عشق طفله

البارت(54)عشق_طفله الكاتب#احمد

قدرو تعبي بلايك فقط لا دا اتعب بالبارت
#عشق_طفلة
بقلم #احمد
البارت_54
.
.
حسن: احنا هم مو متعشين واذا ما تتعشى يحرم علي الاكل طول عمري وخليني اموت جوع بسببك
غضب:  حسن كافي
.
.
حسن: اني حرمتو فاذا تريدني ابقى عايش اگعد تعشى يلا بسومة حطيلنا العشى
غضب: گعدت وياهم اكلت شي قليل بس لان حرم الاكل هذا الخبل بعدها رحت لغرفتي
.
.
ليندا: گعدت الصبح اخذت تيلفوني شفت اتصال من غضب ردت اتصل بعدين گلت يجوز متوهم لهذا مو متصل مرة ثانية
.
.
نزلت تحت جهزت ريوك واجو محمد وعمي وعمتي محمد گضاها عالتيلفون وكل شوية يتصل على واحد وما يحصلو وبس ينافخ وضايج اخر شي كملو ستكانة الجاي وطلع وراها لحگو عمي واني وعمتي مثل الاطرش بالزفة لا منهم ولا عليهم صافنات ومانعرف شكو
.
.
غضب: گعدت الصبح اتصلت على فرح ونرجس گلتلهن معزومات اليوم ببيت اهلي لان تصوبت وتشافيت وتخبلن من سمعن متصوب لان محد منطيهن خبر
.
.
تجهزنا اني وحسن وابتسام ومن گالتلي نرجس واصلات ثنينهن رحنا علينا عالبيت لگيتهم كلهم متجمعين اجن فرح ونرجس سلمن علي وفرح اعتذرت مني
.
.
وگلتلها .. الفات مات بس كون تعلمتي الدرس وما تنعاد گالتلي .. توبة رفعت راسي امي گاعدة بالصالة وما تقربت صحت حسن وهمستلو روح جيب تيلفون امك وگلت لامي ها ام حسين إن شاء الله مرتاحة بعد كل هالهوسة وهالبلبلة الي صارت
.
.
الحجية: من الاخر شكو
حسن: تفضل عمي
غضب: الي اريدو حسين تتفاهم ويا زوجتك لانو منطية 10 ملاييت علمود انقتل وهذا الحساب بتيلفونها وهذا الحساب الي مراسل الولد .. وزتيت التيلفونات عليه
.
.
نادية وجها صار اصفر وماتگدر تحجي حسن تخبل البقية كلهم مصدومين
.
.
الحجي: ليش نادية شسوينالج علمود تقتلين غضب
غضب: اني اگلك ليش يابة
.
.
اولا البيت والمول راح يصيرن لابتسام وابتسام راح ترفضهن وياخذوهن حسن وحسين وهي تريد تعيش بفلوس الحرام الي هن فلوسي ملكة باخر زمانها
.
.
واني جنت اعرف بيها من يومها طماعة وگلبها اسود بس ما توقعت لهاي الدرجة والولد الي مسكتو موجود هسا عند محمد الي هو اخو ليندا يمة
.
.
لينداااا الي هجمتي بيتي وبيتها اخوها كشف جنتج واخوها نقذ ابنج واخوها وگف وياي اكثر من حسين اخوي وفوگ هاي نادية تريد تقتلني بفلوسي يعني فوگ ما قاتلة بايگة من فلوسي الي بغرفتي علمود تقتلني بيهن
.
.
شوف حسين زوجتك انت تقرر مصيرها مو اني لان ما اريد اكسر باية وحسن وهسا اريد اگلكم معزومين الخمس الي هو بعد باجر على عرسي ويا ليندا والي يعارض اقسم بالله لخليه يتندم اودعناكم
.
.
طلعت منهم واخذت ابتسام خابرت محمد گلتلو بعد باجر عرسي اني وليندا وماطول هي صارت صارت خليها مفاجأة واني هسا ماخذ ابتسام وياي ناخذلها جهاز والباقي بعدين نكملو
.
.
طلعنا للسوگ مريت ابو المكتب واخذت الفلوس منو غصب عنو واخذت ابتسام وابتسام استلمت المسواگ وما تركت شي ما اخذتو لحد ما انترست السيارة ما بقى بيها مجال
.
.
طلعنا للمطعم تغدينا ورجعنا للبيت حطيناهن بغرفة ابتسام ورحت اشتريت غرفة نوم جديدة ومن جبتها خليتهم يفلشون القديمة ويركبون الجديدة بمكانها وراحو
.
.
اجت ابتسام رتبت الغراض بيها  ونظفتها الدنيا صارت ليل تعشينا وما خلتني ابتسام انام بالغرفة لان جديدة گلتلها لعد نروح ننام ببيت اهلي وهم نشوف الاخبار
.
.
من رحنا لگيت حسين مطلگ نادية بعد الكتلة المرتبة وگايل لاهلها وحسن قافل الغرفة على نفسو واية مگضيتها بجي رحت اول شي على حسن
.
.
خليتو يفتحلي الباب بس گوة ماسك دموعو من القهر ومو ضايج مني اكيد حاقد على امو بسبب الي سوتو حجيت وياه وفهمتو ان هو واية ما دخلهم واني اريدو يكون حاضر بعرسي وان الحمدلله انكشفت ولا جان هسا هوا عايش بفلوس حرام
.
.
رجعت على اية هديتها ونفس الحجي الي حجيتو لحسن حجيتو الها ونمنا
.
.
ثاني يوم رحنا اني ومحمد عالشباب الي متفقين يقتلوني وسلمناهم للشرطة وگالو لمحمد انت وعدتنا ما تأذينا گال واني ما اذيتكم وما دخلني بغيري
.