عشق طفله

البارت(2) عشق طفله الكاتب#احمد

#عشق_طفلة
بقلم #احمد
البارت_2
.
.
فهد: طلعت روحي منها .. لو ما ضيفة عدنا جان ابتليت بيها .. بس كلت احجي ويا عمي احسن ما تطول لسانها مرة ثانية وافقد اعصابي
.
.
طلعت من المطبخ ولحكني محمد .. كعدت مع ابوي وعمي وجدي
.
.
فهد: جدي .. تسمحلي احجي حجاية
جدي: تفضل فهد .. احجي
فهد: جدي انت تعرف عاداتنا وتقاليدنا تمنع البنت من اللبس الحصر والمشلح
.
.
جدي: اي ابني .. اعرف
فهد: اعرف مو من حقي اتدخل بوجود عمي عماد وولدو .. بس لبس ليندا مو مناسب .. ومهما كان هي عرضي .. وما اكدر اضل ساكت
.
.
جدي: عماد .. شنو رايك بهالحجي
عماد: ولا يهمك وليدي يجرالك .. باجر ادزها للسوك تشتري ملابس مستورة
.
.
فهد: خوش عمي ... اني استرخص .. اروح انام
محمد واحمد: جايين معك
جدي وعمي وابوي: نوم الهنا
.
.
صعدت على غرفتي ونمنا اني ومحمد واحمد
.
.
ليندا: طلعو محمد وفهد .. حكينا شوي وصعدنا نمنا
.
.
فقت تاني يوم جسمي مكسر تكسير ومافي بس انا بالغرفة .. شفت الساعة 11 اخدت اواعي ودخلت للحمام .. تحممت وطلعت
.
.
نزلت لقيتون عم يجهزو الغدا .. دخلت عالمطبخ مافي بس نور وهديل
.
.
ليندا: صباحو
نور: صباح النور
هديل: صباح الضهر
.
.
ليندا: اسكتي انتي .. ميتة من التعب
هديل: ههههههه سلامتج روحي
ليندا: الله يسلمك
نور: للوش .. جوعانة
.
.
ليندا: اي والله
نور: هسا احطلج ريوك
ليندا: شو الغدا
نور: مثل البارحة
.
.
ليندا: لكن حطيلي اي شي مافيه دسم
نور: من عيوني
.
.
ضلينا نحكي انا والبنات .. حطتلي نور فطور .. فطرت وخلصت وساعدتهون بسكبة الغدا .. شوي ودخل محمد
.
.
محمد: للوش .. تحظري انتي وهديل ونور
ليندا: ليش
محمد: رح نروح عالسوق .. تشترو اواعي
.
.
ليندا: بس انا عندي
محمد: الي عندك ماعاد تلبسيهون
ليندا: ليش
.
.
محمد: هيك قال بابا
ليندا: اووووف .. ماشي
.
.
راح محمد .. تغدو وخلصو واجو محمد وفهد
.
.
احمد بالديوان مع شباب بيتسلو ببعض
.
.
فهد: هديل .. اخذي ليندا وانطيها من ملابسج .. خلي نروح للسوك
ليندا: كنت لابسة بنطلون وقميص ... قلت شبون اواعيي ؟
.
.
فهد: مابيهن شي .. بس يوكعن الخيال من الخيل
ليندا: شو يعني
فهد: مايصير تلبسينهن وتطلعين .. الناس راح تشهر عرضنا هيج
.
.
ليندا: كمان ما فهمت
محمد: لك قومي خلصينا .. شقد دمك صاير تقيل
ليندا: قمت بس انت ليش بدك تجي
.
.
محمد: بدي اشتري متل لبس الشباب الي ولاحمد
ليندا: ياااي شو فرحتني 😒
محمد: لك يلا
ليندا: لك اي
.
.
رحت مع هديل .. عطتني فستان تبع محجبات وجبة .. وعطتني شال .. بدي البسو ماعرفت
.
.
اخير شي اجت لفتلياه  هي ... شفت حالي بالمراية طالعة حلوة بس مو مرتاحة بالاواعي
.
.
نزلنا تحت وكل شوي بدي اوقع من الدرج .. ما حبيت الاواعي ابد .. بس مجبورة
.
.
فهد: نزلت للوش .. ادحكلها وجها كمر طالع من الشال
محمد: يلا بسرعة
.
.
ليندا: بربكون هاد لبس .. وربي لاوقع بالسوق بسببكون وانتي هديل شوي خففي من الدسم صايرة متل الفيل
نور: ههههههه
.
.
هديل: لعد مثلج يابسة .. اترك كلشي وما اترك الدسم😋
ليندا: يخرب بيتك انتي ودسمك
.
.
طلعنا ركبنا بالسيارة .. انا والبنات من ورا .. ومحمد من قدام .. وفهد بيسوق
.
.
رحنا عالسوق شفت السوق كتير حلو .. اخدنا السوق طول بعرض نشتري ومحمد وفهد بيحملو
.
.
محمد: فهد .. بيصير انسحب
فهد: لا والله .. اني اريد انسحب
محمد: لك شو ورطني واجيت
.
.
فهد: غير طاح حضنا سوا
محمد: ههههههه .. اي والله صحيح ... ليندا ارحمينا انتي وهالجوز الي معك .. لك متنا
ليندا: لا والله ما حزرت
.
.
ضلينا للمغرب نتفتل بالسوق
خلصنا ورجعنا عالسيارة .. حطينا الغراض وركبنا
.
.
فهد: ترجعون .. لو نروح للمطعم
نور: اي عالمطعم .. مابيه حيل اروح احظر عشى
فهد: توكلنا لعد .. بس اكو ناس تستاهل نخليها كدام المطعم ما ندخلها
.
.
ليندا: اي والله .. لكن بس نوصل ضل بالسيارة .. لانو السايق مابيصير يترك سيارتو
محمد: فهد .. انت بخير بعد هالحكي هههههه
فهد: طيرت جبهتي .. اي خير هذا
.
.
ليندا: ضحكنا كلنا على حكي فهد .. رحنا عالمطعم هنن طلبو تكة وكباب .. انا طلبت بيتزا .. فهد ياكل وعيونو عليي
.
.
خلصنا اكل وطلعنا من المطعم عالبيت .. لما وصلنا نزلنا الغراض ولقيت امي وعمتي ام فهد محضراتلي غرفة الي .. لاخد راحتي
.
.
نقلت غراضي فيها .. بديت ارتب هلكت لحتى خلصت .. اخدت اواعي من الجدد وتحممت وطلعت مشطت شعري واخدت شال ورحت على نور لفتلياه ونزلنا تحت
.
.
ليندا: مسائو
جدتي: هلا بهالمسا
ليندا: كيفك يا حلوة
.
.
جدتي: ماكو حلوة بوجودج
ليندا: بقص ايدي ازا ما كنتي احلى مني
.
.
جدتي: هههههههه .. يا بعد جدتج انتي
ليندا: بعيد الشر عنك
.
.
حكينا ومزحنا وانبسطنا بالليل اجو الشباب
.
.
فهد: مساء الخير
جدتي: مساء الخيرات
فهد: شاكو ماكو
.
.
ليندا: عم اتغزل بجدتي .. تحب تشارك
فهد: كلشي الا الحلوة مالتي
جدتي: يكفي ولكم
.
.
محمد: فهد انت وليندا ما تحكو شي .. الحلو بس للحلو متلي
احمد: قصدك انا الحلو
.
.
جدتي: والله ما تستحون انتو .. امشو مني لا اهججكم
ليندا: تيتة
جدتي: عيونها
ليندا: احكيلنا على عرسك
.
.(راح اختصرلكم شكد عاندت الحجية قبل ما تحجي)
.
جدتي: اني جنت اشتغل بمزرعة لابوي .. وابو جدج جان صديق ابوي .. جان يجي علينا ويجيب جدج وياه
.
.
مرة من المرات اجى هو وناس .. من طلعو عرفت انهم جايين يخطبوني
.
.
وافقت وتمت الخطبة وكطعنا مهر .. بالحنة ما اجى جدج لان بيتهم بعيد .. ثاني يوم اجوني الزفافة .. طبعا ماكو لا صالون ولا شي .. كحلة احطها بالبيت وخلصت
.
.
سيارة العاروس من القديمات ودوبها تمشي .. قبل ما نصل البيت خلص بانزينها وكملنا مشي
.
.
ليندا: ههههههههه
.
.
تحكي ونحنا منتبهين الها .. انا متسطحة على جنب وراسي بحظن ماما
.
.
جدتي: وصلنا البيت .. طشو فوكنا جكليت بس مو جكليت حجر على كد مو يابس .. كلما تكع فوك راسي وحدة ادوخ هههههه
.
.
وكفن بالحوش النسوان يهلهلن ويطشن جكليت .. واني ادعي ما تجيني جكليتة فوك راسي .. ما دخلنا الا راسي مورم من الجكليت
.
.
من دخلنا داخل كعدت عالكرسي وبدن يتمركصن البنات .. لليل اجى جدج اخذني من ايدي للغرفة
.
.
ليندا: عرسك بيخوف
جدتي: اي والله
ليندا: فكرت حالي عم اسمع قصة رعب ههههه
.
.
فهد: تحجي مع جدتي وتضحك وكل ما تضحك كلبي يفز .. احس نفسي انجذب لهالبنت
.
.
محمد: انا رح نام .. تصبحو على خير
فهد: جاي وياك
ليندا: وانت كمان احمد .. روح معون
.
.
احمد: شو دخلني انا
ليندا: نحنا نسوان عم نحكي .. انت شو دخلك بيناتنا
احمد: الي يسمعك .. بيقول عمرك 40
.
.
ليندا: ما ضل شي .. كلون 25 سنة ويصير 40
جدتي: ولج لسانج ما يفوت لحلكج انتي .. شرايدة من الولد
.
.
احمد: سمعتي ولا لا
ليندا: خلص سمعت
.
.
ضلينا نحكي .. اخير شي غفيت بحظن امي .. صحتني لحتى اصعد نام بغرفتي .. صعدت بدلت اواعيي ولبست اواعي خفيفة مشان اخد راحتي ونمت
.
.
ثاني يوم فقت الصبح .. نزلت لقيت محمد يحكي مع ماما
.
.
ليندا: صباحو
محمد: اهلين بالحلوة
ليندا: شو عم تحكو
.
.
ندى: اخوكي بدو يتزوج
ليندا: عنجد 😍
محمد: اي بدي اتزوج نور
.
.
ندى: بس لا تحكي شي لحدا .. انا رح افتح الموضوع مع ابوكي .. وهو يحاكي عمك
ليندا: ماشي
.
.
رحت عالمطبخ .. لقيت هديل ونور يحظرو الفطور .. وقفت معون وحظرنا وكملنا ونزلو كل العيلة فطرو
.
.
قضيتها مع نور وهديل فهد ومحمد يجو يمزحو معنا ويروحو .. احمد قليل يجي بالنهار عالبيت .. بيضل بالديوان مع رفقاتو الجدد
.
.
ابي دائما مع جدي وعمي .. وامي مع مرت عمي وجدتي .. وحلا متل دوريات الشرطة كل ثانية بمكان
.
.
انا مرات احكي سوري ومرات عراقي .. بس العراقي بحسو صعب لاني مو متعودة عالعراقي .. لساني متعود عالسوري
.
.
مرة كنا انا والبنات بالمطبخ وسمعنا صوت ابي بيصرخ على فهد
.
.
فهد: كاعدين بالصالة اخير شي كلت لعمي ... عمي رايدك بطلب
عماد: تفضل .. وما يردك الا لسانك
.
.
فهد: رايد ايد بنتك ليندا على سنة الله ورسوله .. ومن تكبر نتزوج
عماد: والله يوم الهنا من ازوج بنتي لابن اخوي .. بس من تكبر هي تقرر مصيرها
.
.
فهد: شنو تقرر مصيرها .. اذا ما وافقت انهي عليها
.
.
عماد: (بصوت رج البيت) فههههههههد ... اني جبت عيلتي عالعراق علمود اخلصهم من الموت .. مو علمود ازوج بناتي غصب
.
.
انت ماتعرفني قسم بمن احق القسم اذا تفكر تأذي احد من عيلتي اخليك تتندم طول عمرك .. واسأل عني
.
.
خليل: استهدي بالله خوية .. ما يصير خاطرك الا طيب .. فهد سكر عالموضوع
.
.
فهد: من سمعت عمي يحجي هيج وابوي ما حجى شي .. عرفت ان لازم اكسب كلبها .. واذا ما كسبت كلبها لو اعرف اموت ما اخليها تصير لغيري .. تركتهم كاعدين وطلعت
.
.
ليندا: ماما .. شو صاير
ندى: مابعرف .. بس يهدى ابوكي نحكي معو
ليندا: ماشي
.
.
جدي وعمي بيحكو معو وبيهدوه .. شوي وهداء
سألناه قال مشكلة صغيرة وحليناها .. وما حكى شي غيرو
.
.
تركتون ورحت على غرفتي .. شوي ولحقتني نور ووراها هديل وقعدنا نحكي بالغرفة .. شوي واجى محمد .. لما شاف هديل ونور طلع .. ضلينا نحكي لحتى نعست .. راحو البنات على غرفتون وانا نمت
.
.
فهد: طلعت خارج البيت .. هديت نفسي شوية وفكرت بالموضوع .. من جهة ما اريد اظلمها .. ومن جهة ما اريد اخسرها .. كلت نخليها للايام هي تحكم بيناتنا
.
.
صارت الساعة 12 رجعت عالبيت .. الكل نايم .. صعدت لغرفتي نمت
.
.
ليندا: فقت تاني يوم .. نزلت مافي حدا صاحي بس انا .. رحت على غرفة محمد واحمد .. اخدت تيلفون محمد وحطيت السماعات باذاني وشغلت اغاني
.
.
رجعت عالمطبخ بديت بتجهيز الفطور .. وبتمايل وارقص مع الاغنية وبغني بصوت واطي
.
.
التفتت لورا وشفت فهد .. واقف وساند كتفو عالباب ويضحك .. تجمدت بمكاني ماعاد اعرف شو اعمل
.
.
فهد: كعدت الصبح ماكو احد كاعد .. نزلت وسمعت صوت خفيف يجي من المطبخ
.
.
نزلت وشفت ليندا حاطة سماعات وتغني وتركص .. ولا شال ولا شي .. وشعرها يتمايل معاها .. شعلتني شعل
.
.
ليندا: بدك شي
فهد: وين شالج
ليندا: فوق
.
.
فهد: وليش ما لبستيه
ليندا: مزاجي .. شو دخلك
.
.
فهد: تقربت عليها وهي ترجع لورا .. حصرتها بيني وبين الكاونتر
.
.
ليندا: شو بدك مني
فهد: اريد اعلمج شلون تردين عليه مرة ثانية
ليندا: بعد عني
.
.
فهد: ادحكلها ترجف وتحجي ومبين الخوف بعيونها .. كلبها صار طبل
.
.
ليندا: خلص اخر مرة .. ماعاد عيدها
فهد: عفية طيعي الحجي .. ولا تخليني اتصرف تصرف ثاني وياج
ليندا: ماشي .. بس بعد عني
.
.
فهد: بعدت عنها وطلعت ركض .. صعدت على غرفتها .. شفت الجاي فار طفيت عليه .. كعدت انتظرهم ينزلون .. وافكر بالموقف الي صار .. وشلون تحول عنادها لخوف من قربت عليها .. واني افكر كعد عندي محمد
.
.
محمد: بشو عم تفكر
فهد: ولا شي .. شغلة ناوي اسويها
محمد: زعلان من ابي
.
.
فهد: لا بالعكس .. فكرت بيها .. وشفت الافضل ان ما اجبرها واضلمها
.
.
محمد: شوف فهد .. للوش بتحب العناد وعقلها جوزتين بخرج .. بس قلبها ابيض وانا اتمنى تكون انت زوجها .. لان ماشفت منك بهالايام الي عشتون هون الا كل خير .. والاثبات انو جدي وعمي بيعتمدو عليك بكتير من شغلون
.
.
فهد: الله كريم
محمد: تيلفوني ما لقيتو .. شفتو شي؟
فهد: عند ليندا .. جانت تجهز الريوك وصعدت فوك وما نزلت
.
.
حجينا اني ومحمد شوية .. ونزلو العيلة واحد ورا واحد .. بس هي ماكو
.
.
نور: وين للوش
هديل: ماعرف .. هسا اشوفها
.
.
ليندا: قاعدة بالغرفة خايفة انزل وبيطلع فهد بوجهي ... اندقت الباب صحت... مين
.
.
هديل: يلا انزلي تريكي
ليندا: يلا جاية .. بس لا تروحي ننزل سوا
.
.
لبست الشال وغطيت شعري ونزلنا .. شفت فهد قاعد يفطر وعيونو تراقبني
.
.
دخلت عالمطبخ .. وحطيت فطوري بالمطبخ
.
.
نور: الريوك محطوط بالصالة
ليندا: بدي افطر هون
نور: لعد نتريك وياج اني وهديل
ليندا: بيكون احسن
.
.
فهد: نزلت ليندا وهالمرة لابسة شال .. ركزت عيوني عليها .. اريد اعرف ردة فعلها .. شفتها تخربطت .. اخير شي دخلت للمطبخ وما طلعت لا هي ولا البنات .. توقعتها تريكت بالمطبخ بسببي
.
.
خلصت ريوك وطلعت للديوان اني ومحمد واحمد .. لكينا الشباب متجهزين وكلمن سلاحو بايدو
.
.
محمد: شو القصة فهد
فهد: ماعرف هسا نشوف .. الله يستر... ها ماجد شكو
ماجد: رايحين للصيد تجون
.
.
فهد: محمد .. تروحون انت واحمد
محمد: اي .. انا بروح
احمد: انا كمان
.
.
فهد: لعد امشو .. نبدل ونرجع
محمد: يلا
.
.
ليندا: قاعدة بالمطبخ .. شفت فهد ومحمد واحمد دخلو مستعجلين
.
.
صعدو فوق شوي ونزلو .. مبدلين اواعيهون واول مرة بشوف فهد ببنطلون وانتبه انو هيك ضخم
.
.
كانت اواعيه مخبية جسمو .. شفت السلاح بايد فهد وخفت ... محمد شوفي
.
.
محمد: مافي شي .. طالعين عالصيد
ليندا: مين معكون
محمد: نحنا ورفقاتنا
ليندا: ماشي
.
.
طلعو وراحو .. خلصنا فطور انا استلمت الجليات .. ونور وهديل التنظيف
.
.
كملنا اليوم طبيعي .. فهد واخواتي مارجعو للمسا .. بابا اتفق مع جدي يبني بيت جنب بيت جدي .. مشان ناخد راحتنا اكتر
.
.
من تاني يوم جاب خريطة .. تصميم تركي محمد واحمد يساعدو ابي .. وفهد ملتهي بامور العشيرة تبعون
.
.
صحيح عمرو صغير بس الي بيشوفو بيقول عمرو 30 على قد مو ضخم وعقلو كبير .. وبيعرف بالامور العشائرية
.
.
بلش بابا ببناء البيت .. بس فهد من لما عرف انو بدنا نبني بيت .. دائما مدايق وبيعيط
.
.
فهد: من رجعنا من الصيد اني والشباب .. عرفت ان عمي يريد يبني بيت ويستقر بيه لحالو .. يعني ماراح تكون ليندا كدام عيوني
.
.
صرت عصبي وما اتحاجة .. واريد ادنى  مشكلة حتى اتعارك .. وافكر اذا استقر ببيت لحالو شلون راح اكدر اكسب ليندا
.
.
مرة كاعدين .. وصار اطلاق نار علينا .. والدنيا انكلبت جبت سلاحي وطلعت اني وابوي وعمي وولدو
.
.
خليل: شكو هنا
كرار: (اخو البنت) ابنكم خطف بنتنا .. ونريدها لا تصير بحر دم
.
.
عماد: استهدو بالله .. وتعالو نكعد بالمضيف .. واذا الكم حك تاخذو مني
كرار: حكنا ناخذو بالقوة .. ونكسر خشم الي يوكف بوجهنا
.
.
فهد: شفت عمي عماد فتح عيونو على وسعهن وتقرب للولد
.
.
عماد: كأنك ماتعرف مع منو تحجي .. ضب لسانك لا اسحلك انت والي وياك
كرار: عبالك تخوفني انت
.
.
عماد: ولك اني عماد ابن عبدالقادررررر .. واحد قندرة مثلك يحجي وياي هيج ... فهدددد
فهد: امر عمي
.
.
عماد: اعد لل 3 اذا ما نزلو اسلحتهم جنزوهم
فهد: لعيناك عمي
.
.
من صار اطلاق نار .. كرايبنا كلهم قريبين وشايفينهم وجايبين اسلحتهم .. ووكفنا كدامهم وكل واحد بايدو سلاح موجه عليهم
.
.
كرار: بتراجع ... شلون تنطينا حكنا
عماد: تعال وياي للمضيف ونتفاهم ..
كرار: ماشي
.
.
فهد: من شفت عمي شلون يحجي بثقة .. عرفت انو مو هين ويخوف اكبر واحد
.
.
ليندا: لما صار اطلاق النار .. قعدت بالمطبخ وصرت اصرخ ومن وقف الاطلاق طلعت ركض لعند امي
.
.
اول مرة بحياتي بخاف هيك .. حتى وقت الحرب بسوريا ما خفت هيك .. لان الاطلاق بسوريا مو على بيتنا
.
.
فهد: دخلنا للمضيف .. وعمي عماد كعد بالصدر
عماد: الله بالخير
كرار: الله بالخير والعافية
عماد: احجيلي .. شنو مشكلتك
.
.
كرار: اختي اليوم الصبح انخطفت .. وواحد شايفها .. وكال شفت واحد من ولد عبد القادر السوريين خاطفها
(يعني محمد او احمد)
.
.
عماد: اولا ولدي مايسوون هيج اشياء .. ثانيا انطيني دليل اكيد
كرار: اجيب الشاهد .. يحجي هنا
.
.
عماد: جيبو
كرار: جاسم (واحد من الرجال الي معو) جيب طارق وتعال
جاسم: تم
.
.
عماد: بس اذا طلع تبلي .. راح اكعدكم فصل على سوايتكم
كرار: واني موافق
.
.
بعد نص ساعة
.
.
جاسم: شيخ كرار .. هذا طارق
كرار: تعال هنا طارق
طارق: امر
عماد: انت كايل لكرار ان واحد من ولدي .. خاطف اختو
.
.
طارق: اي شيخ .. اني شفتو حط وصلة بيضة على خشمها .. وصحت عليه وضرب طلقة علي .. بس ما صابتني .. وتركتو خفت لا يقتلني
.
.
عماد: محمد احمد تقربو... ذول ولدي منو منهم .. الي شفتو خطفها
طارق: هذا .. (واشر على محمد)
.
.
عماد: متأكد
طارق: لا لا هذا ... (واشر على احمد)
.
.
عماد: الكل يطلع من المضيف .. بس كرار يبقى يمي ... بعد ما طلعو الكل
.
.
عماد: كرار .. اذا رجعتلك اختك من الي خطفها .. واجيبو لعند رجلك .. شنو راح تسوي
كرار: الي تريده اسويه يا شيخ .. العرض غالي وانت تعرف
.
.
عماد: اليوم بالليل اختك والخاطف يمك
كرار: انتظرك بالليل
عماد: إن شاء الله
.
.
كرار: اني استرخص
عماد: الله وياك
.
.
فهد: طلع كرار .. ودخلنا على عمي
.
.
احمد: بابا .. شو عم يحكي هاد .. الله وكيلك مابعرف البنت اصلا .. لحتى اخطفها
عماد: لا تهتم ابني .. عرفت الخاطف ... فهد
.
.
فهد: امر عمي
عماد: تطلع ورا طارق .. وتشوفو وين يروح .. وتنطيني خبر بمكانو
فهد: صار
.
.
عماد: احمد انت العين عليك حاليا .. لا تطلع اذا ما اكلك
احمد: بابا .. شو شايفني .. بنت لحتى اتخبى
.
.
عماد: بوية انت ماتعرف تقاليد عشايرنا .. احتمال اول ما تطلع .. احد يضربك طلقة مثل ما اتهمك وتصير بحر دم بينا وبين اهل البنت
احمد: ماشي .. رايح عالبيت
.
.
ليندا: كنا بالبيت وناس تدعي وناس تسأل ومابنعرف شو الي صاير .. لحتى اجى احمد
.
.
ندى: شو صار احمد
احمد: امي .. متهميني ان خاطف بنت .. وانا حتى مو شايفها
.
.
ندى: شووووو
احمد: اي والله يا امي
.
.
ام فهد: ابني اذا متفق وياها .. ومنهزمة وياك احجيلنا
احمد: الله وكيلكون ماشفت البنت لحتى اعرفها .. انا ماصرلي بس كم يوم من اجيت
.
.
ندى: وابوك .. شو عمل
احمد: مابعرف .. بس وصاني ما بطلع
ندى: الله يتلطف فينا
.
.
رجال العشيرة موجودين عند المضيف
.
.
عماد: شوفو .. الي يريد يجي ويانا لازم مايرفلو جفن .. اذا اضطر يقتل احد
.
.
ماجد: عد عيناك عمي .. بس اشر
عماد: كفو منك ابني ... محمد انت لا تجي .. لان ماتعرف تستخدم سلاح
.
.
محمد: بس بابا .. مابيصير ضل ساكت
عماد: ابني .. الشغلة مو لعبة .. ولو تعرف تستخدم سلاح جان اخذتك
محمد: متل مابدك بابا
.
.
ماجد: محمد .. ابوك يعرف شدا يسوي
عماد: تحظرو .. هذا فهد دايتصل علي
.
.
فهد: تتبعت طارق من بعيد بدون ما ينتبهلي .. شفتو طلع باطراف العمارة .. ودخل على بيت خرابة .. وكدام البيت ثنين مسلحين
.
.
عماد: ها فهد .. شصار وياك
فهد: عمي .. طارق طلع خارج العمارة .. ودخل على بيت خرابة .. وكدامو ثنين مسلحين
عماد: انطيني العنوان .. وانتظرني عندك
.
.
فهد: انطيتو العنوان .. وانتظرت لحد ما اجى .. عمي ذاك البيت
.
.
عماد: ماجد جيب سلاح لفهد .. وضل انت وياه هنا
ماجد: صار
فهد: عمي اني وياك .. ورجلي على رجلك
.
.
عماد: لعد ماجد .. شوف احد من الشباب يظل وياك .. والبقية تعالو وياي
.
.
فهد: اخذت سلاح ورحت مع عمي والشباب .. والتفينا من ورا البيت .. بدون ما احد يحس .. دخلنا من فتحات الشبابيك .. لان البيت مابيه لا شبابيك ولا ابواب
.
.
دخلنا ونسمع صوت بنت تبجي بالغرفة
.
.
طارق: اليوم انتي حصتي .. واهلج الا افضح شرفهم
فهد: من كال هيج طلعت كدام الباب .. وحطيت طلقة برجلو .. فاتو الثنين الي كدام الباب صرت ورا الحايط .. والشباب جتفوهم من ورا
.
.
عماد: ولك تتهم ابني بفعلتك
.
.
فهد: جنت حاط شماغ على جتفي .. اخذتو وغطيت البنت وسترت عليها
.
.
عمي استلم طارق بوكسيات الا نهاه نهي
.
.
عماد: اخذوهم عالمضيف ... فهد فك البنت وجيبها
.
.
فهد: صار عمي .. فكيت البنت .. وافكر بعقل عمي عماد .. لخاطر الله شنو من عقل عندو .. فكيت البنت وخطية خايفة وتبجي .. انتبهت عمي حاط تيلفونو بايدو
.
.
طلعو الشباب واخذو طارق والي وياه .. بيقنا بس اني وعمي والبنت
.
.
عماد: لا تخافين بنتي .. هسا راح ناخذج للبيت وبالليل نرجعج لاهلج
.
.
فهد: انكسر كلبي عالبنت .. وفكرت لو اختي بمكانها .. والله لاحرك الدنيا
.
.
اخذنا البنت ويانا ورجعنا .. عمي ارتاح من كشف الحقيقة .. وصلنا البيت .. ودخلناها اني وعمي للبيت
.
.
ليندا: كنا قاعدين .. واجى محمد خبرنا على الي عملو ابي .. بس محدا فهمان ليش عمل هيك .. ورا ساعة .. دخل بابا وفهد وبنت معهم
.
.
ندى: مين هي عماد
عماد: هاي البنت الي اتهمو احمد خاطفها
جدتي: شلون لكيتها
.
.
عماد: افه .. تربيتج يمه اجيبها لو تحت سابع ارض
جدتي: عفية بابني السبع
.
.
عماد: نور بوية .. اخذي البنت خليها تغسل .. وانطيها من ملابسج
نور: صار عمي
.
.
ليندا: راحت البنت مع نور ... وقعد بابا يحكيلنا .. كيف لقاها .. وكيف شك بطارق لما ارتبك بالحكي .. خلص وطلع هو وفهد
.
.
فهد: شراح تسوي هسا عمي
عماد: اريد اعرف شنو السبب الي خلى طارق يسوي هيج
فهد: انطينياه ثواني .. اخليه يغرد
.
.
عماد: من ندخل عالمضيف استلمو
فهد: لعيونك
.
.
دخلنا عالمضيف وطارق والي وياه مجتفين بالوسط
.
.
فهد: طارق .. احجيلنا ليش خطفت البنت .. وليش اتهمت ابن عمي
طارق: ما دخلك انت
فهد: انت اختاريتها
.
.
دست برجلي على مكان الطلقة .. صاح ودنك من الوجع .. وضربتو بوكس طفرت الدم من حلكو ... ها دخلني هسا لو بعد
.
.
طارق: خلص خلص .. راح احجي ... اني احب البنت .. واريد اتزوجها .. فكلت اخطفها واكسرها .. وارجع اطلبها من اهلها .. وقتها راح ينجبرون يوافقون
.
.
فهد: ضربتو بوكس .. شايفني غبي كدامك .. اذا تحبها شلون تكوللها .. افضح شرف اهلج
طارق: مجرد كلام .. حجيتو علمود تخاف .. الله وكيلك
.
.
فهد: وليش اتهمت ابن عمي
طارق: لان هم مو معروفين بالمنطقة .. ومحد يعرف اخلاقهم زينة ولا لا .. واذا يسوون هيج ولا لا
.
.
فهد: عمي شرايك بالحجي
عماد: كسرت البنت لو لا
طارق: لا .. قبل ما اكسرها طبيتو انتو
.
.
عماد: فهد .. انت ومحمد وماجد تبقون هنا .. والبقية مكثورين الخير .. ونخدمكم بالافراح
الكل: تدلل شيخنا
.
.
خليل: كفو منك والله .. انت اخو ينشد بيك الظهر
عماد: فديت ربك
.
.
جدي: عفية ابني
عماد: تربيت ايدك بوية
جدي: وما ضاع تعبي بيك
.
.
ليندا: من طلع بابا وفهد .. رحت عالبنت وهديتها شوي وطمنتها .. وخليتها بغرفتي .. وجهزتلها اكل .. وصرنا صديقات انا وياها .. وهي طيبة كتير ومنيحة .. وحكيها حلو كتير
.
.
فهد: راح عمي عالبيت .. واني وماجد ومحمد استفردنا بهالثلاثة .. ايمتى ما تطخ براسنا استلمناهم شوفناهم الويل .. لليل اجى عمي  وكال جيبوهم
.
.
طلعناهم .. شفت عمي وجدي وجدتي والبنت بسيارة .. وابوي بسيارة
.
.
اخذناهم وحطينا طارق بصندوك السيارة الي بيها عمي وجدي وواحد بصندوك السيارة الي بيها ابوي .. والثالث بصندوك سيارتي .. وماجد ومحمد وياي .. وانطلقنا لبيت كرار
.
......يتبع