عشق طفله

البارت(37)عشق_طفله الكاتب#احمد

#عشق_طفلة
بقلم #احمد
البارت_37
فجئة دخل غضب عيونو حمر العصبية ما تنوصف شرايينو تريد تنفجر من العصبية
.
.
دحكلي انا من شفت نظرتو عرفت اكو مصيبة صايرة
غضب: كوليلي مو انتي الله يخليج
.
.
ليندا: يحجي وعيونو حمر وأعصاب وجهو كلها طالعة ويحجي بطريقة واحد كلش متأذي
غضب: احجييييييي
ليندا: فهمني شكو
.
.
غضب: وين جنتي قبل شوية وليش مو لابسة الشااااااال
ليندا: حاولت اهدى وكلتلو ما طلعت من المطبخ والشال اجت ايه اخذتو مني علمود تشكل الصوندة ومن دخلت صحتها وما سمعتني وماكدرت اطلع لان الحجي وحسين بالصالة
.
.
رفعت راسي شفت الحجية واكفة عند باب المطبخ وصار صوت الحجي وحسين يريدون يفهمون شصار لان صوت غضب جان عالي
.
.
غضب: اييييييييه
ايه: نعم عمي
غضب: شفت شال بيدها اعرفو لليندا لان اكثر من مرة لبستو كلتلها جيبي الشال
.
.
ليندا: انطاني الشال دا الفو على شعري ما حسيت الا ايه انسحبت من شعرها وانضربت راشدي حسيت اذني توجعني من صوتو
.
.
غضب: اجيت من الشغل دا امشي بسيارتي اكو بضهر بيتنا فرع صغير ومحد يعبر منو لان ماتمشي بيه سيارات
.
.
شفت وحدة شعرها اصفر صاعدة عالحايط واكو ولد واكف دا يلعب بشعرها ويحجي وياها بس وجهها مو مبين لان صاير الشعر كدامها وكفت السيارة ونزلت وشافني الولد وانهزم وهي دخلت داخل وكل الي اجى ببالي ليندا هي الواكفة
.
.
احس شياطين الدنيا كلها كامت تلعب براسي رجعت ركبت السيارة ورحت للبيت اول ما دخلت اجيت اريد اضرب ليندا
.
.
انتبهت شعرها جان مسويتو جديلة (طبعا ماعرف شنو تسموها انتو) والي جانت واكفة شعرها مفتوح وجان اكو اختلاف بلون الشعر مو مثل اللون بالضبط والحمدلله ركزت على هالشي
.
.
ومن جابت الشال اية اندارت تريد تصعد شفت شعرة مثل شعر البنت الجانت واكفة على كتوفها وتذكرت مرة حسن جابلي طاري شعر مستعار وجان يضحك على ايه ويحجي سحبتها وضربتها راشدي كل قوتي
.
.
اهلي كلهم يريدون يفهمون شكو انا نزلت لعند ايه الواكعة بالكاع وماسكة وجهها ومسكتها من حنجها وعصرتها
.
.
غضب: منو الجان وياج احجيييييي
ايه: ما دخلني وربي ما دخلني
غضب: دا اكلج احجيييييي
.
.
اجى حسين يسحبني ويريد يفهم شكو
غضب: بنتك الطاهرة لكفتها واكفة ويا ولد ورا البيت
ولج احجي لا اقسم بالله اقتلج احجييييي
ايه: مو اني وربي عمتي فرح كالتلي سوي هيج
.
.
غضب: رفعت راسي شفت فرح واكفة عند الدرج اول ما سمعت انهزمت وركضت وراها دخلت بالغرفة تريد تسكرها ودفرتها وكامت تتوسل واستلمتها راشديات واريد ابرد كلبي بيها
.
.
ليندا: غضب راح على فرح وحسين استلم ايه راشديات وضرب انا بس اصوات الضرب وصراخ ايه سببلي رعب شوية ونسمع صوت فرح فوك وكام حسين ترك ايه وصعد فوك وما نسمع بس صراخ فرح شوية ودخل حسن شاف الوضع ومستغرب شنو الي صاير
.
.
حسن: شكو حجية جدي شبيها ايه وليش فرح تصارخ شبيكمممممم
ليندا: ايه شافت حسن وجهها صار اصفر وزاد بجيها خايفة منو
حسن: شبيكم احجووووو
.
.
الحجي: غضب شايف اختك واكفة ويا شاب ورا البيت
حسن: فتح عيونو على وسعهن ودنك على ايه هي فورا حطت ايدها كدام وجهها
حسن: صدك ولججججججج
ايه: والله مادخلني فرح مو اني والله
.
.
حسن: تركها وصعد يريد يشوف شكو فوك قبل ما يوصل نزلو غضب وحسين من فوك غضب عصبيتو ما تنوصف وعيونو حمر دم
.
.
غضب: اني رايح اجيب هالعار من تحت الارض واقسم بالله لندمج انتي وعمتج يولي لينداااااا
.
.
ليندا: اني كاتلني الخوف من الي صار ومن سمعت اسمي كلت تورطت رديت بخوف نعم
غضب: اصعدي لغرفتج وان شفتج نزلتي اكسر رجلينج فاهممممممه
ليندا: اول ما خلص كلامو رحت ركض فوك دخلت عالغرفة وقفلت الباب
.
.
غضب: شبعت فرح كتل اخير شي كالتلي الولد متعرفة عليه من الفيس وحاجية وياه وقانعتو يجي ومخلية ايه تلبس الشعر وتاخذ شال ليندا علمود من ادخل انا الكي ليندا كدامي بدون شال واشك بيها ويعرفوني اذا اشك بيها اعدمها
.
.
من كالت هيج احس صارت عصبيتي اضعاف اخذت مبايلها وقفلت الباب ونزلنا انا وحسين صحت على ليندا خليتها تروح للغرفة علمود محد يأذيها بين ما اشوف حل للمصيبة الي وكعت على راسي بنات بيتنا يسون علاقات وينزلن راسنا بسبب حقدهن على ليندا
.
.
طلعت خابرت واحد صديقي يشتغل بالبرمجة وماكو شغلة ما يكدرلها كلتلو اريد تطلعلي موقع شخص عندي حسابو عالفيس كال تعالي للسوك وتدلل
.
.
رحت عليه اول ما وصلت بدون سلام فتحت مبايل فرح انطيتو الحساب كلتلو طلعلي موقعو بسرعة
.
.
ناظم: شنو سالفتو هذا ابو عذاب
غضب: رحمة لوالديك ناظم طلعلي الموقع بدون سؤال
ناظم: بس فهمني بين ما يطلع
.
.
غضب: بعدين احجيلك بس شوفلي وينو ابن القندرة هذا
ناظم: ما يطلعلي الموقع لان جهازو مو متصل بالنت
غضب: استلمت الولد مسبات
.
.
ناظم يريد يهديني ويفهم مني ماكو اخير شي رجع للحاسبة وكالي طلع موقعو
.
.
غضب: وينو
ناظم: مو ثابت لان دا يتحرك بس جهازو متصل بالنت حاليا
غضب: وشنسوي هسا
ناظم:خلي نشوف وين يستقر
.
.
غضب: صرت عند ناظم واباوع للشاشة اشوفو النقطة تتحرك بخط مثل الشارع واحس دمي يفور واريد بس امسكو الا ادفنو شوية وثبت مكانو
ناظم: وصل للبيت
غضب: انطيني الموقع بسرعة
.
.
شفتو ضغط على الكيبورد وانطاني العنوان
ناظم: خليني اجي وياك
.
.
غضب: لا حبيبي مشكور ما قصرت تركتو وطلعت ركض من المكتب وركبت سيارتي واتجهت عليه
.
.
الطريق كلو تفكيري مشغول شلون استدرجو خارج البيت لان من يشوفني اكيد يدخل داخل البيت واذا بيه نسوان ماراح ادخل عليهن لان مهما كان هن ما دخلهن بالي سواه هالناقص
.
.
وصلت المنطقة وكفت براس الفرع شوية وشفت جاهل طلع من البيت المقابيلهم رحت عليه
.
.
غضب: شلونك يا حلو
الولد: زين
غضب: هذا بيت منو واشرت عالبيت
الولد: هذا بيت خاله ام مازن
.
.
غضب: اريدك تدك الباب ومن يطلعلك مازن انهزم للبيت وانطيتو 10 الاف
.
.
راح يركض عالباب دكو انا صرت بمسافة قريبة عالباب بس اذا ما يطلع ما يشوفني سمعت صوت واحد يصيح منو اشرت للولد كال انا خالو مازن
.
.
طلع مازن الولد انهزم للبيت وهو طلع مو فاهم شي اندار عليه وجهو صار اصفر قبل ما ينهزم مسكتو من ملابسو وسحبتو خارج البيت واستلمتو بوكسيات ودفرات
.
.
امو طلعت عالصوت وتصيح ولدي راح ولدي راح هو صار ازرك من الكتل سحبت سلاحي اريد اضربو طلقة براسو وصارت كدام السلاح امو وتتوسل
.
.
الام: دخيلك لا تكتلو شتريد اطلب بس لا تكتلو
غضب: ابعدي قبل ما اقتلج وياه
الام: اقتلني قبلو اذا تريد تقتلو
.
.
غضب: تمالكت اعصابي وكلتلها وياكم يومين اذا شفتكم هنا يوم واحد ما اخليكم عايشين
الام: خلص ما نبقى والله بس دخيلك لا تكتلو
.
.
غضب: رجعت ركبت سيارتي واتصل عليه صديقي كال يريدونا نروح لبغداد كلتلو ما اروح كال هاي اوامر مو اختيارات واذا ما تجي تتعرض وضيفتك للخطر واحتمال يسحبون الرتبة منك كلتلو ايمتى نروح كال بعد ساعة رجعت بسرعة للبيت علمود ابدل واطلع
.
.
ليندا: كاعدة بالغرفة اسمع اصوات نقاشهم خارج بس صوتهم بعيد ما افهم شي وما طلعت لان غضب منعني كاعدة وسمعت صوت غضب تحت يصيح ويكول الولد اخذ حقو وراح يطلع من المنطقة هاليومين واجى دك الباب وكمت فتحتلو
.
.
غضب: ليندا بسرعة جهزيلي ملابسي العسكرية وشوية ملابس وياهن اريد اطلع لبغداد
ليندا: ليش
غضب: يريدوني اني واصدقائي الضباط يلا بسرعة وحطيلي ملابس بالحمام
.
.
ليندا: حطيتلو ملابس بالحمام ورجعت طلعت جنطة حطيت ملابسو العسكرية وخليتلو ملابس بين ما خلصت طلع هو من الحمام نشف شعرو بسرعة كلتلو خليني احطلك غدا قبل ما تروح
.
.
غضب: لازم اروح بسرعة ماعندي وقت وديري بالج على نفسج وانا وصيت ابتسام عليج
ليندا: ماعلي شي اني تروح وترجع بالسلامة
غضب: الله يسلمج يلا مع السلامة
.
.
ليندا: باسني من راسي وراح ابتسمتلو وحبيت حركتو من باس راسي وراح نزلت على ابتسام بالمطبخ والبيت وضعو مو مستقر وكلهم ضايجين بسبب ايه وفرح وحابسينهن كل وحدة بغرفة فوك الدنيا عصر دخلت للمطبخ
.
.
ابتسام: ها للوش ليش نزلتي
ليندا: غضب راح وكلت اجي اساعدج بالعشى
ابتسام: ليش منو الو خلك اكل بهالمصيبة
ليندا: ترا انا لحد الان ما فهمت كلشي
.
.
ابتسام: فرح وايه مخططات تطلع وحدة منهن وتلبس الشعر الي جابو حسن ل ايه علمود من يشوفها غضب عبالو انتي ويجي يكتلج بس الله كشفهن
ليندا: الحمدلله والله لو مو كاشفهن جان موتني غضب
ابتسام: اي والله
.
.
ليندا: كضينا اليوم كل واحد كاعد وساكت بس قهروني حسن وحسين والحجي منزلين روسهم ولو ما عيب يبجون من القهر الحجية وام ايه نظراتهن كلها حقد وكره وكأنو انا الي وكعت ايه وفرح بالمصيبة بس ما اهتميلتهن ولا اختلطت وياهن
.
.
من خلصت شغلي صعدت فوك فورا ونمت ثاني يوم كعدت الصبح نزلت تحت لكيت ابتسام صبحت عليها وسوينا الريوك
.
.
حطت الهم بالصالة وام ايه اخذت لايه وفرح ريوك وانا وابتسام تريكنا بالمطبخ علمود ما انجمع مع الحجية وام ايه وكضينا اليوم بروتينو العادي واتصل زوج فرح على الحجي كالو خليها كم يوم عندنا لان محتجاينها بشغل بالبيت
.
.
بس هو يريد يروح اثر الضرب منها بعدين يرجعها جهالها وياها بالغرفة ما يطلعون لان خافو من غضب وحسين من ضربو امهم بس كسرو كلبي لان ما الهم ذنب حصلو خوف وهم مو مسوين شي مرت يومين اشتاقيت لغضب لان تعودت على وجودو وياي
.
.
غضب: رحت لصديقي باقي ربع ساعة ونروح كلتلو ليش طالبينا
تحسين: ولك مالك محقق ويا واحد ومأذيه واخير شي طلع اسمو بيه تطابق ومالو شغل واهلو عدهم واسطة ومشتكين علينا
.
.
غضب: وليش مشتكين علينا مالك الي محقق وياه شدخلنا احنا
تحسين: كايلين نريد كل المسؤولين عن التحقيق يجون
غضب: ويكولك ليش تعصب
.
.
رحنا لبغداد وشغل الدولة بهيج امور يتأخر ومالك عليه مجلس تحقيق واحنا يراجعون ملفاتنا علمود اذا غلطانين اي غلط يسوون علينا مجلس تحقيق لكو اكو بعض الابرياء محققين وياهم بس جان ضروري نحقق وياهم ببعض القضاية فما اهتمو للموضوع
.
.
واحنا بقينا ننتظر يخلص التحقيق ويا مالك علمود نرجع وبالي مشغول على ليندا بس من اتصل على ابتسام او حسن يطمنوني عليها ارتاح
.
.
ليندا: ثالث يوم بعد روحة غضب ابتسام راحت لاهلها وداها حسن وانا بقيت لحالي وجنت محتاجة غراض من السوك كلت اتصل على غضب من تيلفون حسن واكولو
.
.
غضب: جنا كاعدين اني وجماعتي اتصل علي حسن ورديت عليه
ليندا: الو
غضب: هلا بهالصوت وابتعدت عن جماعتي شوية
.
.
ليندا: شلونك
غضب: من سمعت صوتج صرت زين
ليندا: إن شاء الله دومك بخير
غضب: والكايل
.
.
ليندا: اكدر اطلب منك طلب
غضب: اطلبي وتدللي
ليندا: ما يتدلل عليك ظالم اريد حسن ياخذني للسوك محتاجة غراض الي
.
.
غضب: ليش ما تخليه هو يجيبهن الج
ليندا: مايصير لازم انا اروح
غضب: تمام روحي واخذي ابتسام وياج
ليندا: ابتسام عند اهلها
.
.
غضب: لعد اجليها لباجر
ليندا: ما نتأخر بسرعة نرجع
غضب: تمام وانطيني حسن ومن ترجعون اخذي من حسن واتصلي علي
.
.
ليندا: تمام حسن هاك غضب يريدك
حسن: هلا عمي
غضب: تروح وياها وشتريد اشتريلها ودير بالك عليها
حسن: بعيوني عمي
.
.
ليندا: سكر التيلفون حسن وكال روحي حظري نفسج علمود نروح قبل ما يصير الجو حار صعدت فوك بسرعة حظرت نفسي ونزلت لكيتو ينتظرني
.
.
الحجية: وين رايحين حسن
حسن: حجية ليندا محتاجة غراض من السوك واتصلنا على عمي كلنالو وهسا رايحين نجيبهن ونجي
.
.
الحجية: وانتي ليندا سويتي غدا
ليندا: لا بس ما نتأخر بسرعة نرجع ومن نرجع اسوي غدا
الحجية: يلا روحو وارجعو بسرعة
ليندا: طلعنا ركبنا بالسيارة وانطلقنا للسوك
.
.
غضب: رجعت ويا جماعتي
تحسين: ها ابو الشباب اول مرة تسوي هالحركات
غضب: يا حركات
تحسين: بخباثة اول مرة تبتعد من يجيك اتصال
غضب: لا ماكو شي بس البيت اتصل
.
.
هم يعرفوني من احجي وياهم اكللهم مثلا الحجية او زوجتي لان معتبرهم اخواني مو اصدقائي فضحكو على كلمة البيت
.
.
تحسين: البيت الصغير لو الجبير
غضب: لا والله الصغير
تحسين: وضعك تمام لعد هههههه
.
.
غضب: اي بعد اخوك انطيني عين وطيح حظي
تحسين: هههههه لا يخوي الله يوفقكم مع بعض
غضب: امين
.
.
كملنا كلامنا الظهر رحنا على المطعم تغدينا وطلعنا على مقهى تونسنا وكلنا نكضي هالكم يوم ونسة ببغداد ونغير جو الشغل والبيت شوية ليندا ما اتصلت كلت اكيد دا تسوي غدا من رجعت وبعدها ما صارت الها فرصة
.
.
العصر اتصلت على حسن ماكو رد كررت الاتصال اكثر من مرة ماكو اريد اتصل على حسين واجى تحسين حجى وياي اني مو مركز وياه بس اكولو اي ومدري شنو يحجي
.
.
جان مشتغل النت بتيلفوني اشعار طلب مراسلة ما اهتميت اتصلت على حسين ماكو رد كررت الاتصال ماكو وابوي نفس الحالة توترت
.
.
اتصلت على ابتسام كالت انا عند اهلي وكلتلها اتصلي عليهم واذا حصلتيهم رجعيلي خبر ورجعت اتصل واريد بس واحد يرد ماكو كلهم يدك التيلفون الا يفصل وماكو رد
.
.
فرح وايه ماخذين تيلفوناتهن وغافليهن وليندا نفس الحالة مادري شنو خلاني اشوف طلب المراسلة وتحسين واكف وياي شافني متوتر واتصل سألني كلتلو اهلي ماعرف شبيهم محد يرد
.
.
بقى واكف وياي يريد يتطمن فتحت الطلب شفت بالعشرين صورة بس كلها غواش مو مبين شي تركتو وطلعت كلت بعدين اشوفو رجع دزلي رسالة كاتب ما شفت حبيبة الكلب مو
.
.
غضب: منو انت
الحساب: مو مهم منو انا المهم شنو اريد منك
غضب: احجي بدون تمضرط
.
.
الحساب: هههههههههه على كيفك سيادة الضابط لان هالمرة مو انت الي تتحكم بمجرى الامور وهسا جاو مؤقت
.
.
غضب: ماعرف شنو اسوي اخير شي اتصلت على ناظم كلتلو راح ادزلك حساب بسرعة طلعلي موقعو كالي دزلياه وشوية ويوصلك الموقع
.
.
دزيتلو الحساب ورجعت اتصل باهلي ماكو شوية ودزلي صورة للموقع والعنوان خارج العمارة كلتلو اريدك تروح للعنوان بس من بعيد تشوفلي شنو هذا المكان وتخابرني
.
.
ناظم: غضب ترا قلقتني ثاني مرة تجي تطلب مني مواقع حسابات وانا مو فاهم شي
غضب: بس اجي من بغداد افهمك
ناظم: تمام يخوي انا هسا طالع
.
.
غضب: سكرت منو ورحت لسيارتي اصدقائي يريدون يفهمون شصاير ما جاوبت عليهم لان حتى انا مو فاهم شي
.
.
شغلت السيارة وتوجهت للعمارة واتصل على اهلي محد يريد وكمت اسب واضرب بالستيرن اريد بس واحد يفهمني شكو ماكو تهسترت عالاخر دا امشي بالطريق واتصل علي ناظم
.
.
غضب: ها ناظم بشرني
ناظم: ماكو يخوي المكان فارغ ماكو لا بشر ولا شي
غضب: متأكد
ناظم: اي والله بس خليك وياي عالخط ثواني
غضب: تمام
.
.
راح شوية ورجع
ناظم: لكيت تيلفون مكسور مثل معلومات التيلفون الطلعلي موقعو
غضب: شلون لعد طلع موقعو
ناظم: الضاهر قبل ما يكسرو طلع موقعو
غضب: تمام مشكور
ناظم: تدلل حبيبي
.
.
غضب: سكرت منو صارت الدنيا ليل وصلت البيت نزلت ركض دخلت للبيت لكيت ام ايه والحجية يبجن بالصالة
.
.
غضب: شبيكم ليش محد يرد عالصخمممممممم التيلفون
الحجية: ولك راح حسن راااااح
غضب: شبيييييييه
الحجية: ما اخذتو ليندا الله لا يرضى عليها ومو مبينلو اثر
.
.
غضب: كالت هيج احس ضربة قوية ضربتني على راسي تركتها وطلعت ركض ركبت السيارة وطلعت ادور بس وين اروح ماعرف لا ادري شصاير وياهم ولا اعرف وين الكيهم
.
.
رحت افتريت عالمستشفيات ماكو اتصلت على ناس وانطيتهم معلومات السيارة واتصلت على ضابط صديقي علمود يسوي بحث فوري عنهم بدون انتظار ٢٤ ساعة
.
.
الساعة ١٢ بالليل دا افتر بالشوارع وصلني اتصال انهم لكو سيارة حسن باطراف العمار رحت عليهم مثل الصاروخ
.
.
وصلت لكيت الشرطة وناس ملتمين نزلت مثل المخبل دخلت من بينهم شفت السيارة كالبة ومباقي بيها شبر سليم وفارغة والضابط الي اتصلت عليه وياهم كلتلو وين الي جانو بيها كال لكينا السيارة بس ما بيها احد من اجينا
.
.
غضب: خاف احد ناقلهم لمستشفى
الضابط: انطينا خبر للمستشفيات وننتظر منهم خبر
غضب: من يرجعولك خبر اتصل علي
.
.
تركتو ورجعت ركبت سيارتي واحس اختنكت اريد افهم شصاير وبس اريد اعرف اذا بعدهم عايشين ولا لا رحت للبيت لكيت ابوي وحسين موجودين
.
.
عاركتهم لان ما ردو علي من البداية كالو جنا طالعين وناسين تيلفوناتهم بالبيت
.
.
شوية واتصل علي الضابط كال ماكو اي معلومات عن زوجتك او ابن اخوك بالمستشفيات سكرت منو وماسك راسي اريد بس افكر بحل يوصلني الهم وماكو وصلني اشعار عالماسنجر هم طلب مراسلة فتحتو نفس الاسم القديم بس الصورة تختلف
.
.
الحساب: تأخرت عليك مو
غضب: احجي منو انت لا اكفر بيك
الحساب: لا لا مايصير تكفر حرام انت شخص صالح ما يصير تسوي هالشي
.
.
غضب: دا اكلك احجيييييي
الحساب: بعدين نحجي يا حلو وبالنسبة لصديقك الي طلع الموقع هاي اخر مرة نشوفو واذا طلعلنا مرة ثانية فراح تكون معزوم على فاتحتو واذا طلعت الموقع مبروك عليك التيلفون المكسور الثاني
غضب: احجيلي منو انت
.
.
شفت الرسالة ما وصلتو عرفت سكر واكيد كسر التيلفون يعني مجهز نفسو لكلشي ومضبط وضعو علمود ما نكدر نحصل منو اي دليل ابد
.
.
اهلي سألوني لان لاحظو اني اراسل وعصبي انطيتهم التيلفون شافو المحادثات وسألوني كلتلهم ماعرفو وانا دايخ لا يقبل يكول منو هو الي راسلني ولا يحجي يريد بالضبط
.
.
يتبع........
توقعاتكم الحلوة ❤