عشق طفله

البارت(29) عشق_طفله الكاتب#احمد

#عشق_طفلة
بقلم #احمد
البارت_29
.
(((القصة راح تتغير لهجتها للعراقية بالكامل)))
.
.
ليندا: قاعدة بالمطبخ ودخل غضب وصاح بكل صوتو ليندااااا بدي اتحرك ماعاد اقدر اجى مسكني من شعري سحبني عالغرفة دخلني وقفل الباب
.
.
غضب: انتي بنت منووو
ليندا: بنت خليل
غضب: جبتها براشدي وعمادد
.
.
ليندا: ما اعرف شنو احجي سكتت وصاح عليه
غضب: احجيي
ليندا: مابعرف (من الخوف حجيت سوري)
.
.
غضب: شنووو كلتي
ليندا: ماعرف
غضب: جبتها براشدي انوب ولج اني تنصبون عليه
.
.
ليندا: مسكني من شعري ورفعني فوك وضربني راشدي وكعني بالكاع
غضب: احجي الحقيقة قبل ما ابتلي بيج
.
.
ليندا: سحبت ركبي لصدري وابجي واريد احجي ماكدر
غضب: احجييي
.
.
ليندا: احجي وكلامي متقطع من البجي كلتلو: اني بنت عماد عيلتي كلهم توفو بقيت بس اني وعمي جبرني اجي فصلية واذا ما وافقت يذبحني
.
.
غضب: مو سألتج ليش ما حجيتيي
ليندا: هددني اذا رجعتوني راح يذبحني
غضب: كمت افتر بالغرفة والعصبية فول قتلو اخوي وفوكها نصبو عليه رجعت على ليندا
.
.
ليندا: مسكني مرة ثانية من شعري ورفعني
غضب: ليش ما حجيتي
.
.
ليندا: اريد احجي وضربني راشدي وكعني بالكاع نزع الحزام وطبكو
.
.
من شفتو كمت بسرعة اريد انهزم ضربني كل قوتو احس روحي طلعت مع الضربة من قوتها ووكعت بالكاع
.
.
سحبت ركبي لصدري وصرت بزاوية الغرفة ورجع ضربني مرة ثانية وامسك مكان الضربة وابجي واتوسل بيه يتركني وهو متهستر من العصبية
.
.
غضب: ولج اني تنصبون عليه ولج انييي  غضبب
.
.
ليندا: ضربني برجلو على ايدي ورجع ضربني بالحزام وكل ضربة من الحزام يصير جرح بمكانو من قوة الضربة
.
.
اني كاعدة بالزاوية وابجي من الوجع واتوسل بيه ومايفيد هو مستمر بالضرب احاول احمي نفسي بايدي ومايفيد
.
.
حطيت اديني كدامي علمود لا تجي الضربة بجسمي ضربني كل قوتو بالحزام خلى الدم يطفر منهن سحبتهن بسرعة من الوجع
.
.
ضربني بصفحتي بالحزام وكمل ضرب ما خلى بيه مكان اذا ما ضربو
.
.
كمت ما احس بالوجع من يضربني جسمي خدر الدنيا صارت غواش اريد اركز ما اكدر اخير شي فقدت الوعي
.
.
غضب: دحكت عليها فاقدة زتيت الحزام من ايدي واحس دمي يفور ابتسام واكفة عند الباب تدك بيه طلعت من الغرفة تريد تدخل ابتسام ما خليتها
.
.
قفلت الباب واخذت المفتاح وصعدت لغرفتي دخلت سبحت عن الدم الي صار عليه سبحت وطلعت شوية هديت ورجع عقلي يشتغل ويفكر بيها
.
.
رجعت طخت ببالي من كالت عيلتي كلهم توفو يعني يتيمة اي يتيمة واني هيج سويت بيها وكفت على حيلي اريد انزل وتراجعت تمددت وغفيت
.
.
ليندا: صحيت العصر جسمي كلو يوجعني والدم ناشف على جسمي اذني نازفة دم من قوة الراشدي اريد اتحرك ماكدر
.
.
دموعي تجري من الوجع واحس نفسي جثة هامدة ماكدر اتحرك ولا حركة اريد اوصل للباب ماكدر
.
.
بقيت على وضعي ودموعي تجري اسمع اصواتهم خارج واصيح بس صوتي مبحوح من البجي ومايطلع
.
.
حطيت راسي عالكاع بيأس وابجي على حظي من ذل لذل ومن وجع لوجع ربي والله تعبت اذا هذا اختبار خلصني منو واذا حساب اغفرلي ذنوبي والله الي دا يصير وياي اكثر من طاقتي
.
.
غضب: كعدت العصر غيرت ملابسي ونزلت اجت ابتسام تتوسل علمود المفتاح كلتلها: ابتسام لا تدخلين واني من البداية حجيت وكلتلكم لو تشوفوني اذبحها محد يتدخل
.
.
ابتسام: بس حرام هيج راح يصفى دمها
غضب: الله لا يردها
.
.
تركتها وطلعت خارج البيت ركبت سيارتي وطلعت خارج العمارة صفيت السيارة ورجعت ظهر الكرسي ورا وافكر بيها بقيت للمغرب فكرة تاخذني وفكرة تجيبني
.
.
مليت من التفكير وراسي صار طبل شغلت سيارتي ورجعت للبيت دخلت كاعدين كلهم بالصالة تمددت وحطيت راسي بحظن امي دحكت لاية وكلتلها: اية ستكانة جاي
.
.
اية: هاي ابتسام خلي تجيبلك
غضب: دحكت عليها بعصبية وكلتلها تكومين لو اخلي ابتسام تبجي عليج
.
.
اية: كايمة
غضب: كامت بنرفزة صحت عليها: تعايي هناااا
.
.
اجت وهي خايفة اهلي محد حجى كلمة كلتلها دنكي هناا
دنكت سحبتها من اذنها
.
.
غضب: شوفي هاي المرة ماراح اضربج بس مرة ثانية اذا شفتج راددتي احد او تنرفزتي اسوي بيج مثل ليندا وانتي تعرفيني من اعصب جدج ما ينقذج انطيتها راشدي وكعتها بالكاع
.
.
نادية (ام اية): ليش تضربها فوك ما كامت تريد تخدمك
غضب: ارجعي لمكانججج
نادية: كومي وياي اية
.
.
غضب: هلو تعاي بعد اضربيني او اكلج خليها هي تضربني مو احسن
نادية: يلا اية امشي
.
.
غضب: اوكفي عندججج قسم بمن احل القسم خلال 5 دقايق اذا ما صارت الستكانة كدامي الا اعدم بنتج كدامج ومايكون اسمي غضب اذا ما نزلت غضب الله عليكم
.
.
حسن: عمي...
غضب: ولا كلمة حسن
حسين: خوية استهدي بالله اية روحي سوي لعمج جاي يلا
.
.
غضب: نادية سكتت لان محد فزعلها راحت اية تسوي جاي قبل ما تدخل كلتلها: اذا اجاني الجاي بارد او مابيه سكر تعرفيني شسوي
.
.
راحت شوية رجعت الستكانة بايدها وترجف من الخوف اخذتها منها وراحت ركض على غرفتها شربت منها مو مخبثة بالجاي
.
.
كمت توجهت لغرفة ليندا لحكتني ابتسام فورا فتحت الباب وهي واكعة بالكاع والدم مغطيها
.
.
ليندا: المغرب سمعت صوتو يصيح بس مو واضح علمود  شنو يصيح اجى دخل لغرفتي جسمي متخدر والوجع اكلني اكل
.
.
دخلت وراه ابتسام شافتني ضربت صدرها واجت ركض عليه تحجي وياي وتريدني بس انطق واني بس ابجي والشهكة ذبحتني ذبح اذني ما اسمع بيها ابد
.
.
غضب: ابتسام لبسيها عباءة خلي اخذكم عالمستشفى
ابتسام: اي ثواني
غضب: طلعت من الغرفة وانتظرتهن عند السيارة شوية واجن
.
.
ليندا: اجت تلبسني انتبهت على اصبع ايدي اليسرى مكسور ومكلوب عالجهة الثانية كل حركة روحي تطلع من الوجع
.
.
سندتني وكومتني مشيت وياها على كيفي والوجع ذبحني طلعنا من الغرفة واخذتني عالسيارة ركبتني وراحت تلبس عباءتها وترجع
.
.
غضب واكف عند السيارة ولا كأنو مسوي شي ومو مهتم لوجودي اني ادحك لاصبعي وابجي منظرو يخوف
.
.
مكلوب وصاير ازرك ووارم ورم مو طبيعي وبس الاصبع الوسطاني وارم الي هو المكسور والبقية الورم قليل منتقل من المكسور الهن
.
.
اجت ابتسام ركبت عندي وركب غضب وساق السيارة حطت ابتسام راسي على صدرها وتمسح على راسي وتحجي وياي ودموعي ما توكف من الوجع والخوف
.
.
وصلنا للمستشفى نزلنا وهو صف السيارة ورجع اريد امشي وعيوني غوشن ومسكت ايد ابتسام بقوة
.
.
ابتسام: شبيج للوش
ليندا: وكعت بالكاع وفقدت الوعي
.
.
غضب: شفتها وكعت واجيت ابتسام تصحي بيها وما تكعد شلتها بايدي واخذتها عالمستشفى دخلت وصحت عالدكتورة اجو اخذوها من ايدي ودخلوها بالغرفة واني وابتسام ننتظر خارج
.
.
ابتسام: غضب حرام عليك هاي يتيمة
غضب: سكري عالموضوع
ابتسام: لا ما اسكرو لا تتهرب من واقعك الوحشي
.
.
غضب: ابتسام سكري عالموضوع احنا بالمستشفى
.
.
انتظرنا ساعتين والدكتورة والممرضات داخل الغرفة شوية وطلعت الدكتورة
.
.
ابتسام: طمنينا دكتورة
الدكتورة: البنت متعرضة لضرب عنيف ولولا ستر الله جان ماتت
ابتسام: شلونها هسا
.
.
الدكتورة: ضمدنا جروحها وجبصنا اصبعها المكسور واذنها احتمال تتعرض للطرش وهسا هي نايمة وراح يجون الشرطة يحققون بالموضوع
.
.
ابتسام: طرش
الدكتورة: اي طرش لان اذنها كلش متأذية من الراشدي الي بوجها بس من يجون الشرطة اذا تريد تاخذ حقها بالقانون
.
.
ابتسام: دكتورة ما يرادلها شرطة
الدكتورة: اسفة ماكدر لان تتعرض وضيفتي للخطر
ابتسام: نكدر نشوفها
.
.
الدكتورة: بس يطلعن الممرضات ادخلي شوفيها
ابتسام: ماشي دكتورة مشكورة
.
.
غضب: شوية وطلعن الممرضات دخلنا وجها صاير خريطة عبارة عن لونين احمر وازرك ومضمدين ايديها شعرها واكع من السرير واصل للكاع
.
.
كعدت عند راسها ابتسام وتمسح بشعرها شفت شالها محطوط بطارف السرير اخذتو وانطيتو لابتسام كلتلها لفي شعرها لفتو
.
.
طلعت من الغرفة اني كعدت انتظرها لحد ما تصحي وتفكيري يروح ويرجع على كلمة يتيمة
.
.
ليندا: كعدت بالمستشفى جروحي مضمدة وايدي مجبصة وابتسام كاعدة عندي ووجع ايدي مو طبيعي
.
.
ابتسام: شلون صرتي
ليندا: ايدي توجعني
ابتسام: هسا راح تجي الدكتورة
.
.
ليندا: طلعت حجت ويا غضب ورجعت تحجي وياي
.
.
ابتسام: راح يجون هسا الشرطة ياخذون اقوالج لا تشتكين على غضب وتتورطين ترا يكدر يطلع نفسو وتوكع براسج انتي كوليلهم تعرضت لحادث وسكري عالموضوع
.
.
ليندا: تمام
شوية واجت الدكتورة خلصت فحص وحجت وياي
.
.
الدكتورة: راح اكول للشرطة يجون ياخذون اقوالج ولا تخافين من احد احجيلهم الحقيقة ولا تسكتين عالظلم والله دائما ويا المظلوم
.
.
ليندا: إن شاء الله
راحت وابتسام توصيني غضب ما دخل للغرفة شوية واجو الشرطة كعدو عالكراسي وواحد يسألني والثاني يكتب بالدفتر
.
.
غضب: رحت جبت الدكتورة دخلت عند ليندا شوية وطلعت بقيت خارج ما دخلت اجو الشرطة دخلو ولان ابتسام داخل ما دخلت وكلت حتى اذا تشتكي عليه اطلع نفسي منها بكل سهولة
.
.
الشرطي: شنو الي صار وياج
ليندا: تعرضت لحادث
الشرطي: حادث شنو
.
.
ليندا: حادث سير
الشرطي: متأكدة من هذا الحجي
ليندا: اي
.
.
الشرطي: بس اثار الجروح وحجي الدكتورة يثبت غير شي
ليندا: مثل شنو
الشرطي: يعني احد ضاربج
.
.
ليندا: لا متوهم محد ضربني
الشرطي: احجي الحقيقة ولا تخافين واحنا نعرف شلون ناخذ حقج
.
.
ليندا: هاي الحقيقة محد ضربني
الشرطي: زين وين السيارات منو الي جان وياج بالسيارة
ليندا: هنا صفنت ماعرف شحجي كلتلو: ها
.
.
رجع سألني السؤال كلتلو جنت انتظر زوجي بالسيارة واجت سيارة دعمتني وفقدت الوعي وما حسيت الا انا هنا
حاول يعرف مني معلومات مخالفة وما حجيت شي وطلع طلعت وراه ابتسام شوية ورجعت دخلت
.
.
غضب: طلعو الشرطة وطلبو ياخذون اقوالي وكالو لازم تشهد على حجي البنت كلتلهم: هسا اجيكم على غرفة المدير
.
.
الشرطي: امشي ويانا احسن
غضب: طلعتلو الباج صوفر وجهو
الشرطي: تمام راح نسبقك على غرفة المدير
.
.
غضب: راحو وحجتلي ابتسام على ليندا والحادث علمود اعرف شصاير ورجعت دخلت رحت لكيتهم بغرفة المدير طلع المدير وبدو يحجون وياي
.
.
الشرطي: شنو الي صار ويا زوجتك
غضب: مثل ما حجتلكم
الشرطي: وين السيارات والي دعمها
.
.
غضب: الي دعمها انهزم وما لحكت اعرفو وسيارتي صارت طحين واتصلت على كرين اخذها استكراب
الشرطي: شلون سيارتك صارت طحين والي دعمها سيارتو تشتغل ولحك ينهزم
.
.
غضب: اكتب هيج بالمحظر
.
.
تركتو وطلعت اني الي احقق ويا الناس يجي هذا الهتلي يحقق وياي رحت سألت الدكتورة كالت تكدرون تاخذوها رجعت دكيت الباب ودخلت كلت لابتسام لبسيها عباتها راح ناخذها عالبيت
.
.
ليندا: ساعدتني ابتسام لبست العباية وطلعنا من الغرفة غضب يمشي كدامنا واحنا وراه سجلنا خروج وطلعنا ركبنا بالسيارة ورجعنا عالبيت
.
.
كعدت بالسيارة وتذكرت من طلعنا للاهوار اني واهل ماجد من ادحك للقوري واتخيل حياتي تسود مثل القوري لحد الان ما غطاها السواد معقولة اكو اكثر من الي شفتو
.
.
اوووف يا عماد تعال شوف الي كل عمرك مدللها وماتخلي احد يضربها الي انجنيت من فهد كال انهي عليها هسا هي فصلية وكل يوم تاكل كتلة اقوى من الي قبلها
.
.
وصلنا البيت نزلتني ابتسام ودخلنا داخل العاجوز الشريرة كاعدة ولا كأنو صاير شي ولو بكيفها تخلي غضب يرجع يكتلني مرة ثانية فوك الكتلة الي كليتها
.
.
انتبهت وجه اية ازرك وعليه علامة راشدي دخلتني ابتسام عالغرفة فراشي عالكاع حتى سرير مو حاطيلي وملابسي لحد الان بجنطتهن
.
.
طلعتلي ابتسام كلابية كصيرة من الي اشتريتهن مع نور وهديل لبستنياها وغطتني وراحت وغفيت
.
.
غضب: رجعتهن ورحت كعدت عند امي اية كالبة خلقتها وزعلانة هي وامها ما اهتميتلهن تمددت وحطيت راسي بحظن امي
.
.
الحجية: ليش اخذتها عالمستشفى
غضب: لعد تريدين اتركها هيج
الحجية: اي تتركها هيج
.
.
غضب: حرام يمة يتيمة
الحجية: شنو
غضب: عرفت قصتها كلها
.
.
الحجية: شنو من قصة
غضب: اية روحي صيحي ابوج وجدج من الاستقبال وتعاي
.
.
راحت صاحتهم كعدو كلهم واجت ابتسام كعدت ويانا وحجيتلهم قصة ليندا مثل ما سمعت من صديقي
.
.
انها جاية ويا اهلها واهلها كلهم متوفين وعمها منطيها فصلية وكايل لخوالها دزيتها عليكم وبنص الطريق صار عليها حادث وتوفت اني احجي واهلي مصدومين من الي دا يسمعوه
.
.
ابو غضب: وهسا شراح تسوي
غضب: اخليها هنا
ابو غضب: بس احنا طلبنا بنت خليل مو بنت اخوه وفوكها يتيمة
.
.
غضب: بناتو تزوجن واذا صارت عشاير وشيوخ اما يفصلونو بفلوس او ناخذ ليندا لان بنت اخوه يعني بالحالتين نفس الشي وخاف نرجع ليندا عليه ويروح يسوي مصيبة ثانية وهم توكع براسها
.
.
الحجية: رجعها عساها لا ردت
غضب: سكرو عالموضوع
الحجية: شنو سكرو عالموضوع لعبو عليكم وسووكم مهزلة كدام العالم وتريد تسكر الموضوع
.
.
غضب: كمت منهم وتركتهم يحجون صعدت لغرفتي ارتاح الدنيا ليل غفيت الساعة صارت 12:30 بالليل كعدت حلكي ناشف من العطش نزلت تحت شربت ماي
.
.
اريد اصعد وتذكرت ليندا ماعرف ليش صار عندي فضول اشوف شلون صارت
.
.
رحت لغرفتها فتحت الباب لكيتها نايمة وتون وماعرف شتحجي تقربت يمها جسمها نار
.
.
طلعت جبت خاولي صغير من غرفتي وكصيتو من النص وجبت طاسة ماي شوية جبيرة واجيت عليها وكمت اسويلها كمادات
.
.
من حرارة جسمها باعدة الغطا عنها دا اسويلها كمادات واجت عيني على رجليها الي طالعة من الكلابية احس رجعت داخلي شغلة ناسيها من قتلت مرتي
.
.
الشيطان فر عقلي فورا سحبت الغطا وغطيت رجليها وكملت الكمادات اسويلها كمادات والشيطان يخربط بافكاري
.
.
احس حتى اني صخنت معاها احاول اتجاهل تفكيري وماكدر صحيح مرات يعرضن نفسهن علي نسوان المتهمين بس ما يتعرن كدامي مجرد حجي واطردهن
.
.
بقيت للفجر اسويلها كمادات حسيت حرارتها خفت طلعت من الغرفة لكيت ابتسام نازلة تصلي الفجر انتبهتلي وباوعتلي بكل استغراب
.
.
ابتسام: ها غضب اشو طلعت من غرفة ليندا
غضب: كل اليل تون من الصخونة
ابتسام: صدك
.
.
غضب: روحي شيلي الطاسة والوصل من غرفتها وانتبهيلها اريد اصلي واصعد انام
ابتسام: ماشي
.
.
غضب: توضيت وصعدت لغرفتي صليت الفجر ونمت
.
.
ليندا: حلمت باليل اني واكفة بمكان كلو ورد وعشب مكان شكد ما اوصف جمالو ماينوصف انتبهت اهلي بعد امتار عني دا يسولفون ويضحكون
.
.
احمد يلعب مع حلا اجيت عليهم ودعمت شي شفاف مثل الحاجز دورت مكان اعبر منو ماكو صحت لاهلي واضرب بيه علمود يحسون بيه ومحد منتبه لوجودي
.
.
نزلت راسي بيأس واني اضرب الحاجز رجعت رفعتو ماكو احد من اهلي كعدت بس احس الدنيا نار اريد افتح عيوني ماكدر
.
.
حسيت اكو احد قريب عليه بس ماعرف منو وكل ما يمر الوقت احس بحرارة المكان تخف اخير شي رجعت نمت كعدت الصبح لكيت ابتسام عندي وجسمي بيه خمول ماينوصف
.
.
ابتسام: صباح الخير
ليندا: صباح النور
ابتسام: شلون صرتي
.
.
ليندا: الحمدلله
ابتسام: ابقي ارتاحي واني اروح اسوي ريوك واجيبلج
ليندا: ماشي
.
.
راحت تسوي ريوك جسمي صاير مي من العرك كمت طلعتلي ملابس ورحت للحمام غسلت جسمي وما خليت المي يوصل لمكان الضماد ورجعت للغرفة
.
.
سحبت فراشي بايدي اليمنى وحطيتو بطارف الغرفة شوية واجت ابتسام جايبتلي صينية الريوك
.
.
ابتسام: هم كمتي
ليندا: جسمي كلو عرك ورحت غسلت وشلت فراشي اريد اغسلو
.
.
ابتسام: تمام تريكي وكملي ومن تخلصين انطيني خبر اجي اخذ الصينية
ليندا: ماشي
.
.
راحت اخذت الفراش وتريد تطلعو انداريت وراي وشفتها شايلتو كلتلها: خليه اني اغسلو
ابتسام: اكعدي انتي نسيتي ان ايدج اليسرى ماتكدرين تستخدميها
.
.
ليندا: اخذت الفراش وراحت شوية وجابتلي فراش نظيف بدالو تشكرتها وانطيتها الصينية ورجعت تمددت بالفراش
.
.
غضب: صارت الدنيا ظهر حسيت على صوت الباب دا يندك صحت: منوو
ابتسام: اني
.
.
غضب: دخلي ابتسام دخلي
ابتسام: اسفة ازعجتك
غضب: لا ماكو اي ازعاج شلون صارت ليندا
.
.
ابتسام: كلش زينة تريكت الصبح ومابيها كلشي
غضب: اي خوش
ابتسام: رايدتك بطلب
.
.
غضب: اطلبي وتدللي
ابتسام: ما يتدلل عليك ظالم اريد تجيب سرير ل ليندا خطية جسمها دا يتعب من نومة الكاع
.
.
غضب: إن شاء الله يجرالج
ابتسام: اني رايحة لاهلي اليوم محتاج شي
غضب: منو يوصلج
.
.
ابتسام: حسن راح يوصلني
غضب: الله وياج وايمتى ما تريدين اتصلي عليه اجي اخذج او ادز حسن
ابتسام: حسن تعال
.
.
غضب: دخل حسن واجى عليه باس راسي ويعتذر لان ذيج المرة اخذ ليندا وحجى وياي حجي اكبر منو سامحتو لان من ينفعل مثلي ما يركز على حجيو ودعوني وطلعو
.
.
كمت بدلت ملابسي ونزلت تحت الحجية كاعدة هي واية ونادية
.
.
غضب: الله يساعدهم
اية وامها: هلا
غضب: ها يمة اشو زعلانة
.
.
ام غضب: ما ارضى اذا  ماترجع الفصلية
غضب: ليش يمة
ام غضب: ما اريد اشوف وجهها بالبيت
.
.
غضب: عالقليلة انتظريها لحد ما تطيب قابل اوديها هيج مكسرة ومضمدة
ام غضب: حتى لو مشلولة
.
.
غضب: بس بوقتها راح يطالبوني بفصل واحتمال يغدرون بيه ويقتلوني
ام غضب: ها
.
.
غضب: حجيت هيج علمود اسكتها شفتها صوفرت كلتلها: خلينا منها هسا جوعان
ام غضب: اية حطي لعمج غدا
.
.
غضب: راحت اية اني حطيت راسي بحظن امي وسكرت عيوني وانتظر الغدا
.
.
ليندا: جنت متمددة بالغرفة وافكر بالحلم ومنو الي جان عندي بالليل معقولة ابتسام بس مو مبين عليها تعب السهر دخلت عليه اية
.
.
اية: عمي يريد غدا
.
.
ليندا: اعرف ماكو فايدة من العناد كمت على حيلي رحت للمطبخ امشي شوية شوية وهي صعدت لغرفتها
.
.
دخلت عالمطبخ فتحت الثلاجة اكو بيتزا ودولمة طلعتهن وطلعت نقانق حميتهن واشتغل بايد وحدة متت موت لحد ما حميتهن
.
.
حطيتهن بالصينية بس ماكدر اشيلها وذابحني الجوع كلت خلي اكلو اذا اجى هنا اكل وياه واذا ما اجى احطلي غيرهن طلعت من المطبخ
.
.
ليندا: خلص الغذا
غضب: سمعت صوتها فتحت عيوني والتفتت عليها كلتلها: وين اية
.
.
ليندا: صعدت لغرفتها
غضب: جيبي هنا
ليندا: ماكدر اشيلو ايدي اليسرى توجعني
.
.
غضب: كمت رحت للمطبخ شفتها حاطة الاكل عالطبلة غسلت اديني وكعدت اتغدا وكعدت هي دحكتلها
غضب: هذا الي لو الج
.
.
ليندا: الك بس جوعانة
غضب: اكلت وهي تاكل بصعوبة من ايدها اجت عيني على صدرها كلتلها: عدلي شالج
.
.
ليندا: ها
غضب: شالج (واشرتلها عرفت قصدي وعدلتو فورا)
ليندا: دا اكل وكالي على شالي خجلت من موقفي لان صدري مبين واني مو منتبها عدلتو وهو كمل اكل
.
.
غضب: شوفي من اليوم انتي تهتمين بغرفتي ملابسي انتي تغسلينهن من تسمعيني دخلت للبيت تصعدين تحطيلي ملابس بالحمام والاكل شيلي ايدج منو حاليا
.
.
ليندا: ماشي
غضب: اني صاعد لغرفتي خلصي اكل وتعاي وراي
ليندا: راح وكملت اكلي وشلت الاكل بالثلاجة ولحكتو دكيت الباب
.
.
غضب: دخلي
ليندا: دخلت الغرفة
غضب: شوفي هنا ملابسي وهنا الخواليات
.
.
ليندا: شرحلي عن كلشي بغرفتو وعن ملابسو علمود احظرلو بسرعة الحمام داخل الغرفة ومن يخلص سبح لازم ارجع انظفو
.
.
غضب: حفظتي
ليندا: اي
غضب: يلا اشطحي لعد
.
.
ليندا: شنو
غضب: يعني روحي لغرفتج ارتاحي
ليندا: نزلت لغرفتي شوية وسمعت صراخ اية
.
.
غضب: طلعت من الغرفة وشفت اية طالعة من غرفتها وتتلفت عبالها اني تحت وخايفة لان ما حطتلي الاكل صحت بيها: ها اية خايفة
.
.
اية: ع ع مي
غضب: تعاي تعاي انتي يرادلج تربية من جديد
اية: والله اخر مرة
.
.
غضب: تجين او اني اجيج
.
.
تقربت مني وتتوسل ما اسويلها شي مسكتها من اذنها
.
.
اية: وربي ما اعيدها
غضب: ضربتج ذيج المرة ومايفيد وهسا تكسرين كلمة امي وتروحين تصخرين ليندا بدون لا احد يكولج ومسوية نفسج عاجوز البيت 24 ساعة كاعدة ويا امج وجدتج وحتى ابتسام ما تساعديها
.
.
ضربتها راشدي خليتها تصرخ من الوجع شوفي ولج مرة ثانية البيت كلو تنظيفو عليج واذا شفت ابتسام او ليندا ينظفنو ابتلي بيج وربي صعدن امي ونادية ركض على صراخ اية
.
.
الحجية: شكو شصاير
غضب: من كلتيلها سوي اكل لغضب راحت صخرت ليندا وهي مكسورة ايدها ماتكدر تشتغل وهسا طلعت تتلفت علمود لا تنكتل
.
.
الحجية: يعني تضربها علمود الفصلية
غضب: واكسر راسها هم
الحجية: هسا اني اكسر راس هالحية
.
.
غضب: نادية حاظنة اية ومن امي حجت وياي اخذتها للغرفة حسن وحسين وابوي طالعين امي توجهت لغرفة ليندا تريد تكتلها لان ضربت اية عبالها علمود ليندا مو لان كسرت كلمتها
.
.
ليندا: سمعت حجيهم وسمعت من كالت هسا اكسر راس الحية عرفتها عليه ركضت بسرعة لغرفتي وقفلت الباب
غضب: يمة اتركيها
.
.
شفتها تجاهلتني ونزلت على ليندا لحكتها وصلت عند الباب تريد تفتحو مقفول تدك بالباب وتغلط وتصيح على ليندا صحت بكل صوتي:كافييي
.
.
اني ضربت اية لان كسرت كلمتج مو علمود ليندا اية صايرة ادبسز 24 ساعة كاعدة تبسط سوالف وتجمع علوم ومن احد يصخرها توكعها براس غيرها
.
.
انتي الجبيرة تكسر كلمتج وما تنفذ الي كلتيلها عليه ولو تعرف نفسها مو غلطانة ما تتلفت فوك وبالاخير تحطين الموضوع كلو براس هاليتيمة
.
.......يتبع
توقعاتكم للبارتات الجاية