عشق طفله

البارت(58) عشق_طفله الكاتب#احمد

#عشق_طفلة
بقلم #احمد
البارت_58
.
.
غضب: شفت حسن وليندا فرحتهم كلش جبيرة بالمزرعة والبيت وفرحت لفرحهم استكشفنا البيت كلو وتذكرت كلام ليندا من گلتلي املاك الشيخ ما يصير احد يتلاعب بيهن لعد محمد شلون باع هاي المزرعة
.
.
رجعت اتصلت بيه وحجيتلو كلام ليندا گال .. هاي مو من املاك الشيخ هاي ملك للوالد الله يرحمو ولو ما انت عزيز علي ما ابيعها .. تشكرت منو وسكرت
.
.
حسن وليندا صفطو ملابسهم واول شي سويناه اني وليندا طلعنا نتمشى بالبستان اجى حسن طردتو بغير جهة وكملنا لحالنا وهو خربان ضحك علينا
.
.
گضينا احلى وقت بين الاشجار ابو مصطفى الي هو عايش بالبيت شغل الماي عالاشجار وجان هذا اشارة ان الغدا جاهز رجعنا لگينا ام مصطفى مسوية الغدا وطبخها كلش طيب
.
.
تغدينا وگعدنا بالحديقة وهاي الفترة احس الله عوضني عن حياتي السابقة واكيد هالشي ما اجى لحالو هذا الشي اجى بعد صبر وصلاة وامل انو الله ما ينسى عبدو وما يضرو ممكن يمتحنو امتحان صعب بس مستحيل ينساه
.
.
ليندا: فرحت هواي بالمزرعة گضينا يومنا برحلة استكشاف لكل شي بيها البيت والاشجار والامكان الي حواليها الظهر گضيناها بالحديقة جانت الدنيا شتاء بس ماكو غيوم والشمس طالعة فالجو صدگ حلو كلش
.
.
شفت مكان فارغ بالجهة الثانية من البيت رحت عندها وواگفة افكر شنو اسوي بيها اجى غضب سألني گلتلو هاي اريد اسوي بيها حديقة واريد اني ازرعها واهتم بيها
.
.
غضب: تدللين حبيبي
ليندا: شرايك احط منا ازهار حمرات وبينهن اصفر ومناك ابيض ووووو
.
.
غضب: تحجي وتشرح اني اگللها اي بس صافن بيها وما مهتم للحديقة انتبهت انو اني مو مركز وياها بالحجي اندارت علي شافتني صافن بيها ابتسمت ونست السالفة كلها
.
.
ليندا: شنو
غضب: ماكو شي كملي
ليندا: شكمل
ليندا: سالفتج
ليندا: يا سالفة
غضب: هههههههههههههه اروح فدوة لسوالفج
.
.
ضميتها لصدري واخذتها نتمشى بالبيت گالتلي راسي يوجعني اخذتها ترتاح للغرفة قبل ما نوصل فقدت سندتها صحت لام مصطفى تجيبلي ماي لان جانت بالمطبخ اجت خطية تركض شلتها للغرفة وغسلت وجها صحت بس ذبلانة
.
.
ام مصطفى: اطلع غضب اريد ابقى وياها شوية
غضب: ليش شكو
ام مصطفى: شوية وتعرف
.
.
غصب: طلعت خارج ابو مصطفى وحسن سامعيني من صحت لام مصطفى واجو يشوفون شكو شوية وطلعت ام مصطفى من الغرفة وتضحك
.
.
ام مصطفى: انطيني البشارة
غضب: شكو
ام مصطفى: مبروك ليندا حامل بس اخذها لدكتورة تجيك وضعها احسن
.
.
غضب: من الفرح مادري شسوي حتى دموعي نزلت ومثل المخبل واگف بمكاني واضحك اخير شي حسن گلي روحلها شبيك صافن
.
.
رحت اريد اطلع خارج اسمعو يگول ولك منا يمعووود رجعت عالغرفة وهم خربو ضحك علي دخلت لگيتها صافنة اخذت راسها وبستها من گصتها قوي
.
.
ليندا: صدگ اني حامل
غضب: إن شاء الله يا روحي گومي وياي نروح للدكتورة
.
.
اخذتها وياي وتركت حسن رحنا للدكتورة حجزتلها وگعدنا ننتظر ام مصطفى حتى بشارتها ما اخذتها اجى دور ليندا دخلت عالدكتورة واني گاعد انتظرها
.
.
ليندا: دخلت عند الدكتورة ولان نسائية غضب بقى خارج ينتظر واني ماعرف شسوي
.
.
الدكتورة: تعالي بنيتي لا تخافين
ليندا: مو خايفة بس ماعرف شسوي
الدكتورة: اگعدي هنا واحجيلي ليش اجيتي من شنو تشكين
ليندا: الحمدلله مابي شي بس اعتقد حامل واريد اتأكد
.
.
اخذتلي سونار وكل شوية تبتسم كملت وكتبتلي علاجات وگلتلي الله يتمملج على خير حامل يتوم ولهذا السبب بين عليج بسرعة وتذگرت اللحم بعجين والتفاح گلتلها
.
.
گالت احتمال تشتهين اشياء بعد اغرب من هالشي بس لا تحرمين نفسج من شي واهتمي باكلج وشربج وهاي مثبتات وفيتمينات كتبتهن الج تشكرتها وطلعت
.
.
غضب: طلعت مبتسمة اجت تركض مثل الجاهل وياها صورة للسونار شفتها مامبين شي گلتلي اني حامل بتوم  مو معقول ياربي فرحة اكبر من الثانية الحمدلله على هاي الفرحة
.
.
اخذتها ورجعت للبيت اتصلت بحسين وگلتلو اخذ اجازة من شغلك وتعال للعنوان وجيب الاهل كلهم وياك وجيب لحم وشياش مال شوي
.
.
رجعنا وبشرنا حسن وابو مصطفى وام مصطفى وانطيتها بشارة 100 الف تغدينا وكملنا ورا الضهر اجو اهلي كلهم من بشرتهم طارو من الفرح بس امي مثل كل مرة بس گالت مبروك وسكتت
.
.
ابتسام گامت تبجي من الفرح لو هي حامل ما تفرح هيج ابوي وحسين فرحانين واية تگول بس يجون اخذهم الي نزلنا اللحم اني وحسن ووجهزناه وعلگنا نار وگعد نشوي اني وحسن وابوي وابوي مصطفى وحسين طلعو يتمشون بالمزرعة والنسوان بالحديقة يحجن ويا بعض
.
.
المغرب خلصنا شوي صلينا وانجمعنا كلنا عايلتنا وعائلة ابو مصطفى بالصالة تعشينا سوا وجهزنا جاي عالفحم طلع فدشي رهيب
.
.
ورا العشى بشوية ترخصو عائلة ابو مصطفى وراحو نامو لان مو متعودين عالسهر واحنا كملنا التعليلة اهلي اخذو الغرف الفوگ بال 11 اخذت ليندا ورحنا لغرفتنا
.
.
ليندا: تدري غضب شگد حلو احساس اني اكون مسؤولة عن 3 ارواح يعني لا روح ولا روحين وربي فرحانة فرح مو طبيعي
غضب: الله يتمملج على خير يا عمري واني هم فرحان اكثر منج ما تعرفين شگد صارلي انتظر هالفرحة هاي
.
.
ليندا: هم تضوج اذا اجن بنات
غضب: اذا يشبهنج لا واذا يشبهني اشمرهن على محمد
ليندا: هههههههه ومحمد شدخلو
.
.
غضب: مو هو يحبني فاكيد يحب بناتي لان مثل جهرتي
ليندا: هههههه زين اني هم احب جهرتك ما تخليهن الي
غضب: لا خيولن اني ابقى يمج
.
.
ليندا: اروحلك فدوة اني وبناتي
غضب: يا بعدهم كلهم خلي نتكاثر
ليندا: لا لا تكاثرنا كافي
.
.
غضب: سهيلةةةةة تعاي على ليندا
ليندا: اششششش فضحتنا يربي
.
.
جانت هاي وحدة من بين الاف المواقف الي فضحنا بيها غضب ولا يستحي ويحجي بكل جرئة گضينا وقت حلو كلش بالمزرعة يوميا نگعد على صوت العصافير نلگي ابو مصطفى جايب بيض وگيمر وحليب من ناس قريبين عندهم غنم
.
.
وغضب عجبتو فكرة الغنم وسأل ابو مصطفى گالو اذا يجيب ابقار او غنم يگدرون يهتمون بيها واكيد هم كيفو عالفكرة لان تفيدهم بالحليب هواي وهم يزيد راتبهم لان كلشي الو حصتو
.
.
مشت بينا الايام بين روحة للدكتورة وكل مرة تكتبلي بيها ادوية ما اخذها واذا اخذتها اذبها بالطريق وما استعملها بعد ما غضب اشترى المزرعة بشهر صار عرس محمد وحسن
.
.
جان من احلى الايام بالعمر ثنينهم اخواني وبالاخص انو اني اختاريت العواريس صارت فرحتي مضاعفة وعرسهم صار بقاعة وحدة وبيوم واحد غضب طلب مني البس ابيض وياهن بس رفضت
.
.
اولا اني تزوجت قبلهن وثانيا هذا اليوم يعتبر مميز للبنت فاكيد ما البس مثلها واخرب عليها فرحتها لهذا ما لبست مثلهن زفيناهم للفندق ورجعنا اني وغضب للبيت وثاني يوم رجعو
.
.
وبهاي الفترة غضب حجزلهم لتركيا وگاللهم السفرة على حسابو بس محمد ما قبل فصار بالنص نص على غضب ونص على محمد
.
.
حسن وندى طيور الحب دائما يسولفون ويضحكون وكأنو من زمان يعرفون بعض وهذا اكيد بسبب حسن لان بسرعة ينطي ميانة للواحد ويتعود عليه وندى هادئة ومحبوبة
.
.
بعد العرس بكم يوم راحو لتركيا احس البيت موحش بس وجود غضب مخفف علي ودائما نروح لبيت اهلو وللمزرعة وسوا مثل ما اريد
.
.
سوا بالجهة الثانية حديقة وحط بيها تراب بقى بس زراعة العشب والورود وبنى خارج البيت غرفة علمود يجيب بيها غنم بعد شهر رجعو محمد وحسن جنت واصلة بداية الشهر الخامس بالحمل ولان توم بطني بسرعة كبرت بطني
.
.
بعد ما اجو حسن وندى بكم يوم رحنا للمزرعة وابو مصطفى مجهزلي بذور مال ورد اول يوم ما زرعتها ثاني يوم الدنيا جانت حارة على اساس ازرعها واجلتها
.
.
بالليل حطو بلاجكتور (ضو قوي مثل اضائة الشوارع) وجهوه عالحديقة واخذت وياي فاس ورحت ازرعها وندى اجت تساعدني
.
.
مدنگة ودا احفر ما حسيت الا بماي اجاني فززني رفعت راسي لگيت حسن يضحك وندى صارت ماي واني اجاني شوية اخذت الفاس ورحت عليه وخليت غضب يمسكو
.
.
ويگول لغضب .. بربك شوفها شلون تمشي جنها بطريق وخربو هو وغضب من الضحك حتى اني وندى الي جنا زعلانات ضحكنا ورحت مسكت الصوندة واحطها فوگ راسو
.
.
وهو يريد يبعد وخربان ضحك وغضب ماسكو ويضحك وياه واشيل الصوندة واحطها فوك غضب وما احس الا ادين غضب حوطتني والصوندة صارت فوگنا الماي جان بيه برودة والدنيا ليل
.
.
گلتلو .. لا لا لا بارد بارد غضب فدوة .. حسن وگع بالگاع من الضحك غضب خربان ضحك اني تعودت على برودة الماي وگمت اضحك وياهم
.
.
اخذت الصوندة وگمت ارش على حسن وندى ام مصطفى شافتنا گامت تضحك علينا وراحت تنام احنا رحنا كل ثنين لغرفتهم بدلنا ملابسنا ورجعنا للحوش نلعب حزورات كل ثنين سوا واني وغضب فزنا عليهم
.
.
حركتي صارت ثگيلة گوة امشي محمد واية عايشين حياتهم بسعادة وثنينهم مكيفين ببعض ما مرة سمعت انهم متزاعلين من بعض بالعكس حياتهم كلها سعادة وفرح ودائما ادعي ربي تدوم سعادتهم
.
.
ندى ماكو منها حتى اختي ما تهتم بي مثلها شايلة البيت شيل ما تخليني اشتغل شي لان تشوفني صايرة برميل مخللة على گولة حسن
.
.
مرة من المرات جايب صورة براميل مثل الي يستعملهن الايدعشري بباب الحارة ويفتر بيها والي گدامو يگولو هاي صورة ليندا ومسويني مضحكة للرايح والجاي
.
.
من وصلت الشهر السابع غضب خلى سيارة الحجي عند حسن لان هو يروح بسيارتو للدوام وحسين عندو سيارة ويگول اذا صار ما صار السيارة تكون موجودة عند حسن لان الدكتورة گالت ممكن يجون بالسابع
.
.
جنس الجنين ما خليتها تحجيلي عنو كلشي يجي من ربي يا محلاه خليتها تكون مفاجأة ودائما نتعارك اني وغضب عالاسماء هو يگول .. عذاب وعقاب .. علمود يضوجني واني اتعارك وياه من كل عقلي وهو يكضيها يضحك علي ويروح يحرش حسن وحسن يكيف
.
.
حياتنا حاليا حلوة وربنا عوضنا عن كل حزن شفناه بحياتنا بدينا نجهز للاطفال من ملابس وفراشات وسريرين واكثر المرات اخلي ندى وحسن يروحون يجهزون لان اني اتعب بسرعة
.
.
وذوق ندى يخبل مثلها كلش حلوة وما تشتري الشي اذا ما تتأكد انو مناسب وحلو ودائما تجيب الوان ترهم للبنات والولد علمود اذا اجن توم بنات يرهملهن واذا ولد نفس الحالة
.
.
غضب ملتهي بشغلو بس گوة دا اصبر عنو اكثر من مرة يجي يلگيني ابجي على غيابو صرت من صدگ تفكيري مثل الاطفال ابجي لاسباب بسيطة وحسن وندى مگضينها ضحك علي
.
.
بس ندى اكثر المرات تعاتب حسن وتكعد تواسيني وتشاقيني علمود اضحك وانسى الزعل اية ومحمد كل فترة يجون علينا ومرات عمي خليل وعمتي يجون وياهم ودائما يمدحون من اية ويدعولها بالخير لان شايلتهم على كفوف الراحة ومو مخليتهم يحتاجون شي
.
.
نادية محد سمع عنها اي شي والكل نساها وبسبب افعالها حتى اولادها كرهوها فرح ونرجس كل مدة يجن على اهلهن ونروح نشوفهن ونتطمن عليهن
.
.
اسماعيل ابن نرجس محاول يراضي غضب وغضب مو راضي عليه بس الي عرفتو انو متندم عالي سواه وصاير خوش ولد ومتخرج ونرجس خاطبتلو بنت جانت تدرس وياه وبس يرتب وضعو يتزوج
.
.
وبدون محد يدري غضب انطى ١٠ ملايين لنرجس وگاللها زوجيه وافرحي بيه ولا تكوليلو مني وبعرسو راحو الكل بس اني وغضب مارحنا والسبب معروف
.
.
من دخلت بالشهر التاسع الكل دخل بحالة انذار غضب اخذ اجازة من شغلو وگابلني حسن وندى اعتكفو بالبيت وحسن مكيف يگول نتكاثر براحتنا
.
.
محمد واية دائما اتصالاتهم مستمرة غضب حتى بنومو ما يرتاح كل ما اتحرك يفز وما يگدر ينومني بحضنو لان اتضايق ومگضيها مسبات على جهالو
.
.
وكل ما يصير موقف هيج الكم وهيج لابوكم ويحجي من كل عقلو كانهم شباب وواكفين گدامو ومن. يريد يسبهم بشقى يگللهم ولد الحلوة او ولد الصاكة
.
.
يوم 10 بالشهر التاسع الساعة جانت 12 بالليل حسيت باوجاع بس ما اهتميت شوية شوية زادت گعدت غضب وگلتلو بطني توجعني وراح بسرعة گعد حسن وندى
.
.
بدلنا ورحنا للمستشفى الدكتورة گالت بعدلج اقل شي ساعتين للولادة روحي تمشي بهالساعتين لان تفيدج الحركة المستشفى جانو مسوين صالة شوية مساحتها جبيرة وصالة الولادة بعدها
.
.
من گلتلي الدكتورة تمشي عبالي تقصد بهاي الصالة طلعت اتمشى بيها وما خلوني طلعوني خارج المستشفى وغضب وحسن جانو هناك ينتظروني
.
.
غضب: ها شصار وياج
ليندا: بعد ساعتين وگالتلي الدكتورة تمشي بهالساعتين
غضب: وماعندهم مكان بالمستشفى تمشين بيه
ليندا: اكو صالة بس منعوني گالولي اطلعي برا
غضب: شو دمشي وياي
.
.
ليندا: رحنا داخل دخلني بالصالة وگال اذا احد گالج اطلعي خلي يجي يحجي وياي جنت دا امشي واجت ممرضة نفسيتها حشى القارئ انگس من النعال اريد افهمها ولا تتفاهم بس تصيح وتدفع قبل ما اطلع صاح بيها صوت غضب جمدها بمكانها
.
.
غضب: شبيج انتي منل الثور الهايج ما تشوفيها ما تگدر تمشي
الممرضة: خلي تطلع خارج ممنوع  احد يمشي بهاي الصالة
غضب: وهي راح تمشي هنا وابن زلمة الي يفك حلگو الا اشگو شگ
.
.
الممرضة: ما يصير هي مو…… قاطعها
غضب: توكلي منا بالتي هي احسن لا تخليني اهينج يلا انگلعي
.
.
ليندا: وجهها صار ينطي الوان وراحت شوية ورجعت وياها واحد من الامن وعبالها تگدر لغضب من اجى الحارس غضب طلعلو الباج شافو گام يتلعثم بالحجي واعتذر منو وراح هي من الصدمة بقت واگفة تقدم عليها غضب وگاللها
.
.
غضب: هيج احسلج مو گلتلج انگلعي ما اريد اهينج
الممرضة: وانت منو علمود تهيني
غضب: اني الضابط غضببببب
.
.
ليندا: تركتو وانهزمت هو اندار علي وغمزلي واني ضحكت على حركتو الدكتورات من شافن الممرضة انهانت ولا وحدة بيهن حجت
.
.
بقيت اتمشى بالصالة وصوت النسوان الي بالولادة مخيف واني منا شگد شجاعة احس راح يغمى علي من الخوف ندى جابها غضب عندي وسندتني وخايفة من صوت النسوان اكثر مني الوجع صار ما ينطاق اتذكر دخلت الصالة بال ٣ گعدت بال ٨ الصبح لگيت الكل متجمعين حولي ويباركولي
.
.
ليندا: وينهم
غضب: هسا يجيبوهم حبيبي ابقي مرتاحة
ليندا: شنو جنسهم
غضب: ولد وبنية
.
.
ليندا: بفرح .. صدك والله
غضب: اي يا عيوني صدگ
ليندا: اختاريتلهم اسامي لو لا
غضب: لا بعد يا روحي
.
.
ليندا: اريد منك طلب
غضب: امري وتدللي
ليندا: اريد البنية اسمها حلا
.
.
غضب: تدللين خلص البنت حلا والولد اسمو علي
ليندا: وين راح عذاب
غضب: خيولي عذاب شسوي بيه
.
.
ليندا: جابوهم مگمطين وجوهم مثل الملائكة من شفتهم نزلن دموعي من الفرحة واني احمد الله واشكرو بالبداية انطوني حلا ناعمة ومغمضة عيونها بوستها واخذها غضب اذن باذانها
.
.
واخذت علي جان جسمو مقارب جدا لحلا بس مبين ان هو اكبر منها رجعت بوستو واخذو غضب اذن باذنو واخذولهم فرة بين الموجودين كلهم واحد ينطيهم لواحد
.
.
بعدها رجعوهم وابتسام گالتلهم اطلعو خلي امهم ترضعهم طلعو كلهم بقى غضب وابتسام ساعدتني ابتسام ورضعتهم واخذوهم وراحو
.
.
جنت تعبانة ورجعت نمت وگعدت العصر سجلولي خروج وطلعت من المستشفى وياي فرحتين الحجية تكول الولد يشبه غضب من جان صغير والبنت مبينة عليج ورغم هي تكرهني بس ماكدرت تضم شعور فرحتها بجهال غضب طايرة من الفرح بيهم
.
.
اخذني غضب لبيت اهلو لان بيتنا صغير واكيد راح يجون خطار وهم گال ابتسام تساعدني بيهم لحد ما اتحسن وارجع مثل قبل وفعلا بدت النسوان يوميا رايحات وراجعات حتى اكو نسوان ما اعرفهن اية گالت جيرانا ومن سمعو مرة غضب جابت اجو
.
.
غضب جاب 3 خواريف ذبحهم واحد تميمة للبنت وثنين للولد ووزع اللحم عالناس الي حواليهم واكثر شي انطى للفقراء
.
.
محمد ترك اية عندي وكل يوم يجي عند غضب وكل ما تصيرلو فرصة يجي يشيلهم ويبوسهم ويروح انا ما اخليهم يفارگون حضني وبالليل انومهم عالسرير واخلي بيني وبينهم مسافة علمود ما انگلب عليهم بالليل لا قدر الله
.
.
بعد 10 ايام تحسنت وصرت اكدر اروح وارجع اية رجعت لبيتها هي ومحمد واني وغضب وحسن وندى رجعنا لبيتنا ووجود ندى كلش ساعدني وما انسى فضلها وتعبها وياي طول عمري
.
.
والحلو بالموضوع بعد ما رجعنا للبيت بيومين اكتشفت ندى انها حامل واجت تركض علي تبشرني حسن جان بالغرفة واحنا بالمطبخ
.
.
وطلعنا حجة اني اريد اروح للدكتورة واريدها وياي ومن اجى غضب تركنا الجهال عند حسن ورحنا وهو مكيف بيهم اخذتها للدكتورة الي رحتلها وكلتلها هاي زوجة حماي ونريد نتأكد عدها حمل لو لا
.
.
فحصتها وگالت حامل وصحتها وصحة الجنين كلش تمام تشكرنا منها وطلعنا وحبينا نفاجئ حسن بس ما نعرفو شلون رجعنا للبيت وسألت حسن
.
.
لو اجاك طفل شنو تتمنى تسميه گال سجاد گلتلو واذا بنت گال ندى تختار ندى گالت ليندا رجع حسن ايدها وخلوني اطير من الفرح
.
.
واتفقنا اني وندى نكتب اسماء الاطفال على ملابس من ملابس حلا وعلي الي مو مستعملينهن ونحطهن بفراش حسن ومن يريد ينام راح يشوفهن ونشوف شنو ردة فعلو
.
.
……… يتبع
لايكاتكم يا حلوين ❤️
شنو تتوقعون راح تكون ردة فعل حسن الخبل من يعرف ندى حامل