عشق طفله

البارت(42) عشق_طفله الكاتب#احمد

#عشق_طفلة
بقلم #احمد
البارت_42
.
.
ليندا: راح اروح لبيت عمي
غضب: ممنوع
ليندا: الله يخليك اخر مرة طلعت منو جنت متزاعلة وياه وما اريدو يبقى زعلان علي اروح اخليه يسامحني وارجع
.
.
غضب: تمام براحتج لعد بس ما تتأخرين عندو تسلمين عليه وتراضينو وترجعين انا راح اوكفلج بالباب علمود من تخلصين اوديج لبيت صديقتج
ليندا: تمام
.
.
رحنا وكف كدام بيت عمي وما نزل نزلت انا حاولت ما التفت لبيت اهلي بس شنو الي يقنع كلبي تمالكت اعصابي ودعيتلهم بالرحمة امشي وكل خطو احس بيها الف ذكرى ترجعلي
.
.
دخلت للبيت رغم بس عمتي هناء بالبيت بس بعدو نظيف ومرتب التفتت يمين يسار ماكو احد رجعت عند الباب ودكيتو من داخل علمود اعرف وينها نزلت من الطابق الثاني شافتني وانصدمت
.
.
بس انا انصدمت اكثر بشكلها مو عمتي الي اعرفها ضعفانة وتحت عيونها اسود ومبين عليها كبرانة بكد عمرها مرتين بهالفترة هاي
.
.
ركضتلها مثل طفلة وتركض لامها حظنتها وبنفس اللحظة انفجرنا بالببجي وخطية كأنها شايفة فهد من شافتني تسألني وتتطمن ومو مصدكة وجودي كدامها كلتلها ... عمتي ماكدر اتأخر زوجي ينتظرني خارج
.
.
هناء: وليش ما كلتيلو يدخل
ليندا: عمتي مستحيل يقتنع بس عفية خابري عمي خلي يجي اريد اسلم عليه قبل ما اروح
هنا: يلا ثواني
.
.
ليندا: واذا تريدين تشوفيني راح اروح لدلال تعالي هناك
هنا: دلال تزوجت
ليندا: ايمتى
هناء: قبل فترة
.
.
ليندا: اذا عندج رقمها خابريها كوليلها خلي تجي
هناء: من عيوني
ليندا: تسلم عيونج
.
.
خابرت عمي ورجعت خابرت طلعت عند باب الصالة شفت عمي اجى مستعجل وهم مبين عليه الكبر والتعب راح لغضب بالبداية سلم عليه بس غضب كوة يرد مو طايق عمي بس علمودي سلم عليه
.
.
اجى عمي اول ما دخل ركضتلو فتحلي حظنو حظنتو وادور بيه حنان عماد دموعو نزلن ويعتذر مني على كلشي سواه رفعت راسي
.
.
كلتلو ... عمي انا جيت علمود اعتذر منك على كلشي سويتو باخر فترة جنت طفلة وماعرف شنو سويت وتكلمت سامحني ولازم اروح زوجي ما يقبل كالي انا مسامحج وانتي هم سامحيني
.
.
تراضينا وكلتلهم اذا كدرت اجيكم غير مرة طلعت ركبت ويا غضب علمود يوصلني كدام بيت اهل دلال
.
.
غضب: بانزعاج شبعتي احضان لو بعد
ليندا: شنووو
غضب: جان ضروري تحضنين عمج
ليندا: اي لان هو بابا الثاني
.
.
غضب: انا اعلمج خلي نرجع للبيت الا املص اذانج
ليندا: ههههههههه لا تخاف ماكو حضن ياخذني منك
غضب: بابتسامة ... ملعونة تعرفين شلون تقشمريني
.
.
ليندا: حشاك ... المهم صديقتي مو هنا راح ابقى عند امها هسا تجي ... جنا واكفين كدام بيت اهل دلال ونحجي
غضب: ليش وينها
.
.
ليندا: تزوجت وخابرتها عمتي هسا تجي
غضب: يلا لعد ادخلي وانا العصر اجيج
ليندا: ماشي
.
.
نزلت دكيت الباب طلعلي راكان رحب بيه وطلع من البيت علمود اخذ راحتي دخلت داخل اسمع اصوات بنات يسولفن واستغربت منو هنا اذا دلال ماكو
.
.
دخلت ماكو احد بس الصوت جاي من المطبخ توجهت للمطبخ اول ما دخلت شفت بنت كاعدة عالكرسي ووجهها عالجهة الثانية والثانية تغسل مواعين تنحنحت اندارن علي
.
.
الي كاعدة جانت شودييه والي تغسل مواعين احلام وانصدمن تقدمت عليهن وابتسمت كمزن علي يبوسني ويسلمن علي
.
.
شودييه متعلمة عربي بس لهجمتها ضعيفة كلش دوبها تلفظ الكلمات بس مهما كان افضل من الهندي كعدت اسولف وياهن ويسألني عن حياتي ويتطمنن علي شوية واجت دلال الخبلة كمزت علي
.
.
دلال: ولج ارووووووح فدوة لحلوتنا
ليندا: ولج جعصتيني يمعوددددة
دلال: ههههههههه والله هذا الموجود عجبج اهلا وسهلا ما عجبج طبج مرض
ليندا: هههههههههه
.
.
حجينا ومثل المرة الماضية اجتمعن البنات بس ايمان ماكدرت تجي لان متزوجة ورايحة هي وزوجها على بغداد
.
.
قبل ما يجن نور وهديل نزلت ام راكان رحت سلمت عليها ورجعت سمعت دلال تحجي بهمس بس ما سمعتها دخلت وسكتت كلتلها شكو
.
.
دلال: ماكو شي
ليندا: متأكدة
دلال: ارتاحيتي احلام مو كلتلج اسكتي خلص يمكن انا حامل واحلام تكول الا تكوليلها
.
.
ليندا: بربج
دلال: يمكن مو اكيد
ليندا: إن شاء الله صحيح هههههههه
.
.
دلال: وانتي شصار وياج بالفترة الي راحت
ليندا: جريت حسرة هواي اشياء
دلال: وليش ضايجة خوما اذاج زوجج
.
.
ليندا: لو احجي على طيبة رجلي ما اخلص بس انخطفت قبل فترة وهو نقذني
البنات كلهن: شنوووووو
.
.
ليندا: جانت اكو بنت عندها عداوة ويا زوجي من زمان وخطفتني انا وابن حماي
دلال: اي وشصار
ليندا: الله لا يشوفكن الي شفتو والله ما اتمناها لعدوي
.
.
دلال: اذا ما تريدين تتذكرين لا تحجين
ليندا: لا حبي صار عادي عندي ذكر الحادثة ذيج
حجيتلهن القصة كلها من اتصالي بغضب لحد ما رجعنا من بغداد
.
.
دلال: يعني البنت انقتلت
ليندا: اي زوجي يكول اول ما لكوها قتلوها
دلال: وربي تستاهل
.
.
ليندا: حتى الله يرحمها ما اريد اكولها لهيج انسانة
دلال: اذا تكولين هيج اشك حلكج
ليندا: هههههه وشبيج معصبة علي ترا انا المخطوفة
دلال: انجبي عني دمي يفور
احلام: عوفيها ليندا ترا هاي هرمونات
.
.
ليندا: ضحكنا وحجينا ورا الغدا اجت عمتي هناء راحت دلال شوي واجت كالت عمتي هناء هنا طلعنا كلنا سلمنا عليها كعدنا مع بعض وهم حجيت قصة الخطف لعمتي وام راكان وكضنها يتحسبن على البنت
.
.
ورا صلاة العصر اجى غضب طلعتلو لكيتو ينتظرني
غضب: يلا للوش
ليندا: انطيني تيلفونك
غضب: ليش
ليندا: اريد اسجل رقم صديقتي بيه علمود اتصل عليها بعدين
.
.
اخذت تيلفونو دخلت صارت دلال بوجهي انطيتها التيلفون كلتلها بسرعة سجلي رقمج واحفظي رقم زوجي عندج علمود بعدين اتصل عليج
.
.
رحت تأكدت من شالي ولبست عباتي وسلمت عليهن وطلعت ركبت بالسيارة ومشينا
.
.
غضب: ليندا اكو شغلة اريد اشوفجياها بس راح تذكرج بالخطف تكدرين تتحملين
ليندا: شنو هي
غضب: اذا تكدرين نروح نشوفها سوا واذا ما تريدين غلسي عالموضوع
.
.
ليندا: اي اكدر
غضب: متأكدة
ليندا: اي متأكدة
.
.
غضب: بالفترة الي راحت كلها البنت ببيت صديقي مرات حسن يروحلها يوديلها اكل وماي ومرات انا بس كل هالشي مو علمودها اريد ليندا تواجهها واذا بكلبها شي تطلعو بيها
.
.
رغم اعرف كلبها نظيف وماتكدر تأذي احد بس كلت خلي تشوفها قبل ما تموت لان اذا شافتها ليندا واستلمتها انا تطلع من ايدي جثة مابيها اي روح
.
.
قررت من اجيبها من صديقتها اوديها تشوفها وكلت لابتسام احتمال نتأخر شوية واتصلت على حسن كلتلو انتظرني عند بيت صديقي رحنا هناك حسن ينتظرني
.
.
ليندا: وصلنا عند بيت لكينا حسن ينتظرنا وانا مستغربة ماعرف شكو بس ما سألت غضب كلت هسا يتوضح كلشي نزلنا سلمو على بعض حسن وغضب
.
.
حسن: ليندا تكدرين تتحملين
ليندا: ترا ماعرف شكو وليش هيج خايفين علي
حسن: عمي رجعها احسن
غضب: لا تخاف عليها
.
.
ليندا: خوفوني بوضعهم وتعاندو حسن يكول رجعها وغضب ما يقبل وانا ماعرف شسوي اولا اريد اعرف شكو وثانيا خايفة من اشوف هالشي ما اتحمل مثل ما يكول حسن
.
.
اخير شي غضب قنع حسن فتحو الباب ودخلنا البيت مهجور فارغ توجهو لغرفة ورحت وراهم فتحو الباب دخلت شفت بنت مربوطة ومتمددة بالكاع بس حالتها حتى الجلب احسن منها بالف مرة
.
.
جانت نايمة وشعرها على وجهها من سمعت اصواتنا كعدت رفعت راسها وبين وجها هي نفسها الي جانت تستمتع وتضحك على صراخي من شفتها فزيت ورجعت لورا وهي ابتسمت
.
.
غضب: هاي نفسها الي عذبتج سوي الي يعجبج بيها
البنت: شنو الفايدة بالاول والاخير انت خسرت التحدي
غضب: وشلون خسرت
.
.
البنت: كلتلي يومين وتخليها توكف على جثتي وهاي انا بعد شهرين وعايشة بعدني
غضب: اي صح بس راح اخليج تتمنين لو ميتة قبل شهرين
البنت: شوفني شعندك
.
.
غضب: ليندا سوي الي يعجبج بيها
ليندا: انا ما اريد شي منها الله ياخذ حقي منها
غضب: حسن اخذ ليندا للبيت
.
.
ليندا: غضب ابوس ايدك اتركها لا توسخ ايدك بدمها
غضب: لج انتي غبية ما تتذكرين شسوت بيج
ليندا: اتذكر كلش زين بس خلص خليها تولي
.
.
غضب: وشنو تريدين اتركها هيج
ليندا: اي شي المهم لا توسخ ايدك بدمها
غضب: تمام
.
.
ليندا: طلع تيلفون وطلع خارج اسمعو يحجي مع واحد وكالو تعال اخذها واسجنها ما اريدها تطلع وتشوف الشمس طول عمرها
.
.
غضب: يلا روحي مع حسن بس يجي صديقي الضابط ياخذها واجي وراكم
ليندا: طلعنا انا وحسن رحنا للبيت بس ما انكر ان جسمي كلو يرجف ما توقعت اشوفها كدامي
.
.
غضب: طلعت خارج سويت نفسي دا احجي ويا احد بس بالحقيقة ما اريد ليندا تعرف بالي راح اسويه دزيتها مع حسن علمود انفرد بيها
.
.
البنت: ما تستحي صارلك شهرين تهددني وبالاخير طلعت فاشوش مابيك كل خير
غضب: تطمني راح تعرفين الفاشوش  شيسوي
.
.
ربطت حلكها وطلعت خارج تأكدت من الشارع فارغ حطيتها بالسيارة وطلعت وديتها للمكان الي عذبت ليندا بيه وربطتها بنفس المكان فتحت حلكها وكلتلها .. شرايج بالمفاجأة
.
.
البنت: لا رد
غضب: اي هسا احجيلي عن كلشي
البنت: عن شنو بالضبط
.
.
غضب: شلون خططتي وشلون نفذتي ومن ايمتى هالشي ببالج
البنت: من اول مرة اجيتك للمركز وطردتني حلفت الا اخليك تتندم ورحت لملهى واشتغلت بيه وجان الملهى معروف ببغداد وجنت .....
.
.
غضب: قاطعتها ... شنو من بغداد
البنت: رحت لبغداد لان وصفولي الملهى هناك وكالو الي يجون كلها طاكين وعجبتني الفكرة
غضب: كملي
.
.
البنت: انا جانت هاي الفكرة ببالي من زمان بس للصراحة من رحت محد جان لامسني وجنت بعدني عذراء بس انحرفت لان جان ابوي يجيب ساقطاتو للبيت وما مهتم لوجودي
.
.
وانا بسببو صرت هيج ومن جيتك ردت اخلي ابوي يصير بمكاني من يجيب نسوان وياه للبيت ومن رحت للملى تعرفت على ابن مسؤول ومن عرفني عذراء تخبل علي
.
.
صار مثل الجلب جوا رجلي وين ما اريدو يمشي جنت مرات شكد ما احتقرو اخلي ينبحلي بالغرفة وهو ينفذ بدون تردد
.
.
غضب: اذا تحتقريه ليش بقيتي وياه
البنت: جنت اريد استدرجو شوية شوية لان هو عندو فلوس ما تاكلها النار ويكدر يجيبلي اي شي احتاجو علمود انتقم منك وبلشت اجمع معلومات عنك وعن اهلك كلهم وخليتو هو يدبرلي السيارات والي جانو وياي
.
.
غضب: بس اني شفتج عارية كدامهم كلهم
البنت: اولا جنت بس اتعرى كدامهم ما اخليهم يلمسوني وبذيج الليلة جنت اجهزهم علمود يغتصبون زوجتك
.
.
غضب: تحجي وانا دمي يفور عليها
البنت: المهم بعد ما رتبت وضعي وجمعت كل المعلومات عنك عرفت انت ماراح اكدرلك فقررت اخطف احد من اهلك وخليت ناس يراقبون بيتكم
.
.
من طلعت زوجتك وابن اخوك خطفناهم وبالبداية عبالي ليندا بنت اخوك ايه بس طلعت زوجتك لهذا عذبتها
غضب: ليش عذبتيها وهي بريئة ما الها ذنب
.
.
البنت: ليش من ايمتى الغلطان يتحاسب والبريئ يطلع سالم
غضب: تدرين لو جاية حاجيتلي على افعال ابوج بدون ما تأذين زوجتي جان خليت ابوج مثل الجلب جواج على افعالو
.
.
بس انتي غلطتي ومو غضب الينسى ويغلس وهسا جاوبيني منين تريدين ابلش واحسسج بالوجع الحست بيه زوجتي
.
.