عشق طفله

البارت(43) عشق_طفله الكاتب#احمد

#عشق_طفلة
بقلم #احمد
البارت_43
.
.
ليندا: اجى حسن اخذ اية ومن عرف بغضب كال ... خلي اخذو لمستشفى كلنالو ... نايم من يكعد اذا ما يكدر نخابر اقتنع واخذ اية وراح
.
.
ابتسام جانت هم تعبانة وراحت نامت انا اخذت ملابس ورحت سبحت ومن طلعت بس جففت شعري ورحت تمددت عند غضب يعجبو ما يعجبو ما دخلني المهم انا يعجبني ابتسمت على تفكيري وغفيت بحظنو
.
.
غضب: كعدت ثاني يوم لكيت نفسي بالغرفة انداريت يمين يسار مستغرب من وضعي اخر شي اتذكرو جنت بالشغل وهسا نايم بالغرفة وليندا يمي معقولة جنت احلم
.
.
ليندا: حسيت الصبح على غضب يكعدني
غضب: للوش يلا كومي سويلي ريوك اريد اروح للشغل
ليندا: لا تروح اليوم خاف هم تتخربط
.
.
غضب: شنو من تخربط ؟
ليندا: لعد مو البارحة رجعت مريض وماتكدر
غضب: شبيج يمعودة لازم حلمانة
.
.
ليندا: من كال هيج صفنت كلت خاف حلمانة بس انا متأكدة مو حلمانة كمت منو رحت لغرفة ابتسام كعدتها ومن كل عقلي كلتلها البارحة غضب رجع مريض لو انا متوهمة
.
.
ابتسام: شبيج للوش لازم طكن فيوزاتج لعد مو انا وياج قنعنا حسن يروح
ليندا: غير غضب خبلني يكول انتي حلمانة ماكو هيج حجي
ابتسام: لا مو حلمانة روحي هسا سوي ريوك وانا اروح اشوفو
.
.
ليندا: تمام ... رحت عالسريع صليت وطلعت للمطبخ وابتسام هم صلت وراحت لغضب
ابتسام: الحمدلله عالسلامة
غضب: الله يسلمج ويعافيج ... بس علمود شنو
.
.
ابتسام: غير البارحة رجعت متخربط وماتدري بالدنيا
غضب: كل عقلج ؟
ابتسام: اي والله حتى اسأل حسن واية جانو عندنا البارحة رجعت انت من الشغل ماتدري بالدنيا ومن الباب للفراش
.
.
غضب: حرام اذا اتذكر
ابتسام: صليت ؟
غضب: لا هسا اصلي
ابتسام: لعد صلي وتعال تريك
غضب: تمام
.
.
راحت ابتسام وانا طلعت للحمام توضيت ورجعت للغرفة اريد اصلي واحس نفسي مو مرتاح وكأنو دا اسمع اصوات ليندا وابتسام وهاي اول مرة اسمع اصواتهن من اكون بالغرفة وهن بالمطبخ سمعت صوت ليندا صاحتني تركت السجادة ورحت للمطبخ
.
.
ليندا: اجت ابتسام كالت الظاهر لان جان متخربط كلش البارحة مو متذكر وكملت وياي الريوك اجى غضب شو بس شافني دار وجهو للجهة الثانية وصاح ابتسام واني تخبلت ماعرف شبيه من البارحة معقولة سامع شي عني
.
.
غضب: رحت للمطبخ احس مستعد اشوف اي احد بس ليندا لا صحت ابتسام واجت عندي
ابتسام: كول ابو عذاب محتاج شي
.
.
غضب: اخذي ليندا عالغرفة بين ما اتريك
ابتسام: باستغراب ... ليش
غضب: الله يخليج سوي الي اريدو منج
ابتسام: صليت ؟
.
.
غضب: ها اي صليت
ابتسام: روح صلي مرة ثانية
غضب: ليش
ابتسام: لان ما صليت انا شفتك
غضب: بصوت عالي ... دا اكلج صلييييت
.
.
ليندا: جانو يحجون بس لان هم بالصالة وانا بالمطبخ ما اسمعهم زين بس من صاح غضب على ابتسام فزيت وهاي اول مرة يصيح عليها
.
.
ابتسام: باصرار ... روح صلي
غضب: ابتسام اتركيني لا ابتلي بيج
.
.
ابتسام: للوش اتصلي على حسن وجيبيلي التيلفون وانت غضب لا تصلي تعال وياي علمود احطلك ريوك بالغرفة
.
.
ليندا: اخذت تيلفون ابتسام ركض وخابرت على حسن ورحت وديتو لابتسام شفتها اخذت غضب من دخل للغرفة طلعت وقفلت الباب واخذت التيلفون تحجي ويا حسن
.
.
حسن: ها عمتي خوما عمي بيه شي
ابتسام: بسرعة تروح تجيب شيخ يرقيه مسوينلو سحر
حسن: شنو شنو منو مسوي وشلون عرفتي ؟
.
.
ابتسام: هسا مو وقت اسألتك يلا بسرعة
حسن: تمام تمام هسا اجيكم طيارة
.
.
ليندا: من كالت سحر ذبحني الخوف اخذتني للمطبخ وبقينا ننتظر حسن نص ساعة اجى
.
.
حسن: وين عمي
ابتسام: بغرفتو
حسن: ادخلن لعد بغرفتج علموديدخل الرجال
ابتسام: تمام
.
.
ليندا: رحنا لغرفة ابتسام شوية واسمع غضب كام يصيح على حسن والرجال الوياه بس صوتو شوية شوية يتغير ويصير خشن وانا متت بدمي من الخوف صوتو جان كلش مخيف وماعرف شلون حسن والرجال متحملين وبعدهم عندو
.
.
(القصة بلسان حسن)
جبت الشيخ دخلنا على عمي شفناه صافن وكان اكو احد كدامو
الرجال: جيبلي قماشة او شال علمود اربط عيونو
حسن: ليش تربط عيونو
.
.
الرجال: الجن راح يحاول يطلع من عيونو واذا طلع من عيونو راح يفقسها
.
.
حسن: رحت عالكنتور طلعت شال ما احس الا عمي كام علينا بس شكد هو قوي احس قوتو اضعاف كوة سيطرنا عليه انا والرجال
.
.
ربطنا عيونو من ربطناهن كعد بالكاع الرجال حط ايدو على راس عمي وبدا يقراء قرأن وعمي حالتو تسوء مرة يصيح مرة يون مرة يضحك مرة يبجي
.
.
صوتو مرة يتغير ومرة يرجع طبيعي بس الي استغربت محاورة الرجال مع عمي
.
.
الرجال شنو اسمك
غضب: دانون
الرجال: شنو ديانتك
غضب: يهودي
.
.
الرجال: شنو تريد من هذا الشخص
غضب: انا خادم للسحر
الرجال: يا اما تطلع يا اما احرقك
غضب: ما اطلع
.
.
حسن: رجع الرجال يقرا قرأن بس عمي جن جنونو بس لان ربطنا عيونو مايكدر يسوي شي شوية وفقط الوعي
.
.
حسن: شنو الصار
الرجال: الحمدلله خلصنا منو
حسن: وعمي
الرجال: راح يصحى بعد شوية
.
.
غضب: صحيت عيوني مربوطة وماعرف شصار فتحتها لكيت حسن ووياه رجال مبين عليه شيخ وانا كاعد بالكاع وبغرفتي اجى حسن ساعدني وكعدت عالسرير
.
.
حسن: الحمدلله عالسلامة عمي
غضب: الله يسلمك شنو الصار
الشيخ: مسوينلك سحر بس احمد ربك انو بعدك مو ماكلو
غضب: شلون يعني
.
.
الشيخ: اكو ناس مسوين الك سحر وبس يحطولكاه باكل او ماي راح يكون جسمك بوابة مفتوحة كدام الجن
.
.
وبسبب القوة الي يحتاجها كل جني بالعبور من عالم لعالم جسمك راح يتأثر ويكون مدة حياتك اذا زادت 10 ايام بس الحمدلله تأخرو وما اكلتو وكدرنا نتخلص منو
.
.
غضب: ومنو سوا هالشي
الشيخ: جواب هالسؤال عندك مو عندي انت تذكر منو يكرهك او عندو عداوة وياك
غضب: مشكور شيخنا شكد تأمرنا علمود تعبك
.
.
الشيخ: دعوة تكفيني انا اسوي الرقية لوجه الله يلا استرخص
غضب: اشرب جاي عالقليلة
الشيخ: تعذرني ماكدر لان اكو ناس ينتظروني هم عدهم شخص ارقيه
.
.
غضب: مشكور وجزاك الله خير حسن وصلو بالسيارة
حسن: بعيوني
.
.
ليندا: راح صوت غضب وصار هدوء خفت صايرلو شي شوية واجى حسن كال رايح يودي الشيخ وراح
.
.
ابتسام: كومي لعد خلي نتطمن على غضب
ليندا: لا ما اريد
ابتسام: ليش
ليندا: ما اريد ما سمعتي صوتو
.
.
ابتسام: هههههه لا تخافين حبيبتي هسا رجع مثل قبل
ليندا: ما دخلني والله ما اروح
ابتسام: لعد روحي عالمطبخ جهزي الغدا هسا اجي
ليندا: تمام
.
.
غضب: احس عندي خمول وتعبان وجسمي يوجعني من التعب تمددت بفراشي واجت ابتسام تطمن علي طمنها وكلتلها لا تكعدوني اريد ارتاح ونمت
.
.
ليندا: كملنا اليوم طبيعي للمغرب كعد غضب بس الحمدلله غضب القديم مو الجديد هههههههه اجى عندنا كعد يسولف ويانا بس انا خايفة ما سألت عن  الموضوع بس ابتسام سألتو وحجالنا الي حجاه الشيخ
.
.
ابتسام: ومنو الو مصلحة بهالشي وتعرف محد من كرابتنا يسوي هيج لان كلهم يعرفون هالشي حرام
غضب: الي يخطف ويزني هالشي عندو زلاطة
.
.
ابتسام: الله لا يربحها بس شعرفك هي مسويتها
غضب: ماكو غير هالاحتمال
ابتسام: إن شاء الله تكون هي مو غيرها
.
.
غضب: خابرني تحسين راح يجون بعد شوية هو واهلو
ابتسام: لعد تعشى وروح بسرعة جيب ضيافة وياك
غضب: خابري حسن خلي يجيب خاف يجون من اطلع عيب منهم
.
.
ليندا: اتصلت ابتسام بحسن اسمعها تطمنو على غضب ووصتو وبعدها فتحت السماعة وانطت التيلفون لغضب
حسن: اكلك ابو راس مدوحس منو كلك اني اشتغل عند الحجي
.
.
غضب: منو راسو مدوحس ولك حيوان
حسن: مو كلتلك لا تغلط عالاكبر منك
غضب: اذا انت ابن ابوك تجي كدامي هسا
.
.
حسن: لا اعذرني اني ابن امي ههههههه
غضب: وحسين منو لعد
حسن: حسين هم راسو مدوحس طالع عليك
.
.
ليندا: اسمع صوت حسين بالتيلفون يرزلو بضحكة لان يعرفو دا يتشاقى وياهم
.
.
غضب: يلا لا تتأخر الناس راح يجون
حسن: تدلل ابو راس مدوحس
.
.
ليندا: سكر منو وابتسام كوة ماسكة ضحكتها تستحي تضحك على غضب اخير شي غضب كاللها ... اضحكي اضحكي
.
.
طكتها بضحكة بحياتي مو شايفتها هيج تضحك حتى غضب الجان مزعوج من حسن ضحك على ضحكتها بعد العشى بنص ساعة تقريبا اندك الباب طلع غضب سمعنا صوتو يرحب بيهم النسوان دخلن عندنا وصديقو دخل عالاستقبال
.
.
النسوان جانن امو وزوجتو واختو بعمري وعندو طفل واحد راح ويا ابوه تحمدولي بالسلامة ودخلن عالصالة ورا خمس دقايق دخلت اية جايبها حسن وياه
.
.
سلمت عالنسوان ورحنا انا وياها عالمطبخ وتركنا ابتسام عند النسوان اجت عندنا اخت تحسين بنية هادئة وكلش حلوة ومبين عليها خجولة اسمها ندى ذكرتني بدلال من كملنا الضيافة كلت لاية تصيح حسن يجي ياخذ الهم عالاستقبال
.
.
ندى: لعد انا اروح عالصالة خاف يجي يدخل هنا
ليندا: لا هسا من تجي اية اكوللها توصيه ما يدخل
ندى: بكل الاحوال انتن راح تجن عالصالة لهذا راح اسبقكن
.
.
ليندا: براحتج حبيبتي ... الصالة معزولة عن المطبخ لهذا حسن عبالو بس اني واية بالمطبخ شلون دخل صارو هو وندى وجه بوجه واية صايرة وراه ندى من الخجل فزت وصفنت ماتعرف شتسوي وحسن مدري شبيه صافن عليها
.
.
ليندا: يلا اية انطي حسن حصتهم
من كلت هيج ندى رجعت عالمطبخ وصارت بصفحة ورا الحايط وحسن ما دخل بقى خارج المطبخ
.
.
انطتو اية حصتهم اباوع لندى وجها صاير طماطة من الخجل ما حبيت اضحك على موقفها واخجلها بس الفضيحة اية الي ما تسكت ضحكت على موقفهم
.
.
اية: شفتي للوش اخوي شلون صفن
ليندا: لج كافي خلي نروح للصالة
ندى من الفشلة راحت قبلنا
اية: وربي حسن حط عينو عليها
.
.
ليندا: شنو هالحجي اية عيب عليج البنت خطار يمنا
اية: لج عابتلج مو قصدي غير شي بس حسن صار فترة يلمح لاهلي بالزواج
.
.
ليندا: لعد اكيد حاط عينو على غير وحدة
اية: اذا ما خطب ندى اضربيني بنعالج
ليندا: اذا ما تحركتي هسا صدك راح اضربج بنعالي
.
.
ضحكت واجت ساعدتني قدمنالهم الضيافة وكعدت انا واية ويا ندى علمود تروح منها الفشلة من الموقف وتونسنا كلش بوجودهم
.
.
طبيعتهم حلوة ويحسسوك ماكو حواجز بينك وبينهم كأنك تعرفهم من زمان بقو لل 11:30 وراحو اجى حسن دخل وتلكتو اية فورا
.
.
اية: ها ابو صفنات
ابتسام: شنو من صفنات
اية: عمة كل الطريق هو صافن ومن نزلنا يكولي يلا ندى تحجي هيج تلمحلو وبس انا وحسن فهمنا عليها
.
.
غضب: تعال ولك حيوان عبالك نسيتلك المكالمة
حسن: ههههههههه لا بشرفك ابو عذاب خليها لباجر اجي لهنا وتكتلني براحتك
ليندا: لا غضب اكتلو يستاهل
.
.
غضب مسكو من علباتو ويتشاقى وياه ومكضينها ضحك بقو نص ساعة هو واية وراحو وانا ابتسام كملنا تنظيف البيت ورحت لكيت غضب متمدد وينتظرني من شفتو هيج نسيت حتى الخوف الي جنت احس بيه الصبح
.
.
اخذت ملابس عالسريع سبحت وجففت شعري واجيت تمددت بحظنو شعري رجع طويل لتحت كتوفي سحبو غضب من تحت ضهري واحسو مقهور عليه لان جان كلش يحب شعري
.
.
ليندا: ليش مقهور
غضب: لا حبيبتي مو مقهور
ليندا: لا تخاف يرجع يطول ويصير اطول من قبل
غضب: إن شاء الله بس خايف عليج والله
ليندا: ليش خايف علي ومن شنو خايف علي
.
.
غضب: هاي نتائج اول خطأ من ماضيي صار بيج هيج خايف يرجع يتكرر الموقف او يصير اسوء منو
.
.
ليندا: انا واثقة من ربي انو ما يأذيني الا اذا يريد يختبرني وطول ما انت وياي مستحيل اخاف او اهتم لاي شي بالدنيا
غضب: الله يخليج الي ويقدرني على تحقيق كلشي تتمنيه
.
.
ليندا: امنيتي الوحيدة ابقى وياك لاخر يوم بعمري
غضب: بعد عمر طويل إن شاء الله
ليندا: غفيت اني قبلو لان هو نام بالنهار
.
.
غضب: شفتها غفت بحظني تأملت وجها وملامحها صرت اعشق كل تفصيل بيها رغم لحد الان ما متقرب منها بس وجودها يمي وبحظني كلش كافيني احس نفسي مدمن عليها وقربها هو الوحيد الي يخليني ارتاح ماعرف شكد بقيت صافن عليها وبعدها نمت
.
.
ليندا: جنت نايمة وحلمت بابا كاعد بمكان حلوة مليان ورد وجان مبتسم وهاي اول مرة اشوفو من مدة طويلة تقربت عليه وكعدت عندو
.
.
عماد: مرتاحة بنيتي
ليندا: ماعرف بابا مرتاحة بس ناقصني انتو
عماد: عائلتج موجودة
ليندا: اعرف غضب وابتسام زينين وياي بس مستحيل احد يعوض البنت عن اهلها
عماد: راح يعوضج بنيتي بس زوريني مشتاقلج
.
.
ليندا: فزيت من النوم ابتسمت لان كلام بابا جان مريح كلت من اكعد الصبح اخلي غضب ياخذني ازورهم سمعت صوت الاذان كمت صليت وكعدت غضب وابتسام صلو ورجعنا نمنا الصبح كعدت بكل نشاط سويت ريوك ورحت كعدتهم واجو عالمطبخ
.
.
غضب: جان مخليتنا ننام شعندج كاعدة من هسا
ليندا: بسرعة كملو نروح نزور اهلي
غضب: هذا منو قرر
ليندا: بابا بالحلم كال مشتاقلي
.
.
غضب: ها يابة صايرة واسطات
ليندا: بابتسامة اكيد عمك كال كلمة لازم تنفذ
غضب: اي يابة كلشي الا زعل عمي وبنتو ههههههه شنو رايج بسومة
.
.
ابتسام: نروح ليش لا
غضب: يلا تحظرو لعد
.
.
ليندا: زادت فرحتي كمت اركض ركض واجهز نفسي بال 9 طلعنا انا ركبت بالسيارة من ورا لان اكيد راح انام
.
.
غضب: تعالي كدام ماكو نوم 
ليندا: ليش
غضب: مو تورطينا وانتي تنامين
ليندا: ترا اكول لبابا عليك
.
.
غضب: هههههههه لا يابة كلشي ولا شكوتج لبابا
ليندا: هههههههه ركبت بالسيارة اول ما طلعنا من العمارة انا غفيت
.
.
غضب: من كالتلي ما رفضت لان صارلها مدة ما راحت زارت اهلها كلت خطية وبالاخص من كالت ابوها موصيها بالحلم كلت خلي اخذها تزورهم كضينا الطريق اني وابتسام نحجي وهي نايمة ورا
.
.
ابتسام: ايمتى تعقد عليها
غضب: مو مطول إن شاء الله
ابتسام: شتنتظر
.
.
غضب: ماعرف احس اكو شي دا يمنعني
ابتسام: غضب مو زودتها
غضب: مو قصدي ليندا مو زينة لا بالعكس بس احساس داخلي يمنعني لسبب ماعرفو
.
.
ابتسام: إن شاء الله خير بس ترا العمر دا يمشي
غضب: اعرف بس تطمني ليندا ما اعوفها لو تخرب الدنيا
ابتسام: الله يوفقكم مع بعض
غضب: آمين
.
.
ليندا: كعدتني ابتسام قبل ما نوصل بشوية وصلنا قبور اهلي لاول مرة اجي وانا عندي هاي القوة ابتسمت وكعدت عند قبر بابا وراحو غضب وابتسام يزورون
.
.
كلت لبابا ... بنتك اجتك بابا ما تحملت اطول عليكم من وصيتني بس هالمرة ما اريد ابجي بابا انا بنتك القوية بنت الشيخ عماد مهما كسرتني الدنيا وتعرضت للاذى ارجع اوكف اقوى من قبل
.
.
وهاي المرة وجود غضب عندي كلش كافي اني اواجه كل الدنيا بس اتمنى قبر محمد يكون هنا علمود احجيلو نفس الحجي واكلو اختك قوية وصارت اقوى من قبل وهسا الي اتمناه من الدنيا ان الله يصلح اخرتي والتقي بيكم بالجنة
.
.
انداريت شفت قبر فهد تقربت عليه وكلتلو شلونك يا شهيد لا تعتقد ممكن انساك بيوم ولا انسى وكفاتك الي ما تنعد وياي
.
.
صحيح كدر غيرك يحصل علي بس اعرفك تتمنالي السعادة واني سعيدة لنفسي وسعيدة الك لان متت شهيد وماكو احلى من الشهادة مكانك راح يبقى بكلبي محفوظ
.
.
كمت قريت الفاتحة على روحهم وفرغت كلشي بكلبي الهم احس كلش ارتاحيت التفتت شفت غضب وابتسام جايين وينتظروني طلعنا سوا رحن للمطعم تغدينا وخلصنا
.
.
غضب: شرايكم نروح للسوك
ابتسام: لا خلي نرجع من وقت
ليندا: لا خلي نروح للسوك مشتهية اروح للسوك
.
.
ابتسام: خلي غضب ياخذ باجر عالسوك هناك تعبنا اليوم
ليندا: يلا لعد خلي نرجع رجعنا للبيت
.
.
وصلنا بعد صلاة العشاء صلينا ونمنا كعدنا ثاني يوم غضب صار عندو شغل كال باجر اخذج تريكنا وغضب طلع وانا وابتسام بقينا العصر
.
.
اتصل غضب كال راح ابات بالمركز ويجيكم حسن يبات يمكم وفعلا قبل المغرب اجى حسن تعشى ويانا وبعد العشى اخذ كرسي وكعد بالحديقة وانا وابتسام خلصنا تنظيف وسوينا جاي ورحنا عندو
.
.
كعدنا نحجي لحد وقت النوم ومثل المرة الفاتت هو نام بغرفة ابتسام واني وابتسام بغرفتي الصبح اجى غضب تريك ونام كال من اكعد اوديج للسوك
.
.
مر اليوم بروتينو المعتاد العصر بال 4 كعد غضب حطيتلو غدا تغدا وحاولنا نقنع ابتسام تجي ويانا وما قبلت كالت انتظركم بالبيت رحنا انا وغضب للسوك
.
.
اني كضيت الطريق كلو اكلو اشتري هالشي واخذ هالشي وهو يضحك ويكلي اي اليوم تطيحين حظي وتشغليني حمال يبنت عماد وانا اضحك على كلامو
.
.
وصلنا للسوك ورحنا لمول دا امشي ورا غضب نريد ندخل لمول التفتت عاليمين شفتو واكف انصدمت ووكفت بمكاني ماعرف شسوي احس انعزلت عن العالم كلو
.
.
احساس خوف على صدمة هواي مشاعر تجمعت عندي ركزت عليه اي هو بس جسمو متغير صاير اضخم واطول من قبل ملامحو صاير عصبية شعرو مو متغير لحيتو خفيفة اي هو والله هو
.
.
غضب: دا نمشي نريد ندخل لمول التفتت شفت ليندا مو وياي انتبهتلها واكفة ومبين عليها مصدومة من شي التفتت على الجهة الي هي مركزة بيها ما شفت شي شفتها كامت تمشي مثل السكرانة رحت عليها مسكت ايدها سحبتها مني بقوة وركضت مثل الصاروخ
.
.
........... يتبع
حطو توقعاتكم اريد اشوف منو يتوقع صحيح ومنو لا