عشق طفله

البارات(10)عشق_طفله الكاتب#احمد

#عشق_طفلة
بقلم #احمد
البرات_10
.
.
الشرطي: الله يشفيج بنتي .. اسف خوية مجرد إجراءات ..
فهد: ولا يهمك
الشرطي: شتكونلك هاي البنت
.
.
فهد: بنت عمي
الشرطي: وين اهلها
فهد: امها ذيج ويانا .. وابوها رجال جبير وشيخ عشيرة .. مايكدر يجي
الشرطي: انطيني رقمو
.
.
فهد: انطيتو رقم عمي .. اتصل عليه .. تأكد من المعلومات الي حجيتها والفلوس .. اعتذر منا مرة ثانية .. رحنا باقي 15 دقيقة للرحلة
.
.
صعدنا بالطيارة  .. وجلسنا بالمقاعد الخاصة بينا .. وحطيت ليندا من عند الشباك .. واني على يسارها وامها على يساري .. شوي وانطلقت الطيارة
.
.
القبطان: يرجى من الاخوة الراكبين .. ربط احزمة الامان .. لحين اقلاع الطائرة
.
.
فهد: ربطنا احزمة الامان .. وبدت ترتفع الطيارة .. ليندا مسكت ايدي .. ومغمضة عيونها
.
.
ليندا: ركبنا بالطيارة .. وانطلقت وبدت ترتفع .. من الخوف مسكت ايد فهد .. وغمضت وادعي لحتى استقرت بالجو
فهد: خلص استقرت
.
.
ليندا: منيح .. لان كان رح يوقف قلبي
فهد: تدرين انتي شيطانة
ليندا: ليش
.
.
فهد: لان حجيتي عراقي كدام الشرطي .. وما بلشتينا
ليندا: بعجبك انا
فهد: اي والله .. عجبتيني بذيج اللحضة
.
.
اندارت ليندا عالشباك .. وتجر حسرات واني كلبي يتكطع عليها .. وافكر شلون نكضيها .. اذا اكثر من 10 عمليات .. الشغلة مطولة
.
.
إن شاء الله ما نتأخر .. وترجع ليندا مثل قبل .. والله مشتاك لوجهها وابتسامتها .. مشتاك لضحكتها وحجيها بالبيت .. فكرت الا تعبت ونعست
.
.
نمت ماعرف شكد .. كعدتني عمتي .. كالت راح تهبط الطائرة .. انداريت على ليندا .. لكيتها هم نايمة .. كعدتها وربطنا احزمة الامان .. وهبطت الطيارة
.
.
هم مسكت ايدي ليندا ومغمضمة .. نزلنا الاجواء مختلفة .. هنا ماكو برد مثل العراق .. نزلنا بمدينة دلهي .. وطلعنا من المطار
.
.
شفت التكاسي .. مثل الي يطلعن بالتلفزيون .. كلها تكتك .. دورت بالتيلفون .. اريد جملة توصلني للسوك ماكو .. تورطت فكرت هسا شكولو هذا
.
.
ندى: ليش وقفت
فهد: عمتي .. هسا اذا وكفت تكسي شكولو .. ماترجمت جملة توصلني للسوك
.
.
ندى: وشو .. نضل واقفين
فهد: طلعت التيلفون .. وادور بالصور .. شفت الجملة الي ترجمتها بالاخير
.
.
مرحبا انا من العراق واريد شراء بطاقة كالتي بيدي لكي اتمكن من التواصل واستخدام الانترنت وانا لا اعرف اللغة الهندية
.
.
طلعت الخط العراقي من التيلفون .. ورجعت شغلت التيلفون .. طلعت الصورة
.
.
اشرت لتكسي وكف انطيتو التيلفون .. قراها وشاف الخط .. واشرلي هيج بايدو👍 .. ركبنا معاه ورحنا للسوك
.
.
وكفنا كدام محل اجهزة .. نزلنا عمتي وليندا وكفن خارج .. دخلنا وخطية ابو التكسي يساعدني .. وصاحب المحل طلع تيلفونو ويترجملي .. شيحتاج مستمسكات علمود الخط
.
.
اخذ الهوية وجواز السفر .. استنسخهن بالمحل .. انطاني خط وفعلو وكملو .. اشتركلي بالنت حطيتو بالتيلفون .. جربت النت شغال
.
.
طلعتلو فلوس دحك .. الي وياي كلو عراقي .. اشرلي بايدو يعني شنو هذا .. فتحت الكوكل ترجمتلو نقود عراقية .. اذا يوجد هنا من يستبدل النقود العراقية بالنقود الهندية خذني اليه
.
.
قراها وسولف ويا ابو التكسي .. طلع ابو التكسي فلوس انطاهن لصاحب المحل .. طلعنا اخذني لمصرف صغير .. دخلنا ابو التكسي .. سولف مع الموظف
.
.
انطيتو 500 الف اخذهن وانطاني هندي بدالهن .. ترجمت لصاحب التكسي .. كم تطلبني من النقود .. قراها وماعرف شكال .. فتحت ايدي اخذ منهن
.
.
رجعت ترجمتلو خذني الى فندق .. اخذنا على فندق .. هو تكفل بكلشي .. حجزنا بالفندق .. والجوازات يبقن يمو .. من نريد نطلع .. ناخذ الجوازات ونطلع
.
.
اخذت رقم ابو التكسي .. وصعدنا بالغرف .. مو مرتبة مثل العراق .. او الدول الثانية .. بس مجبورين
.
.
طلعت التيلفون .. وادور عن اماكن مترجمين بالهند .. طلعلي مكان بدلهي .. كلت باجر اطلعلو .. لان الدنيا صارت مغرب .. ومتنا من التعب
.
.
نزلت تحت .. المطعم ماعرف شراح الكي بيه اكلات .. رحت اخذت .. قشطة واجبان وجاي سفري ورجعت .. للفندق على غرفة ليندا وعمتي
.
.
دكيت الباب وفتحتو عمتي
.
.
فهد: اليوم دبرو حالكم بهاي .. لان المطعم مانعرف شيحط مايحط بالاكل
ندى: عادي .. كلو نعمة
ليندا: لا رد
.
.
فهد: باجر نروح للدكتور .. ونشوف شيقرر  .. بس اول شي .. اطلع اجيب مترجم .. لان الشغلة دوخة
ندى: خير ما بتعمل .. الشغلة صعبة كتير هون
.
.
تعشينا وتركتهن .. رحت لغرفتي نمت .. ثاني يوم طلعت الصبح .. جبتلهن ريوك وطلعت .. ما اكلت .. حاولت وياي عمتي ورفضت
.
.
دزيت رسالة مترجمة لابو التكسي .. علمود يجي رجع دزلي رسالة .. قريتها كاتبلي .. 10دقائق  واكون امام الفندق
.
.
اجى وشوفتو الصور مالت الموقع .. اخذني عليه .. مكتب يتعامل مع مترجمين .. وصاحب المحل يحجي عربي .. بس فصحة ابو التكسي كالو .. هذا عراقي دحكلي ابو المحل
.
.
ابو المحل: اهلا وسهلا بك في الهند
فهد: شكرا
.
.
تعاملت وياه اخير شي .. طلع المترجم يريد 500 الف بالشهر .. كلتلو اشوف وضعي .. اذا ما اتأخر اضحي بكم مليون لحد ما نرجع
.
.
طلعنا من المكتب رجعنا للفندق .. اخذنا عمتي وليندا ورحنا للدكتور .. فتنا عندو مراجعين رحنا عالسكرتير .. حجى وياه السايق .. كال لازم بالدور
.
.
ترجمتلو عندي رسالة .. ولازم اوصلها من العراق .. دخلني اسلمو الرسالة .. وهو يقرر .. رجع ترجملي
.
.
انتظر الى ان يكون فاضي .. رحنا كعدنا وانتظرنا .. طلع المراجع اشرلي السكرتير ..كمت وحدي دخلت .. وحجيت وياه انكليزي
.
.
فهد: مرحبا
الدكتور: اهلا وسهلا
فهد: لدي رسالة .. من صديق لك في جامعة بغداد
الدكتور: باستغراب .. من
.
.
فهد: طلعت الرسالة وانطيتها للدكتور .. قراها وهو يبتسم دحكلي
الدكتور: اين قريبتك المريضة .. ادخلها
.
.
فهد: اني قوي بالانكليزي .. وادبر نفسي .. بس الهندي ماعرف ولا طكة
.
.
طلعت اشرت لليندا .. اجت هي وعمتي ودخلن عالدكتور .. وانا صرت المترجم .. ابو التكسي ينتظرنا خارج
.
.
الدكتور: كيف تدبرت امورك عندما جئت
فهد: حكيت راسي .. تعبت جدا .. ولكن معي مترجمي الخاص .. وهزيتلو التيلفون .. دخلت ليندا
.
.
الدكتور: هههههه تعالي اجلسي هنا .. انا سوف اساعدك
فهد: تعاي ليندا .. اكعدي هنا .. وكيف ستساعدني
.
.
الدكتور: لدي صديق .. يعرف الانكليزية والهندية .. وسوف يكون مترجم معك .. ليساعدك .. ولكن يجب ان تتكلم معه باللغة الانكليزية
.
.
فهد: لا مشكلة .. بدا يفك الضماد .. وليندا تتوجع .. واني من عندي كلبي ينعصر .. من تتوجع .. شاف وجها وفحصها
الدكتور: تحتاج ال 14 عملية
.
.
فهد: بتعجب .. ماذااااااا
الدكتور: كل عملية لها دور .. وبالتدريج سوف يرجع وجهها كما كان .. إن شاء الله
فهد: وكم نحتاج من الوقت
.
.
الدكتور: 13 شهر .. غدا اول عملية .. وكل شهر عملية اخرى
فهد: اتفقت وياه اجيبها للمستشفى بدلهي .. انطاني عنوانها بالدفتر الي وياي .. واتصل على صديقو المترجم وطلعنا
.
.
ليندا: لما شفت فهد مستغرب .. ويحكي مع الدكتور خفت .. خلص فهد ضمدلي وجهي وطلعنا
ليندا: شو قال
.
.
فهد: راح ترجعين مثل قبل .. خلال 13 شهر
ليندا: وليش 13 شهر
فهد: لان تحتاجين 14 عملية .. والاولى باجر
ليندا: يارب
.
.
فهد: وكفنا ننتظر صديقو عند الباب .. شوي واجى
المترجم: مرحبا
فهد: مرحبا
.
.
المترجم: انا "شانكلي" وسوف اكون المترجم
فهد: حسناً .. وكم تاخذ في الشهر
المترجم: اذا تحتاجني في كل الاوقات (حسبتها 400 الف) واذا في اوقات مفترقة (200 الف)
.
.
فهد: حسناً الان اريد شقة للايجار .. اين اجد ؟
.
.
حجى ويا السايق وركبنا .. رحنا على مكان كلو بنايات .. بس مو حديث
.
.
دخلنا وحدا منهن .. المترجم تكفل بالشغلة .. طلع اجار الشقة 300 الف بالشهر
.
.
فهد: حسناً .. غدا تأتيني صباحا
المترجم: حسناً
فهد: راح المترجم .. دخلت عمتي وليندا .. ورحت عالفندق .. اخذت الجنط والفلوس الي خليتهن هناك
.
.
طلعت انطيت صاحب الفندق الاجار .. وطلعت للمصرف .. صرفت كل الفلوس العندي .. بس ما خليت السايق يشوفهن .. لا يورطنا بسالفة
.
.
اخذت الجنط ورجعت للشقة .. دخلتهن ودخلت تعبان .. الشقة مو مفروشة .. وتوهن خلصن تنظيف عمتي وليندا
.
.
رجعت طلعت .. اخذت التكسي .. وجبت فرشة ودواشك ثلاثة وبطانيات .. انطيت فلوس لابو التكسي .. وجابلي كيا
.
.
حطيت الفرش وترجمتلو .. علمود اخذ اكل اخذت ورحت للشقة .. فرشنا الفرشة والدواشك .. وكل واحد بطانية .. وتعشينا ونمنا
.
.
ثاني يوم العملية .. لازم نكعد من وقت .. كعدنا ثاني يوم .. تريكنا واتصل علي المترجم .. نزلنا تحت اخذنا تكسي .. ورحنا للمستشفى
.
.
لكينا الدكتور موجود .. حجينا وياه كال بعد نص ساعة .. ليندا مبين عليها التوتر والقلق .. كعدت عدها ومسكت ايدها .. واشجعها علمود تكون قوية .. وما تضعف
.
.
فهد: لا تخافين .. الله راح يكون بعونج اكيد
ليندا: يارب
فهد: كلها سنة وشوية .. وترجعلج حلاوتج القديمة
ليندا: الله يسمع منك .. يارب
.
.
ندى: رح ادعيلك .. طول ما نحنا هون
ليندا: يا قلب للوش انتي .. الله يخليكي النا يارب
.
.
فهد: دا نحجي واجى الدكتور .. كال يلا .. لازم تدخل للعملية
.
.
ليندا: كنت خايفة ومتوترة .. واكتر شي بيخوفني انو العملية ما تزبط .. قعد عندي فهد وشجعني .. اجى الدكتور ورحت معو .. دخلت للغرفة .. لبسوني اواعي خاصة للعمليات .. وعطوني مخدر
.
.
فهد: انتظرنا ساعتين .. وطلع الدكتور من غرفة العمليات .. ماذا حدث اخبرني
الدكتور: كل شيء جيد .. اطمئن
فهد: شكرا جزيلا
.
.
الدكتور: على الرحب والسعى
فهد: تطمني عمتي .. العملية ناجحة
ندى: عنجد .. الله يبشرك بالخير .. ايمتى تطلع
.
.
فهد: بعد شوي ما تتأخر .. وراها بساعة صحت ليندا .. طلعت لابسة قناع .. خاص للي مسوين عمليات جديدة
العمليات كل عملية 10 ملايين .. يعني 140 مليون بس للعمليات
.
.
اخذناها واجى ويانا المترجم .. وصلناهن للشقة .. وطلبت منو نروح للسوق .. رحنا وجبت تمن وبرغل وفاصولية .. الخ .. واخذت طباخ كهربائي
.
.
ترست كيا ترس .. المترجم خلصت مهمتو وراح .. وانا اخذت المسواك للشقة .. نزلتو ونزلت الطباخ .. خلصت وانبطحت بالشقة .. ميت تعب ليندا نايمة .. وعمتي ترتب الاكل بالمطبخ
.
.
ندى: ما جبت خبز
فهد: اووف يابة .. والله مليت .. كل واحد يجي للهند هيج يتبهدل .. الدنيا عصر ارتاحيت شوية .. ونزلت مرة ثانية
.
.
اخذت كيا واترجم بالتيلفون .. جبت ثلاجة وخضراوات .. ومعلبات وخبز كومة اخذتهن للشقة
ندى: هيك شغلتنا صارت جاهزة .. وكل يوم بتجيب شي ناقص
.
.
فهد: اي الله كريم .. واسحب نفس وازفر من التعب .. ال5 ملايين خلصن .. بقن عندي ال 500 مليون .. الي صرفتهن هندي
.
.
اخذت قسم منهن يطلع بالعراقي 140 مليون .. وحطيتهن على صفحة .. واجت عمتي جايبة الغدى
ندى: لشو بدك بهالمصاري
.
.
فهد: هاي للعمليات .. راح انطيهن للدكتور باجر بالمراجعة
ندى: ماشي .. حكيت مع عمك
.
.
فهد: لا والله .. من وصلنا ملتهي .. هسا اخلص غدا .. واحجي وياه
ندى: ماشي
.
.
فهد: كعدنا ليندا .. تغدينا وخلصنا .. ليندا كالت .. ما اريد احجي مع احد .. تركناها على راحتها .. نزلت الواتساب .. فتحتو ودزيت رسالة لعمي
.
.
اول ما وصلتو اتصل
عماد: ها فهد شلونك .. شصار وياكم .. انشغل بالي من رحتو .. ما اتصلت ولا انطيت خبر
.
.
فهد: تطمن عمي .. اني وعمتي وليندا بخير .. اعذرني .. بس والله من وصلت لحد الان .. ملتهي بالترتيبات
.
.
وسوينا عملية ل للوش اليوم .. والحمدلله ناجحة .. وهسا خلصت غدا .. تأخرنا بالغدا لان مو محظرين شي
عماد: اي الحمدلله .. والله انك سبع
.
.
فهد: تربيتكم عمي
عماد: وشلون وضعكم سكنكم
.
.
فهد: اخذنا شقة ب 300 .. والمترجم 200 .. يعني بالشهر 500 للشقة والمترجم .. وعمليات ليندا كلهن ب 140 مليون .. وعندك الحساب الباقي مصرف وكذا
.
.
عماد: اي شي تحتاجو انطيني خبر .. واني ادزلك
فهد: إن شاء الله .. اكو شخص يريد يحجي وياك .. انطيت التيلفون لعمتي .. وتركتها دخلت للغرفة
.
.
نمت وتركتهم يحجون .. كعدت وقت العشى .. تعشيت وكعدنا سولفنا شوية .. وليندا تحسنت نفسيتها .. بعد نجاح العملية تجدد وزاد بيها الامل
.
.
حجينا لحد ما تعبنا .. رحنا نمنا كعدنا الصبح .. ماكو ريوكات .. سوتلنا عمتي فول عالطريقة السورية .. نزلت جبت خبز ورجعت
.
.
اكلت الفول طيب .. تريكنا وخلصنا ورحنا للدكتور .. اكو 3 قبلنا اجى دورنا ودخلنا
.
.
فهد: مرحبا
الدكتور: اهلا وسهلا
فهد: رجعنا لك مرة اخرى
.
.
الدكتور: اهلا بكم .. متى شئتم
فهد: شكرا جزيلا
الدكتور: عفوا
.
.
فهد: فحص ليندا وتطمنا عليها .. رجع لبسها القناع .. انطيتو الفلوس .. مالت العمليات دفعة وحدة
.
.
اول شي ما قبل .. لازم كل عملية انطي 10 ملايين بنفس اليوم .. اصريت عليه واخذهن كال .. بعد 10 ملايين .. مال علاج فيزيائي .. كلتلو باقرب فرصة اجيبهن
.
.
رجعنا للشقة كضينا اليوم عادي .. ثاني يوم الصبح .. اتصلت بالمترجم وطلبت منو يجيني .. من اجى .. اخذت فلوس وعمتي وللوش ورحنا للسوك
.
.
اخذنا ملابس واحتياجات عمتي وليندا .. واخذنا شامبوات وصابون وتايت .. راح المترجم لبيتو .. واحنا طلعنا للشقة
.
.
مراجعات الدكتور جانت .. بعد العملية بيوم .. وبعدها كل اسبوع .. وبالمراجعات ما ياخذ فلوس .. مشت بينا الحياة .. وشقتنا صارت بيت كامل
.
.
من غراض لملابس لاكل .. تيلفوني صار مترجمي .. والكتابة اللغة العربية والهندية .. ليندا اخذتلها خط .. وفعلتلها نت .. وخليتها تقضي وقت عاليوتيوب
.
.
اكتشفنا اكو حديقة عامة قريبة .. وكل كم يوم نطلع نتونس .. شوية ترتاح نفسية ليندا .. صحيح من تشوف البنات تضوج .. بس تتذكر انها عدها امل .. وترجع تتمسك بيه
.
.
عمي يوميا بالليل .. اتصل بيه واحجي وياه .. هو وكل اهلي .. بس ليندا ما حجت وياهم ابد .. ومن تسبح .. تضل لابسة القناع .. وهو يمنع الماي يوصل لوجهها .. واعتقد هذا السبب الاساسي للقناع
.
.
اجى وقت العملية الثانية .. اخذناها ورحنا .. بس هالمرة .. مو متوترة مثل المرة الماضية
.
.
دخلت للعملية .. والحمدلله ناجحة .. وزاد بينا الامل اكثر .. الدكتور كال العمليات البقية .. راح تكون اسهل .. عدا العملية الثالثة
.
.
انطيتو ال10 ملايين .. من ثاني مراجعة .. بعد العملية الاولى .. من كعدت ليندا .. اخذناها للبيت .. وطمنا عمي على مجريات العملية
.
.
المترجم خلص اول شهر .. وصرفتو لان مدا احتاجو .. واستخدم التيلفون اكثر منو
.
.
وتعاملت مع صاحب مكتب .. قريب عالشقة .. من يخلص الانترنت .. اروح عليه هو يفعلو .. وانطيه فلوسو وارجع
.
.
بقن عندي 330 مليون .. بس مصرفنا صار قليل .. العمليات خلصتهن .. والشقة تأثثت كامل .. يعني بالشهر 300 الف اجار الشقة .. وتقريبا مليون مصرف انترنت واكل
.
.
يعني شهريا مصرفنا مليون و300 الف او اقل .. بدت اثار الغربة تبين علينا .. صحيح صار عندنا شبه تعود .. بس مهما كان مو بلدنا .. مو ناسنا .. مو لغتنا
.
.
يعني ماكدر اطلع وارجع .. اذا ما تيلفوني وياي .. واترجم مرتين ثلاثة يوميا
.
.
العصر اخلي عمتي وليندا .. اطلع اتمشى بشوارع الهند .. واشوف الناس اكثرهم سمرين .. بس البنات شعرهن .. الاغلبية طويل وكثيف
.
.
تذكرت العراقيات .. اكثرهن يتمنن يكون شعرهن هيج .. الهند بلد فقير .. وسكانو عددهم ما ينوصف .. وهالعدد مسببلهم صعوبة بالعيشة
.
.
شفت الهند بيها عدة ديانات .. مع العلم ما افتريت بس بدلهي .. قريب من الشقة .. بس شفت ناس تعبد البقر .. ناس تعبد الشمس .. ناس تعبد النار .. ناس تعبد العاج
.
.
بعد عملية ليندا الثانية .. باربعة ايام .. صار مهرجان .. اخذت ليندا وعمتي .. وصعدنا على برج .. ووكفنا بالطابق الرابع .. وندحك للناس
.
.
متجمعين ويهوسون ويغنون .. بس افتقدنا ركصهم هههههه ما يركصون مثل الافلام
.
.
خلص المهرجان .. ورجعنا للشقة .. ليندا ملتهية باليوتيوب .. وكل ما تشوف شي غريب .. تجي تشوفنا انا وامها .. ومرات تنزل العاب .. وتلعب بيهن
.
.
شافت مقاطع باليوتيوب .. لكلاش اوف كلانس .. ونزلتها طلبت مني اربطها الها بجيميل .. مثل الي باليوتيوب .. شفت الطريقة وطبقتها .. وربطتها وبدت تلعبها .. ومندمجة بيها
.
.
بوقتها ماكو بوبجي .. واذا اكو محد يعرفها
.
.
صار وقت اخر مراجعة .. قبل العملية الثالثة تحظرنا ورحنا .. وصلنا اكو مراجعين قليلين .. انتظرنا اجى دورنا ودخلنا
.
.
فهد: مرحبا
الدكتور: اهلا وسهلا
فهد: كيف حالك
الدكتور: إنني بخير .. وانت
.
.
فهد: انا ايضا بخير
الدكتور: يجب ان تعلمو .. ان هذه اهم عملية بين العمليات
فهد: لماذا
.
.
الدكتور: في هذه العملية .. سوف يرجع وجهها كما كان .. اما العمليات التالية .. ستكون تنشيطية .. لمنع ترهلات الوجه المبكرة .. وتنشيط اعصاب الوجه .. وعملنا يتركز على نجاح هذه العملية تحديدا
.
.
فهد: حسنا
.
.
خلصنا منو وطلعنا .. حجيتلهم الي حجاه الدكتور .. وشفت القلق بعيونهن .. رجعنا عالشقة .. علمود نتحظر للعملية الثالثة
.
.
اخذتهم عالمتنزهات .. علمود ترتاح نفسية ليندا .. قبل الوقت المحدد للعملية .. لان اعرف راح تكون صعبة .. ولازم تكون مستعدة
.
.
انا وعمتي ما قصرنا دائما نشجعها .. اجى وقت العملية الثالثة .. تعتبر اهم عملية بين العمليات .. من حجالنا عليها الدكتور .. باخر مراجعة
.
.
قبلها سيطر علينا الخوف والقلق .. ارتباك تفكير لعب باعصابنا عالاخر .. احنا ندور امل .. والدكتور يكول .. كلشي يعتمد على هاي العملية
.
.
عمتي ليل ونهار تدعي .. اني كل ما اتذكرها ادعيلها .. وليندا ملتهية بكلاش .. وطلبت مني اعلمها .. شلون تترجم وتحجي بالعالمي
.
.
ما اعترضت لان كلها على بعضها حروف .. ما راح يشوفونها .. ولا راح يسمعون صوتها
.
.
ليندا: بعد اول عمليتين .. ارتحت لانو نجحو .. والنتائج ايجابية .. اشتقت لبابا ومحمد واحمد وحلا .. ولاهل فهد وجدي وجدتي .. كلون اشتقتلون
.
.
بس مابعرف ليش ماحكيت معون .. دائما بيسألو عني وما بحكي .. نزلت لعبة كلاش .. وفتح عندي العالمي هندي .. يمكن بوقتها كان حسب الموقع
.
.
تعلمت الترجمة من فهد .. وتعرفت على بنت هندية .. انا بترجملها بالهندي وببعت .. وهي تترجملي بالعربي وتبعت
.
.
صرنا رفيقات .. وطلعت من دلهي .. واتفقنا بعد العملية التالتة تجي لعندي .. حكيتلها كل قصتي .. تعاطفت معي كتير .. ومبين كتير حبابة
.
.
اجى وقت العملية التالتة .. بين الخوف والقلق والارتباك .. بسبب حكي الدكتور .. فهد ياخدنا على الحديقة العامة والمتنزهات
.
.
لما بروح نفسيتي ترتاح كتير .. قبل العملية بيوم .. سكرت كلاش وقت الغدا .. ورحت اتغدا
.
.
فهد: شلون وضعج
ليندا: زفت
فهد: ليش
.
.
ليندا: بسبب عملية بكرة .. خايفة كتير
فهد: بس اني مو خايف
ليندا: طبعا .. مو انت الي تعمل العملية
.
.
فهد: بس لا تنسين .. اني تركت كلشي .. علمود اجي وياج .. واكون اول من يشوف وجهج .. بعد العلاج
ليندا: مافهمت
.
.
فهد: المفروض اني اكون خايف مثلج .. بس اني عندي ثقة .. ان الله ماراح يضيع تعبنا هيج .. والله ما يضيع تعب عبدو
.
.
ليندا: الله يسمع منك .. والله نفسيتي تعبت كتير
فهد: لا تهتمين .. اللعبي كلاش واتونسي .. ولا تفكرين بالعملية
.
.
ليندا: ماشي
فهد: احجيلي عن كلاش .. ما اعرفها
.
.
بدت تحجيلي وتشرح .. اني مو مفتهم شي .. بس اكوللها اي واهز راسي .. وهي منطلقة وتحجي .. وهذا تسويه هيج .. وهذا تجيبو هيج
.
.
خلصنا غدا وراحت جابت التيلفون .. وكعدت عندي .. وشغلتها وبدت تشرحلي .. وتهجم كدامي من تشرح
.
.
شفت لمعة بعيونها .. توضح برائة مثل برائة الاطفال .. شي ما اكدر اشرحو
.
.
ارتاحيت لان كدرت انسيها هم العملية .. والتفكير بيها .. عمتي ندى تدحكلها .. وتهز براسها يعني .. خير ما تسوي .. لا تخليها تهتم للعملية
.
.
خلص اليوم واني وليندا ملتهين بكلاش .. ثاني يوم العملية .. رجعلنا الارتباك .. اني الصراحة خايف بس ما ابين كدام ليندا .. علمود لا تضعف
.
.
لازم هي تنسند علينا .. وما لازم نخذلها .. وصلنا المستشفى .. مسكت ايد ليندا واشجعها .. وعمتي ندى كذلك
.
.
بس ما راح منها الخوف .. اجى الدكتور اخذها
فاتو اني حطيت سماعات باذني .. ودخلت عاليوتيوب .. اللهي نفسي .. علمود شوية يروح القلق
.
.
عمتي بس تدعي .. اني اشاهد اليوتيوب .. وعقلي وتفكيري .. عند ليندا .. المقاطع نصهن يشتغلن ويخلصن .. واني مو منتبه
.
.
سكرت التيلفون .. وكمت افكر بالرجعة .. شلون راح نشوف اهلنا .. وشلون يستقبلونا وفرحانين .. وبتفكيري ادقق بكل التفاصيل .. علمود اتأخر ما ينتهي تفكيري بسرعة
.
.
3 ساعات طلع الدكتور
.
.
فهد: هل الاخبار جيدة
الدكتور: ليست جيدة .. بل جيدة جدا
فهد: حقا
.
.
الدكتور: اجل .. الف مبروك
فهد: شكرا لك .. شكرا جزيلا
الدكتور: عفوا
.
.
ندى: شو قال
فهد: العملية نجحت .. ورجعت ليندا القديمة
ندى: عنجد .. الحمدلله يارب
.
.
فهد: الساعة 2 الظهر .. بال3 كعدت ليندا .. بس وجهها يوجعها .. انطوها مهدأ واخذناها للشقة
.
.
وهي نايمة .. اقترحت على عمتي .. تأجل الغدا .. علمود يصير غدا وعشى .. مرة وحدة
.
.
صحت ليندا .. وعمتي جهزت العشى .. تعشينا وخلصنا .. اتصلنا بعمي طمناه .. طلب ليندا اكثر من مرة وهي معندة .. ما تحجي وياهم
.
.
سألتها كالت ما اريد احد يشوفني .. الا اخلص كل العمليات
.
.
ليندا: كنت مشتاقة كتير لبابا واخواتي .. بس بدي اخلص عمليات .. وارجعلون .. بعدين يشوفوني
.
.
فتحت كلاش .. وطمنت رفيقتي .. وقالت بكرة تجي لعندي .. سكرت ورجعت عند ماما وفهد
.
.
ليندا: ماما .. بكرة تجي رفيقتي
ندى: هلا فيها
فهد: حلوة لو لا
ليندا: ليش
.
.
فهد: جفاف عاطفي .. وما تروي هالجفاف الا وحدة حلوة تغازلني
ندى: هههههههه ما بلومك
ليندا: لا مو حلوة .. وقمت بانزعاج
.
.
فهد: شبيها هاي
ندى: الله اعلم .. وغمزتلي
فهد: شفهم من الغمزة .. والله بنتج مخبلة
.
.
ندى: هي المخبلة .. ماعم تعرف كيف تزبط اوضاعها
فهد: شتضبط .. هي كلها نص عقل .. احجيلها الشي واوضحو .. تكلي ما فهمت .. احجيلها عن غير شي وما اشرحو .. تفتهمو فورا
.
.
ندى: هههههههه متل الي عندو بعد نضر .. لما تكون قريب عليه .. ما بيشوفك منيح .. ولما تبعد بيشوفك منيح
فهد: صدكتي بهاي
.
.
ليندا: انزعجت من حكي فهد .. بس ما بعرف شو السبب .. شي داخلي .. خلاني انزعج منو .. بس شو هالشي مابعرف
.
.
تجاهلت هالتفكير .. ودخلت على كلاش اتسلى فيها .. تزكرت انو بكرة عندي مراجعة
.
.
سألت رفيقتي .. قالت بكرة بعد الغدا بتجي .. قلتلها ماشي .. ورجعت على فهد
.
.
ليندا: فهد .. رقم الدكتور معك
فهد: اي ليش
ليندا: تقدر تتصل فيه .. وتحجز عندو
.
.
فهد: احنا نحجز عند السكرتير .. مو عندو
ليندا: مو بكرة تجي رفيقتي .. ومابدي نتأخر بالرجعة .. وتنتظرنا او ما تلاقينا وترجع
.
........يتبع