.
ليندا: رحنا على بغداد .. نفسيتي صفر .. انكسرت كتير بسبب الي صار .. معقولة قبل ما تبدا فرحتي تنتهي .. بعمر 16 ويتشوه وجهي .. ياربي تتلطف فيني
.
.
والله صعبة ازا ضليت هيك .. حتى الي بيشوفني .. يخاف مني .. بعد ما الكل .. يتمنى يصير متلي
.
.
رحنا على بغداد .. دخلنا عند الدكتور .. وصديق فهد .. دبرلنا دخول فوري .. ابي وامي مابيتحملو يشوفوني هيك .. اكيد رح يتقطع قلبون عليي
.
.
مسك ايدي فهد ويحكي معي .. رجعلي الامل من جديد .. يحكي ويعصر بايدي .. حسيتو ابي مو ابن عمي .. على قد مو مهتم بالي صار
.
.
فهد: دخلنا عالدكتور .. سلم عليه اكرم .. وكالو هاي البنت .. الي حجيتلك عنها
الدكتور: تعاي بنيتي .. اكعدي هنا
.
.
ليندا: قعدت على كرسي قدامو
.
.
الدكتور: راح يوجعج فك الضماد .. بس مو كلش جاهزة
ليندا: جاهزة .. واقف جنبي فهد وماسك ايدي
.
.
الدكتور: شتكونلها
فهد: ابن عمها .. واقرب الناس الها
.
.
فك الضماد الدكتور .. وكل شوية تتوجع وتعصر ايدي .. شفت وجهها صاير خريطة .. الله يعينها شلون تحملت
.
.
فحصها الدكتور وخلص .. وضمدها مرة ثانية .. وكال اطلعي .. بين ما احجي ويا ابن عمج
.
.
ليندا: لما حكى هيك .. فقدت الامل .. اكيد رح يقولو .. مافي امل منها .. ورح ابقى هيك .. طلعت ورحت .. عند بابا وماما مخنوقة وبدي ابكي
.
.
عماد: ها بنيتي .. شصار
ليندا: فهد رح يحكيلكون
فهد: شكو دكتور
.
.
الدكتور: اكو خيارين .. اما تسوولها عمليات هنا .. او بالخارج
فهد: عمليات ؟
.
.
الدكتور: اي عمليات .. وجهها متأذي حيل .. وبالخارج اكو اجهزة وتطورات .. اكثر من العراق .. وتعرف انت كل ما زاد التطور .. زاد الامل .. ويبقى الشفاء .. بايد رب العالمين
.
.
فهد: لعد راح اخذها .. بس على اي دولة تنصحنا
الدكتور: الهند .. اكو دكتور هناك .. احسن دكتور عالميا .. يحتاجلها اقل شي 10 عمليات .. ويتحسن وجهها
.
.
واكدر اوصيلك الدكتور .. اني وياه درسنا بنفس القسم .. بس هو رجع للهند .. والتطور هناك والاجهزة .. مو موجودة بالعراق
.
.
فهد: ماشي دكتور .. اكون ممنونك .. اذا كملت
الدكتور: هسا ادز وياك رسالة .. توصلها للدكتور شخصيا
.
.
فهد: ماشي .. كتب الدكتور رسالة باللغة الانكليزية .. لان الانكليزي .. اسهل للدكتور الهندي من العربي .. اخذت الرسالة .. وطلعنا اني واكرم
.
.
عماد: ها .. شصار وياكم
فهد: تحظرو .. ورانا روحة للهند
عماد: ليش للهند
.
.
فهد: طلعنا للسيارة .. نمشي ونحجي .. الدكتور وصانا نروح للهند .. اكو دكتور هناك يعرفو .. وهو يهتم بشغلة للوش
عماد: يعني زين
.
.
اكرم: عمي لا تخاف .. احسن دكتور عالميا
عماد: اي نروح ليش لا .. بس لازم اجهز جواز لليندا ولامها
فهد: ماشي .. رحنا للمطعم .. تغدينا ورجعنا
.
.
ليندا: بدا فهد يحكي مع بابا قلت .. الحمدلله ما قال الدكتور مافيها امل .. هو يحكي وانا بدعي لربي .. ارجع متل ما كنت
.
.
تغدينا بالمطعم ورجعنا
.
.
فهد: دخلنا عالبيت .. الكل يسأل ويستفسر .. حجينالهم الصار .. وليندا راحت لغرفتها ترتاح
.
.
جدي: منو يروح وياها
فهد: اني وعمتي ندى
عماد: واني
.
.
فهد: عمي .. انت مسؤول عن العشيرة .. والسفر يتعبك .. اني اروح وياهن .. ومانرجع الا وليندا .. مثل قبل إن شاء الله
.
.
عماد: لا مايصير .. لازم اجي
جدي: اني اشوف كلام فهد صحيح .. انت الشيخ .. اذا رحت انت وفهد .. العشيرة تضل بدون شيخ .. والسفر يتعبك .. ابقى هنا وفهد يكدر .. يدبر نفسو
.
.
عماد: امري لله .. ندى انطيني صور .. ل للوش والج .. وهوياتكن وهويتي وشهادة الجنسية مالتي .. وانت فهد انطيني جوازك
ندى: ماشي
.
.
عماد: تحظرو .. بعد باجر تمشون .. هسا اتصل بصديقي .. باجر جواز ندى وليندا يكمل .. ويحجزلكم ويكمل شغلتكم
فهد: ماشي عمي
.
.
اخذ الصور والجواز .. وراح الدنيا جانت عصر .. صعدت نمت .. كعدت المغرب .. مو شبعان نوم
.
.
اذا ارجع انام .. بالليل ما اكدر انام .. كعدت ونزلت .. وعمي موجود .. ودا يحظرون العشى
.
.
فهد: ها عمي .. شصار وياك
عماد: انطيتو الصور وجوازك .. كال باجر يكملهن ويجيبهن
فهد: ماشي
.
.
عماد: اللغة شلون راح تدبروها
فهد: دا افكرلها هاي .. بس سهلة تدبر
عماد: يرادلكم مترجم
.
.
فهد: اي والله .. بس ابسط مثال .. اترجم عالكوكل لو اضطريت
عماد: اي خوش فكرة .. واخذ دفتر وياك .. خاف تحتاج احد .. يكتبلك عنوان شي هناك
.
.
فهد: صار
.
.
حطولنا العشى .. تعشينا واخذت محمد .. ورحت للسوك .. خطية ضايج .. لان يكول هو السبب
.
.
فهد: لا تضوج .. ترجع مثل قبل .. إن شاء الله
محمد: كان لازم انتبه
فهد: قدرها ومكتوبلها .. والحمدلله على كلشي
محمد: الحمدلله
.
.
فهد: رحت للسوك اخذت ملابس .. لان هدومي كلها دشاديش
.
.
اخذت بنطلونات وقمصان وتيشيرتات .. اخذت جنطة وحطيتهن .. واخذت ملابس لمحمد وطلعنا
.
.
رحت اخذت .. دفتر مذكرات وقلم .. شفت القلم احتمال احتاج اكثر .. واخذت 10 اقلام احتياط .. وطلعنا قبل ما نركب .. انتبهت اكو محل اجهزة قريب
.
.
فهد: هسا اجيك محمد
محمد: لوين رايح
فهد: هسا اجي
.
.
دخلت اخذت ايباد للترجمة .. واخذت تيلفون لليندا ورجعت
محمد: وين رحت
فهد: جبت جهاز لليندا احتياط .. وايباد للترجمة
.
.
محمد: منيح .. فكرة حلوة
فهد: ما نسينا شي مو
محمد: لا .. وازا تزكرنا شي .. بكرة نجي ناخدو
.
.
فهد: تمام .. ركبنا ورجعنا للبيت .. حطيت الجنطة بالغرفة ونزلت
عماد: ها فهد ..جهزت نفسك
.
.
فهد: جاهز من هسا .. بس نسيت شغلة
عماد: شنو
فهد: هناك ماراح يشتغل الخط .. وماراح يكون اكو نت
عماد: ادخل هسا عالكوكل .. وترجم الجمل التحتاجهن .. لحد ما تاخذلك خط .. وتشترك هناك
.
.
فهد: خوش فكرة .. بدينا كل واحد يكول جملة .. واترجم واصور .. صارن الصور شكثرهن .. اخير شي كتبت جملة
.
.
""مرحبا انا من العراق واريد شراء بطاقة كالتي بيدي لكي اتمكن من التواصل واستخدام الانترنت وانا لا اعرف اللغة الهندية""
.
.
ترجمتها وصورتها .. نزلت برنامج picsart رتبت الصور .. وكصيت الصور لحد الجملة .. وكل جملة اسويها بلون هي وترجمتها .. ورتبتهن حسب الاحرف وحفضتهن
.
.
صارت شغلتهن اسهل .. والجملة الاخيرة تركتها لحالها .. كملتهن وصعدت نمت
.
.
ليندا: رجعنا عالبيت .. صعدت فوق وتركتون يحكو تحت .. ضليت للمغرب بفكر .. اجت نور جايبتلي العشى
.
.
تعشيت وما نزلت .. تسطحت ولما نعست نمت فورا .. فقت تاني يوم .. ونزلت لقيتون عم يفطرو .. قعدت معون .. وقلت خليني كون قوية احسن
.
.
فهد: كعدت ثاني يوم .. نزلت نور وهديل يجهزن الريوك .. كعدو العيلة .. حطو الريوك وكعدو يتريكون
.
.
نزلت ليندا .. ارتاحيت انها متمسكة بالامل .. كعدت تتريك ويانا .. بس هم احسها ضايجة
.
.
عماد: فهد .. خلص ريوك انت ومحمد .. واخذ عمتك وليندا للسوك .. يشترن ملابس وغراض يحتاجنهن
.
.
فهد: ماشي عمي .. بس خلي ياخذون خفايف .. واذا يريدن شي .. ناخذ من الهند
ندى: ماشي .. رح ناخد اواعي بس
.
.
فهد: ماشي .. تريكنا وخلصنا .. ورحنا للسوك محمد راح وياهن .. واني انتضرت بالسيارة .. طلعت الموبايل .. ودخلت للفيس اكلب بيه
.
.
طلعت التيلفون الي محضرو لليندا .. حطيتو عالشحن بالسيارة .. ورجعت اكلب بالفيس .. رجعو بال 12 .. شفت تيلفون ليندا مقبط شحن .. صعدو ومديت التيلفون لليندا .. هاج
.
.
ليندا: شو هاد
فهد: تيلفون .. خليه عندج احتياط
ليندا: ماشي
.
.
فهد: رحنا للمطعم .. تغدينا ورجعنا للبيت .. ليندا وامها فاتن للبيت .. واني ومحمد طلعنا للمضيف
.
.
عماد: ها كملتو
فهد: اي .. دخل صديق عمي
فارس: السلام عليكم
.
.
عماد: هلا فارس .. حياك الله .. مؤيد .. صبلنا كهوة
مؤيد: حاضر شيخنا
فارس: شيخنا .. هاي الجوازات وشهادات الجنسية .. وباجر الصبح اول طيارة للهند
.
.
عماد: بارك الله بيك .. اخذ فهد
.
.
فهد: اخذتهن من عمي .. انطى لصديقو فلوس علمود تعبو .. اخذت الجوازات ورحت للبيت
.
.
مستمسكات عمي انطيتهن لعمتي ندى .. اخذت مستمسكاتي اني وليندا وعمتي وحطيتهن بالجنطة .. نزلت تحت لكيت عمي راجع
.
.
عماد: فهد .. تحركو هسا
فهد: ليش عمي
عماد: لازم تروحون لبغداد .. ومن بغداد تطلعون للهند
.
.
فهد: ماشي عمي .. انطي خبر لعمتي وللوش يتحظرن
عماد: هسا انطيهن خبر
فهد: رجعت للغرفة .. طلعت بنطلون حبري وقميص احمر .. لبستهن وطلعت
.
.
ليندا: رجعنا من السوق .. اخدت الاواعي تبعي وامي اخدت اواعيها .. رحت على غرفتي .. حطيتون بجنطة وتسطحت ارتاح
.
.
ورا شي ساعة .. اجت امي قالت .. لازم نتحرك بعد شوي .. حظري حالك .. قمت بدي طلع اواعي
.
.
فكرت ليش اللبس اواعي حلوة او جديدة .. ازا وجهي راح .. سواء لبست اواعي حلوة ولا لا .. محدا رح يشوفني حلوة .. لانو مو باين شي بوجهي
.
.
استغفر الله .. اللهم لا اسألك رد القضاء ولكن اسألك اللطف فيني
.
.
طلعت فستان محجبات .. لون احمر وعليه خطوط سودة .. ولبست الجبة ونزلت .. لقيت ماما وفهد جاهزين
فهد: جاهزة
ليندا: جاهزة
.
.
فهد: يلا .. ودعنا اهلنا .. واجيت اصعد بالسيارة
عماد: فهد .. اخذ هاي الجنطة
فهد: شنو هاي الجنطة
.
.
عماد: هاي 500 مليون .. وليندا وامها بأمانتك
فهد: لا توصي حريص .. بعيوني اخليهن
عماد: الله وياك .. وترجعون بالسلامة
.
.
فهد: الله يسلمك .. ركبت وحطيت الجنطة بالسيارة .. عندي بجيبي 5 ملايين كلت اصرف منهن .. والجنطة اخليها مقفولة .. لا احد يشوفها ويطمع بيها .. وتصيرلنا سالفة
.
.
مشيت لبغداد .. ببداية الليل وصلت بغداد .. رحنا على فندق .. حجزت غرفتين .. وحدة الي والثانية ل للوش وامها .. علمود ياخذن راحتهن
.
.
وصلتهن لغرفتهن .. والجنط خليتهن بالسيارة .. وجنطة الفلوس .. حطيتها عند عمتي .. ونزلت عالمطعم .. اخذت عشى بيتزا ومشاوي ودولمة .. واخذت عصاير ورجعت عالفندق
.
.
تعشينا بغرفتهن واني وياهن .. لان متعودين ناكل مع بعض عادي .. اكلنا وشربنا العصاير
فهد: تريدن شي بعد
.
.
ندى: لا يسلمو اديك
ليندا: لا يسلمو
فهد: يلا تصبحون على خير نامن علمود نكعد من وقت
ندى: ماشي .. وانت من اهلو .. غرفتك قريبة مو
.
.
فهد: اي .. هاي الي عاليمين .. اذا احتاجيتن شي بس دكن الباب .. اخذت العلاليك .. وذبيتهن ورجعت لغرفتي .. الجو بارد ثلج .. دخلت لغرفتي واندك الباب .. فتحتو
ندى: نسينا الاواعي .. بدنا نبدل
.
.
فهد: اي والله .. اني اكول شناسي .. تنزلين وياي لو اجيب الجنط
ندى: لا بنزل معك .. مو مستاهلة تصعدون وبكرة تنزلون .. بس مشان تبديلة
.
.
فهد: ماشي .. نزلنا تحت .. اخذت ملابس نوم .. وملابس للسفر لباجر .. عمتي .. احسبي حساب الطلعة باجر
ندى: ماشي .. خلصت
.
.
فهد: قفلت السيارة وصعدنا .. دخلت لغرفتي .. وبدلت ونمت
.
.
ليندا: رحنا على بغداد .. بشوف فهد عم يتعب معي .. بدون ما يقول شي .. الله يقدرني وجازيه على كلشي .. عم يعملو معي .. والله الي عم يسويه .. ما بينوصف
.
.
وصلنا بغداد وحجزنا بفندق .. تعشينا وراحت ماما .. جابتلي اواعي بدلت وتسطحت
.
.
اجى على بالي بابا ومحمد واحمد وحلا .. كيف رح يصبرو بدونا .. حلا كيف رح تصبر لحالها
.
.
صحيح عمتي ام فهد والبنات مابيقصرو .. بس مافي متل الام .. محمد كيف رح يصبر .. بعرفو مابيحب يفارقني
.
.
يلا إن شاء الله مابنتأخر .. خليني نام .. احسن ما اتأخر بالسهرة .. وبفيق قبل ما اشبع نوم
.
.
فهد: كعدت الصبح .. بدلت ولبست ملابس السفر .. بنطلون جوزي وقميص جوزي .. اخذت الملابس الزايدة .. وقفلت غرفتي
.
.
خلص ما راح ارجعلها .. نزلت تحت .. حطيت الملابس بالسيارة .. رحت جبت صمون وكيمر وكاهي ورجعت .. صعدت دكيت الباب
.
.
ندى: مين
فهد: اني عمتي .. جبت ريوك
ندى: تفضل .. دقيت عليك الباب محدا رد .. فكرتك نايم
.
.
فهد: دخلت .. لكيتهن مبدلات ومكملات .. لا والله .. كعدت ونزلت اجيب ريوك .. تفضلن باقي ساعتين للطيارة .. خلي نلحك
.
.
ندى: السيارة وين رح تخليها
فهد: لا تاكلين هم .. اتصلت بصديقي .. راح ينتظرنا بالمطار .. ويخلي السيارة عندو
.
.
ندى: ماشي
ليندا: خايفة ما نستفاد شي
فهد: توكلي بالله .. والله ما يترك عبدو .. إن شاء الله ترجعين ليندا الحلوة .. الي كل الناس يتعجبون من حسنها
.
.
ليندا: آمين .. الله يسمع منك .. كنت لابسة بنطلون رصاصي .. وقميص ابيض
فهد: ما اعترضت على ملابس ليندا .. تركتها براحتها
.
.
اكلنا وخلصنا .. نزلنا تحت انطيت المفاتيح للموضف .. وانطيتو اكرامية وطلعنا .. عمتي حطت الملابس الزايدة بالجنط
.
.
واخذت ملابس من جنطتي .. وحطتهن بجنطهن .. وحطت الجنطة مالت الفلوس بجنطتي .. مع ملابسي وركبت وانطلقنا عالمطار
.
.
وصلنا لكيت صديقي ينتظرني .. هو من سكان بغداد .. ورجال ابن حلال .. انطيتو السيارة واخذت الجنط
.
.
رحنا
دخلنا عالمطار .. رحت عالموضف انطيتو الجوازات .. جيكهن ووجهنا للبوابة .. فحصو الجنط بالاشعة .. شافو الفلوس .. ومن طلعت الجنطة من لجهة الاخرة .. خلوني افتحها
.
.
فتحتها وطلعت جنطة الفلوس .. وفتحتها تخبلو .. عبالهم بايكها
.
.
الشرطي: منين جايب هاي الفلوس ؟
فهد: عندي بنت محتاجة لعملية تجميل .. واريد اسفرها للهند .. اسويلها العملية وارجعها
الشرطي: وين البنت ؟
.
.
فهد: ذيج الواكفة هناك
الشرطي: تقربي بنيتي .. اعذرنا خوية .. بس لازم نتأكد
فهد: تأكد عمي تأكد ..تعاي ليندا .. والعصبية صعدت عندي .. بس لو مو شرطي .. الا ابتلي بيه
.
.
ليندا: شكو ؟
الشرطي: تقربي بنيتي بس اشوف وجهج
فهد: ارتفع ضغطي .. هسا هذا شحجي وياه .. اذا امنعو اتورط .. واذا اخلي انفجر من الغضب .. تمالكت اعصابي
.
.
رفع طارف اللفاف من عند عيونها .. وتأكد منها
الشرطي: الله يشفيج بنتي .. اسف خوية مجرد إجراءات ..
فهد: ولا يهمك
.
.......يتبع