عشق طفله

البارت(8)عشق طفله الكاتب#احمد

#عشق_طفلة
بقلم #احمد
البارت_8
.
.
فهد: براحتج
.
.
صعدت عالدرج وتتمايل .. وصلت اخر الدرج .. مسكت راسها ورفعتو فوك .. صرخت عليها لينداااااا .. ووكعت من الدرج
.
.
وكعت عالكاع .. خشمها وحلكها يجري دم .. الكل انخبص بيها .. رفعتها وشلتها وركضت عالسيارة
.
.
ادحكلها وهي فاقدة .. مثل العصفورة بين اديني .. وجها البريئ وعيونها الذبلانات من المرض
.
.
حطيتها بالسيارة .. اجت نور ركض شايلة جبة
.
.
نور: فهد انتظر اللبسها الجبة
فهد: بسرعةةة
عماد: يلا بوية استعجلي
فهد: اركب عمي
.
.
لبستها نور عالسريع .. كبست بانزين وعالمستشفى .. وصلنا ونزلت شلتها بين اديني .. ودخلتها جابو سدية .. وحطيتها عليها واخذوها
.
.
دا ننتظر .. وكل شوية يتصلون علينا نكوللهم .. لسه ما طلع الدكتور .. شوية وطبو .. امها واخوانها وابوي
شوية وطلع الدكتور
.
.
عماد: ها دكتور .. شبيها ؟
الدكتور: متأذية من الوكعة
عماد: صحت لو بعد ؟
الدكتور: لا بعد .. من تصحى نفحصها .. ونحدد حالتها
.
.
عماد: ايمتى تصحى ؟
الدكتور: إن شاء الله ساعة .. او ساعتين بالكثير تصحى
عماد: نكدر نشوفها ؟
.
.
الدكتور: الافضل خلوها ترتاح .. فد نص ساعة
عماد: ماشي .. مشكور دكتور
الدكتور: واجبي .. والله يشافيها
.
.
فهد: طالعة روحي .. كل دقيقة احسها سنة .. اصعب شي الانتظار .. وفوكها المنتظرو متأذي
.
.
انتظرنا نص ساعة .. ودخلنا عليها نايمة وتهذي .. بس كلامها مو مفهوم
.
.
اجى محمد كعد عد راسها .. وامها من الصفحة الثانية
.
.
محمد: للوش حبيبتي .. اصحي بعرفك قوية
.
.
فهد: شفتهم كلهم .. شلون مهتمين بيها .. واني واكف .. ماكدر اسوي شي .. وهم موجودين .. طلعت من الغرفة
.
.
نزلت تحت .. شفت محل حلويات .. تذكرتها تحب الحلويات .. اشتريتلها شوية حلويات ورجعت
دخلت للغرفة بعدها نايمة
.
.
خليل: وين جنت ؟
فهد: نزلت تحت .. شفت محل حلويات تذكرتها تحب الحلويات .. جبتلها وياي وجيت
ليندا: بصوت تعبان .. محمد
.
.
محمد: للوش
ليندا: محمد
محمد: انا جنبك .. هون انا
ليندا: موجوعة
محمد: ريتو الوجع الي .. ياروح اخوكي
.
.
ليندا: شو صار ؟
محمد: ارتاحي .. بس تصيري بخير نحكي
ليندا: ماشي
.
.
فهد: اني راح اجيب الدكتور .. يفحصها
عماد: ماشي ابني
.
.
فهد: طلعت جبت الدكتور وجيت .. دخلنا فحصها الدكتور كال مابيها شي .. خلوها ترتاح شوي .. وتكدرون تطلعوها
.
.
عماد: مشكور دكتور
فهد: طلع الدكتور .. الحمدلله عالسلامة يا حلوة
ليندا: مين انت ؟
فهد: شنوو ؟
.
.
ليندا: ومين هاد الزلمة .. الي جنبك ؟
فهد: شبيج ليندا .. اني فهد وهذا ابوي
ليندا: محمد مين هاد ؟
.
.
محمد: (باستغراب).. هاد الممرض .. عم يمزح معك .. وغمز لفهد
فهد: بضحكة اسف .. بس احب اتشاقة
ليندا: ليش الكل يحكي عراقي ؟
.
.
عماد: ارتاحي هسا بابا .. اني هسا ارجع .. حضرة الممرض ممكن كلمة
فهد: اي اكيد استاذ .. طلعنا خارج .. شنو القصة عمي
عماد: خلينا نستفسر من الدكتور
فهد: يلا
.
.
رحنا حجينا مع الدكتور .. كال صاير عدها فقدان ذاكرة .. بسبب الوكعة .. والضربة الي براسها . بس مؤقتة .. والدليل تتذكر اهلها
.
.
عماد: دكتور اني جنت بسوريا .. ووكعت قذيفة على بيتي .. والزاوية مال التلفزيون .. وكعت على راسها .. وسببتلها ارتجاج خفيف بالدماغ
.
.
الدكتور: لعد هذا السبب .. اهتمو بيها .. وحاولو تذكروها بمواقف قديمة .. اخذوها لاماكن تحبهن .. وإن شاء الله .. راح ترجع تتذكر .. ومنا اسبوعين .. اذا ما تذكرت لا قدر الله .. جيبوها
.
.
عماد: ماشي دكتور .. احنا نسترخص
الدكتور: الله وياكم
عماد : فهد .. اهتم باوراق الخروج .. واني رايح اجيبها
فهد: ماشي عمي
.
.
طلعناها من المستشفى .. واخذناها للبيت
.
.
ليندا: صحيت بالمشفى .. تعجبت الدكتور عم يحكي عراقي .. قلت يمكن عراقي واجى عالقامشلي
.
.
شوي والممرض قلي .. كيفك يا حلوة واهلي ساكتين .. وكمان يحكي عراقي .. وانا مابعرفو .. ما حكولي شي .. وفهموني شو صاير
.
.
طلعنا من المشفى .. هاد مو القامشلي .. ليكون عم احلم .. قرصت حالي ومافي فايدة .. قلت نوصل للبيت وبفتهم كلشي .. وصلنا مو بيتنا هاد
.
.
ليندا: بابا
عماد: ها بوية
ليندا: هاد بيت مين .. ليش نزلنا هون .. وهاد الممرض مع محمد واحمد .. شو عم يصير هون
.
.
عماد: بوية ادخلي هسا .. واني افهمج .. يلا بوية لا تتعبيني
.
.
ليندا: استسلمت لكلام بابا .. دخلنا شفت بنات ونسوان تلاتة .. ورجال كبير بالعمر شفتون وشفت البيت .. كأني بعرفو
.
.
اشرلون ابي بايدو وصعدني على غرفتي .. فتنا وتسطحت
.
.
عماد: بوية .. افهميني شراح احجيلج
ليندا: شو بابا
عماد: ذول عمامج الي تحت .. احنا عايشين عدهم من زمان .. بس وكعتي اليوم من الدرج .. ونسيتي لان تأذيتي .. شوية شوية راح تتذكرينهم .. بس لا تتصرفين تصرف مو زين .. فهمانة بوية
.
.
ليندا: ماشي بابا .. متل مابدك
.
.
طلع بابا بشوف الغرفة .. شكلها مو غريبة علي .. اجاني متل الحلم .. اني متسطحة وخيال متل الشب .. الي قالو عنو ممرض .. واقف بالغرفة .. وجعني راسي .. تجاهلت كلشي ونمت
.
.
فهد: جبناها للبيت .. صعدها عمي ومحمد حجالهم القصة .. شوية ونزل عمي .. وحطولنا عشى .. ورا العشى طلعت للمضيف .. واني ضايج على حالتها
.
.
طلعت من المضيف .. رجعت للبيت صعدت فوك .. قبل ما ادخل للغرفة .. صاحتني منال
.
.
منال: فهد .. ممكن نحجي
فهد: اي تفضلي
منال: فهد .. اني طلبت البيت من خالي .. لان ما اكدر اعيش هنا
.
.
فهد: رفعت حاجبي .. ليش ماتكدرين تعيشين هنا
منال: خواتك وليندا يكرهني .. واليوم نور طردتني من المطبخ .. كدام البنات
.
.
فهد: نور طردتج ؟
منال: اي والله
فهد: زين روحي كوليلها .. فهد يريدج بغرفتو
منال: ماشي
.
.
فهد: دخلت لغرفتي .. شوية ودخلت نور
.
.
نور: طلبتني ؟
فهد: قفلي الباب
نور: ليش اقفلو ؟
فهد: قفلي الباب .. بدون حجي زايدددد
.
.
نور: وهذا قفلتو شكو ؟
فهد: شلون تطردين منال كدام البنات من المطبخ .. وهي ضيفة عدنا
.
.
نور: تعرفني اغلط بحق احد بدون سبب ؟
فهد: لو اعرف تغلطين .. ما سألتج
.
.
نور: بعد ما شافن بيت عمي هي وامها .. اجت تمدح بالبيت .. ليندا كالتلها .. كولي لعمتي خلي تكول لابوي .. وتعالو اسكنو ويانا .. تكوللها ما نريد مانيتج
.
.
ومن نوال حاجتها حجت عليها كدامنا .. ومن اجت .. تحاول تغث ليندا .. وطلبت البيت من عمي عناد بليندا
.
.
فهد: سمعت حركة عند الباب .. غمزت لنور وشاورتها .. كلتلها راح اسوي نفسي .. احجي عليج وانتي .. اطلعي زعلانة
نور: ماشي
.
.
فهد: مهماااا كان .. البيت مو بيتج فاهمة .. واذا سمعت طاردة احد .. من مكان بالبيت راسج اكسرو ..طلعت زندي وضربتو بايدي .. على اساس ضربتها راشدي
.
.
نور واكفة ورافعة حاجبها .. وتباوعلي وتضحك
.
.
فهد: بصوت ناصي .. طلعي لا اضربج بوكس .. افرج بمكانج
نور: طالعة .. بسيطة يا فهد .. الا اكول لامي عليك
فهد: كوليلها
.
.
هزت ايدها وطلعت .. واني نمت
.
.
ليندا: فقت تاني يوم .. نزلت وايدي توجعني .. وميتة من الجوع .. نزلت دخلت عالمطبخ .. نور وهديل بيعملو فطور
.
.
ليندا: صباح الخير
نور: هلا للوش .. ليش نزلتي
ليندا: مابدي اقعد بالغرفة .. شو اسمك انتي
.
.
نور: اني نور وهاي هديل .. راح تتذكرينا إن شاء الله
ليندا: تقدري تحكيلي شو صار معي
.
.
نور: البارحة جنتي مصخنة .. وراسج يوجعج .. والمغرب صعدتي على غرفتج .. ووصلتي لاخر الدرج .. ودختي ووكعتي وفقدتي الذاكرة .. بسبب الوكعة
.
.
طيب احكيلي .. شي صار معنا .. بلكي اقدر اتزكر
.
.
نور: مرة رحنا للاهوار ...
.
.
ليندا: حكتلي عن موقف كاسات المي .. الي بدنا نعملو .. بفهد واخواتي وانقلب علينا .. حسيت بوجع براسي .. مسكت راسي وقعدت بالارض
.
.
نور: للوشششش
ليندا: مافي شي .. مجرد وجع راس
نور: تعاي كعدي هنا .. وارتاحي
.
.
ليندا: قعدت عالكرسي .. وكملو الفطور ونزلو العيلة .. قعدت بين محمد واحمد وفطرت .. والي بيسألني شي .. محمد بيجاوب عني
.
.
فهد: نزلت شفتها كاعدة بالمطبخ .. صار عندي امل انها تذكرت .. سألت نور كالت .. ما تتذكر شي .. تركتها ورحت للحمام اغسل
.
.
حطولنا الريوك تريكت وخلصت .. وطلعنا كلنا الزلم للمضيف .. مر اسبوع على وضع ليندا .. وهي ما تتذكر شي
.
.
ليندا: رجعت تعرفت عالكل من جديد .. منال تعاملني احسن من الكل .. وتاخدني عالغرفة .. وتقلي نور وهديل بيكرهوكي .. ويضحكو عليكي .. وهنن وقعوكي من الدرج .. وكل يوم تحكيلي شي عنون
.
.
باليوم السابع .. نزلت المغرب .. لقيت بابا موجود
.
.
ليندا: بابا
عماد: هلا بوية .. تعاي كعدي
ليندا: بدي احكيلك شي بغرفتي
عماد: احجي هنا بابا .. ماكو احد غريب
.
.
ليندا: مابقدر احكي هون
عماد: ماشي بابا .. خلي نشوف شنو قصتج
.
.
ليندا قام بابا .. ورحنا عالغرفة فوق .. قفلت الباب
.
.
عماد: احجيلي بوية
ليندا: بابا .. نور وهديل وقعوني
عماد: شنو وكعوج بابا .. انتي لحالج وكعتي
ليندا: منال عم تقول هنن وقعوني .. وعم يضحكو عليي وبيكرهوني
.
.
عماد: هي هيج كالت
ليندا: اي بابا
عماد: نزلي صيحي نور وتعالي .. انتي وياها
.
.
ليندا: ماشي .. نزلت لقيت نور بالمطبخ .. نور بابا بدوياكي
نور: اجيت حبيبتي .. هديل .. ديري بالج عالعشى
.
.
ليندا: صعدنا انا ونور .. دخلنا عالغرفة
.
.
عماد: سكري الباب للوش
ليندا: ماشي بابا .. سكرتو
نور: طلبتني عمي ؟
.
.
عماد: احجيلي شكو بينكن .. انتن ومنال ؟
نور: ماكو شي
عماد: لعد ليش تكول انتن وكعتن ليندا .. وتكرهنها وتضحكن عليها
.
.
نور: (فتحت عيونها على وسعهن) .. احنا ؟
عماد: هيج حاجية ل للوش
نور: ......
.
.
ليندا: حكتلو الي صار بالمطبخ .. ولما طردتها .. ولما فهد عمل حالو عاقبها
.
.
نور: طلعت من غرفة فهد .. لكيتها تضحك بوجهي .. وتكلي مرة ثانية لا تتحديني
عماد: خوش
.
.
فهد: كاعدين اجت ليندا .. واخذت ابوها شوية .. واجت اخذت نور .. صار عندي فضول اعرف شصاير
.
.
شوي ونزل عمي معصب .. وعيونو شرار .. وصاح بعلو صوتو مناللللللل
منال: بخوف .. نعم خالو
.
.
عماد: ضربها راشدي وكعها بالكاع .. منو معلمج على هاي السوالف ولجججج
فادية: شبيك خوية .. ليش دا تضربها
عماد: اسألي جبيرتج .. شدا تحجي باذن بنتي
.
.
فادية: شحاجية منال
منال: ما حجيت شي ماما .. (حظنتها وتبجي)
عماد: تجذبيني ولجججج .. ليندااااااا
.
.
ليندا: نعم بابا
عماد: احجي شحاجيتلج منال
ليندا: حكيت كلشي
عماد: نور احجي شصار وياكم
.
.
نور: حكت كلشي
عماد: وبعد كل هذا .. تطلعيني جذاببببب
.
.
فهد: اسمع حجي نور وليندا .. ومتعجب معقولة بنت بهالعمر هذا .. يطلع منها كل هالمكر
.
.
عمتي فادية رفعت ايدها .. وضربتها راشدي .. قبل ما تطخها .. انمسكت ايدها
.
.
عماد: لا تضربينها
فادية: خوية .. خليني اربيها
عماد: اني شحجيت .. وخري لصفحة
.
.
فادية: مثل ما تريد
عماد: تعاي هنا منال
.
.
تقربت منو منال
.
.
عماد: شوفي بنيتي .. اني ما ضربتج لان اكرهج .. بالعكس الله شاهد .. احبج مثل ليندا وحلا .. بس الي دا تسويه غلط .. وما يجوز .. نور وليندا وهديل .. خواتج مو عدواتج
.
.
اذا انتي تكسرين بيهن .. وتخربين بينهن .. لعد منو الي يحميهن
.
.
هاي العادة مو حلوة .. اكسبي البنات لصالحج .. وخليهن يكونن عون الج .. احسن ما بيوم من الايام تحتاجينهن .. وما تلكين احد يساعدج
.
.
ليندا من اجت هنا كسبت نور وهديل .. وانا متأكد هسا لو ترتكب جريمة .. ونور وهديل يعرفن بيها .. ما راح يكولن لاحد .. وينطن بيها .. لان يعتبرنها اختهن
.
.
وابسط مثال من تصوبت .. الاكل يصلها لغرفتها .. انتي اذا خسرتيهن .. صدكيني انتي الخسرانة .. مو هن .. لان انتي راح تكونين وحدج .. سأليني اني عن الخسران
.
.
من خسرت اهلي .. جنت عايش بس ضايع .. اخوي ياسين .. الي من لحمي ودمي .. ما جان يجيني
.
.
من جانو محمد واحمد صغار .. لو تمرضت محد يساعدني .. لهذا كسبيهن .. ماشي بنيتي
.
.
منال: ماشي .. اخر مرة
عماد: عفية بنيتي .. هيج اريدج
.
.
ليندا: كان يحكي معها بابا .. ولما قال تصوبت تعجبت .. انا ايمتى تصوبت .. وليش ما حكولي عن هالشي .. راسي صار يوجعني
.
.
خلص بابا حكي .. ورحت دخلت عالمطبخ .. والوجع صار مو طبيعي .. اخر شي مر كل شريط حياتي قدامي .. وكأنو فيلم وعم ينعرض من جديد .. مسكت راسي وصرخت
.
.
فهد: خلص عمي .. كعدنا بالصالة ننتظر العشى .. وعمتي فادية تعتذر من عمي .. ما حسينا الا صرخت ليندا .. وراها صراخ نور
.
.
نور: لينداااااا
فهد: فز كلبي .. طفرت من الكرسي مثل الصاروخ .. شبيها
نور ماعرف لحالها .. صرخت ووكعت
.
.
فهد: جيبيلي ماي
نور: اي ثواني
.
.
فهد: حطيت راسها بحضني .. وامسح على كصتها .. والكل واكف حوالينا
.
.
نور: هذا الماي
فهد: اخذت الماي من نور .. بللت ايدي ومسحت وجها .. فتحت عيونها
.
.
ليندا: شقدك حلو انت
فهد: رفعت حاجبي .. تغازليني
ليندا: لا بغازل جدي ههههههه
.
.
جدي: رجعت تذكرت
.
.
ليندا: شو تذكرت
جدي: يعني رجعتلج الذاكرة
ليندا: دخيلو الحلو .. الي بيفهمني عالطاير
.
.
جدي: هههههههه يابعد جدج
ليندا: بعيد الشر
فهد: اكلج كومي .. انتي مو مال مساعدة
.
.
ليندا: ليش
فهد: تغازلين جدي ومو معبرتني .. واني انشغل بالي عليج .. واغسل بجهرتج
ليندا: اي وربي .. نسيت يلا قمت
.
.
فهد: ههههههه بلا احساس
.
.
ليندا: الكل تحمدلي بالسلامة .. راحو للصالون التفتت لنور
انتي شو اسمك .. وطلعت لساني😜
.
.
نور: هههههههههه الحمدلله على سلامتج يا خبلة
ليندا: الله يسلمك
فهد: فرحت حيل .. من رجعت تتذكر .. ورجعت لخبالها المعتاد .. صارلها اسبوع ما تحجي .. وتحسها معقدة
.
.
حطولنا العشى تعشيت .. وخلصت وطلعت .. ركبت السيارة .. ورحت للسوك فتت على محل .. مختص بكيك المناسبات
.
.
اخذت منو 3 قوالب كيك .. على شكل قلوب .. حطيتهن بالسيارة .. دخلت على محل حلويات .. عبيت علاكة من الكبار
.
.
ترستها كرزات ونساتل .. ما خليت شي ما جبتو .. والعيلة جبيرة الله يزيدهم
.
.
حطيت العلاكة بالسيارة .. جان يوم 23/12/2012 تذكرت اليوم عيد ميلاد ليندا .. بس مو متأكد
.
.
سحبت التيلفون واتصلت على جدتي .. كلتلها اريد نور .. حجيت وياها كلتلها .. اريد اسوي حفلة بسيطة .. بمناسبة شفاء ليندا .. بس يمكن اليوم عيد ميلادها .. كالتلي اي اليوم .. كلتلها لعد سمعي شراح اكلج
.
.
تصعدين ليندا لغرفتها .. وتحبسينها باي طريقة انتي وهديل .. وكولو للعيلة فهد مسويلها مفاجأة .. بس لا تخلونها تعرف .. واتركي الباقي عليه
.
.
نور: ماشي
.
.
نزلت من السيارة .. واخذت القوالب الكيك ورجعت عالمحل .. رجعتهن واخذت واحد ضخم صاير 3 طبقات .. ومكتوب من فوك .. عيد ميلاد سعيد
.
.
ساعدوني العمال وحطيتو بالسيارة .. ورحت اخذت شموع ونفاخ .. ونشرات وحطيتهن بالسيارة .. ورجعت للبيت .. لكيت الكل منتضرني .. نزلت النشرات والنفاخ
.
.
فهد: شصار وياج
نور: هديل حابستها
عماد: شنو القصة
.
.
فهد: عمي .. جبت كيكة بمناسبة شفاء ليندا .. وتذكرت انو اليوم عيد ميلادها .. فكلت اسويها حفلتين بيوم واحد .. شفائها وعيد ميلادها .. لهذا جبت نشرات وتحظيرات للحفلة
.
.
عماد: سوو الي يعجبكم .. اني بالمضيف
جدي: جاي وياك عماد
خليل: واني هم
.
.
فهد: لعد خلي نشتغل براحتنا .. منو يشارك
الكل: اني
.
.
فهد: نور .. هاج النفاخ انتي وامي .. منال ونوال حظرن النشرات .. احمد ومحمد تعالو نزلو الكيكة وياي
.
.
نزلنا الكيكة حطيناها بالصالون .. وحطيت الشموع عند عمتي ندى وجدتي
.
.
فهد: حجية ناسين شي
الحجية: اي ما جبت عصاير
فهد: لا يا الله
.
.
يلا مو مشكلة .. هسا فد ربع ساعة .. ويكونن هنا .. تركت العلاكة مالت الحلويات .. ورحت جبت عصاير .. وصحون بلاستك .. مال سفري ورجعت
.
.
دخلت عالبيت محضرين كلشي ومخلصين .. نزلت العصير وعلاكة الحلويات
.
.
جدتي: شنو هاي بعد
فهد: تعالو كلكم .. كل واحد ياخذ صحنين .. ويحط بيهن من كل انواع الحلويات .. نور تعاي
نور: ها
.
.
فهد: تروحين تقنعين ليندا باي طريقة .. ورتبيها وتعاي
نور: ماشي
.
.
ليندا: خلصنا عشى .. وكنا بالمطبخ .. وجدتي صاحت نور .. رجعت وجها اصفر .. و وشوشت هديل .. واخدوني عالغرفة
.
.
بدي افهم شي ماعم افهم .. حطتني هديل بالغرفة .. وقالت ازا طلعتي بيقتلوني .. وما بتخليني اطلع .. بعد فترة اجت نور
.
.
نور: هديل .. نزلي جوا
ليندا: فهميني شوفي .. او بعدي عني .. بدي انزل
.
.
نور: لج لا تستعجلين .. هسا نازلين بس قبل ما ننزل .. بدلي ملابسج
.
.
ليندا: نور .. رح تجننوني
نور: هيج وصوني
ليندا: مين الي وصاكي
نور: كملي .. وتعرفين
.
.
ليندا: مابدي .. بعدي بدي اطلع
نور: وربي ما تنزلين هيج
ليندا: امري الك يارب
.
.
بدلت ورجعت اخدتني على غرفتها .. حطتلي مكياج لانو انا مابستعملو .. ماما وبابا بيقولو .. عمري صغير على المكياج
.
.
سشورتلي شعري .. وما خلتني غطي شعري
.
.
فهد: كملنا كلشي .. ظل بس تنزل ليندا .. الساعة صارت 11 رحت للمضيف .. لكيت عمي وابوي وجدي لحالهم .. لحيت عليهم وجبتهم للبيت
.
.
حطينا الكيكة بوسط الصالة .. طفينا اضوية الطابق التحت .. شوية ونزلت
.
.
ليندا: خلصت تجهيزات .. ليكون اليوم عرسي وانا ناسية
نور: لو عرسج جان .. لبستج ابيض .. تعاي بربج .. شوفي نفسج بالمراية .. شلون طالعة
.
.
ليندا: شفت حالي بالمراية .. عنجد واو .. تعرفي لو تشتغلي بصالون بينجح بسرعة
نور: عجبج
ليندا: وربي مكياجك بيجنن
.
.
نور: لا تنسين .. هالوجه الحلو ساعدني .. يلا ننزل
ليندا: يلا
.
.
طلعنا الاضوية طافية .. مسكت نور ايدي ومبينة الفرحة بعيونها .. ونزلنا وكلما نزلنا .. بيعتم المكان اكتر
.
.
وصلنا تحت واشتغلت نشرات الاضوية والشموع والكل بيغني .. سنة حلو يا ليندا
.
.
فتحت عيوني .. وبدي استوعب الموقف الصار .. فرحت كتير .. اول مرة بحتفل بعيد ميلادي .. نطيت على نور وحظنتها .. وهي تضحك
.
.
وصلنا عند الكيكة .. والكل بيقلي كل سنة وانتي سالمة .. وعقبال الالف حطوني قدام الكعكة .. وهنن على يميني ويساري
.
.
فهد: نزلت ليندا .. شغلنا النشرات بس وجها وملابسها مو واضحة بالضلام .. حطيناها بالوسط
.
.
ليندا: بدي طفي الشموع .. صاح فهد
فهد: تمني امنية .. وطفي الشموع
.
.
ليندا: غمضت عيوني وتمنيت امنية .. وطفيت الشموع
.
.
فهد: شفتها غمضت وطولت .. كلت الضاهر عدها اكثر من امنية .. طفت الشموع .. وشغلو الاضوية .. وانصدمت
.
.
شفتها لابسة فستان بنفسجي غامق ..  ومن كدام بي نقشة فاتحة .. وربع ردان .. الايد طالعة من الردن مثل الثلج
.
.
الشعر سناسل ذهب نازلة على كتفها .. الضحكة عالشفايف تجنن الصاحي .. والعيون قصة ثانية .. ادحكلها واريد اشبع منها
.
.
احتفلنا والكل فرحان على فرحتها .. انتبهت نظرات عمي مو طبيعية تجاهي .. سويت نفسي مو منتبه .. وتجاهلت الموضوع
.
.
صورنا كلنا علمود الذكرى .. احتفلنا وخلصنا الاحتفال .. وصعدنا نمنا
.
.
ليندا: وقفت عند الكعكة .. وطفيت الشموع .. وشغلو النور
.
.
انتبهت فهد عيونو مافارقتني .. تجاهلتو مشان اعرف احتفل .. قصيت الكعكة وحطيت بصحنين .. وعطيت جدي وجدتي
.
.
البقية كل واحد .. حاطين الو صحن وسكين وشوكة .. يقطع لحالو وياكل .. احتفلنا وصورنا .. بحس حالي ملكة زماني .. فرحانة كتير .. والدنيا ما وسعتني من فرحتي
.
.
خلصنا الحفلة ونضفنا المكان .. وجلي الجليات اجلناه لتاني يوم .. لان الكل تعبان .. وتأخر الوقت
.
.
صعدت بدلت الفستان .. ومسحت المكياج واتسطحت .. وانا عم فكر بالحفلة .. وعيون فهد الي بتراقبني .. وكيف فرحان وعيونو بتلمع .. وانا عم فكر غفيت
.
.
فهد: كعدت ثاني يوم .. الكل نايم .. وماكو احد كلت .. فرصة اروح .. اهرول شوية بالخارج
.
.
لبست تراكسود اسود .. ووسط لا خفيف ولا ثخين .. طلعت خارج الهوا خفيف .. وبي برد منعش .. طلعت اهرول .. وكل ما احس ابرد .. اركض ويحمى جسمي .. واخفف سرعتي
.
.
كضيتلي نص ساعة .. جسمي صار مي من العرك .. رجعت للبيت لكيت .. ليندا ونور كاعدات
.
.
ليندا: فقت الصبح .. نزلت لقيت نور عم تجهز الفطور
.
.
ليندا: صباحو
نور: صباحو يا حلوة
ليندا: كيفك
نور: الحمدلله
.
.
ليندا: استلمت الجليات .. ونور تحظر الفطور
.
.
فهد: الله يساعدهم
نور وليندا: هلا
ليندا: ليش هيك مبلل
.
.
فهد: جنت اهرول بالخارج .. اروح اسبح وارجع .. نور حطيلي ملابس بالحمام .. صعدت نور .. اي للوش .. عجبتج المفاجأة البارحة
.
.
ليندا: بتجنن .. الله يخليك .. ونفرح بعرسك
فهد: اي تفرحين .. لا تخافين اذا الله راد
ليندا: الله يسمع منك
نور: جهزتلك ملابسك
.
.
فهد: مشكورة .. صعدت سبحت .. ولبس ملابسي وطلعت .. نزلت لكيتهم دا يتريكون .. كعدت وياهم ويسولفون عالحفلة
.
.
عماد: فهد .. من تخلص ريوك تعال
فهد: صار عمي
عماد: اني رايح للمضيف .. لا تنسى
فهد: لا عمي .. دقايق واكون عندك
.
.
طلع عمي .. وانشغل بالي شيريد مني .. معقولة عالحفلة .. خلصت ريوك عالسريع .. ورحت للمضيف
.
.
فهد: تفضل عمي
.
.
عماد: شوف فهد .. اني اعرف الي دا تسويه .. علمود تتقرب من ليندا .. لو واحد غيرك .. مسوي هيج ما اقبل .. بس بالنسبة الك تختلف
.
.
اني اعرفك واعرف اخلاقك .. وواثق بيك .. بس كلتلك .. مو اني الي اجبر بنتي عالزواج .. اذا رادتك الخير واهلو .. واذا ما رادتك لا تحاول تأذيها .. لان اني اول واحد ضدك
.
.
ولا تجبرها على شي .. سايسها وشوفها .. شلون تمشي وياك .. مثل ما تريد
.
.
شغلة الملابس شفت انت .. بدون ما اجبرها غيرت ملابسها .. وطبعها هيج بالعناد .. بس ربك يكدرلها .. وبالمسايس مثل الساعة تمشي وياك
.
.
وحاول تكسبها .. علمود تكون من نصيبك .. واني ارتاح من نحايتها قبل ما اموت .. واني ما راح امنعك .. لان ابن عمها .. واحسن من الغريب عليها
.
.
فهد: عمرك طويل عمي .. واوعدك اكونلها سند .. ان رادتني او لا
.
.
عمي: كلنا على هالطريق .. واعرفك كفو .. لهذا مأمن بيك على بنتي .. هسا روح .. تلكي عمتك ندى مجهزة قائمة مسواك .. اخذ احمد ومحمد وجيبوه
.
.
فهد: صار عمي
.
.
طلعت من المضيف .. فرحان فرح مو طبيعي .. دخلت اخذت .. محمد واحمد والقائمة وطلعنا
.
.
فهد: اليوم احمد يسوك
احمد: لعيونك
فهد: بس بدون تهور
احمد: ماشي .. لخاطرك
.
.
فهد: ركبنا .. واول كبسة عالبانزين .. خلى التواير تدخن
فهد: ولك على كيفك
.
.
احمد: ههههههههه قلبي ما بيتحمل .. ازا ما اتهور
فهد: كلبك هم نكس .. مو راح تموتنا
محمد واحمد: هههههههههه
.
.
رحنا عالسوك .. تسوكنا ورجعنا
.
.......يتبع