عشق طفله

البارت(38) عشق_طفله الكاتب#احمد

راح انشر غشوشة بالستوري خلصو البارت وتوقعولي منو الي اخذ ليندا من غضب وهو ماكدر يسوي 😁😁
#عشق_طفلة
بقلم #احمد
البارت_38
غضب: شفت الرسالة ما وصلتو عرفت سكر واكيد كسر التيلفون يعني مجهز نفسو لكلشي ومضبط وضعو علمود ما نكدر نحصل منو اي دليل ابد
.
.
اهلي سألوني لان لاحظو اني اراسل وعصبي انطيتهم التيلفون شافو المحادثات وسألوني كلتلهم ماعرفو وانا دايخ لا يقبل يكول منو هو الي راسلني ولا يحجي شنو يريد بالضبط
.
.
بقيت الليل كلو كاعد وافكر شصاير هسا بليندا وحسن صارت الساعة ٨ الصبح وصلني طلب مراسلة عرفتو هو نفس الشخص دازلي اوك وافقت فورا كالي من اتصل عليك جاوب كلتلو اتصل اتصل علي فتحت الاتصال حاط اصبعو عالشاشة
.
.
غضب: منو انت وشنو تريد ماكو رد
احجي واريدو يرد ماكو شوية وقفل الاتصال يعني بس هيج يلعب باعصابي ويروح
.
.
حسين: منو هذا
غضب: هو نفسو الي راسلني
حسين: شيريد
غضب: مارد سكر الخط
.
.
شوية ورجع اتصل فتحتو هم حاط اصبعو عالكامرة بقيت ساكت وما حجيت شال اصبعو عن الكامرة طلعلي سقفية مالت سيارة نزل التيلفون على وجهو طلعتلي بنية
.
.
اهلي يريدون يعرفون شكو واشرتلهم بايدي علمود يسكتون وما يطلعون بالاتصال
.
.
البنية: شلونك يا الضابط ههههههههه
غضب: منو انتي
البنية: حقك ما تعرفني عندك هالحلوة اكيد ناسي الدنيا واهلها وياها ههههههه
.
.
غضب: جاوبيني منو انتي وشرايدة
البنية: لا يا غضب هالمرة انا الي اسأل وانت الي تجاوب لان هالمرة مو انت المسيطر عالوضع
.
.
غضب: بدون ما تنتبه اخذت لقطة للشاشة وكلتلها .. شتريدين تعرفين
.
.
البنية: تتوقع شكد يدفعون عليها مقابل ليلة وحدة
غضب: اذا عندج مشكلة وياي حليها وياي واتركي هاليتيمة خارج الموضوع
.
.
البنية: يتيمة؟ حلو يعني ماعندها شي تخسرو
غضب: دا اكلج ما دخلهاااا بالموضوووووع
البنية: قبل ما نكمل مثل ما تشوف احنا بسيارة اي سيارة شرطة تقترب او نلاحظ حركة غريبة راح نقتلها
.
.
غضب: محد راح يوصلكم بس المهم ما تأذوها
البنية: خوش
غضب: احجيلي شنو مشكلتج وياي وشتريدين بالضبط علمود تتركينهم
.
.
البنية: اريد اذلك مثل ما ذليتني
غضب: بشنو ذليتج
البنية: تتذكر من ابوي جان مسجون عندك وجيت عرضت عليك نفسي وضربتني وطردتني
.
.
غضب: اي تذكرتج بس اعتقد بهالشي حافظت على شرفج مو ذليتج
البنية: ههههههههه لا تحجيلي عالشرف لان اني بدون شرف ومن جيتك مو علمود ابوي لان هو ونعالي واحد بس عجبتني واخطأت بحقي وانا ما اسكت عن حقي
.
.
غضب: شتريدين هسا مني
البنية: اريدك تنطيني سعر للحلوة مالتك
غضب: اطلبي الي تريديه وهسا اجيبلج طلبج
.
.
البنية: لا مو الي الفلوس
غضب: لعد لمنو
البنية: اريد سعر اطلبو مقابل ليلة ويا الحلوة وتعرف هي حلوة وتجيب مربح كلش مفيد
.
.
غضب: اذا واحد تقرب منها اقسم بالله اخليج تتمنين الموت
البنية: ههههههههههه خوفتني بس تطمن تقربنا منها
.
.
غضب: كالت هيج فتحت عيوني على كبرهن من الصدمة حولت عالكامرة الخلفية شفت ليندا كاعدة وعيونها مربوطة ومبين عليها فاقدة الوعي ووجها ازرك وعلامة ضرب عليها احس دمي يفور وكلبي يريد يطك من القهر
.
.
البنية: منظرها هيج احلى من قبل
غضب: خليها عايشة يومين واذا ما خليتها توكف على جثتج اني مو غضب
.
.
البنية: اوك قبلت التحدي وعد يومين ماراح اخلي احد يقتلها بس ما اضمنلك غير شي يمكن واحد من الشباب الوياي يستمتع وياها عاد بكيفو هم يتدللون
.
.
غضب: حسن وينو
البنية: حسن مو ناوية ارجعو بصراحة حتى لو رجعتلك الحلوة
غضب: ليش ما ترجعينو
البنية: بصراحة عاجبني واذا ما اشبع منو ما اخليه يرجعلكم بس عندي سؤال الك
.
.
غضب: شنو
البنية: من اشبع منو تريدو يرجع مثل ما هو لو ارجعو بدون رجولة
غضب: ما راح تلحكين تشبعين منو صدكيني
.
.
البنية: اي صح لان يومين كلتلي بس شرايك بهاي
غضب: سحبت بلوزتها وطلعت صدرها كدامي
البنية: تعرف جان شبعت من ذني لو موافق على عرضي القديم بس تبقى حيوان وماتفهم
غضب: راح ياكلهن الدود بعد يومين
.
.
شفتها كلش ضاجت لان ما انطيت اي ردة فعل من سوت هيج وسكرتو بوجهي
اتصلت فورا على ناظم
.
.
غضب: ها شصار وياك
ناظم: طلعت الموقع وانطيتو لصديقك الضابط
غضب: اوك مشكور .. رجعت اتصلت عالضابط
.
.
الضابط: هلا ابو عذاب
غضب: شصار وياك
الضابط: هسا دا نراقب السيارة
.
.
غضب: دير بالك ترا بس ينتبهون لوجودكم راح يقتلون زوجتي لان وياهم بالسيارة
الضابط: لا تهتم مارح ينتبهون لان سيارة مدنية واكو مسافة بينا وبينهم
.
.
غضب: اوك وينكم انتو هسا علمود اجيكم
الضابط: لا تجي لان يعرفوك واذا شافوك يقتلوها انتظر مني اتصال
غضب: تمام انتظرك
.
.
الحجي: ها ابني شصار وياك
غضب: دا يراقبون السيارة
الحجي: ومنو خاطفهم وشيريد منهم
غضب: الخاطفهم متقصدني اني
الحجي: ليش متقصدك
.
.
غضب: هاي بنت ابوها جان محبوس عندي واجت عرضت نفسها علي علمود اطلعو ورفضت وهسا جامعتلها شلة جلاب وخاطفينهم
.
.
الحجي: وشنو يضمنلنا ما تقتلهم
غضب: إن شاء الله اليوم يرجعون
تركتهم وطلعت
.
.
وبالنسبة لناظم فاول مرة من اتصلت علي البنية ورجعت سكرت الاتصال انطيت الحساب لناظم ودزيتلو رقم الضابط علمود يتصل عليه وينطيه العنوان وانا احاول اخليها تلتهي لحد ما يوصلونها والحمدلله نجحت خطتي بس هسا باقي الامل ان ما يعرفون انهم مراقبين
.
.
ليندا: طلعنا انا وحسن قبل ما نوصل السوك وصلنا تقاطع بيها اشارات مرورية صايرة حمرة وكف حسن واجت سيارة من ورا دعمتنا
.
.
نزل حسن يشوف شكو فجأة تحاصرنا من ٤ سيارات وطلعو منهن زلم مسلحين ضربو حسن براسو وداخ وسحبوني صعدوني بوحدة منهن وواحد منهم ركب بسيارة حسن وانطلقو
.
.
كل هالشي صار باقل من دقيقة يعني مبين مفكرين بابسط التفاصيل علمود ينفذون بدون اي اخطأ
.
.
صعدوني بالسيارة وما احجيلكم على كمية الخوف والرعب الي حسيت بيها شفت بنت كاعدة كدامي وكرسيها باتجاهي مبين عليها كلش حلوة بس لبسها مو مستور صافنة بوجهي وساكتة كلتلها شتريدون منا انتو اشرتلي باصبعها اسكتي
.
.
ليندا: الله يخليج اتركينا
البنية: راح اتركج لا تخافين بس محتاجينج انتي والي وياج كم يوم
.
.
ليندا: واحد منهم حط وصلة على وجهي وفقدت كعدت لكيت نفسي بمكان مهجور وماكو احد حلكي مسكرينو وايدي مربوطات على بوري حديد صاير ورا ظهري
.
.
سمعت حركة بالجهة اليمين شفت واحد كاعد من شافني صحيت تركني وراح شوية اشتغلت الاضوية واجت البنية ووياها ٣ رجال كل واحد ماسك سلاح بايدو
.
.
البنية: صح النوم يا حلوة افتحو حلكها
ليندا: فتحو حلكي كلتلها شتريدن منا
البنية: شيصيرلج غضب
ليندا: زوجي
.
.
البنية: طلع يعرف يختار عبالي غبي
ليندا: منو انتي
البنية: سكرو حلكها خلي اشوف شغلي
.
.
ليندا: من كالت هيج كتلني الخوف عيوني دمعت اجى واحد منهم سكر حلكي بوصلة وشدها قوي علمود ما تنفتح بسهولة واجت البنية علي ضربتني راشدي لو كافر كدامها ما تضربو هيج ولان حلكي مسكر ماكدر اصرخ
.
.
رجعت ضربتني راشدي ثاني بعدين فتحت ادينها على وسعهن وطبكتهن على وجهي احس خدودي انشالن ويا ايدها دموعي صارن مطر من الوجع وكامت تتفنن بتعذيبي مرة راشدي مرة تضربني على بطني مرة على راسي وانا لا حول ولا قوة
.
.
جنت كاعدة لان مربوطة على بوري ناصي كالتلهم تعالو وكفوها اجو فكوني وربطوني على بوري عامودي وربطو بطني علمود يبقى جسمي على طول البوري
.
.
شفتها جابت صوندة تقريبا متر طولها وبلشت تضرب بي احس كل ضربها تطلع روحي وياها ولا اكدر اصرخ من الالم الي بي ولا اكدر اخلها تتوقف واحسها تضربني ضرب حاقد اهزلها براسي واريدها بس تتركني وما يفيد
.
.
الي وياها كاعدين على صفحة ويسولفون ويضحكون ولا كأنو اكو بشر قريب عليهم دا يتعذب
.
.
رجعت طلبت مكص وفتحت حلكي بس من كثر التعذيب مابقى عندي طاقة حتى اصرخ
.
.
فتحت شعري وكصتو من عند كتفي ورجعت خنكتني بالشال وتكول الا اخلي غضب يبوس رجلي علمود اتركج قبل ما ينقطع نفسي تركتني
.
.
رجعت خلتهم يربطون حلكي وراحت اجو الي وياها نزلوني وربطوني عالبوري القديم وراحو عيوني غوشن كوة اشوف بيها وشوية شوية زاد الغواش وفقدت
.
.
ورا ماعرف شكد من الوقت حسيت على مي بارد ووياه قطع ثلج انصب علي شهكت شهكة بحياتي مو شاهكة مثلها لكيتهم متجمعين كدامي
.
.
البنية: شرايكم بيها تفيدكم
واحد منهم: انطينياها ليلة وحدة شرط باجر اخليها حامل
البنية: شرايكم كلكم مع بعض
.
.
حسن: اذا بيكم زلمة واحد فكوني وواجهوني الي اتركوها
ليندا: يحجون وماعرف شنو يقصدون من سمعت صوت حسن انداريت عاليسار شفتو مربوط بس مو معذبينو وماعرف شكد صارلو لان من جانو يعذبوني ما سمعت صوتو
.
.
البنية: انت حصتي لازم اشبع منك
حسن: اموت ولا اوصل لوحدة نكسة مثلج
البنية: شنو رايك اخليها تشوفك وانت وياي لو نروح لحالنا
.
.
حسن: كلتلج اموت ولا اوصل وحدة نكسة مثلج
البنية: خلينا نتفق على شغلة
حسن: ما نتفق على شي
.
.
البنية: اختار لو انا وياك لو هو وياها
واشرت على واحد من الي وياها
حسن: اذا لمستوها احرككم حرك وربي
.
.
البنية: اختار
حسن: ما اختار
البنية: اوك روح اغتصبها
.
.
حسن: اوكفي لا يسويها
البنية: يعني تختارني
حسن: خلص الي تريديه بس لا تسوولها شي
.
.
ليندا: راحت تقربت من حسن كعدت عندو تحجي بصوت ناصي وتمشي اصبعها على وجه حسن وصوتها مو واضح لان شوية بعيدة
.
.
اشرتلهم بايدها الثانية اجى واحد منهم تقرب علي وضربني راشدي حسن احس راح يطك من الغضب ويصيح ويسب بيهم بس مايفيد
.
.
تركتو البنت ورجعت علي وبايدها بلايس كالت لحسن شنو رايك اكطع خشمها لو اشلع اضافيرها
.
.
حسن: اتركيها وشتريدين ننطيج
البنية: الي اريدو ماتكدر تنطونياه
حسن: واذا عذبتيها تحصليه
البنية: لا
.
.
حسن: لعد اتركيها مشكلتج ويا عمي تحليها وياه مو وياها هي ما دخلها
البنية: قنعتني
.
.
ليندا: اجت نزعت الوصلة الي على حلكي وحطت البلايس على صفحتني وكبستو على طارف صفحتي وعصرتو كل قوتها لدرجة ماكدر اوصف الالم وصراخي وصل لاخر الدنيا
.
.
حسن جن جنونو من يشوفهم يعذبوني فتحت البلايس ورجعت كبستو على صفحتي الثانية وكامت تشيلو من مكان وتكبسو بمكان وانا وسيلة دفاعي عن نفسي هي صراخي
.
.
اخير شي وكفت تتباها بالي سوتو راحت عند الي وياها كالتلهم شوفو هاي اللقطة واجت تركض علي ودفرتني ببطني من قوة الدفرة استفرغت دم من حلكي والوجع بشع لابعد الحدود وراها فقدت ماعرف شصار
.
.
غضب: طلعت من اهلي ركبت سيارتي وانتظر الضابط يتصل علي ورا نص ساعة تقريبا اتصل علي
.
.
الضابط: وصلو للمكان الي مستقرين بيه
غضب: انطيني العنوان
الضابط: (انطاه العنوان) راح اخابر اخليهم يدزولنا دعم علمود نقتحم المكان
.
.
غضب: لا لان بس يحسون بشي يقتلوهم
الضابط: وشنو الحل لعد
غضب: خليني اوصل ونشوف حل مناسب
الضابط: تمام انا بنتظارك
.
.
غضب: سكرت منو وانطلقت باقصى سرعة شوية ووصلت الضابط
.
.
الضابط: ذاك المكان وذيج السيارة
غضب: اكو احد يراقب المكان منهم
الضابط: من وصلنا لحد الان ما شفنا احد
غضب: اخفو السيارات وخلينا ننتظر لليل لان هسا مانكدر نسوي شي
.
.
الضابط: انطى امر للي وياه يخفون السيارات واحنا صايرين بمكان ناصي ما يشوفونا منو وبقينا ننتظر بس احس كل دقيقة سنة وانا انتظرهم
.
.
ليندا: بعد مدة ماعرف شكد حسيت انصب علي ماي بارد بس من التعذيب الشفتو ولان صارلي هواي مماكلة شي احس جسمي مابيه ذرة طاقة وكوة مفتحة عيوني
.
.
البنية: غضب اخذلج عطوة يومين علمود نبقيج عايشة
ليندا: اقتلوني وخلصوني
البنية: لا اريد اشوف زوجج الطلي شراح يسوي
.
.
ليندا: اذا عندج ذرة رحمة اقتليني وخلصيني من العذاب الي عايشة بيه
البنية: باستهزاء ... لا لا منو عذبج ترا جنا نتشاقة بس منا ليومين تشوفين شي بحياتج مو شايفتو ولا راح تتخيلين تشوفينو بيوم
.
.
ليندا: كالت هالحجي وراحت جسمي كل جزء منو يوجعني انداريت عاليسار شفت حسن موجود ووجهو صاير احمر من العصبية بس محد منهم متقرب منو
.
.
بقيت كاعدة بمكاني واحس بوجع فضيع ببطني وكأنو سجاجين تكطع بيها الدنيا صارت عصر ومن قلة الاكل فقدت الوعي مرة ثانية
.
.
غضب: انتظرنا لليل من صار المكان ظلام تقدمنا بدون سيارات ونحاول ما نخلي احد يلاحظنا الضابط الي وياي والشرطة كل واحد وياه مسدس واني وياي مسدس
.
.
تقربنا من المكان جانو مشغلين مولد كهرباء وكاعدين بالمكان الي محبوسين بيه ليندا وحسن صرنا بصفحة وبدينا نراقب ونشوف كم واحد هم
.
.
شفنا البنت الي حجت وياي واكفة بدون ملابس والي وياها مسوين دائرة حواليها (ماراح اذكر الاحداث لان كلش خادشة  للاخلاق)
.
.
اغتنمنا فرصة انهم ملتهين مع بعض وتاركين اسلحتهم جانو ٨ شباب ووياهم البنية واحنا ٤ انا والضابط وويانا ثنين جان المكان بيه اكثر من مدخل فصرنا من ٤ اتجاهات كل واحد وكف عند مدخل
.
.
انطيتهم اشارة اول ما شافوني اطلقنا النار عليهم كل واحد مننا قتل ثنين منهم ما خليناهم يلحكون يوصلون اسلحتهم بقيت بس البنية عايشة وجهها صار اصفر من الخوف
.
.
كلت للضابط اربطوها ولا تجيب طاريها بالتحقيق ورحت ادور على حسن وليندا سمعت صوت حسن يصيح عمي رحت ركض على مصدر الصوت لكيتو مربوط فكيت الحبل وسألتو ليندا وين
.
.
حسن: ذيج عاليمين بس الحكها قبل ما تموت
غضب: انداريت عليها وياريت ما شفتها
.
.
وجها ازرك شعرها مكصوص ملابسها وصخة وبعض اماكن يابس بيها الدم وفاقدة الوعي صحت عالضابط كلتلو خلي واحد يجيب السيارة بسرعة ورحت عليها فكيت الحبل المربوطة بيه
.
.
شلتها بين اديني عبارة عن جثة طلعت اركض لكيت سيارتهم محظرها واحد من الجنود حطيت ليندا بيها وانطلقت للمستشفى
.
.
اول ما وصلت شلتها بايدي ودخلت ركض اول ما شافوني الي بالطوارئ ركضو جابو سدية حطيتها عليها واخذوها ركض دخلوها بغرفة وطلعوني منها
.
.
شوية واجت دكتورة دخلت عليها وانا انتظرهم على نار اتصل علي الضابط رديت طلع حسن يسألني شيسوي بالبنية الي مسكناها كلتلو اخذها احبسها بالبيت الي جنا بيه انا وليندا وسكر حلكها علمود ما تصرخ وروح عالبيت طمنهم .
.
.
سكرت منو وبقيت انتظر طبعا بهاليومين تيلفوني ما سكت كلها تتصل وتسأل انتظرت ساعتين طلعت الدكتورة
.
.
الدكتورة: شتكونلك المريضة
غضب: زوجتي
الدكتورة: المريضة متعرضة لتعنيف كلش قوي
غضب: وشلون حالتها هسا
.
.
الدكتورة: احنا ضمدنا جروحها ومانعرف ايمتى تكعد بس اذا كعدت لا تخلونها تاكل اكل ثكيل لحد ما تطيب معدتها
غضب: ليش شبيها معدتها
.
.
الدكتورة: مضروبة ضربة كلش قوية عليها وبصراحة ماعرف شلون تحملت هالالم على كل حال الله يشفيها الك وراح انطي خبر للشرطة علمود من تكعد ياخذون اقوالها
.
.
غضب: دكتورة جانت مخطوفة والضابط الي مسؤول عن قضيتها شوية ويجي
الدكتورة: الحمدلله على رجعتها
غضب: مشكورة دكتورة اكدر اشوفها
الدكتورة: راح يطلعوها على غرفة خاصة تكدر هناك تشوفها
.
.
غضب: راحت واتصلت على الضابط كلتلو من يصير عندك مجال تعال للمستشفى شوية وطلعو ليندا وجها مضمد احس اشتعلت بنار من منضرها
.
.
اخذوها على غرفة دخلت عليها تقربت على السرير مسكت ايدها وامسح عليها مثل طفل وماسك ايد امو ما اريد اتركها
.
.
شعرها الي جان بطولها مكصوص لحد اكتافها وكل تفصيل متأذي منها يزيد حقدي للبنت الخطفتها بقيت وياها بالغرفة للصبح اجى حسن والحجي وابتسام دخلو
.
.
ابتسام كلبتها مناحة على ليندا كلتلها غطي شعرها خاف يجون الدكاترة انا شوية واجي اخذت حسن ورحنا للبيت الي بيه البنت
.
.
وصلنا كلت لحسن انت ابقى بالصالة وانتظرني والبنت جانت بالمخزن دخلت عليها تباوع بكل عين صلفة بس ماتكدر تحجي لان مسكر حلكها تقربت عليها فتحت حلكها ضحكت ضحكة بنات ليل وكالت باقي 24 ساعة
.
.
غضب: 24 ساعة على شنو
البنت: على تنفيذ وعدك بس ماعتقد راح تكدر توكف بعد حبيبة كلبك

.
.
غضب: باستهزاء ... وشنو الي يخليج واثقة
البنت: لان اعرف شغلي ماراح يروح هباء اكيد منا لشهر تبقى فاقدة ويجوز تموت عاد اذا تموت تسوي فضل
.
.
غضب: تعرفين شنو الفرق بينج وبيني
البنت: شنو
غضب: انتي حيوان كل تفكيرج بشهوتج اما انا فحيوان ثاني بس تفكيري بالانتقام
.
.
البنت: هههههههههه توقعتك راح تكول انتي حيوان وانا ملاك
غضب: الملاك الي بداخلي يطلع كدام الي نايمة بالمستشفى فقط لذلك حظج زفت لان راح يكون كدامج الحيوان الي همو الانتقام
.
.
بس لا تخافين ماراح اسويلج شي قبل ما اعرف كلشي سويتيه بليندا علمود ارجع اضوكو الج
.
.
البنت: لا تنتظر اسأل ابن اخوك لان جان شاهد على كلشي جان مربوط مثل الطلي وحبيبة كلبك صراخها واصل لاخر الدنيا
.
.
غضب: كوة ماسك اعصابي وما اريد اضربها بالوقت الحالي
البنت: يلا روح اسألو خلي يحجيلك شسويتلك بحبيبتك
غضب: طبعا احب اشكرج على هالمعلومة
البنت: وليش تشكرني
.
.
غضب: خففتي عن ليندا موضوع التعذيب لان ما اريدها ترجع تتذكرو
.
.
سكرت حلكها وطلعت منها قفلنا البيت انا وحسن ورجعنا عالمستشفى بعدها نايمة ابوي رجع للبيت وانا وحسن وابتسام بقينا عند ليندا
.
.
قبل الضهر اجى الضابط كلتلو اذا تريد تحقق بالموضوع حسن جان موجود وياها وشاف وسمع كلشي ليندا ما اريد احد يحقق وياها ابد
.
.
الضابط: اصلا ما احتاج حسن يحجيلي
غضب: ليش
الضابط: اذا حققت ويا حسن فراح تنذكر البنت بالتحقيق وراح يطلبوها علمود تتحاكم
.
.
غضب: وشنو راح تسوي هسا
الضابط: لا تخاف سويت تقرير كامل بس لازم يوقع حسن عليه ويبصم وليندا كذلك من تصحى وبهالحالة البنت راح تختفي محد يعرف عنها شي
غضب: عاشت ايدك خوش حل
.
.
جنا واكفين بالممر دزيت على حسن وقع وبصم على المقال المكتوب وبقى بس ليندا تكعد وتبصم وتوقع وهالشي ارتاحيت من ناحيتو لان اذا يحققون وياها راح تتذكر كلشي وانا اريدها تحاول تنسى لان اكيد اذا تتذكر راح تتأذى
.
.
الضابط راح وكلت لحسن اروح للبيت ابدل ملابسي وارجع اذا صار وياكم شي خابروني طلعت ميت تعب ليلتين عيوني مو شايفة النوم
.
.
وصلت البيت لكيتهم كاعدين بالصالة سألو على ليندا كلتلهم نايمة بالمستشفى واني صاعد اسبح واروحلهم صعدت سبحت احس جسمي خدر تحت الماي
.
.
خلصت ولبست ملابسي ورجعت للمستشفى الدنيا جانت عصر كاعدين نحجي وسمعنا صوت ليندا تون دزيت حسن عالدكتورة وتقربنا انا ابتسام عليها نحجي وياها ماترد بس مغمضة عيونها وتون من الوجع
.
.
اجت دكتورة ويا حسن فحصتها كالت وضعها احسن راح انطيها مهدئ علمود ترجع تنام وما تتوجع انطتها مهدئ وراحت طلبت من حسن وابتسام يروحون يرتاحون ما قبلو
.
.
بقيت كاعد على اعصابي انتظرها تكعد مشتاك لصوتها لضحكتها لطولها
.
.
انتبهت لنفسي معقولة انا غضب الي جنت اكول مستحيل اكو بنت شريفة ومستحيل بنت تعجبني هسا انتظر ليندا بس تكعد علمود يرتاح كلبي وين جنت ووصرت فعلا ساعات الغضب الواحد لا تفكيرو ولا مشاعرو نفسهن
........ يتبع
توقعاتكم الحلوة❤
ترا 2500 كلمة الي يكول قليل اتعارك وياه واخلي غضب يسجنو 😒