عشق طفله

البارت(45) عشق_طفله

#عشق_طفلة
بقلم #احمد
البارت_45 
غضب: وصلنا وشفتو جان واكف يم المضيف ووياه الشاب الي شفتو بالكعدة من اخذت ليندا وكفت سيارتي عند بيتو تقدم هو علي ابتسام دخلت عالبيت وانا قفلت السيارة وصل عندي وبوجهو ابتسامة وكأنو دا يكول خليتك تجي غصب عنك
.
.
غضب: السلام عليكم
محمد: عليكم السلام هلا بالنسيب
غضب: تفاجئت من كلمتو كلتلو هلا بيك
محمد: تفضل للمضيف حياك الله
.
.
غضب: رحت وياه جان المضيف فارغ بس الكهوجي ومحمد والشاب الي وياه سلمت عليهم ودخلت كعدت كعد هو بصدر الديوان واجى الكهوجي ضيفنا الكهوة
.
.
غضب: لعد خليل وين
محمد: بالبيت ما يجي هنا قليل
غضب: مو هو الشيخ حسب ما اعرف
محمد: لا حبيبي اني الشيخ هسا
.
.
غضب: المهم انت تعرف اني ليش جايك
ماجد: انا اترخص
محمد وغضب: مرخوص
محمد: وشنو المطلوب مني
.
.
غضب: اختك زوجتي على سنة الله ورسوله وهي مو رافضة الرجعة وياي واني اريدها وما اريد اتخلى عنها
محمد: ومنو كلك انا اريد افرقكم
غضب: اسلوبك دا يدل على هالشي
.
.
محمد: تخيل انت وياي شخص ينسجن ويشوف انواع العذاب وعيلتو تروح وتبقى اختو الوحيد ويجي يلكيها رايحة فصلية وضحية بسبب هي مو مرتكبتو شنو يكون تصرفو
.
.
غضب: اني وياك بهاي ولو ليندا رافضة الرجعة جان ما اجيت هسا
محمد: انا راح ارجعها الك لان مثل ما كلت هي مو رافضة بس ما ترجع هيج ترجع بعرس مثلها مثل كل البنات وانا اريد عرس يليق ببنت شيوخ غلطان بطلبي ابو عذاب
.
.
غضب: كلامك على عيني وراسي
محمد: يسلم راسك واذا تريد نسوي كعدة عشاير علمود حادث وفاة اخوك انا جاهز وايمتى ما تريد ووين ما تريد نسوي الكعدة ونتفق
.
.
غضب: اخوي انتقل لرحمة ربو وما يرجعو شي فلهذا ما يحتاج
محمد: مثل ما تريد
غضب: احجيلي شلون عايش ... كالو ميت
محمد: شلون وصل الخبر ماعرف بس جنت معتقل عند النظام
.
.
غضب: بدا يحجيلي عن قصة اعتقالو واندمجت وياه بالحديث بصراحة كلش ارتاحيتلو وحسيت ان كلبو نظيف تجاهي بقينا نحجي لل 11 بالليل
غضب: اريد اشوف ليندا عندي موضوع وياها قبل ما ارجع لبيتي
محمد: تفضل وياي
.
.
ليندا: اجت ابتسام وكعدت ويا النسوان ومبين حبنها لان هي محبوبة وعاقلة بال 10 كالت اسمحولي بكلمة مع ليندا وصاني بشغلة زوجها ولازم اوصللها الرسالة
.
.
النسوان: على راحتج خيه
ابتسام: شوفيلنا غرفة نحجي بيها للوش
ليندا: تعاي على غرفتي
.
.
رحنا عالغرفة كعدت تحجيلي عن كلشي يخص الزواج وانا فاتحة حلكي لان اول مرة احد يحجي وياي بهيج موضوع وجان عبالي الزواج بس احضان من ننام بس ابتسام كدرت تفهمني كلشي بطريقة حلوة
.
.
وكالتلي .. غضب ماراد يجبرج او يكسر بيج قبل الزواج لهذا لحد الان ما متقرب منج واذا احد سألج لا تحجين هالشي لان راح يحجون على غضب وما يخلوج ترجعين
.
.
ليندا: ببجية ... بس اني سويت غلط جبير بحياتي
ابتسام: بخوف ... شنو سويتي
ليندا: قبل ما يتوفى ابن عمي باسني بس والله ما جنت اريدو يبوسني
.
.
ابتسام: يخرب بيتج وكعتي كلبي بربج هاي سالفة تسوينها بي
ليندا: والله هو باسني غصب عني
ابتسام: ماشي ماشي مو مشكلة
.
.
ليندا: بس لا تكولين لغضب علمود ما يزعل مني
ابتسام: ماشي هسا خلي نطلع عيب تأخرنا عالنسوان
.
.
ليندا: راحت هي وانا ماكدرت اطلع بالي مشغول من جهة بالبوسة مالت فهد ومن جهة بكلام ابتسام بعدها طلعت علمود النسوان بال 10:45 راحن النسوان وبال11:10 اجى محمد
.
.
سلم وكال زوجج يريدج طلعت ابتسام قبلي حجت وياه شفتو عصب وبعدها رجع لطبيعتو واندار علي وكال تعالي للوش
.
.
غضب: رحنا عالبيت اجت ابتسام وحجتلي عالبوسة بس كالتلي .. اول شي هاي ماضي ثاني شي انت فهمها انك مو زعلان خطية لا تخرب فرحتها برجوع اخوها
.
.
من كالتلي هيج هديت وكلت صحيح ماضي وراح والولد استشهد الله يرحمو شفتها واكفة صحتلها وتقربت علي
.
.
ليندا: تقربت وانا خايفة من ردة فعلو مسكني باديه من وجهي وكال حبيبي الي راح راح واحنا ولد اليوم ما اريدج تفكرين بالماضي وراح اجيب اهلي واخطبج من جديد
.
.
محمد: من باب الصالة ... ما يحتاج ابو عذاب سوي العرس واستعجل قبل ما اغير رايي ههههههه
غضب: ابو الشباب امور متزوجين توكل انت ههههههههه
محمد: ها هيج لعد ليندا كدامي للداخل
ليندا: روح وليدي انت صغير على هاي السوالف
.
.
شفتهم كلهم كامو يضحكون غضب الا لزمتو الكحة من الضحك محمد ضحك وراح داخل ابتسام ماسكة بطنها وتضحك اندار عليها غضب
.
.
غضب: بسومة انتظريني بالسيارة جايج
ابتسام: تمام
.
.
غضب: باجر اجيبلج فلوس تجهزين نفسج واذا اخذتي دينار واحد من اخوج يا ويلج وابتسام راح تكون وياج بكلشي فاهمة
ليندا: امرك
غضب: وشغلة ثانية
.
.
ليندا: شنو ... من كلت هيج سحب وجهي وباسني لحد ما اختنكت بعدت عنو وانفاسي سريعة وجهي احمر اريد اندار ادخل للبيت شو هذا رجع سحبني واخذ شفايفي مرة ثانية وما قاومتو لان اني هم احبو كلش ولو مو مستحية جان اني بستو ههههههههه
.
.
من اختنكت بعدت عنو سحبت نفسي بسرعة ودخلت داخل البيت وسكرت الباب ووكفت وراه اخذتلي نفس وهديت اعصابي ودخلت عالمطبخ غسلت وجهي بماي بارد وشفت محمد نازل من الدرج
.
.
محمد: راح غضب
ليندا: اي راح
محمد: يلا لعد روحي نامي وانا راح اقفل البيت وانام
ليندا: تمام تصبح على خير
محمد: وانتي بخير يا روح اخوج
.
.
ليندا: رحت صعدت فوك وكل ما اتذكر البوسة ابتسم وغفيت وسط افكاري بمستقبل حلو
.
.
غضب: من بست ليندا احس ردتلي روحي ومثل العطشان ولكى ماي بارد شفتها اختنكت بعدت راسها شفتها مثل الضايعة ماتدري شنو تريد او شتسوي وما كدرت ابتعد عنها وسحبت راسها وبستها مرة ثانية وكأني اريد ارتوي منها
.
.
من شفتها اختنكت مرة ثانية بعدتها سحبت نفسها ودخلت وسكرت الباب ابتسمت على ردة فعلها وطلعت ركبت بسيارتي وابتسامتي من الاذن للاذن
.
.
ابتسام: مو عيب عليكم ههههههههه
غضب: غلسي يمعودة غلسي
ابتسام: لا شنو اغلس هذا مستمسك قوي هههههه
غضب: رحنا بيها هههههههه
.
.
كضيناها ضحك اني وابتسام رجعت للبيت وكل تفكيري شلون راح اسوي العرس وشنو الترتيبات ونمت بوسط افكاري
.
.
ليندا: كعدت ثاني يوم بدلت ملابس النوم وطلعت سويت ريوك لمحمد واريد اخلص منو علمود اتصل على غضب ههههههه اجى محمد تريك وراح وانا كملت شغلي واتصلت على غضب
.
.
غضب: جنت كاعد بالبيت احجي ويا ابتسام عن العرس واجاني اتصال من ليندا
.
.
ليندا: الو
غضب: هلا بهالصوت يا بعد صوتي
ليندا: صوتك بعد صوتي إن شاء الله
.
.
غضب: شلونج حبيبتي
ليندا: الحمدلله وانت شلونك
غضب: من سمعت صوتج صرت بخير
.