عشق طفله

البارت(47)عشق_طفله الكاتب_احمد

#عشق_طفلة
بقلم #احمد
البارت_47
انتبهت لنفسي دموعي تجري مثل نهر انداريت لكيت محمد واكف بالباب ولاول مرة اشوف دموعو عرفت انو متأثر بالكلام الي كلتو وفوكها صورة ابن عمو وصديقو كدامو وهو ماكو فتحلي حظنو رحت حظنتو
.
.
محمد: الله يرحمو ... مو حرام عليج ليش هيج تسوين
ليندا: والله مو بايدي كلما اتذكر ايام قبل اتذكرو بكل تفاصيلهن ما تركلي ذكرى اعيشها بدونو
.
.
محمد: خلص هوو راح لدار حقو وانتي ما يصير تسوين هيج اول شي تأذين نفسج ثاني شي حرام روحي غسلي وجهج وتعالي ساعدي عمتي خطية هي بدون كلشي تعبانة
.
.
ليندا: ماشي تركتو ورحت غسلت وجهي بماي بارد علمود ما يبقى بي توتر وتهدى اعصابي ورجعت على غرفة عمي وعمتي ساعدتها بالغراض
.
.
حطينا ملابسها بجنطة وملابس عمي بجنطة وبقى كم شغلة محمد كال بعدين ارجع اخذهن والبيت ماراح يدخل عليه احد حتى لو يبقن ما عليهن شي واخذ الجنط وراح
.
.
دزيت عمتي وياه واستلمت البيت من البداية للنهاية تنظيف وطلعت الخضرة والمونة لان نعمة وحرام تبقى وتخرب صارت الدنيا مغرب واني مو مكملة اجى علي محمد كلتلو ما بقى هواي بقيت لصلاة العشاء خلصتو كامل وبين ما كملت محمد نقل المونة على بيتنا
.
.
طلعنا قفلنا البيت ورحنا على بيتنا بس جسمي صايرة خيوط من التعب بس اريد اغسل وانام عمتي هناء مسوية عشى اني رحت للحمام غسلت وطلعت مشطت شعري واخذت التيلفون شفت غضب متصل علي تركتو كلت ورا العشى اخابرو
.
.
نزلت تحت تعشيت وياهم وساعدت عمتي ومن خلصت رحت فوك اخذت تيلفوني وجان عندي سماعات شكلتهن واتصلت على غضب وتركت التيلفون على الجرار الي يم السرير
.
.
غضب: بعد ما رجعت منهم وصلت حسن وطلعت للمركز جانو طالبين مني احقق ويا واحد ولازم ملف التحقيق اسلمو بنفسي رحت حققت وياه طلع بريئ ولاول مرة احقق ويا واحد بدون همجية او ضرب ولان صارلي سنين بهاي الشغلة اعرف البريئ من المذنب
.
.
كملت التحقيق وراجعت الملفات الي عندي اذا بيهن نقص او شي العصر خلصت ورجعت للبيت تغديت واتصلت على ليندا ما ترد رجعت اتصلت على محمد وسألتو كال ... ببيت عمي دا تنظفو علمود نقفلو من تخلص هي تخابرك تشكرت منو وسكرت
.
.
اخذتلي دوش عالسريع ورحت غفيت شوية علمود ارتاح ابتسام احسها ضايجة لان وحدها وماكدر الومها بس حلها موجود كعدت المغرب تأكدت من تيلفوني مو متصلة ليندا صليت ورحت تعشيت وعيني واذني عند التيلفون اريدها تتصل ماكو بعد صلاة العشاء بساعة تقريبا اتصلت
.
.
ليندا: الو
غضب: لج بنت الاوادم صارلي شكد من خابرتج
ليندا: اسفة حبيبي بس والله قبل شوية خلصت وهستوني تعشيت وجيت فورا خابرتك
.
.
غضب: بالعافية حبيبتي
ليندا: الله يعافيك
غضب: تعبتي مو
ليندا: ميتة تعب
.
.
غضب: هسا اذا احرك خليل هم احد يكلي ليش
ليندا: ههههههه لا تحجي على عمي ترا ما اقبل
غضب: حاضر يابة تامرين امر
ليندا: ما يأمر عليك ظالم
.
.
غضب: شلابسة
ليندا: لابسة الثوب الاحمر الكصير
غضب: وبلكي طلعتي بيه بالبيت كدام عمج واخوج
ليندا: اي ليش شبيها
.
.
غضب: بصياح ... انتي كل عقلج تحجيييين
ليندا: ههههههه لا لا اتشاقة والله
غضب: نعلة على عقلج ... وشلابسة تحت الثوب
ليندا: فتحت عيوني على كبرهن .... يا منحرف
.
.
غضب: ههههههه ترا زوجتي انتي مو صاحبتي
ليندا: لا والله صاير منحرف وقليل ادب اني اعلمك الا اخلي محمد يأدبك
غضب: كأنج مستكوية بمحمد زيادة
ليندا: بكبرياء ... غير هذا ذيب ال عماد
.
.
غضب: الله يحفظو لصاكة ال عماد
ليندا: ويحفظ حبيب صاكة ال عماد
غضب: ولج ليش ما تحجين هيج من جنتي هنا
ليندا: لان من اكون يمك انسى حتى شلون احجي
.
.
غضب: قسم بالله اذا ما تحجين وياي هيج بعد الزواج الا ارجعج لمحمد
ليندا: وتصبر بدوني
غضب: نعلة على عقلج ما يكدر الواحد يهددج
ليندا: هههههه
.
.
بقينا نحجي اني وياه كل شوية اتثاوب بس ما اخليه يحس لان مستمتعة وياه وما اريدو يحس ويسكر بديت اغفي شوية شوية اخير شي نمت واني مادري بنفسي
.
.
غضب: دا احجي وياها وناسي الدنيا والي بيها واحس بس اني وياها بالدنيا حجينا اخير شي كمت احجي وهي ماكو صحتها مرتين ثلاثة وهي ماكو
.
.
سمعت صوت تنفسها بالتيلفون عرفتها نامت من التعب سكرت منها انتبهت ابتسام عايفتني ورايحة نايمة والساعة 11:30 واني مو حاس بالدنيا
.
.
اي يا غضب وكعت فد وكعة مرتبة هههههه زلمة شكدك شكبرك توصل بيك لدرجة ما تحس بالدنيا من تسمع صوتها وين جانت مضمومتلي هاي ماعرف
.
.
ضحكت على الموقف وعلى تفكيري رحت للغرفة مو جايني نوم اتصلت على حسن كلتلو باجر تجي تاخذ ابتسام وتروحون على ليندا تاخذونها للسوك علمود تبلش بتحظيرات العرس ومن تخلصون اخذ ابتسام وياك للبيت
.
.
حسن: وانت شلون تبقى لحالك
غضب: من اخلص شغلي اجي يمكم لحد ما اتزوج
حسن: بشرف امك سهيلة
.
.
غضب: لك ابن الخوش ادمي ليش ما تحترم
حسن: هسا جاوبني صدك هالحجي
غضب: قابل مجذب عليك من قبل
حسن: وشعجب قررت هالقرار
.
.
غضب: اول شي ابتسام ضايجة لحالها ثاني شي هالفترة اريد شوية التهي بالشغل علمود وقت العرس اخذلي اجازة شهر واصدقائي هم يغطون علي منا ومنا تصير  شهر ونص شهرين
.
.
حسن: تمام غضوبي باجر من تجي من الشغل بسومة تكون عندنا
غضب: تمام
حسن: يلا انكلع اريد انام ماعندك اهل يعلمونك ما تتصل على ولد الناس بوقت متأخر
.
.
غضب: ولك نعال منو ينكلع وقابل متصل على بنت علمود ما اتصل بوقت متأخر
حسن: باي ... وسكرتو
.
.
غضب: ضحكت على حركتو فتحت نت كلبت بالفيس شوية ومن نعست نمت
.
.
ليندا: كعدت ثاني يوم لكيت السماعات واكعة من اذني وناسية نفسي ونايمة تأكدت من التيلفون الاتصال مقطوع كمت بدلت ملابسي وصليت الفجر ونزلت تحت عمتي هناء كاعدة ودا تجهز الريوك
.
.
ليندا: صباح الخير يالحلوة
هناء: صباح النور بنيتي ليش كعدتي من هسا وانتي تعبانة
ليندا: لا تعبانة ولا شي بالعكس البارحة صارت الي فرصة ادرب نفسي عالشغل ههههههه
.
.
هناء: ههههههه ولا ينكدرلج
ليندا: انطيني مجال خليني اكمل الريوك
هناء: ما باقيلي هواي واكمل
ليندا: هسا انطيني يا عمتي وانتي ارتاحي واحجي وياي بدال هالوكفة
.
.
هناء: كعدت عالكرسي ... شتريدين احجيلج
ليندا: اي شي ببالج
هناء: ببالي هواي اشياء واكثرهن جزن والم
.
.
ليندا: عمتي الحزن ما يفيد ولو يفيد جان بقينا طول عمرنا حزينين عالراحو الرسول ﷺ من مات طلعت عائشة وانطت خبر وفاتو
.
.
تخيلي الجامع المتروس رجال صار ما ينسمع بيه بس صوت البجي وهو رسول الله يعني مو شخص عادي وما فادو الحزين
هناء: ﷺ الله يجمعنا احنا والنحبهم وياه بالجنة
ليندا: امين
.
.
هناء: تدرين بعد ما رحتي فصلية بقيت ليل ونهار الوم بنفسي وضميري ما ارتاح ولا يوم
ليندا: على شنو تلومين نفسج
.
.
هناء: اول شي من توفى فهد بدال ما انتبه للمصيبة الي اني بيها تركت كلشي علمود اغثج واضايقج بس والله كل الي جنت اسويه مو بايدي
.
.
احس اني جنت سبب بوفاتو لان ما منعتو وردت احط اللوم باي احد علمود اخلص من تأنيب الضمير وياريتني باقية على تأنيب الضمير ولا حاطة اللوم بيج
.
.
مرات اتعجب من نفسي من اشوف النسوان الي عدها 10 ولد من يموت واحد تكلب الدنيا وتتمرض ويصير بيها حالة نفسية وبعدها ما كدرت امنع خليل من انطاج فصلية
.
.
ليندا: اول شي اني مو زعلانة منج لان اعرف وقتها من صدمة الخبر تصرفتي هيج وثاني شي يجوز الي سويتيه فادج بحيث ما ركزتي على استشهاد فهد لان لو مركزة جان الله يعلم شصار بحالتج وقتها
.
.
ومن رحت فصلية تأذيت ما انكر هالشي بس هسا ما ابدل غضب بكنوز الدنيا عمتي غضب صارلي سند من جنت ضايعة شنو اتمنى بعد اذا رجعلي محمد وغضب يحبني ومستعد يتخلى عن الدنيا علمودي والله مرات اكول راح احسد نفسي على هالنعمة الي عوضني بيها ربي
.
.
هناء: الله يهنيج بنيتي
محمد: للوش
ليندا: رفعت راسي شفتو واكف عالباب ورافع حاجبو ... ها
محمد: اشرلي بحاجبو
.
.
ليندا: انداريت شفت الجاي فاير ومحترك واني وعمتي ناسياتو ... ياااااا هذا ايمتى فار
محمد: ههههههه لا يابة ربحنا اذا من هسا ناسية الجاي عود راح اخلي غرفتج فارغة لان راح يرجعج غضب علمود اعلمج عالطبخ
.
.
ليندا: ههههههه والله ولا ارجع يتحملني غصب عنو
محمد: محتاجين شي
ليندا: تعال هسا ابدل الجاي ما يتأخر
.
.
محمد: عندي شغل بنيتي وصدك خابرني غضب يكول دا اتصل عليها ماكو
ليندا: هسا اشوفو
محمد: تمام يلا باي
.
.
ليندا: راح محمد بدلت الجاي ورحت صعدت على غرفتي لكيت غضب حارك التيلفون بالاتصالات كلت هسا اترزل رزالة مرتبة ماسكة التيلفون وصافنة عليه واتصل فززني فزة ما صايرة
.
.
غضب: كعدت ثاني يوم تريكت ووصيت ابتسام ان تروح ويا حسن وليندا عالسوك وطلعت لدوامي اتصل علي حسن كالي شوف ليندا من تجهز نفسها علمود نمر عليها وبقيت ساعة اتصل عليها هي ومحمد ما يردون اخير شي رد محمد بس مبين على صوتو جان نايم
.
.
محمد: الو
غضب: ادري دخيل ربكم ليش ما تردون مو حركت ابو التيلفونات
محمد: ههههههه اعذرني جنت نايم والتيلفون صامت
.
.
غضب: دشوفلي ليندا ميتة عايشة صار ساعة اتصل عليها ماكو
محمد: هسا اشوفها تدلل
.